Local

Local· 14h ago

కడపలో దళిత అభ్యర్థిపై దాడి!

కడప పట్టణంలోని 27వ వార్డు దళిత కార్పొరేటర్ అభ్యర్థి బి. శ్యాంసన్, ఆయన కుటుంబ సభ్యులపై దాడి చేసి నామినేషన్ పత్రాలు చించివేశారని ఆరోపణలు వెల్లువెత్తాయి. లోమడ చంద్రమోహన్ రెడ్డి అనుచరులే ఈ దాడికి పాల్పడ్డారని బాధితుడు ఆరోపించారు. గాయపడిన వారికి పోలీసులు రక్షణ కల్పించలేదని, ఫిర్యాదు నమోదు చేయలేదని పేర్కొన్నారు. ఈ ఘటనపై జాతీయ ఎస్సీ కమిషన్, జాతీయ మానవ హక్కుల కమిషన్‌కు ఫిర్యాదు చేయనున్నట్లు శ్యాంసన్ తెలిపారు.

Local· 14h ago

వర్క్‌షాప్ ఉద్యోగుల సమస్యలపై మంత్రి హామీ

కరీంనగర్ RTC వర్క్‌షాప్‌ జోనల్ పరిధిలో 12 ఏళ్ల తర్వాత జరిగిన ఎంప్లాయీస్ యూనియన్ ఎన్నికల్లో కాంగ్రెస్ ఐక్యకూటమి ఘన విజయం సాధించింది. ఈ నేపథ్యంలో యూనియన్ గౌరవ అధ్యక్షుడు తాళ్లపల్లి శ్రీనివాస్ గౌడ్ ఆధ్వర్యంలో నాయకులు మంత్రి పొన్నం ప్రభాకర్‌ను కలిశారు. వర్క్‌షాప్‌ ఉద్యోగుల సమస్యలను ఆయన దృష్టికి తీసుకెళ్లగా, పరిష్కారానికి కృషి చేస్తానని మంత్రి హామీ ఇచ్చారు.

Local· 14h ago

'పండుగ వేళ శాంతిభద్రతలకు సహకరించండి'

విజయదశమి సందర్భంగా నిజామాబాద్ జిల్లా ప్రజలకు పోలీస్ కమిషనర్ పి. సాయి చైతన్య శుభాకాంక్షలు తెలిపారు. చెడుపై మంచి విజయానికి ప్రతీకగా జరుపుకునే ఈ పండుగ స్ఫూర్తితో ప్రజలంతా ఐక్యత, సమగ్రతను కాపాడాలని ఆకాంక్షించారు. నిజామాబాద్, ఆర్మూర్, బోధన్ డివిజన్లలో శాంతిభద్రతలకు విఘాతం కలగకుండా, మత విద్వేషాలకు తావివ్వకుండా పోలీసులకు సహకరించాలని కోరారు. ప్రజలు, పోలీసులు స్నేహభావంతో మెలగాలని సూచించారు.

Local· 14h ago

'ఆనకట్టల వద్ద నీటి నిల్వకు ప్రభుత్వం కసరత్తు'

ఖమ్మం జిల్లా అమ్మగారి పల్లి వద్ద గోదావరి ఆనకట్టను పరిశీలించిన మంత్రి తుమ్మల, ఎల్ నినో ముప్పు దృష్ట్యా దసరా నుంచి దుమ్ముగూడెం వద్ద ఇసుక బస్తాలతో ఒక టీఎంసీ నీటిని నిల్వ చేస్తామన్నారు. పంటలను కాపాడటమే లక్ష్యమని చెబుతూ, నీటి కొరత వల్ల రైతులు వరి సాగు చేయకుండా తక్కువ నీటితో పండే ప్రత్యామ్నాయ పంటలు వేసుకోవాలని కోరారు.

Local· 14h ago

చిలాపూర్ ఉద్యోగుల సంఘానికి కొత్త కార్యవర్గం

సిద్దిపేట జిల్లా బెజ్జంకి మండలం చిలాపూర్ గ్రామ ఎంప్లాయీస్ వెల్ఫేర్ అసోసియేషన్ (ఈవ్స్) నూతన కార్యవర్గాన్ని ఎన్నుకున్నారు. గౌరవ అధ్యక్షుడిగా కొప్పురపు నరసింహారెడ్డి, అధ్యక్షుడిగా పర్కాల ఎల్లయ్య, ప్రధాన కార్యదర్శిగా నరెడ్ల సత్తయ్య ఎంపికయ్యారు. ఉపాధ్యక్షులుగా మచ్చ సత్తయ్య, కొప్పురపు రాజిరెడ్డి, ఎర్రవెల్లి వీరయ్య, మహిళా కార్యదర్శిగా పవ్వాడి పూర్ణిమ, కోశాధికారిగా యాంసాని అశోక్ బాధ్యతలు చేపట్టనున్నారు.

Local· 14h ago

ఎన్నికల వేళ 4,013 మందిపై బైండోవర్ కేసులు

కర్నూలు జిల్లాలో స్థానిక సంస్థల ఎన్నికలు ప్రశాంతంగా నిర్వహించేందుకు పోలీసులు ముందస్తు చర్యలు చేపట్టారు. జిల్లాలోని 43 పోలీస్ స్టేషన్ల పరిధిలో ఆదివారం వరకు 4,013 మందిపై 964 బైండోవర్ కేసులు నమోదు చేశారు. కర్నూలు నగరపాలక సంస్థ పరిధిలో 221 మంది రౌడీషీటర్లతో సహా 773 మందిపై కేసులు నమోదు చేసి, ఎన్నికల్లో గొడవలకు పాల్పడితే కఠిన చర్యలు తీసుకుంటామన్నారు.

Local· 14h ago

ఆయుష్ శాఖలో 8 పోస్టులు.. దరఖాస్తులు ప్రారంభం!

జాతీయ ఆయుష్ మిషన్ పరిధిలో జగిత్యాల జిల్లాలో 8 ఉద్యోగాల భర్తీకి దరఖాస్తులు ఆహ్వానిస్తున్నారు. జగిత్యాల జిల్లా కలెక్టర్ బి. సత్యప్రసాద్ ఈ వివరాలు తెలిపారు. మెడికల్ ఆఫీసర్లు, ఫార్మసిస్ట్, సైకలాజికల్ కౌన్సిలర్, యోగా ప్రొఫెషనల్, మల్టీపర్పస్ వర్కర్ తదితర పోస్టులు ఉన్నాయి. ఈ నెల 22 నుంచి 27వ తేదీ వరకు దరఖాస్తులు స్వీకరిస్తారు. పూర్తి వివరాల కోసం జిల్లా అధికారిక వెబ్‌సైట్‌ను పరిశీలించాలని సూచించారు.

Local· 15h ago

రోడ్డు ప్రమాదంలో వ్యక్తి దుర్మరణం

విశాఖపట్నం జిల్లా సబ్బవరం మండలం పల్లవానిపాలెం వద్ద నిన్న రోడ్డు ప్రమాదం జరిగింది. పెందుర్తికి చెందిన బోర రమణ (48) వాచ్మెన్గా పనిచేస్తూ ద్విచక్రవాహనంపై అనకాపల్లి వెళ్తుండగా గుర్తు తెలియని వాహనం ఢీకొని మృతి చెందారు. మృతదేహాన్ని అనకాపల్లి ఎన్టీఆర్ ఆసుపత్రికి తరలించిన పోలీసులు కేసు నమోదు చేసి దర్యాప్తు చేస్తున్నట్లు పేర్కొన్నారు.

Local· 15h ago

ప్రజావాణిలో 49 ఫిర్యాదులు.. కలెక్టర్ ఆదేశాలు!

వికారాబాద్ జిల్లా కలెక్టరేట్‌లోని ఐడీఓసీ సమావేశ మందిరంలో సోమవారం ప్రజావాణి జరిగింది. జిల్లా కలెక్టర్ దీపక్ తివారి ప్రజల నుంచి 49 ఫిర్యాదులు స్వీకరించారు. ఫిర్యాదుదారుల సమస్యలను అడిగి తెలుసుకున్నారు. దరఖాస్తులను పరిశీలించి తగిన చర్యలు తీసుకోవాలని సంబంధిత అధికారులను ఆదేశించారు. ప్రతి ఫిర్యాదుపై తీసుకున్న చర్యల వివరాలను సమర్పించాలని కోరారు. ఈ కార్యక్రమంలో అదనపు కలెక్టర్ ఉమాశంకర్ ప్రసాద్, డీఆర్డీఓ శ్రీనివాస్, వివిధ శాఖల అధికారులు పాల్గొన్నారు.

Local· 15h ago

ప్రజావాణి ఫిర్యాదులపై కలెక్టర్ ఆదేశాలు!

జగిత్యాల కలెక్టరేట్‌లో సోమవారం ప్రజావాణి కార్యక్రమం జరిగింది. జిల్లా కలెక్టర్ బి. సత్యప్రసాద్ ప్రజల నుంచి ఫిర్యాదులు, వినతులు స్వీకరించారు. మొత్తం 16 దరఖాస్తులు అందాయి. ప్రతి ఫిర్యాదుపై సమగ్ర విచారణ జరిపి నిర్ణీత సమయంలో పరిష్కరించాలని అధికారులను ఆదేశించారు. ప్రజలకు మెరుగైన సేవలు అందించాలని కలెక్టర్ పేర్కొన్నారు. ఈ కార్యక్రమంలో డీఆర్ఓ కె.వై. ప్రసాద్, ఆర్డీవో మధుసూదన్, జిల్లా అధికారులు, వివిధ శాఖల అధికారులు, మున్సిపల్ కమిషనర్లు పాల్గొన్నారు.

Local· 15h ago

దేవాంగ సంఘం అధ్యక్షుడిగా వెంకటరమణ ఏకగ్రీవం!

గుంటూరు జిల్లా మంగళగిరిలో అమరావతి దేవాంగ సంక్షేమ సంఘం అధ్యక్షుడిగా బల్ల వెంకటరమణ మూడోసారి ఏకగ్రీవంగా ఎన్నికయ్యారు. ప్రధాన కార్యదర్శిగా అల్లక తాతారావు, కోశాధికారిగా అల్లక నమశ్శివాయ ఎన్నికయ్యారు. దేవాంగ సామాజిక వర్గ అభివృద్ధికి, సంక్షేమానికి సమష్టిగా కృషి చేస్తామని వెంకటరమణ తెలిపారు. రాబోయే మంగళగిరి–తాడేపల్లి నగరపాలక సంస్థ ఎన్నికల్లో కూటమికి సంపూర్ణ మద్దతుగా పనిచేయాలని సమావేశంలో నిర్ణయించారు.

Local· 15h ago

జలవనరులను పొదుపుగా వినియోగించుకోవాలి: తుమ్మల

భద్రాద్రికొత్తగూడెం జిల్లా అశ్వాపురం మండలం అమ్మగారిపల్లి సమీపంలోని దుమ్ముగూడెం ఆనకట్ట వద్ద నీటి నిల్వ పెంచేందుకు తక్షణ చర్యలు చేపట్టాలని రాష్ట్ర మంత్రి తుమ్మల నాగేశ్వరరావు అధికారులను ఆదేశించారు. సోమవారం పినపాక ఎమ్మెల్యే, అదనపు కలెక్టర్ డి.వేణుగోపాల్‌, నీటిపారుదల శాఖ అధికారులతో కలిసి ఆనకట్టను పరిశీలించారు. ఆనకట్ట పూర్తి నిల్వ సామర్థ్యం 0.8 టీఎంసీలు కాగా, ప్రస్తుతం సుమారు 0.5 టీఎంసీల నీటినే నిల్వ చేసుకునే పరిస్థితి ఉందని తెలిపారు.

▶

Local· 15h ago

గుడివాడ మున్సిపల్ ఎన్నికలు నిలుపుదల

కృష్ణా జిల్లా గుడివాడ మున్సిపాలిటీ ఎన్నికలపై కోర్టు వివాదాలు కొనసాగుతుండటంతో ఎన్నికల ప్రక్రియ తాత్కాలికంగా నిలిచిపోయింది. గతంలో టీడీపీ నాయకులు కోర్టును ఆశ్రయించడంతో ఎన్నికలు నిలిచిపోయాయి, అప్పట్లో వైసీపీ అధికారంలో ఉండటంతో ఎన్నికలు నిర్వహించలేదు. ప్రస్తుతం కూటమి ప్రభుత్వం ఎన్నికలు నిర్వహించే తరుణంలో వైసీపీ నాయకులు గ్రామాల విలీనాన్ని వ్యతిరేకిస్తూ కోర్టుకు వెళ్లారు. దీంతో గుడివాడ మున్సిపల్ ఎన్నికల షెడ్యూల్ వాయిదా పడింది.

Local· 15h ago

కారుపై పడ్డ విద్యుత్ స్తంభం

ప్రకాశం జిల్లా సంతనూతలపాడులో సోమవారం తెల్లవారుజామున రోడ్డు ప్రమాదం చోటు చేసుకుంది. ఒంగోలులో వెళ్లే రహదారిలో నిర్మాణంలో ఉన్న బ్రిడ్జిని ఒంగోలు నుంచి వేగంగా వెళుతున్న కారు బలంగా ఢీ కొట్టింది. దీంతో కారు ముందు భాగం ధ్వంసంమైంది. పక్కనే ఉన్న విద్యుత్ స్తంభం కారుఫై పడి ఆగింది. దీనిపై పూర్తి సమాచారం తెలియాల్సి ఉండగా ఈ ఘటనలో ఎవరికి ఎటువంటి ప్రాణహాని జరగలేదు.

Local· 15h ago

‘చెప్పాం.. చేస్తున్నాం' పోస్టర్ ఆవిష్కరణ

అన్నమయ్య జిల్లా రాజంపేట టీడీపీ ఇన్‌ఛార్జ్ చమర్తి జగన్ మోహన్ రాజు సోమవారం పార్టీ ముఖ్య నేతలతో కలిసి 'చెప్పాం.. చేస్తున్నాం' పోస్టర్ను ఆవిష్కరించారు. 2024 ఎన్నికల్లో ఇచ్చిన హామీలను కూటమి ప్రభుత్వం నెరవేరుస్తోందని తెలిపారు. ఎన్టీఆర్ భరోసా పింఛన్లు, తల్లికి వందనం, అన్నదాత సుఖీభవ, దీపం 2.0, స్త్రీ శక్తి పథకాల ద్వారా ప్రజలకు లబ్ధి చేకూరుతోందన్నారు.

▶

Local· 15h ago

హక్కుల సాధనకు ఐక్యంగా ముందుకెళ్లాలి: TRKS

కుమ్మరుల సమస్యలను ప్రభుత్వం దృష్టికి తీసుకెళ్లి, హక్కుల సాధన కోసం ప్రతి గ్రామం, మండలంలో సంఘాన్ని బలోపేతం చేయాలని తెలంగాణ రాష్ట్ర కుమ్మర సంఘం (TRKS) రాష్ట్ర వర్కింగ్ ప్రెసిడెంట్ ఏడుకొండల వెంకటేశం కోరారు. మహబూబాబాద్ పట్టణంలో జిల్లా అధ్యక్షుడు అల్వాల శ్రీనివాస్ అధ్యక్షతన 18 మండలాల కార్యవర్గ సభ్యులతో నిర్వహించిన సన్నాహక సమావేశంలో ఆయన మాట్లాడారు. ఈ నెల 25న మహబూబాబాద్ పట్టణంలో జిల్లా స్థాయి సమావేశం నిర్వహించనున్నట్లు తెలిపారు.

Local· 15h ago

పోలీస్ హెడ్ క్వార్టర్స్‌లో దసరా

కరీంనగర్ పోలీస్ హెడ్ క్వార్టర్స్‌లో దసరా సందర్భంగా ఆయుధ, జమ్మి, వాహన పూజా కార్యక్రమాలు జరిగాయి. ఈ పూజల్లో పోలీస్ కమిషనర్ గౌష్ ఆలం స్వయంగా పాల్గొని పూజలు నిర్వహించారు. ఈ సందర్భంగా కమీషనరేట్ ప్రజలందరికీ దసరా శుభాకాంక్షలు తెలియజేశారు. ప్రజలంతా ఆయురారోగ్యాలు, సుఖసంతోషాలతో ఉండాలని ఆకాంక్షించారు. ఈ ప్రోగ్రామ్‌లో అడిషనల్ డీసీపీ వెంకటరమణ, ఆర్‌ఐలు జానీమియా, శ్రీధర్ రెడ్డి, కిరణ్ కుమార్‌తో పాటు పలువురు పోలీస్ అధికారులు, సిబ్బంది పాల్గొన్నారు.

Local· 16h ago

రహదారి నిర్మాణానికి కోటి నిధులు మంజూరు

భద్రాద్రికొత్తగూడెం జిల్లాలో రేగళ్ల గ్రామం నుంచి కొత్తూరు గ్రామానికి వెళ్లే రహదారి నిర్మాణం కోసం సీపీఐ రాష్ట్ర కార్యదర్శి, కొత్తగూడెం MLA కూనంనేని సాంబశివరావు ₹.1 కోటి నిధులు మంజూరు చేయించారు. ఈ రహదారి నిర్మాణంతో రెండు గ్రామాల ప్రజలకు రవాణా సౌకర్యాలు మెరుగుపడి, ప్రయాణ ఇబ్బందులు తగ్గనున్నాయి. గ్రామీణ ప్రాంతాల్లో మౌలిక సదుపాయాల అభివృద్ధికి నిధులు మంజూరు చేయించడంపై స్థానికులు హర్షం వ్యక్తం చేస్తున్నారు.