Current Affairs

Current Affairs· 14 Aug 2026

ఉజ్జయినిలో 2,200 ఏళ్ల నాటి బౌద్ధ స్తూపం కోసం తవ్వకాలు

మధ్యప్రదేశ్‌లోని ఉజ్జయినిలోని వైశ్య టెక్రీ దగ్గర 2,200 సంవత్సరాల నాటి భారీ బౌద్ధ స్తూపం ఉండవచ్చని పురాతత్వ శాస్త్రవేత్తలు భావిస్తున్నారు. ఇది ప్రసిద్ధ సాంచీ స్తూపం కంటే చాలా పెద్దదని అంటున్నారు. ఈ రహస్యాన్ని వెలికితీయేందుకు మధ్యప్రదేశ్ ప్రభుత్వం, భారతీయ పురాతత్వ సర్వేక్షణ (ASI) కలిసి తవ్వకాలకు ఏర్పాట్లు చేస్తున్నాయి. 1938-39లో బ్రిటిష్ పాలన టైంలో ఇక్కడ తవ్వకాలు జరిగాయి. అప్పటి నివేదిక ప్రకారం ఈ స్తూపం వ్యాసం సుమారు 350 అడుగులు, ఎత్తు కనీసం 100 అడుగులు ఉండవచ్చని అంచనా.

Current Affairs· 14 Aug 2026

వాజ్‌పేయికి గొడుగు పట్టిన ఇందిరాగాంధీ

ఈ ఫొటో వెనుక ఉన్న చరిత్రేమిటో తెలుసా? 1972 జూలైలో భారత్-పాకిస్తాన్ మధ్య సిమ్లా ఒప్పందం జరిగింది. ఇందిరా గాంధీ, జుల్ఫికర్ అలీ భుట్టో సంతకాలు చేశారు. అప్పటి జనసంఘ్ ప్రముఖ నాయకుడు అటల్ బిహారీ వాజ్‌పేయి సిమ్లాకు వెళ్లి తన వ్యతిరేకత వ్యక్తం చేశారు. ఇందిరాగాంధీ వాజ్‌పేయిని ఆహ్వానించి లాన్‌లో ఆయనతో మాట్లాడారు. ఆ టైంలో వాన మొదలైంది. అధికారి ఒకరు ప్రధానమంత్రికి గొడుగు ఇవ్వగా, ఇందిరాగాంధీ ఆ గొడుగు వాజపేయి తలపై పట్టారు. వారిద్దరూ అలాగే మాట్లాడుకున్నారు.

Current Affairs· 14 Aug 2026

‘విక్టోరియా మెమోరియల్’..చరిత్ర తెలుసా?

హైదరాబాద్ మెట్రో మార్గంలో విక్టోరియా మెమోరియల్ స్టేషన్ ఒకటి. చైతన్యపురి, ఎల్బీనగర్ స్టేషన్ల మధ్యలో ఉండే స్టేషన్ ఇది. ‘విక్టోరియా మెమోరియల్’ చరిత్రేమిటో తెలుసా? 1901లో హైదరాబాద్ నిజాం మహబూబ్ అలీ ఖాన్ సరూర్‌నగర్‌లో ‘మహల్-ఎ-సరూర్‌నగర్’ అనే భవన నిర్మాణం మొదలుపెట్టి, అసంపూర్తిగా వదిలేశారు. 1901 జనవరిలో క్వీన్ విక్టోరియా మరణించారు. అప్పటి బ్రిటిష్ రెసిడెంట్ డేవిడ్ బార్ నిజాంను కోరి, ఆ భవనాన్ని పూర్తి చేసి ‘Victoria Memorial Orphange’గా మార్చారు. ఇప్పటికీ అది విక్టోరియా మెమోరియల్ హోమ్‌గా కొనసాగుతోంది.

Current Affairs· 14 Aug 2026

ఉద్యోగినికి కోయంబత్తూరు కంపెనీ సపోర్ట్.. Hatsoff

కోయంబత్తూరులోని ఓ కంపెనీ తన ఉద్యోగినికి గొప్ప సపోర్ట్ అందించింది. ఆమె తండ్రి మెడికల్ ఖర్చుల్లో 20 శాతం భరించింది. ఆమెకు 30 రోజుల సెలవు ఇచ్చింది. కంపెనీ ఛైర్మన్ వ్యక్తిగతంగా ఆమెకు మెసేజ్ చేసి పరిస్థితిని కనుక్కున్నారు. కంపెనీ 50 ఏళ్లకు పైగా పనిచేస్తోంది. ఇందులో 4,000 మందికి పైగా ఉద్యోగులున్నారు. సోషల్ మీడియాలో చాలామంది ఆ కంపెనీని పొగుడుతున్నారు. కార్పొరేట్ కంపెనీల కంటే ఇలాంటి చిన్న కంపెనీలు ఉద్యోగుల పట్ల శ్రద్ధ చూపుతాయని అంటున్నారు.

Current Affairs· 14 Aug 2026

గ్రీన్ ఇండియా మిషన్ టార్గెట్ 97.57% Fail

పర్యావరణ మంత్రిత్వ శాఖ అమలు చేస్తున్న గ్రీన్ ఇండియా మిషన్ గత పదేళ్ల కాలంలో తన లక్ష్యాలను చేరుకోవడంలో ఫెయిలైందని కంప్ట్రోలర్ అండ్ ఆడిటర్ జనరల్(కాగ్) రిపోర్ట్ తెలిపింది. 2015-16 నుంచి 2024-25 వరకు 16 రాష్ట్రాలు, కేంద్రపాలిత ప్రాంతాల్లో ఈ పథకాన్ని కాగ్ పరిశీలించింది. గ్రీన్ ఇండియా మిషన్ 1.4 మిలియన్ హెక్టార్ల అటవీ విస్తీర్ణం పెంచాలని లక్ష్యంగా పెట్టుకున్నా, 0.03409 మిలియన్ హెక్టార్లు మాత్రమే పెరిగిందని తెలిపింది. అంటే 97.57% ఫెయిల్ అయిందని తేల్చింది.