జలవనరులను పొదుపుగా వినియోగించుకోవాలి: తుమ్మల

భద్రాద్రికొత్తగూడెం జిల్లా అశ్వాపురం మండలం అమ్మగారిపల్లి సమీపంలోని దుమ్ముగూడెం ఆనకట్ట వద్ద నీటి నిల్వ పెంచేందుకు తక్షణ చర్యలు చేపట్టాలని రాష్ట్ర మంత్రి తుమ్మల నాగేశ్వరరావు అధికారులను ఆదేశించారు. సోమవారం పినపాక ఎమ్మెల్యే, అదనపు కలెక్టర్ డి.వేణుగోపాల్‌, నీటిపారుదల శాఖ అధికారులతో కలిసి ఆనకట్టను పరిశీలించారు. ఆనకట్ట పూర్తి నిల్వ సామర్థ్యం 0.8 టీఎంసీలు కాగా, ప్రస్తుతం సుమారు 0.5 టీఎంసీల నీటినే నిల్వ చేసుకునే పరిస్థితి ఉందని తెలిపారు.