AP

AP· 14 May 2026

ప్రధాని మోదీ పిలుపుతో ఏపీలో పొదుపు చర్యలు..బాబు, పవన్ కాన్వాయ్ కుదింపు

పశ్చిమాసియా సంక్షోభం నేపథ్యంలో ఏపీ సీఎం చంద్రబాబు నాయుడు, డిప్యూటీ సీఎం పవన్ కళ్యాణ్ కూడా ప్రధాని మోదీ బాటలో పయనిస్తున్నారు. పొదుపు చర్యల్లో భాగంగా తమ కాన్వాయ్ ని సగానికి సగం తగ్గించారు. సీఎం చంద్రబాబు కాన్వాయ్ 12 వాహనాల నుంచి 4 వాహనాలకు తగ్గిపోయింది. పవన్ కళ్యాణ్ , మంత్రి లోకేశ్ వాహనాలు 4 నుంచి 2కి తగ్గాయి. ఏపీ మంత్రులు, ఇతర వీఐపీలు కూడా పొదుపు చర్యలు మొదలు పెట్టారు.

AP· 3 May 2026

తిరుమల లడ్డూలో నెయ్యి కల్తీకి వారిద్దరే కారణం

తిరుమల శ్రీవారి లడ్డూలో కల్తీ నెయ్యి వాడకానికి వైసీపీ కీలక నేతలు చెవిరెడ్డి భాస్కర్ రెడ్డి, భూమన కరుణాకర్ రెడ్డిలే కారకులని రిటైర్డ్ ఐఏఎస్ దినేష్ కుమార్ కమిషన్ తేల్చి చెప్పింది. టీటీడీలో నెయ్యి సరఫరాలో పకడ్బందీగా ఉన్న టెండర్ నిబంధనల్ని మార్చడానికి వీరిద్దరే సిఫార్సు చేశారని నివేదిక ఇచ్చింది. కొనుగోలు కమిటీలో ప్రత్యేక ఆహ్వానితుల హోదాలో చెవిరెడ్డి, భూమనలు ఏకపక్షంగా నిర్ణయాలు తీసుకోవడం వల్లే కల్తీ నెయ్యి సరఫరా జరిగిందని చెప్పింది.

▶

AP· 2 May 2026

స్వచ్ఛ రథం పథకంపై నాని ఏమన్నారంటే..

ఆంధ్రప్రదేశ్ రాష్ట్ర పరిశుభ్రత కోసం ప్రారంభించిన స్వచ్ఛ రథం పథకానికి భారీ స్పందన‌వస్తోంది. ప్రభుత్వం ఏర్పాటు చేసిన వాహనాలు ఇళ్లకు వెళ్లి చెత్తతో పాటు పనికిరాని వస్తువుల్ని సేకరించి, దానికి బదులుగా వారికి నిత్యావసరాలు, గిఫ్ట్ ఇస్తోంది. పరిసరాల పరిశుభ్రతపై ప్రజల్లో అవగాహన పెంచడానికి‌ యాక్టర్ నాని ‌ఒక వీడియో రిలీజ్ చేశారు. అందులో నాని ఏమన్నారో మీరే చూడండి

AP· 1 May 2026

కరిగిపోయిన డాలర్ డ్రీమ్స్.. అమెరికాలో కర్నూలు యువకుడు ఆత్మహత్య

చికాగో యూనివర్సిటీలో మాస్టర్స్ డిగ్రీ పూర్తి చేసినా ఉద్యోగం రాకపోవడంతో కర్నూలు జిల్లాకు చెందిన ఇరగనబోయిన చందు(26) అమెరికాలో ఆత్మహత్య చేసుకున్నాడు. కొడుకు కోసం తండ్రి చేసిన లక్షల రూపాయల అప్పులు, ప్రస్తుత జాబ్ మార్కెట్ పరిస్థితులు చందును మానసిక ఒత్తిడికి గురిచేశాయి. ఆ ప్రెజర్ భరించలేక నిండు ప్రాణాలు తీసుకున్నాడు. చందు మృతదేహాన్ని స్వగ్రామానికి పంపేందుకు అక్కడి ఇండియన్ కమ్యూనిటీ విరాళాలు సేకరిస్తోంది. కొడుకు మరణవార్త విన్న ఆ కుటుంబం కన్నీరుమున్నీరవుతోంది.

AP· 30 Apr 2026

విడుదలైన AP 10th SSC రిసల్ట్స్!

AP లో SSC వాళ్ళకు 10th రిసల్ట్స్ విడుదల అయ్యాయి. వారిలో 85.25% మంది పాస్ ఏయినట్లు తెలిసింది. పార్వతీపురం మన్యం జిల్లా 96.07% తో టాప్ లో నిలవగా, అల్లూరి సీతారామరాజు జిల్లా మాత్రం 57.12% తో క్రింది స్థాయిలో నిలిచినధి. దీంతో చాలా మంది విధ్యార్థులు పండగ చేసుకుంటున్నారు. అందరికంటే టాప్ వచ్చింది ఎన్. సాయిపర్ణిక (విజయవాడ): 593 మార్కులు.

AP· 28 Apr 2026

అమరావతి పనులకు డీజిల్ ఇవ్వలేం - కేంద్రం

రాజధాని పనులకోసం డీజిల్ కావాలని ఏపీ సర్కార్ కేంద్రానికి విన్నవించింది. అయితే రిటైల్ బంకుల ద్వారా డీజిల్ సరఫరా కుదరదని ఏపీ ప్రభుత్వం తమ విన్నపాన్ని ఉపసంహరించుకుని రిటైల్ ఔట్ లెట్ లనుంచి బల్క్ గా సరఫరా చేయించుకోమని సూచన చేసింది. ఏపీ సర్కార్ విన్నపం నిబంధనలకు విరుద్ధమని నేరుగా ఆయిల్ కంపెనీలనుంచి ఆయిల్ కొనుక్కోవాలని సూచించింది.

▶

AP· 28 Apr 2026

ఏపి బంకుల్లో పెట్రోల్, డీజిల్ కొరత, ఓ ఆక్వారైతు ఆక్రందన

ఏపీలో ప్రధాన బంకుల్లో పెట్రోల్ , డీజిల్ కొరత తీవ్రంగా వేధిస్తోంది. ఎక్కడ చూసినా బంకుల దగ్గర చాంతాడంత క్యూ కనిపిస్తోంది. మరికొన్ని చోట్ల బంకులను డీజిల్ లేక మూసేస్తున్నారు.అనేక చోట్ల రూల్స్ పాటించని బంకులను అధికారులు సీజ్ చేస్తున్నారు.పల్నాడు జిల్లాలో మూడు,నర్సరావు పేట, పిడుగురాళ్ల, చిలకలూరి పేటల్లో బంకులను సీజ్ చేశారు. ఇటీవల ఓ బంకు దగ్గర ఆక్వారైతన్న 500 రూ. ల విలువైన డీజిల్ పోయండి. నా రొయ్య పిల్లలు చనిపోతాయంటూ ఆవేదన వ్యక్తం చేసిన వీడియో వైరల్ గా మారుతోంది.