TG

TG· 21 May 2026

కుర్చీ తాత మృతి

కుర్చీ మడతపెట్టి సాంగ్ ఫేమ్ తాత మహమ్మద్ పాషా మృతి చెందారు. హైదరాబాద్ కృష్ణా నగర్ లో నివాసం ఉంటున్న ఆయన నిన్న కృష్ణకాంత్ పార్క్ లో వాకింగ్ చేస్తూ ఒక్కసారిగా కుప్పకూలిపోయారు. ఆస్పత్రికి తీసుకుని వెళ్లేసరికి ఆయన మరణించారు. వడదెబ్బ తగలడంతో ఆయన మృతి చెందినట్టు సన్నిహితులు చెబుతున్నారు. ఆ కుర్చీని మడత పెట్టి అన్న డైలాగ్ తో SMలో ఫేమస్ అయిన పాషా గుంటూరు కారం మూవీలో మహేష్ తో కలిసి స్టెప్పులేశారు.

▶

TG· 11 May 2026

మొక్కజొన్న రైతుల కష్టాలు.. కొనుగోలు కేంద్రాలు ఏర్పాటులో జాప్యం

తెలంగాణలో మొక్కజొన్న రైతుల కష్టాలు కన్నీరు పెట్టిస్తున్నాయి. ప్రభుత్వం కొనుగోలు కేంద్రాలు ఏర్పాటు చేయడంలో జాప్యం చేస్తూ ఉండడంతో దళారులకే తక్కువ ధరలకే అమ్ముకోవాల్సి వస్తుంది. ప్రభుత్వం బస్తాకి రూ.2,400 మద్దతు ధర ఇస్తోంది. కానీ ఎక్కడా కొనుగోళ్లు లేవు. దీంతో రైతులు దళారులకి 1600 నుంచి 1900కే అమ్ముకుంటున్నారు. మొక్కజొన్నలు నిల్వ చేసి ప్రభుత్వం కొన్నప్పుడే అమ్ముదామని అనుకుంటే అకాల వర్షాల వల్ల మొక్కజొన్నలు మొలకలు వచ్చే పరిస్థితి ఏర్పడింది. దీంతో రైతులు లబోదిబోమంటున్నారు.

▶

TG· 1 May 2026

రైతన్న గుండెలు పిండే ఆవేదన !!

ప్రజల ఆకలి తీర్చడమే తప్ప మరే కల్మషం తెలియని అన్నదాతకు సొంత బిడ్డయినా, తోడుగా నిలిచే పశువులైనా, పంటయినా ఒకటే. వీటిలో ఏది కోల్పోయినా వారి బాధ వర్ణణాతీతం. తాజాగా తెలంగాణ లో నిర్మల్(D)లోని పలు గ్రామాల్లో చేతికందే ఎత్తులో ఉన్న విద్యుత్ లైన్లతో షార్ట్ సర్క్యూట్ అయి మొక్కజొన్న, వరి, జొన్న పంటలు బూడిదయ్యాయి. దీంతో రైతులు విలపిస్తున్న దృశ్యాలు గుండెలను పిండేస్తున్నాయి. వీరిని ఆదుకోవడం అధికారుల కనీస బాధ్యత.

▶

TG· 1 May 2026

డీజీపీగా సీ.వీ. ఆనంద్ బాధ్యతల స్వీకరణ

తెలంగాణ కొత్త డీజీపీగా సి.వి. ఆనంద్ బాధ్యతలు స్వీకరించారు. డీజీపీ ఆఫీసులో ఆయన సీటులో కూర్చొని తొలి సంతకం పెట్టారు. కొత్త డీజీపీ ఎంట్రీతో పోలీస్ డిపార్ట్‌మెంట్‌లో ఫుల్ జోష్ కనిపిస్తోంది.

TG· 29 Apr 2026

తెలంగాణ కొత్త పోలీసు బాస్ ఆనంద్

తెలంగాణ రాష్ట్ర DGPగా 1991 బ్యాచ్ కు చెందిన అధికారి సీవీ ఆనంద్ నియమితులయ్యారు. ప్రభుత్వ ప్రధాన కార్యదర్శి కె. రామకృష్ణారావు ఉత్తర్వులు జారీ చేశారు. 2028 జూన్ వరకు ఆనంద్ ఈ పదవిలో కొనసాగనున్నారు. ప్రస్తుత డీజీపీ బి. శివధర్ రెడ్డి ఈ నెల 30 పదవీ విరమణ చేస్తారు. మే1న ఆనంద్ బాధ్యతలు స్వీకరిస్తారు.