AP

AP· 6 Jun 2026

OG సినిమా చూపిస్తూ బ్రెయిన్ సర్జరీ

AP: ప్రకాశం జిల్లా దర్శికి చెందిన కోటేశ్వరమ్మ అనారోగ్యంగా ఉండడంతో కుటుంబసభ్యులు వడ్లమూడిలోని డీవీసీ ఆస్పత్రికి తీసుకొచ్చారు. ఆమెకు న్యూరోసర్జన్ అరుణకుమార్ పలు వైద్యపరీక్షలు చేశారు. ఆ రిపోర్టులు పరిశీలించి కోటేశ్వరమ్మ మెదడులో గడ్డ ఉందని దానిని తొలగించాలని సూచించారు. మత్తు ఇవ్వకుండా మెలుకువగా ఉన్నప్పుడే సర్జరీ చేయాలని డాక్టర్ చెప్పారు. ఏదైనా సినిమా చూపిస్తూ సర్జరీ పూర్తిచేయాలని నిర్ణయించారు. ఆమెకు ఇష్టమైన పవన్ కళ్యాణ్ సినిమా OGని డాక్టర్లు కోటేశ్వరమ్మకు చూపిస్తూ సర్జరీచేశారు.

AP· 6 Jun 2026

లిక్కర్ వ్యాన్ బోల్తా.. మద్యం లూటీ

AP: చిత్తూరు జిల్లాలో లిక్కర్ లోడుతో వెళ్తున్న వ్యాన్ అదుపు తప్పి బోల్తా పడింది. చిత్తూరు-పుత్తూరు మార్గంలో బసిరెడ్డిపల్లి సమీపంలో వ్యాన్ బోల్తా పడడంతో మద్యం సీసాలు రోడ్డుపై పడిపోయాయి. ఆ దారిలో వెళ్లే వారు మద్యం బాక్సులు ఎత్తుకుపోయారు. మరికొందరు లుంగీలు, టవళ్లలో మద్యం సీసాలు దోచుకెళ్లారు. సీసాల కోసం ఎగబడిన వారిలో మహిళలు సైతం ఉన్నారు. పోలీసులు ఘటనా స్థలానికి చేరుకునేలోపు అంతా సర్దుకుపోయారు.

AP· 5 Jun 2026

బే సిటీగా విశాఖ నగరం - చంద్రబాబు

బే సిటిగా విశాఖ నగరాన్ని తీర్చిదిద్దేందుకు అవసరమైన కార్యాచరణ చేపట్టాలని సీఎం చంద్రబాబు అధికారులను ఆదేశించారు. విశాఖ ఎకనామిక్ రీజియన్ పై సీఎం 9 జిల్లాల కలెక్టర్లు, ఎమ్మెల్యేలు, అధికారులతో సమీక్ష జరిపారు..నగరంలోని కైలాసగిరి నుంచి భోగా పురం వరకూ ఈ బేసిటీ ప్రాజెక్టును అభివృద్ధి చేయాలని అధికారులకు సూచించారు. గ్రేహౌండ్స్ కు చెందిన 303 ఎకరాల్లో కన్వెన్షన్ సెంటర్ ను నిర్మించాలని, కైలాసగిరిని ఆధ్యాత్మికంగా, పర్యాటక క్షేత్రంగా తీర్చిదిద్దా లని స్పష్టం చేశారు.

AP· 5 Jun 2026

ఉద్యోగాల పేరుతో టోకరా

AP: ఉద్యోగాల పేరుతో కోట్లు కొల్లగొట్టి ప్లేట్ ఫిరాయించారు. నంద్యాలలో మెడికల్ కోడింగ్ కంపెనీలో ఉద్యోగాల పేరుతో యువతీ, యువకుల వద్ద కోట్ల రూపాయలు వసూలు చేసి ఆ తర్వాత బోర్డు తిప్పేశారు. తెలుగు రాష్ట్రాలకు చెందిన దాదాపు 700మంది నుంచి డబ్బులు తీసుకుని జాబ్స్ ఇస్తామని చెప్పారు. 3నెలలు వర్క్‌ఫ్రమ్ హోమ్‌గా ఉద్యోగం చేయించుకుని సాలరీస్ ఇచ్చారు. ఆ తర్వాత ఏడునెలలు జీతాలు ఇవ్వకుండా కంపెనీనే ఎత్తేయడంతో వారు షాక్ అయ్యారు. ఒక్కొక్కరి నుంచి లక్ష నుంచి రెండు లక్షలు వసూలు చేసినట్లు బాధితులు తెలిపారు. ఘటనపై బాధితులు జిల్లా ఎస్పీకి ఫిర్యాదు చేశారు.

AP· 4 Jun 2026

రామాపురం బీచ్‌లో యువతి గల్లంతు

AP: సముద్ర తీర విహారం ఓ ఫ్యామిలికి విషాదంగా మారింది. చీరాల మండలం రామాపురం బీచ్‌లో పల్నాడు జిల్లా రావులపాలెం విలేజ్‌కు చెందిన నాగలక్ష్మి(26) తన కుటుంబ సభ్యులతో కలిసి సముద్ర స్నానానికి వెళ్లింది. సముద్రంలో దిగగా ఒక్కసారిగా పెద్దఎత్తున వచ్చిన అలల ధాటికి ఆమె గల్లంతయింది. సమాచారం అందుకున్న మెరైన్ పోలీసులు, గజ ఈతగాళ్లు వెంటనే నాగలక్ష్మి కోసం గాలింపు చర్యలు చేపట్టారు. కుటుంబసభ్యులు కన్నీరుమున్నీరుగా విలపించారు.

AP· 4 Jun 2026

బయటపడుతున్న యూట్యూబర్ మోసాల చిట్టా

AP: ఉద్యోగాలు, వీసా రెన్యువల్‌ పేరుతో యూట్యూబర్, ‘నందూస్‌ వరల్డ్‌’ ఛానల్‌ నిర్వాహకురాలు రమానందన దంపతులు చేసిన మోసాలు ఒక్కొక్కటిగా బయటపడుతున్నాయి. గుంటూరుకు చెందిన జాగర్లమూడి మధుకర్, రమానందన దంపతులు యూకేలో స్థిరపడ్డారు. 'నందూస్ వరల్డ్ పేరుతో నందన యూట్యూబ్ ఛానల్ నిర్వహిస్తున్నారు. వీరికి గుంటూరు, విజయవాడ, హైదరాబాద్, తదితర ఏరియాల్లో డెస్టినీ కన్సల్టెన్సీ ఆఫీస్‌లు ఉన్నాయి. ఒక్కొక్కరి నుంచి రూ.20లక్షల వరకు తీసుకుని స్పాన్సర్షిప్ వీసా సర్టిఫికెట్ ఇప్పిస్తామంటూ మోసం చేశారని, 50మందికిపైగా బాధితులు ఉన్నారని వార్తలు వస్తున్నాయి. అయితే, ఆ ఆరోపణల్లో వాస్తవం లేదని రమానందన పేర్కొన్నారు.

AP· 4 Jun 2026

ఏపీలో ఇన్వెస్ట్ చేయండి- ఎలిమెంట్ గ్రూప్ కు లోకేష్ ఇన్విటేషన్

రష్యా పర్యటనలో ఉన్న ఏపీ మంత్రి లోకేష్ రాష్ట్రంలోకి కొత్త ఇన్వెస్ట్ మెంట్స్ ను ఆహ్వానించడానికి ట్రై చేస్తున్నారు. ఎలిమెంట్ గ్రూప్ రిప్రజెంటేటివ్స్ తో భేటి అయిన లోకేష్ విశాఖలో ఎలక్ట్రానిక్ కాంపొనెంట్ అసెంబ్లీ యూనిట్, నెల్లూరులో సెమీ కండక్టర్ల తయారీ కేంద్రం,శ్రీ సిటీలో రోబోటిక్స్ అండ్ ఆటో మేషన్ సేవల విస్తరణకు ఆహ్వానించారు. అమరావతి స్మార్ట్ సిటీ ప్రాజెక్ట్ లో ఇన్ వాల్వ్ అవ్వాలని కోరారు. ఏపి ప్రభుత్వం ప్రపోజల్స్ పరిశీలించి పాజిటివ్ గా రియాక్ట్ అవుతామని ఎలిమెంట్ గ్రూప్ రిప్రజెంటేటివ్స్ చెప్పారు.

▶

AP· 3 Jun 2026

కేటిఆర్ కామెంట్స్ పై పవన్ కల్యాణ్ రిప్లయ్ !!

కేటీఆర్ ఏమన్నారో తనకు తెలియదని, తాను వినలేదని ఏపీ డిప్యూటీ సీఎం పవన్ కల్యాణ్ అన్నారు. నిన్నటి తన ప్రెస్ మీట్ పై బీఆర్ ఎస్ మాజీ మంత్రి కేటీఆర్ కామెంట్స్ ను ఆయన దృష్టికి తేగా ఈ కామెంట్స్ చేశారు. కేటీఆర్ తనకు మంచి దోస్త్ అనీ, చాలా సార్లు ఆయన్ను కలసినట్లు, ఇద్దరికీ మంచి టేస్ట్ లు ఉన్నాయని పవన్ కల్యాణ్ చెప్పుకొచ్చారు. ఏదేమైనా ఆయన మంచిగానే మాట్లాడి ఉంటారని అన్నారు.

AP· 3 Jun 2026

AP రోడ్లపైకి 5,500 ఎలక్ట్రిక్ బస్సులు!..మరో 500 సిఎన్జి బస్సులు

ఆర్టీసీలో కాలం చెల్లిన, ఎక్కువ కిలోమీటర్లు తిరిగిన బస్సుల స్థానంలో విద్యుత్ బస్సులను ప్రవేశపెట్టేందుకు సిద్ధమయ్యారు. దశలవారీగా మొత్తం 6వేల బస్సులు తీసుకునేందుకు ప్రణాళిక సిద్ధం చేయగా, ఇందులో విద్యుత్ బస్సులు 5,500, సీఎన్జీ బస్సులు 500 ఉంటాయి. పల్లెవెలుగు, ఎక్స్ప్రెస్, డీలక్స్, సిటీ బస్సుల్లో కాలం చెల్లినవి ఏవేవి ఉన్నాయో, వాటి స్థానంలో విద్యుత్ బస్సులను అవే సర్వీసులుగా నడపనున్నారు. ప్రధానమంత్రి ఈ-బస్ సేవ పథకం కింద 750 విద్యుత్ బస్సులు రాష్ట్రానికి కేటాయించారు. వీటిని 11 నగరాల్లోని 12 డిపోల పరిధిలో అద్దె ప్రాతిపదికన నడుపుతారు. వీటిలో 300 బస్సులు జులైలో రోడ్డెక్కనున్నాయి.

AP· 3 Jun 2026

రోడ్ యాక్సిడెంట్‌లో పండు మాస్టర్‌కు తీవ్ర గాయాలు

TG: విశాఖపట్నం జిల్లా లొడగలవానిపాలెం హైవైపై జరిగిన రోడ్ యాక్సిడెంట్‌లో డాన్స్ మాస్టర్ పండుకు తీవ్ర గాయాలయ్యాయి. రియాలిటీ షో ఢీ జోడి ఫేం డాన్స్ మాస్టర్ పండు తగరవలసలో పదహారేళ్ల తర్వాత నిర్వహిస్తున్న ఊరిపండుగ ఉత్సవాలకు హాజరయ్యారు. తిరుగు ప్రయాణంలో హైవేపై కారు దిగి రోడ్డు పక్కన నిల్చున్నారు. అదే టైమ్‌లో వేగంగా వచ్చిన బొలెరో వాహనం పండు మాస్టర్‌ను బలంగా ఢీకొట్టింది. దీంతో మాస్టర్ రెండుకాళ్లకు తీవ్ర గాయాలయ్యాయి. మరో ముగ్గురికి స్వల్ప గాయాలయ్యాయి. వెంటనే సమీపంలోని ఓ ప్రైవేట్ హాస్పిటల్‌కు తీసుకెళ్లారు.

AP· 2 Jun 2026

ఫైర్ యాక్సిడెంట్‌లో ఇద్దరు సజీవదహనం

TG: ఏలూరు జిల్లా వేలేరుపాడులో ఫైర్ యాక్సిడెంట్ జరిగింది. ఇంటికి మంటలు అంటుకోవడంతో ఇద్దరు మహిళలు నిద్రలోనే సజీవదహనమయ్యారు. వలగాని సావిత్రి (60), పూలమ్మ (65) నిద్రిస్తుండగా ఒక్కసారిగా మంటలు వ్యాపించడంతో ఇద్దరూ మృతి చెందారు. మంటల ధాటికి ఇల్లు పూర్తిగా దగ్ధమైంది. పెద్దఎత్తున ఎగిసిపడడంతో పక్కనే ఉన్న మరో ఇల్లు కూడా కాలిబూడిదైంది. తెలంగాణలోని సూర్యాపేట జిల్లాకు చెందిన పూలమ్మ తన చెల్లిని చూసేందుకు ఏలూరు వచ్చినట్లు సమాచారం.

AP· 31 May 2026

జూన్‌లో కొత్తగా 5606 వితంతు పెన్షన్లు

AP: జూన్‌లో కొత్తగా 5606 మందికి స్పౌజ్‌ కేటగిరీ కింద వితంతు పెన్షన్లు మంజూరు చేసినట్లు సెర్ప్‌ మంత్రి కొండపల్లి శ్రీనివాస్‌ తెలిపారు. ఈ పెన్షన్ల కోసం రూ.2.24 కోట్లు అదనంగా విడుదల చేస్తున్నట్లు పేర్కొన్నారు. జూన్‌ 1న 62,34,445 మందికి పెన్షన్లు పంపిణీ చేసేందుకు రూ.2728 కోట్లు విడుదల చేసినట్లు తెలిపారు. కూటమి అధికారంలోకి వచ్చినప్పటి నుంచి జూన్‌తో కలుపుకుని ఇప్పటి వరకు ఎన్టీఆర్‌ భరోసా పెన్షన్ల కోసం రికార్డు స్థాయిలో రూ.65,886 కోట్లు ప్రభుత్వం ఖర్చు చేసిందన్నారు.

AP· 31 May 2026

ఇవాళ నుంచి ధవళేశ్వరం కాలువలకు నీటి విడుదల

AP: ఖరీఫ్ సీజన్‌కు సాగునీటి సరఫరాపై తూర్పుగోదావరి జిల్లా నీటిపారుదల సలహా మండలి కీలక నిర్ణయం తీసుకుంది. మే 31వ తేదీ నుంచి ధవళేశ్వరం బ్యారేజీ నుంచి కాలువలకు నీటిని విడుదల చేయనున్నట్లు మంత్రి కందుల దుర్గేష్ ప్రకటించారు. కాలువల రిపేర్ పనులు జరుగుతున్నందు వల్ల, పరిస్థితిని బట్టి విడదల వారీగా వివిధ కాలువలకు నీటిని విడుదల చేస్తామని చెప్పారు.

AP· 29 May 2026

ఇద్దరి ప్రాణం తీసిన తాటి చెట్టు

AP: బైక్‌పై వెళ్తున్న వారిపై తాటి చెట్టు విరిగి పడడంతో ఇద్దరు యువకులు చనిపోయారు. కృష్ణా జిల్లా కోడూరు మండలం కుమ్మరిపాలెం గ్రామానికి చెందిన గరికపాటి మనోహర్(33), అదే విలేజ్‌కు చెందిన చుటూరు శివరామకృష్ణ(27) ఇద్దరూ ఫ్రెండ్స్. వీరు చల్లపల్లి గ్రామానికి వెళ్లి తిరిగి ఇంటికి వెళ్తుండగా ఈదురుగాలులకు రహదారి పక్కనే ఉన్న తాటిచెట్టు విరిగి వారి వాహనంపై పడడంతో వెనుక ఉన్న మనోహర్ స్పాట్‌లో చనిపోయాడు. వాహనం నడుపుతున్న శివరామకృష్ణకు తీవ్ర గాయాలవడంతో హాస్పిటల్‌కు తీసుకెళ్తుండగా మార్గమధ్యలో మృతి చెందాడు.

▶

AP· 28 May 2026

ఎన్టీఆర్ కు భారత రత్న ఇవ్వాలి మహానాడు తీర్మానం

TDP వ్యవస్థాపకుడు స్వర్గీయ నందమూరి తారక రామారావుకి భారత రత్న ఇవ్వాలని మహానాడు తీర్మానం చేసింది. దేశానికి, తెలుగు జాతికి NTR చేసిన సేవలను దృష్టిలో ఉంచుకొని మరణానంతరం భారత రత్న పురస్కారం ఇవ్వాలని ఏపీ సీఎం చంద్రబాబు నాయుడు కేంద్రాన్ని డిమాండ్ చేశారు.

▶

AP· 28 May 2026

మామిడి పళ్లు కెమికల్స్ తో పండించారా ? జస్ట్ 10 సెకండ్లలో తెలుసుకోవచ్చు

మామిడి పండ్లు సీజన్ వచ్చిందంటే అందరికీ వచ్చే ఒకే ఒక్క డౌట్. అవి సహజంగా పండాయా ? కెమికల్స్ వేసి పండించారా ? అందుకే ఎంతో ఇష్టమైన మామిడి పండ్లని తినడానికి కూడా ముందు వెనక ఆలోచిస్తూ ఉంటారు. కానీ జస్ట్ పదే సెకండ్లలో వాటిని ఎలా పండించారో తెలుసుకోవచ్చు. ఒంగోలుకు చెందిన డాక్టర్ సునీల్ కుమార్ రెడ్డి ఏం చెబుతున్నారో మీరూ వినేయండి మరి.

AP· 27 May 2026

నీటి గుంతలో పడి ముగ్గురు మృతి

AP: పొలంలో నల్లనేరేడు పండ్ల కోసం వెళ్లిన ముగ్గురు బాలురు నీటి గుంతలో పడి మృతి చెందిన ఘటన శ్రీసత్యసాయి జిల్లా రొద్దం మండలం నారనాగేపల్లిలో చోటు చేసుకుంది. సమాచారం అందుకున్న పోలీసులు సంఘటనా స్థలానికి చేరుకుని స్థానికుల సహాయంతో డెడ్‌బాడీలను బయటకు తీశారు. ముగ్గురు బాలురు మృతితో నారనాగేపల్లి గ్రామంలో విషాద ఛాయలు అలుముకున్నాయి.

AP· 26 May 2026

ఘోర రోడ్డు ప్రమాదం.. ముగ్గురు స్పాట్‌డెడ్

AP: కారు అదుపు తప్పి ట్రాన్స్‌ఫార్మర్‌ను ఢీకొట్టిన ప్రమాదంలో ముగ్గురు వ్యక్తులు మృతి చెందిన ఘటన తూర్పుగోదావరి జిల్లా గోకవరం మండలం కొత్తపల్లి గ్రామ శివారులో చోటు చేసుకుంది. వేగంగా వచ్చిన కారు ట్రాన్స్‌ఫార్మర్‌ను బలంగా ఢీకొట్డడంతో ముగ్గురు వ్యక్తులు స్పాట్‌లోనే మృతి చెందారు. విషయం తెలుసుకున్న పోలీసులు ఘటన స్థలానికి చేరుకుని డెడ్‌బాడీలను పరిశీలించి కేసు నమోదు చేసి దర్యాప్తు చేపట్టారు.