TG

TG· 21 Aug 2026

ఉన్న నీటితోనే పంటలు కాపాడుకోవాలి: ఉత్తమ్

TG: నాగార్జునసాగర్‌లో నీటి నిల్వలు తగ్గిపోవడంతో రైతులు పంటల సాగుపై ఆచితూచి నిర్ణయం తీసుకోవాలని నీటిపారుదల శాఖ మంత్రి ఉత్తమ్‌కుమార్‌రెడ్డి హెచ్చరించారు. రాష్ట్రంలో ప్రస్తుతం 31 శాతం వర్షపాతం లోటు ఉందని, సెప్టెంబరు, అక్టోబరు నెలల్లోనూ ఆశించిన స్థాయిలో వర్షాలు కురిసే పరిస్థితి లేదని నిపుణులు చెబుతున్నారని తెలిపారు. సూర్యాపేట జిల్లాలో పలు అభివృద్ధి కార్యక్రమాలను ప్రారంభించిన మంత్రి, MBC (మహాత్మా గాంధీ ముక్త్యాల బ్రాంచ్ కెనాల్) ఎత్తిపోతల పథకాన్ని ఆయన పరిశీలించారు.

TG· 21 Aug 2026

ఇక ప్రతి ఫిర్యాదుకూ పరిష్కారం: పొంగులేటి

TG: రాష్ట్రంలోని 22ఏ నిషేధిత భూముల సమస్యలపై ప్రజల నుంచి కాల్ సెంటర్‌కు వస్తున్న ప్రతి ఫిర్యాదును పరిష్కరించేలా చర్యలు తీసుకోవాలని రెవెన్యూ శాఖ మంత్రి పొంగులేటి శ్రీనివాసరెడ్డి అధికారులను ఆదేశించారు. హైదరాబాద్‌లో నిర్వహించిన టెలికాన్ఫరెన్స్‌లో పలు జిల్లాల్లో 22ఏ భూముల పరిస్థితి, పెండింగ్ దరఖాస్తులపై సమీక్షించారు. ఇప్పటివరకు కాల్ సెంటర్‌కు సుమారు 400 ఫిర్యాదులు వచ్చినట్లు తెలిపారు. ప్రతి ఫిర్యాదును సంబంధిత అధికారులకు వెంటనే పంపించి, సమస్య పరిష్కారమయ్యే వరకు పర్యవేక్షించాలని మంత్రి సూచించారు.

TG· 20 Aug 2026

జనసేన ఎంపీ కొడుకుపై FIR!

TG : హైదరాబాద్ మాదాపూర్ ఇనార్బిట్ మాల్ దగ్గర ఈ నెల 16న రోడ్డు దాటుతున్న భారతి (26) అనే యువతిని ఓ కారు వేగంగా వచ్చి ఢీకొట్టింది. తీవ్రంగా గాయపడిన ఆమె ఆస్పత్రిలో చికిత్స పొందుతూ మరణించింది. నిర్లక్ష్యంగా కారు నడిపి ఆమె మరణానికి కారణమయ్యాడని AP జనసేన రాజ్యసభ MP రమేష్ కొడుకు సంజూష్‌పై BNS 106(1) సెక్షన్ కింద కేసు నమోదైంది.

▶

TG· 20 Aug 2026

GO 97ను రద్దు చేయాల్సిందే : RS ప్రవీణ్ కుమార్

తెలంగాణలో విద్యార్థులు GO 97కి వ్యతిరేకంగా రోడ్లపై పోరాడుతుంటే, సీఎం రేవంత్ రెడ్డి లండన్‌లో ఎంజాయ్ చేస్తున్నారని BRS నాయకుడు RS ప్రవీణ్ కుమార్ విమర్శించారు. పోలీసులు విద్యార్థుల గొంతు నొక్కే ప్రయత్నం చేస్తున్నారని అన్నారు.<br>ఎవరినీ సంప్రదించకుండా స్కిల్ యూనివర్సిటీ ఎందుకు పెట్టారని, TASK ఉండగా మళ్లీ ఇదెందుకని అడిగారు. 1982 ఎడ్యుకేషన్ యాక్ట్‌కు వ్యతిరేకంగా ఉన్న ఈ జీవో రద్దు చేసేవరకు BRS విద్యార్థులకు అండగా పోరాడుతుందని చెప్పారు.

TG· 20 Aug 2026

మంత్రి కొండా సురేఖ మాజీ ఓఎస్డీపై కేసు

TG: దేవాదాయశాఖ మంత్రి కొండా సురేఖ మాజీ ఓఎస్డీ సుమంత్‌పై మేడిపల్లి పోలీసులు హత్యాయత్నం కేసు రిజిస్టర్ చేశారు. రాడ్లతో దాడి చేసినట్టు గొంగడి హరికృష్ణ ఇచ్చిన ఫిర్యాదుతో అతనితోపాటు మరో ఐదుగురిపై 109 సెక్షన్ నమోదు చేశారు. జీరో ఎఫ్ఐఆర్ నమోదు చేసి కేసులు జూబ్లీహిల్ప్ స్టేషన్‌కు ట్రాన్స్‌ఫర్ చేశారు. అధికారులపై ఒత్తిడి, కాలుష్య పరిశ్రమల నిర్ణయాల్లో జోక్యం వఆరోపణలు రావడంతో గతేడాది అతణ్ని ప్రభుత్వం ఉద్యోగం నుంచి తొలగించింది.

TG· 20 Aug 2026

PCCకి కొండా సురేఖ వివరణ.. నోటీసుపై సురేఖ ఫైర్‌!

TG: PCC క్రమశిక్షణ కమిటీకి కొండా సురేఖ వివరణ ఇచ్చారు. తన కూతురు సుస్మిత చేసిన కామెంట్స్ ఆమె పర్సనల్ ఒపీనియన్ అని తెలిపారు. ఒకరి అభిప్రాయాలకు మరొకరిని బాధ్యులుగా చేయడం సరికాదన్నారు. తనను బాధ్యురాలిని చేయడం న్యాయ స్ఫూర్తికి విరుద్ధమని పేర్కొన్నారు. కాంగ్రెస్‌పై తనకు పూర్తి గౌరవం ఉందన్నారు. సుస్మిత వ్యాఖ్యలతో తనకు ఇన్‌వాల్వ్‌మెంట్ లేదని స్పష్టం చేశారు. తనకు ఇచ్చిన నోటీసును విత్‌డ్రా చేసుకోవాలని PCC క్రమశిక్షణ కమిటీని కోరారు.

TG· 20 Aug 2026

సంఘంగా ఏర్పడిన జగదాంబ ఫేస్ టు ప్లాట్ల స్కీమ్ బాధితులు

TG: డబ్బులు చెల్లించి ప్లాట్లను పొందినా అవి దక్కకపోవడంతో బాధితులంతా సంఘంగా ఏర్పడ్డారు. రంగారెడ్డి జిల్లా షాద్‌నగర్ మున్సిపాలిటీ పరిధిలోని చటాన్‌పల్లిలో 2013లో జగదాంబ ఫేస్ టు పేరిట ప్లాట్ల స్కీమ్ ఏర్పాటు చేశారు. 6.11 ఎకరాల వెంచర్‌లో వాయిదాల ద్వారా రూ.1.30 లక్షలిచ్చిన వారికి ప్లాట్లు రాసి ఇచ్చారు. గత ఏడాది నుంచి ప్లాట్ల యజమానుల వారసులం అంటూ కొందరు వచ్చి చుట్టూ ప్రహరీ నిర్మించారు. 250 మంది బాధితులు సంఘంగా ఏర్పడి పోరాటం చేస్తున్నారు. మిగతా బాధితులు తమతో కలిసి రావాలని కోరుతూ బోర్డును ఏర్పాటు చేశారు.

TG· 20 Aug 2026

బాలాపూర్ మర్డర్ మిస్టరీ క్లోజ్!

HYD బాలాపూర్ PS పరిధిలో జరిగిన యువతి హత్య కేసును పోలీసులు సాల్వ్ చేశారు. బిస్మిల్లా కాలనీకి చెందిన సలాం, బీహార్‌కి చెందిన రెహానా లవ్‌లో ఉంటూ లివ్-ఇన్ రిలేషన్‌లో ఉన్నారు. రెహానా ప్రెగ్నెంట్ అవ్వడంతో మ్యారేజ్ చేసుకోమని ప్రెజర్ చేసింది. దీంతో సలామ్ ఈ నెల 17న ఆమెను కత్తితో పొడిచి, తాడుతో మెడ బిగించి హత్య చేశాడు. ఈ క్రైమ్‌లో సలామ్ మదర్ ఆయేషా బేగం హెల్ప్ చేసింది. డెడ్‌బాడీని సంచిలో దాచే క్రమంలో పోలీసులు వీరిని అరెస్ట్ చేసి రిమాండ్‌కు తరలించారు.

▶

TG· 20 Aug 2026

దోమల గుంపులతో లంగర్‌హౌజ్‌ హడల్‌.. జనం ఆందోళన!

TG: హైదరాబాద్‌ లంగర్‌హౌజ్‌లో దోమలు దండు. దోమలు గుంపులుగా తిరుగుతున్న విజువల్స్‌ను స్థానికుడు వీడియో తీసి సోషల్‌ మీడియాలో పోస్ట్‌ చేశాడు. దీంతో డెంగ్యూ, మలేరియా వంటి సీజనల్‌ డిసీజెస్ వ్యాపించే అవకాశముందని స్థానికులు టెన్షన్ పడుతున్నారు. శానిటేషన్ లోపం, కాలువలు సరిగా లేకపోవడంతో దోమల బ్రీడింగ్‌ స్పాట్స్‌ పెరుగుతున్నాయని ఆరోపిస్తున్నారు. వెంటనే ఫాగింగ్‌, యాంటీ-లార్వల్ స్ప్రేయింగ్ చేయాలని శానిటేషన్ డిపార్ట్‌మెంట్‌ను కోరుతున్నారు.

TG· 20 Aug 2026

NET పరీక్షల రద్దుపై విద్యార్థుల బిగ్ ప్రొటెస్ట్

TG: UGC-NET పరీక్షల రద్దును నిరసిస్తూ హైదరాబాద్‌లో దిశా స్టూడెంట్స్ ఆర్గనైజేషన్ ఆధ్వర్యంలో ఆందోళనకు పిలుపునిచ్చారు. నేషనల్ టెస్టింగ్ ఏజెన్సీ నిర్వహణ తీరును తప్పుబడుతూ విద్యార్థులు నిరసన ప్రదర్శన చేపట్టనున్నట్లు నిర్వాహకులు తెలిపారు. పరీక్షలను రద్దు చేయడం ఎన్‌టీఏ వైఫల్యానికి మరో నిదర్శనమని ఆరోపించారు. NTAను రద్దుచేసి, పరీక్షల నిర్వహణలో సమూల మార్పులు తీసుకురావాలని డిమాండ్ చేశారు. ఇవాళ (ఆగస్టు 20న) మధ్యాహ్నం 3గంటలకు హైదరాబాద్‌లోని ధర్నాచౌక్‌ వద్ద నిరసన కార్యక్రమం నిర్వహించనున్నట్లు తెలిపారు.

TG· 20 Aug 2026

దభోల్కర్ హత్యకు 13 ఏళ్లు.. నిరసనకు పిలుపు

TG: మూఢనమ్మకాల నిర్మూలన కోసం పోరాడిన <a href="https://www.theclearcutnews.com/n/aK7JuvZ">నరేంద్ర దభోల్కర్ </a>హత్యకు 13ఏళ్లు పూర్తైన సందర్భంగా తెలంగాణ మూఢనమ్మకాల నిర్మూలన చట్ట సాధన సమితి నిరసనకు పిలుపునిచ్చింది. దభోల్కర్ హత్యకేసులో స్థానిక కోర్టు నిందితులకు యావజ్జీవ కారాగార శిక్ష విధించగా, హైకోర్టు విచారణ కొనసాగుతున్న సమయంలో మధ్యంతర బెయిల్ మంజూరు చేయడం, శిక్షను నిలిపివేయడాన్ని తీవ్రంగా ఖండించింది. బెయిల్‌ను రద్దుచేసి కింది కోర్టు విధించిన శిక్షను కొనసాగించాలంది. దభోల్కర్ వర్ధంతి సభకు ముందు నల్ల దుస్తులు, నల్లజెండాలతో నిరసన చేపట్టాలని పిలుపునిచ్చింది.

TG· 20 Aug 2026

దభోల్కర్ వర్ధంతి సందర్భంగా ప్రత్యేక కార్యక్రమం

TG: మూఢనమ్మకాలను ప్రశ్నిస్తూ వైజ్ఞానిక దృక్పథం కోసం జీవితాంతం పోరాడిన డా. నరేంద్ర దభోల్కర్‌ను స్మరించుకుంటూ ఇవాళ (ఆగస్టు 20న) హైదరాబాద్‌లో నేషనల్ సైంటిఫిక్ టెంపర్ డేను నిర్వహించనున్నారు. దభోల్కర్ వర్ధంతి సందర్భంగా మూఢనమ్మకాలను తిరస్కరించి, విజ్ఞానాన్ని స్వీకరించాలని నిర్వాహకులు పిలుపునిచ్చారు. ప్రశ్నించడం, హేతుబద్ధంగా ఆలోచించడం, ఆధారాలను పరిశీలించడం వంటి శాస్త్రీయ విలువలను ప్రజల్లో పెంపొందించాల్సిన అవసరాన్ని వివరించనున్నారు. బాగ్‌లింగంపల్లిలోని సుందరయ్య విజ్ఞాన కేంద్రంలో కార్యక్రమం జరగనుంది.

TG· 20 Aug 2026

డిమాండ్లు పరిష్కరించకపోతే ఉద్యమం తప్పదు

తెలంగాణ విద్యుత్ సంస్థల్లో పనిచేస్తున్న ఉద్యోగులు, ఆర్టిజన్లు, పెన్షనర్ల సమస్యలను వెంటనే పరిష్కరించాలని విద్యుత్ ఉద్యోగ సంఘాల ఐకాస డిమాండ్ చేసింది. ఉద్యోగుల సమస్యలపై ప్రభుత్వం స్పందించకపోవడంతో హైదరాబాద్‌లోని ఛలో విద్యుత్ సౌధ పేరుతో మహాధర్నా నిర్వహించారు. రాష్ట్రంలోని వివిధ ప్రాంతాల నుంచి భారీగా తరలివచ్చిన ఉద్యోగులు ప్లకార్డులతో నిరసన తెలిపారు. వేతన సవరణ కమిటీ ఏర్పాటు, ఖాళీ పోస్టుల భర్తీ, ఆర్టిజన్లకు క్యాడర్, సీనియారిటీ, ప్రమోషన్లు, సర్వీస్ బెనిఫిట్స్ కల్పించాలని డిమాండ్ చేశారు.

TG· 20 Aug 2026

పొంగులేటిని వెంటనే బర్తరఫ్ చేయాలి: హరీశ్‌రావు

TG: 22ఏ భూముల వ్యవహారంపై మాజీ మంత్రి హరీశ్‌రావు తీవ్ర ఆరోపణలు చేశారు. సెటిల్మెంట్లు, కమీషన్ల కోసమే ప్రైవేట్ భూములను 22ఏ నిషేధిత జాబితాలో చేర్చారని ఆరోపించారు. బాధితులకు అండగా హైదరాబాద్‌లోని తెలంగాణ భవన్‌లో BRS‌ లీగల్‌ సెల్‌ ఏర్పాటు చేసి, 10మంది న్యాయవాదులతో ఉచిత న్యాయసాయం అందిస్తామని ప్రకటించారు. తెలంగాణ భవన్‌లో 22ఏ నిషేధిత భూములతో నష్టపోయిన బాధితులతో ఆయన మాట్లాడారు. ఆంక్షలతో లక్షలాది మంది ఇబ్బందులు పడుతున్నారని, మంత్రి పొంగులేటి శ్రీనివాసరెడ్డిని క్యాబినెట్‌ నుంచి తొలగించాలని డిమాండ్‌ చేశారు.

TG· 20 Aug 2026

అర్ధరాత్రి ఘోర విషాదం

TG: సిద్దిపేట జిల్లాలో అర్ధరాత్రి జరిగిన ఘోర రోడ్డు ప్రమాదంలో ఒకే కుటుంబానికి చెందిన నలుగురు మృతి చెందారు. దుబ్బాక మండలం అప్పనపల్లి శివారులో అదుపుతప్పిన కారు రహదారి పక్కనే ఉన్న బావిలోకి దూసుకెళ్లడంతో దంపతులు, ఇద్దరు చిన్నారులు మృతి చెందారు. బల్వంతాపూర్‌కు చెందిన దండుగుల రాజు(30), అతని భార్య భాగ్య(25), కుమారుడు నిహాల్ష్(4), కుమార్తె శాన్విక(2) సిద్దిపేట నుంచి ఇంటికి వెళ్తుండగా ఈ ప్రమాదం జరిగింది. సమాచారం అందుకున్న పోలీసులు, అగ్నిమాపక సిబ్బంది వెంటనే అక్కడికి చేరుకుని సహాయక చర్యలు చేపట్టారు.

TG· 20 Aug 2026

మారిన నేరాలకు తగ్గట్టుగా భారీ మార్పులు: DGP

TG: మారుతున్న నేరాల తీరుకు అనుగుణంగా పోలీస్ శాఖలో కీలక మార్పులు చేపడుతున్నట్లు DGP CV ఆనంద్ తెలిపారు. హైదరాబాద్‌లోని తెలంగాణ పోలీస్ అకాడమీలో జరిగిన సమావేశంలో మాట్లాడారు. గతంలో తీవ్రవాదం, ఉగ్రవాదం ప్రధాన సవాళ్లుగా ఉండగా, ఇప్పుడు డ్రగ్స్, సైబర్‌నేరాలు, ఆన్‌లైన్ బెట్టింగ్, పెట్టుబడి మోసాలు, ట్రాఫిక్, ఆహార కల్తీ, రోడ్డు ప్రమాదాలు కొత్త సమస్యలుగా మారాయని తెలిపారు. వీటిని సమర్థంగా ఎదుర్కొనేందుకు గ్రేహౌండ్స్, ఆక్టోపస్, ఎస్ఐఐబీ వంటి విభాగాల నుంచి 513మంది సిబ్బందిని 8విభాగాలకు కేటాయించినట్లు చెప్పారు.

TG· 20 Aug 2026

రికార్డులను పరిశీలించిన తర్వాతే నిర్ణయం: పొంగులేటి

TG: రాష్ట్రంలోని 22ఏ నిషేధిత జాబితాలో ఉన్న భూముల సమస్యలను ఫాస్ట్‌ట్రాక్ విధానంలో పరిష్కరిస్తున్నామని మంత్రి పొంగులేటి శ్రీనివాసరెడ్డి పేర్కొన్నారు. అధికారులతో ఆయన టెలికాన్ఫరెన్స్ నిర్వహించారు. హైదరాబాద్, రంగారెడ్డి, మేడ్చల్, సంగారెడ్డి జిల్లాల కలెక్టర్లతో మాట్లాడి రిజిస్ట్రేషన్ల విషయంలో ప్రజలకు ఇబ్బందులు లేకుండా చూడాలని ఆదేశించారు. ప్రైవేట్ భూములకు సంబంధించి ప్రస్తుత పరిస్థితి, హక్కుదారుల పత్రాలు, గత రిజిస్ట్రేషన్లు, రికార్డులను పరిశీలించిన తర్వాతే నిర్ణయం తీసుకోవాలన్నారు.

TG· 19 Aug 2026

ఎస్‌ఐఆర్ ప్రక్రియను పకడ్బందీగా పూర్తి చేయాలి

TG: ఎస్‌ఐఆర్ ప్రక్రియను పకడ్బందీగా పూర్తి చేయాలని రాష్ట్ర ప్రధాన ఎన్నికల అధికారి సి.సుదర్శన్ రెడ్డి సూచించారు. జిల్లా కలెక్టర్లతో నిర్వహించిన వీడియో కాన్ఫరెన్స్‌లో డ్రాఫ్ట్ ఓటరు జాబితాపై క్లెయిమ్స్, అభ్యంతరాలను నిర్ణీత గడువులో పరిష్కరించాలని ఆదేశించారు. మ్యాపింగ్ కాని, అనామలీస్ గుర్తించిన ఓటర్లకు నోటీసులు జారీ చేసి వివరణకు అవకాశం కల్పించాలని తెలిపారు.