Local

Local· 1d ago

అర్హులందరికీ స్మార్ట్ రేషన్ కార్డులు: పీఏసీ ఛైర్మన్

రంగారెడ్డి జిల్లా శేరిలింగంపల్లిలో మియాపూర్ ఎమ్మెల్యే క్యాంప్ కార్యాలయంలో పీఏసీ ఛైర్మన్ ఆరెకపూడి గాంధీ స్మార్ట్ రేషన్ కార్డులు పంపిణీ చేశారు. నియోజకవర్గంలో 61,482 కార్డులు పంపిణీ చేస్తున్నామని, ఇది నిరంతర ప్రక్రియని ఆయన తెలిపారు. పేదల కోసం సన్నబియ్యం, క్యూఆర్ కోడ్ స్మార్ట్ కార్డులు తీసుకొచ్చిన సీఎం రేవంత్ రెడ్డిని కొనియాడారు.

▶

Local· 1d ago

జడ్పీ సమావేశంలో ఎమ్మెల్యే-జడ్పీటీసీ వాగ్వాదం

శ్రీకాకుళం జిల్లా పరిషత్ కార్యాలయంలో గురువారం స్థాయి సంఘ సమావేశం తీవ్ర వాగ్వాదానికి దారితీసింది. ఆమదాలవలస ఎమ్మెల్యే కూన రవికుమార్, పోలాకి జడ్పీటీసీ డాక్టర్ ధర్మాన కృష్ణచైతన్య మధ్య అభివృద్ధి పనులు, పింఛన్లపై ఆరోపణలు, సవాళ్లు వచ్చాయి. నరసన్నపేట నుంచి ఎమ్మెల్యేగా పోటీ చేస్తానని రవికుమార్ పేర్కొనగా, ముందుగా ఎంపీటీసీగా గెలిచి చూపించాలని కృష్ణచైతన్య సవాల్ విసిరారు. ఇరువర్గాల మధ్య వాడివేడి వాదనలు, నినాదాలతో ఉద్రిక్తత నెలకొంది. అధికారులు, ఇతర సభ్యులు జోక్యం చేసుకుని పరిస్థితిని చక్కదిద్దారు.

Local· 1d ago

వార్డుల పునర్విభజనపై 50 పిటిషన్లను హైకోర్టు కొట్టివేత

అమరావతిలోని ఆంధ్రప్రదేశ్ హైకోర్టు పురపాలక సంఘాల వార్డుల పునర్విభజనపై దాఖలైన 50 పిటిషన్లను గురువారం కొట్టివేసింది. వార్డుల విభజన సరికాదంటూ పిటిషనర్లు కోర్టును ఆశ్రయించగా, చట్ట నిబంధనల మేరకే చేస్తున్నామని ప్రభుత్వం వాదించింది. ఇరువర్గాల వాదనలు పూర్తయిన నేపథ్యంలో హైకోర్టు ఈ తీర్పు ఇచ్చింది. దీంతో రాష్ట్రవ్యాప్తంగా పెరిగిన వార్డుల ప్రకారం స్థానిక ఎన్నికలు జరగనున్నాయి.

▶

Local· 1d ago

మంగంపేట బైరైటీస్ కొల్లగొడుతున్నారని నిజనిర్ధారణ కమిటీ ఆందోళన

తిరుపతి జిల్లా రైల్వే కోడూరు సమీపంలోని మంగంపేట బైరైటీస్ గనుల మూసివేతపై నిజనిర్ధారణ కమిటీ ఆందోళన వ్యక్తం చేసింది. అరుదైన ఖనిజ సంపదను భారీగా విదేశాలకు తరలిస్తూ జాతీయ ప్రయోజనాలను పణంగా పెడుతున్నారని కమిటీ అభిప్రాయపడింది. గనుల పరిస్థితి, టెండర్లు, ఎగుమతులు, మైన్ క్లోజర్ ప్రతిపాదనలపై అధ్యయనం కోసం విజయవాడలో రౌండ్ టేబుల్ సమావేశం జరిగింది. మాజీ మంత్రి, విశ్రాంత ఐపీఎస్, ఐఏఎస్ అధికారులతో కూడిన ఈ కమిటీ ఏర్పాటైందని పోరాట కమిటీ కన్వీనర్ కందారపు మురళి తెలిపారు.

Local· 1d ago

కృష్ణునిపాలెంలో 949 పట్టాదార్ పాస్ పుస్తకాల పంపిణీ

తూర్పు గోదావరి జిల్లా గోకవరం మండలం కృష్ణునిపాలెంలో సెప్టెంబర్ 5న 949 పట్టాదార్ పాస్పుస్తకాలు పంపిణీ చేయనున్నారు. ఉదయం 10 గంటలకు గ్రామ పంచాయతీలో కార్యక్రమం ఉంటుంది. ఎమ్మెల్యే జ్యోతుల నెహ్రూ హాజరవుతారని మండల తహసీల్దార్ పినిశెట్టి రామకృష్ణ తెలిపారు. లబ్దిదారులందరూ లబ్దిదారులు ఈ అవకాశాన్ని సద్వినియోగం చేసుకోవాలని, కార్యక్రమానికి సకాలంలో చేరుకోవాలని కోరారు.

Local· 1d ago

హైదరాబాద్‌లో బిగ్ ఈవెంట్.. మిస్ అవ్వకండి!

హైదరాబాద్‌లోని విద్యారణ్య హైస్కూల్‌లో సెప్టెంబర్ 12, శనివారం సాయంత్రం 4:30 గంటలకు '75 ఇయర్స్ ఆఫ్ ది కాన్స్టిట్యూషన్ ఆఫ్ ఇండియా' బుక్ లాంచ్ ఈవెంట్ జరగనుంది. కల్పనా కన్నాభిరాన్ ఎడిట్ చేసిన ఈ బుక్ లాంచ్‌లో హైదరాబాద్ యూనివర్సిటీ ప్రొఫెసర్లు జ్యోతిర్మయ శర్మ, మంజరి కాట్జు, నాల్సార్ ప్రొఫెసర్ మురళీ కర్ణం, కల్పనా కన్నాభిరాన్ ప్యానెల్ డిస్కషన్‌లో పార్టిసిపేట్ చేయనున్నారు. ఈ స్పెషల్ ప్రోగ్రామ్‌కు హాజరయ్యే వారికి సాయంత్రం 4 గంటలకే టీ సర్వ్ చేయనున్నారు.

Local· 1d ago

ఏలూరులో ధరలపై న్యూ డెమోక్రసీ భారీ నిరసన

ఏలూరు జిల్లాలో సీపీఐ(ఎంఎల్) న్యూ డెమోక్రసీ గురువారం ధరలపై భారీ ర్యాలీ, ధర్నా నిర్వహించింది. పెట్రోల్, డీజిల్, గ్యాస్, నిత్యావసరాలు, హోటల్ ధరలు తగ్గించాలని డిమాండ్ చేశారు. ఫైర్ స్టేషన్ నుంచి కలెక్టరేట్ వరకు ర్యాలీగా వెళ్లి నినాదాలు చేశారు. బ్లాక్ మార్కెట్ అరికట్టాలని, ధరల నియంత్రణకు చర్యలు తీసుకోవాలని కోరారు. అనంతరం డీఆర్వోకు వినతిపత్రం ఇచ్చారు.

Local· 1d ago

TET మినహాయింపు కోరుతూ UTF ముట్టడి - అరెస్టుల పర్వం

NTR జిల్లా విజయవాడలో ఇన్సర్వీస్ టీచర్లకు TET మినహాయింపు కోసం UTF నిరసనకు పిలుపునిచ్చింది. సంఘం పిలుపులో భాగంగా రాష్ట్రవ్యాప్తంగా టీచర్లు విద్యాభవన్ వద్దకు చేరుకున్నారు. అనేక ఏళ్లుగా ప్రభుత్వ బడుల్లో బోధిస్తున్న ఇన్‌సర్వీస్ టీచర్లపై TET తప్పనిసరి చేయడంతో తీవ్ర ఇబ్బందులు ఎదురవుతున్నాయని తెలిపారు. అనుభవం, వయస్సు పరిగణనలోకి తీసుకుని TET మినహాయింపు ఇవ్వాలని డిమాండ్ చేశారు. విద్యాభవన్ ముట్టడి కార్యక్రమానికి అనుమతి లేదని ఉపాధ్యాయులను పోలీసులు నిలువరించారు. దీంతో ఉద్రిక్తత నెలకొంది. అరెస్టులు అయ్యాయి.

Local· 1d ago

సింగిల్ యూజ్ ప్లాస్టిక్ పై గుంటూరు కమిషనర్ ఆకస్మిక తనిఖీలు

గుంటూరు జిల్లా పట్నంబజార్‌లో సింగిల్ యూజ్ ప్లాస్టిక్ విక్రయాలపై నగర కమిషనర్ మయూర్ అశోక్ గురువారం ఆకస్మిక తనిఖీలు చేశారు. నిషేధిత ప్లాస్టిక్ గుర్తించి దుకాణాలు సీజ్ చేసి జరిమానాలు విధించారు. 45 రోజులుగా అవగాహన కల్పించినా చర్యలు తీసుకోని సిబ్బందికి షోకాజ్ నోటీసులు ఇవ్వాలని ఆదేశించారు. తయారీ సంస్థల వివరాలు సేకరించి కఠిన చర్యలు తీసుకోవాలని, వినియోగదారులపై కూడా జరిమానాలు విధించాలని స్పష్టం చేశారు.

Local· 1d ago

శ్రీకాకుళం Redcrossకు గవర్నర్ గోల్డ్ మెడల్

శ్రీకాకుళం జిల్లా ఇండియన్ రెడ్క్రాస్ సొసైటీ సేవలకు గుర్తింపుగా రాష్ట్ర గవర్నర్ నుంచి గోల్డ్ మెడల్ వచ్చింది. విజయవాడలో జరిగిన రెడ్క్రాస్ రాష్ట్ర శాఖ సమావేశంలో గవర్నర్ అబ్దుల్ నజీర్ చేతుల మీదుగా జిల్లా కలెక్టర్ స్వప్నిల్ దినకర్ పుండ్కర్ ఈ అవార్డును అందుకున్నారు. రక్తదాన శిబిరాలు, ఆపదల్లో సహాయం చేయడంలో జిల్లా అత్యుత్తమ ప్రతిభ కనబరిచిందని రాజాం పట్టణానికి చెందిన చైతన్య కుమార్ అన్నారు.

Local· 1d ago

సంక్షేమ విద్యార్థులకు కార్పొరేట్ స్థాయి సౌకర్యాలు : మంత్రి

జగిత్యాల జిల్లా కుమ్మరిపల్లిలోని కస్తూర్బా గాంధీ పాఠశాలలో మంత్రి అడ్లూరి లక్ష్మణ్ కుమార్ గురువారం రూ.67 లక్షల పనులకు శంకుస్థాపన చేశారు. ఆయన విద్యార్థులతో భోజనం చేసి, వారికి షూస్, బ్యాగులు అందించారు. సంక్షేమ విద్యార్థులకు కార్పొరేట్ స్థాయి సౌకర్యాలే ప్రభుత్వ లక్ష్యమని మంత్రి అన్నారు. తహసీల్దార్లు, ఎంపీడీవోలు వారానికి ఒక రోజు పాఠశాలలు, వసతి గృహాలను తనిఖీ చేయాలని ఆదేశించారు. నాణ్యమైన విద్య, పౌష్టికాహారం అందించాలని సూచించారు.

Local· 1d ago

ఆర్మీ గన్స్ ఎక్కడికి వెళ్లాయి? జవాన్ల ఫోన్లు సీజ్!

సోమవారం సికింద్రాబాద్ బోల్లారంలోని మద్రాస్ రెజిమెంట్‌లో ఆర్మీ గన్స్, తూటాలు దొంగతనం కేసు పోలీసులు ఛాలెంజింగ్గా తీసుకున్నారు. దొంగలు తాళాలు బ్రేక్ చేసి, గన్స్‌తో పాటు వాటికి సెట్ అయ్యే బుల్లెట్లను మాత్రమే తీసుకెళ్లడంతో లోపలి వ్యక్తుల హ్యాండ్ ఉందనే కోణంలో ఎంక్వైరీ చేస్తున్నారు. ఆర్మీ సిబ్బందిపై 'హనీట్రాప్' ఏమైనా జరిగిందా అనే అనుమానంతో వారి ఫోన్స్, సోషల్ మీడియా అకౌంట్స్‌ను చెక్ చేస్తున్నారు. కంట్రీ సెక్యూరిటీకి సంబంధించిన ఈ హైప్రొఫైల్ కేసును మిలిటరీ, పోలీసులు ఫాస్ట్‌గా ఇన్వెస్టిగేట్ చేస్తున్నాయి.

Local· 1d ago

బస్తీ దవాఖానాలో డిప్యూటీ డీఎంహెచ్‌ఓ తనిఖీ

TG: జగిత్యాల జిల్లా ధర్మపురిలోని బస్తీ దవాఖానాను డిప్యూటీ డీఎంహెచ్‌ఓ డాక్టర్‌ ఎన్.శ్రీనివాస్ తనిఖీ చేశారు. దవాఖానాలో మందుల నిల్వను పరిశీలించడంతో పాటు ఓపీడీ రికార్డులు, సిబ్బంది హాజరు రిజిస్టర్‌ను క్షుణ్ణంగా తనిఖీ చేశారు. రోగులకు అందుతున్న వైద్య సేవలు, అందుబాటులో ఉన్న మందులు, రికార్డుల నిర్వహణపై సిబ్బందిని అడిగి వివరాలు తెలుసుకున్నారు. ప్రజలకు మెరుగైన వైద్యసేవలు అందేలా సిబ్బంది బాధ్యతగా విధులు నిర్వహించాలని సూచించారు. దవాఖానాలో వైద్య సేవల నాణ్యత, మందుల లభ్యతపై ప్రత్యేక దృష్టి పెట్టాలని తెలిపారు.

Local· 1d ago

పంటల వివరాలు కచ్చితంగా నమోదు చేయాలి

TG: ఖమ్మం జిల్లా ఎర్రుపాలెం మండలం సఖినవీడు గ్రామంలో కొనసాగుతున్న డిజిటల్‌ పంట సర్వేను ఏఓ బోయినపల్లి సాయి శివ గురువారం పరిశీలించారు. ప్రతి కమతంలో రైతులు సాగు చేసిన పంటలు, రకాలు, నీటి వనరుల వివరాలను త్వరగా, కచ్చితంగా నమోదు చేయాలని వాలంటీర్లకు సూచించారు. రైతులు సైతం సర్వేలో భాగస్వాములై అవసరమైన వివరాలను అందించాలని కోరారు. డిజిటల్‌ సర్వేలో నమోదైన పంట వివరాలు పంటల కొనుగోళ్లు, నష్టపరిహారం, రుణాల మంజూరు, ప్రభుత్వ సంక్షేమ పథకాల అమలులో ఉపయోగపడతాయని రైతులకు వివరించారు.

Local· 1d ago

విద్యార్థులకు హెచ్‌ఐవీపై అవగాహన

AP: కోనసీమ జిల్లా కొత్తపేట మండలం చప్పిడివారిపాలెం హైస్కూల్‌లో ఇంటెన్సిఫైడ్‌ ఐఈసీ క్యాంపెయిన్‌ నిర్వహించారు. జాతీయ ఎయిడ్స్‌ నియంత్రణ సంస్థ, ఆంధ్రప్రదేశ్‌ రాష్ట్ర ఎయిడ్స్‌ నియంత్రణ సంస్థ సూచనలతో దిశా ఆధ్వర్యంలో, లింక్‌ వర్కర్‌ స్కీం పర్యవేక్షణలో కార్యక్రమం జరిగింది. హెచ్‌ఎం కె.అరుణశ్రీ అధ్యక్షతన జరిగిన కార్యక్రమంలో కొత్తపేట సామాజిక ఆరోగ్య కేంద్రం ఐసీటీసీ కౌన్సిలర్‌ జి.గీతాంజలి మాట్లాడుతూ.. విద్యార్థి దశ నుంచే హెచ్‌ఐవీపై అవగాహన కలిగి, సరైన చికిత్స పొందితే ఆరోగ్యకరమైన జీవితం గడపవచ్చన్నారు.

Local· 1d ago

విద్యుత్‌ కోతలతో రైతుల ఇబ్బందులు: జీవన్‌రెడ్డి

TG: కాంగ్రెస్‌ ప్రభుత్వం వెయ్యిరోజుల పాలనలో రైతులు, ప్రజలు తీవ్ర ఇబ్బందులు పడుతున్నారని మాజీ ఎమ్మెల్యే, బీఆర్‌ఎస్‌ నాయకుడు ఆశన్నగారి జీవన్‌రెడ్డి ఆరోపించారు. నిజామాబాద్‌ జిల్లా నందిపేట్‌, డొంకేశ్వర్‌ ఉమ్మడి మండలాల బీఆర్‌ఎస్‌ ఆధ్వర్యంలో ప్రభుత్వ వైఫల్యాలు, ప్రజాసమస్యలు, అవినీతి, అక్రమాలను నిరసిస్తూ ధర్నా నిర్వహించారు. ఈ సందర్భంగా జీవన్‌రెడ్డి మాట్లాడుతూ.. బీఆర్‌ఎస్‌ హయాంలో రైతులకు 24 గంటల నాణ్యమైన విద్యుత్‌ అందించామని, ప్రస్తుతం విద్యుత్‌ కోతలతో రైతులు ఇబ్బందులు పడుతున్నారని విమర్శించారు.

Local· 1d ago

డీ-17 కాల్వకు నీరు బంద్‌.. రైతుల ఆందోళన

TG: నాగర్‌కర్నూల్ జిల్లా ఉప్పునుంతల మండలంలో కల్వకుర్తి లిఫ్ట్‌ ఇరిగేషన్‌ డీ-17 కాల్వ ద్వారా నీరు అందకపోవడంతో పెద్దాపురం, లక్ష్మాపురం, మామిళ్లపల్లి గ్రామాల రైతులు ఆందోళనకు దిగారు. కాల్వలో మట్టి, పెద్ద బండరాళ్లు పేరుకుపోవడంతో నీరు ముందుకు సాగడం లేదని రైతులు ఆవేదన వ్యక్తం చేశారు. అధికారులకు పలుమార్లు విన్నవించినా సమస్య పరిష్కరించలేదని ఆరోపించారు. నీరు అందకపోతే సుమారు 800 ఎకరాల పంటలు నష్టపోయే ప్రమాదం ఉందన్నారు. రైతుల ఆందోళనకు మండల బీఆర్‌ఎస్‌ అధ్యక్షుడు కొత్త రవీందర్‌రావు సంఘీభావం తెలిపారు.

▶

Local· 1d ago

జిల్లా కోర్టు ఏర్పాటుపై బార్‌ అసోసియేషన్‌ హర్షం

AP: మంగళగిరికి జిల్లా కోర్టు రావడం న్యాయవాదుల చిరకాల ఆకాంక్ష నెరవేరిన చారిత్రాత్మక ఘట్టమని మంగళగిరి బార్‌ అసోసియేషన్‌ సభ్యులు హర్షం వ్యక్తం చేశారు. జిల్లా కోర్టు ఏర్పాటుతో న్యాయవాదులు, కక్షిదారులకు ఎంతో ప్రయోజనం కలుగుతుందని తెలిపారు. ప్రజలకు న్యాయం మరింత చేరువయ్యేందుకు ఈ నిర్ణయం కీలక ముందడుగని పేర్కొన్నారు. జిల్లా కోర్టు ఏర్పాటుకు సహకరించిన ప్రతి ఒక్కరికీ బార్‌ అసోసియేషన్‌ సభ్యులు కృతజ్ఞతలు తెలిపారు. ఈ శుభవార్తతో న్యాయవాదులు ఆనందోత్సాహాలు వ్యక్తం చేశారు.