Sports

Sports· 20 Jul 2026

జపాన్ ఓపెన్ గెలిచిన తొలి భారత షట్లర్‌గా సింధు రికార్డ్

భారత స్టార్ షట్లర్ PV సింధు జపాన్ ఓపెన్ సూపర్ 750 సిరీస్‌లో విజేతగా నిలిచింది. ఆదివారం జరిగిన ఫైనల్లో ఆమె జపాన్‌కు చెందిన ప్రపంచ మూడో ర్యాంకర్ అకానె యమగూచిని 21-17, 21-17 తేడాతో వరుస గేమ్‌ల్లో ఓడించింది. ఈ విజయంతో జపాన్ ఓపెన్ టైటిల్ గెలిచిన తొలి భారత షట్లర్‌గా సింధు చరిత్ర సృష్టించింది. 2024 డిసెంబరులో సయ్యద్ మోదీ ఇంటర్నేషనల్ తర్వాత టైటిల్ గెలవకపోవడంతో వచ్చిన విమర్శలకు ఈ విజయంతో ఆమె గట్టి సమాధానం ఇచ్చింది. సింధుకు CM చంద్రబాబు, డిప్యూటీ CM పవన్ కల్యాణ్ అభినందనలు తెలిపారు.

Sports· 19 Jul 2026

ఈసారి ఫిఫా కప్ కొట్టేది స్పెయినే-రొనాల్డో

ఫిఫా ప్రపంచ కప్ 2026 ఫైనల్‌లో డిఫెండింగ్ ఛాంపియన్ అర్జెంటీనాపై స్పెయిన్ విజయం సాధిస్తుందని బ్రెజిల్ ఫుట్‌బాల్ లెజెండ్ రొనాల్డో నజారియో స్పష్టం చేశారు. ఈ టోర్నమెంట్‌లో స్పెయిన్ ఆడిన దాదాపు అన్ని మ్యాచ్‌లపై పూర్తి కంట్రోల్ సాధించిందని, ఫైనల్లో కూడా వారు సులువుగా గెలుస్తారని ఆయన ESPN Brasil ఇంటర్వ్యూలో పేర్కొన్నారు. స్పెయిన్ ఒకవేళ ముందే గోల్స్ చేస్తే, బంతిని తమ కంట్రోల్ లో ఉంచుకుని అర్జెంటీనాకు కోలుకునే ఛాన్స్ ఇవ్వదని రోనాల్డో అంచనా వేశారు.

Sports· 17 Jul 2026

క్రికెట్ దిగ్గజం సర్ గారీఫీల్డ్ సోబర్స్ కన్నుమూత !

క్రికెట్ చరిత్రలోనే అత్యుత్తమ ఆల్‌రౌండర్‌గా గుర్తింపు పొందిన వెస్టిండీస్ లెజెండ్ సర్ గార్ఫీల్డ్ సోబర్స్ (89) శుక్రవారం కన్నుమూశారు. ఈ విషయాన్ని క్రికెట్ వెస్టిండీస్ (CWI) అధికారికంగా ధృవీకరించింది. 1936లో బార్బడోస్‌లో జన్మించిన ఆయన.. తన అద్భుతమైన బ్యాటింగ్, బౌలింగ్, ఫీల్డింగ్ నైపుణ్యాలతో క్రికెట్ రంగాన్ని శాసించారు. ఒకే ఓవర్లో 6 సిక్సర్లు కొట్టిన తొలి బ్యాటర్‌గా ఆయన చరిత్ర సృష్టించారు. ఆయన మృతి పట్ల ప్రపంచవ్యాప్తంగా క్రీడా ప్రముఖులు తీవ్ర సంతాపం వ్యక్తం చేస్తున్నారు.

Sports· 17 Jul 2026

ఆగస్టు 15 నుండి హాకీ వరల్డ్ కప్!

మహిళల హాకీ వరల్డ్ కప్ 2026 కోసం 20 మందితో కూడిన ఇండియన్ టీమ్‌ను హాకీ ఇండియా అనౌన్స్ చేసింది. ఈ మెగా టోర్నీకి సలీమా టెటే కెప్టెన్‌గా సెలెక్ట్ అయింది. నెదర్లాండ్స్, బెల్జియం దేశాలు కలిసి హోస్ట్ చేస్తున్న ఈ టోర్నమెంట్ ఆగస్టు 15 నుండి 30 వరకు జరగనుంది. పూల్-డి గ్రూప్‌లో ఉన్న ఇండియా.. చైనా, ఇంగ్లాండ్, సౌతాఫ్రికాలతో మ్యాచ్‌లు ఆడనుంది. రీసెంట్‌గా నేషన్స్ కప్ గెలిచిన ప్లేయర్స్‌కే ఈ టీమ్‌లో ఎక్కువ ఛాన్స్ ఇచ్చారు. ప్రస్తుతం బెంగళూరు క్యాంప్‌లో ఇండియా టీమ్ ఫుల్ ప్రాక్టీస్ చేస్తోంది.

Sports· 17 Jul 2026

అర్జెంటీనా ప్రెసిడెంట్ సెంటిమెంట్

అర్జెంటీనా ప్రెసిడెంట్ జేవియర్ మిలీ ఓ క్రేజీ సెంటిమెంట్ వల్ల ఈసారి ఫిఫా వరల్డ్ కప్ ఫైనల్స్ చూడటానికి స్టేడియానికి వెళ్లట్లేదట. 1990లో అప్పటి ప్రెసిడెంట్ కార్లోస్ మెనెమ్ మ్యాచ్ చూడటానికి వెళ్లిన వెంటనే అర్జెంటీనా ఓడిపోయింది. దాంతో టీమ్‌కు బ్యాడ్‌లక్ రాకూడదని అక్కడి ప్రెసిడెంట్లు మ్యాచ్‌లకు దూరం ఉంటున్నారు. మిలీ కూడా ఈ ఫైనల్‌ను ఇంట్లో టీవీలో చూస్తానని చెప్పారు.

Sports· 17 Jul 2026

హిట్‌మ్యాన్ రిటైర్మెంట్?.. లండన్ చేరుకున్న పేరెంట్స్

భారత క్రికెట్ మాజీ కెప్టెన్ రోహిత్ శర్మ అంతర్జాతీయ భవిష్యత్తుపై ఊహాగానాలు జోరందుకున్నాయి. ఇంగ్లాండ్‌తో ఆదివారం లార్డ్స్‌లో జరిగే వన్డే మ్యాచ్ అతడి చివరి మ్యాచ్ కావొచ్చని ప్రచారం జరుగుతోంది. రోహిత్ తల్లిదండ్రులు ఇప్పటికే లండన్ చేరుకున్నట్లు సమాచారం. 2027 వన్డే ప్రపంచకప్‌ను దృష్టిలో పెట్టుకుని యువ ఆటగాళ్లకు ప్రాధాన్యం ఇవ్వాలని BCCI సెలక్షన్ కమిటీ భావిస్తున్నట్లు వార్తలు వస్తున్నాయి. అయితే ఎలాంటి అధికారిక ప్రకటన వెలువడలేదు. దీనిపై ఆదివారం మ్యాచ్ అనంతరం స్పష్టత వచ్చే అవకాశం ఉంది.

Sports· 17 Jul 2026

రోహిత్ కెరీర్ ముగియనుందా?

భారత క్రికెట్ స్టార్ ఓపెనర్ రోహిత్ శర్మ వన్డే భవిష్యత్తుపై ఊహాగానాలు జోరందుకున్నాయి. 2027 ప్రపంచకప్‌ను దృష్టిలో పెట్టుకుని BCCI సెలక్టర్లు జట్టులో మార్పులపై చర్చించినట్లు సమాచారం. ఈ క్రమంలో హిట్ మ్యాన్‌ను ఇకపై వన్డేలకు ఎంపిక చేయకూడదనే అభిప్రాయం వ్యక్తమైనట్లు ప్రచారం జరుగుతోంది. బోర్డు తీసుకున్న ఈ నిర్ణయం పట్ల రోహిత్ శర్మ తీవ్ర అసంతృప్తి వ్యక్తం చేసినట్లు సమాచారం. ఈ అంశంపై సెలక్టర్లు, కోచ్ గౌతమ్ గంభీర్‌తో సమావేశం జరిగినట్లు వార్తలు వస్తుండగా, అధికారికంగా BCCI నుంచి ఎలాంటి ప్రకటన వెలువడలేదు.

Sports· 17 Jul 2026

ఫ్యూచర్ సిటీలో క్రికెట్ స్టేడియం

TG: గ్రామీణ ప్రాంతాల్లో ప్రతిభ కలిగిన క్రీడాకారుల నైపుణ్యాన్ని వెలుగులోకి తీసుకురావడానికి TG20 లీగ్ మంచి వేదిక అని CM రేవంత్ రెడ్డి పేర్కొన్నారు. TG20 మొదటి సీజన్‌లో విజేతగా నిలిచిన హైదరాబాద్ ఛాంపియన్స్‌ను ఆయన అభినందించారు. తెలంగాణలో తొలిసారిగా క్రికెట్ లీగ్ జరిగిందని, రాష్ట్రంలోని యువ ఆటగాళ్లను ప్రోత్సహించేందుకు రంగారెడ్డి జిల్లాలోని ఫ్యూచర్ సిటీలో లక్షమంది సామర్థ్యంతో అంతర్జాతీయ క్రికెట్ స్టేడియాన్ని నిర్మిస్తామన్నారు. దీని కోసం BCCI, హైదరాబాద్ క్రికెట్ సంఘం(HCA) తో చర్చిస్తున్నట్లు తెలిపారు.

Sports· 16 Jul 2026

జులై 20న ఫిఫా వరల్డ్ కప్ ఫైనల్

ఫిఫా వరల్డ్ కప్ ఫైనల్ ఫీవర్ స్టార్ట్ అయింది. జూలై 20న న్యూజెర్సీ వేదికగా జరిగే ఈ మెగా క్లాష్‌లో లియోనెల్ మెస్సీ కెప్టెన్సీలోని అర్జెంటీనా, డిఫెన్స్‌తో దూసుకెళ్తున్న స్పెయిన్‌తో తలపడనుంది. సెమీస్‌లో ఫ్రాన్స్‌కు స్పెయిన్ చెక్ పెట్టగా ఇంగ్లాండ్‌పై 2-1 తేడాతో గెలిచి అర్జెంటీనా ఫైనల్‌లోకి ఎంట్రీ ఇచ్చింది. ఈ మ్యాచ్ గెలిస్తే బ్రెజిల్(1958, 1962) తర్వాత వరుసగా రెండు వరల్డ్ కప్‌లు కొట్టిన టీమ్‌గా అర్జెంటీనా హిస్టరీ క్రియేట్ చేస్తుంది. ఇది వాళ్ళ నాలుగో టైటిల్ అవుతుంది.

Sports· 15 Jul 2026

ఫిఫా రేస్ నుంచి అర్జెంటీనాని బ్యాన్ చేయాలని డిమాండ్ !

2026 ఫిఫా వరల్డ్ కప్‌లో అర్జెంటీనా జట్టుకు, ముఖ్యంగా కెప్టెన్ లియోనెల్ మెస్సీకి అనుకూలంగా రిఫరీలు పక్షపాత నిర్ణయాలు తీసుకుంటున్నారని ఆరోపిస్తూ ఒక ఆన్‌లైన్ పిటిషన్ ప్రారంభమైంది. argentinaout.com అనే వెబ్‌సైట్‌లో ఇప్పటికే కోటి మందికి పైగా సంతకాలు చేసి, అర్జెంటీనాను టోర్నీ నుండి తొలగించాలని డిమాండ్ చేస్తున్నారు. ఈజిప్ట్‌తో జరిగిన రౌండ్-16 మ్యాచ్‌లో వివాదాస్పద ‘VAR’ నిర్ణయాల వల్ల ఈ వివాదం మరింత పెద్దదైంది. అయితే, నేటి సాంకేతికత యుగంలో రిఫరీ పక్షపాతం చూపడం అస్సలు సాధ్యం కాదని అర్జెంటీనా కోచ్ లియోనెల్ స్కలోని ఈ ఆరోపణలను ఖండించారు.

Sports· 14 Jul 2026

'లార్డ్స్' ఎందుకంత ప్రత్యేకం?

1814లో స్థాపించిన ‘లార్డ్స్’ ప్రపంచ క్రికెట్‌లో చారిత్రక మైదానంగా గుర్తింపు పొందింది. ఇది ఇంగ్లండ్‌లో ఉంది. దీన్ని 'క్రికెట్‌కు మక్కా'గా పిలుస్తారు. అనేక చారిత్రక టెస్టులు, ప్రపంచకప్ ఫైనల్స్‌కు ఆతిథ్యం ఇచ్చిన వేదిక ఇది. సెంచరీ లేదా ఐదు వికెట్లు సాధించిన క్రికెటర్ల పేర్లను ఆనర్స్ బోర్డులో నమోదు చేయడం ఇక్కడి ట్రెడిషన్. అందుకే లార్డ్స్‌లో ఆడడం ప్రతి క్రికెటర్‌ తన జీవితకాల గౌరవంగా భావిస్తారు.

▶

Sports· 11 Jul 2026

క్రికెట్‌లా ఫుట్‌బాల్‌లోనూ భారత్ నంబర్-1 కావాలి

ఇండియా ఫుట్‌బాల్ జట్టు కూడా క్రికెట్ లాగే వరల్డ్ కప్ ఆడాలని, అంతర్జాతీయ స్థాయిలో నెంబర్ వన్ స్థాయికి ఎదగాలని ప్రజాశాంతి పార్టీ అధ్యక్షుడు KA పాల్ ఆకాంక్షించారు. మనదేశంలో ప్రతిభ ఉన్న ఆటగాళ్లు ఉన్నారని, సరైన శిక్షణ, మౌలికవసతులు కల్పిస్తే ఇండియా కూడా కప్ సాధిస్తుందని ఆయన ఆశాభావం వ్యక్తం చేశారు. భారత్ ఎందుకు ఫుట్‌బాల్ వరల్డ్ కప్ ఆడలేకపోతోందని ప్రశ్నించారు. భారత్‌లో క్రికెట్‌కు ఉన్న ఆదరణ ఫుట్‌బాల్‌కు కూడా దక్కాలని, మనదేశానికి ఎంతో మంది మెస్సీలు, రొనాల్డోల ప్రతిభ ఉన్న ఆటగాళ్లను తయారుచేసే సత్తా ఉందని అన్నారు.

Sports· 10 Jul 2026

వైభవ్ పైన ధోనీ ఆసక్తికర వ్యాఖ్యలు

వరుస ఫెయిల్యూర్స్ తో ఒత్తిడిలో ఉన్న వైభవ్ సూర్యవంశీకి ధోనీ తాజా కామెంట్స్ గొప్ప భరోసా ఇస్తాయ్. స్పోర్ట్స్ జర్నలిస్ట్ విమల్ కుమార్ ఇంటర్వ్యూలో మాట్లాడుతూ వైభవ్, నేను ఒకసారి అనుకోకుండా ఒకరినొకరు దాటుకుంటూ వెళ్లాం. మాట్లాడుకునే అవకాశం కూడా రాలేదు. వైభవ్ సూర్యవంశీకి చాలా అద్భుతమైన భవిష్యత్తు ఉంది. ప్రపంచమంతా అతని ఆటను గమనిస్తోంది. అంతర్జాతీయ స్థాయిలో రాణించగల అద్భుతమైన నైపుణ్యం ఆ కుర్రాడిలో ఉంది అని ధోనీ పొగిడారు.

Sports· 9 Jul 2026

గంగూలీ బయో పిక్ దాదా ఫస్ట్ లుక్ పై నెటిజన్ల ట్రోల్స్ !

సౌరవ్ గంగూలీ బయోపిక్ 'దాదా': రాజ్‌కుమార్ రావు ఫస్ట్ లుక్‌పై నెటిజన్ల ట్రోల్స్! మాజీ ఇండియన్ కెప్టెన్ సౌరవ్ గంగూలీ బయోపిక్ ‘దాదా’ నుంచి హీరో రాజ్‌కుమార్ రావు ఫస్ట్ లుక్ పోస్టర్ విడుదలైంది. లార్డ్స్ స్టేడియంలో గంగూలీ జెర్సీ విప్పిన ఐకానిక్ మూమెంట్‌ను ఇందులో రీక్రియేట్ చేశారు. అయితే, ఈ పోస్టర్ నెటిజన్లను అస్సలు ఆకట్టుకోలేదు. ఇది చాలా వరస్ట్‌గా ఉందంటూ సోషల్ మీడియాలో విమర్శలు వెల్లువెత్తు తున్నాయి. "దీనికంటే ChatGPT ఇంకా మంచి పోస్టర్ డిజైన్ చేసేది", "ఇది ఒక డిజాస్టర్ VFX" అంటూ నెటిజన్లు దారుణంగా ట్రోల్ చేస్తున్నారు.

Sports· 8 Jul 2026

గంగూలీ బయోపిక్ పై త్వరలోనే అనౌన్స్ మెంట్ !

సౌరవ్ గంగూలీ జీవితకథ ఆధారంగా తెరకెక్కనున్న బయోపిక్‌పై సినీ ప్రియుల్లో భారీ అంచనాలు ఉన్నాయి. ఈ చిత్రాన్ని లవ్ ఫిల్మ్స్ సంస్థ నిర్మిస్తోంది. అయితే, ఈ సినిమాకు సంబంధించి ఇప్పటివరకు ఎలాంటి అధికారిక ఫస్ట్ లుక్ లేదా టీజర్ విడుదల కాలేదు. గంగూలీ పాత్రలో బాలీవుడ్ స్టార్ ఆయుష్మాన్ ఖురానా నటించనున్నట్లు ప్రచారం జరుగుతున్నప్పటికీ, చిత్ర యూనిట్ ఇంకా ధృవీకరించలేదు. త్వరలోనే నటీనటులు, ఫస్ట్ లుక్ వివరాలను మేకర్స్ అధికారికంగా అనౌన్స్ చేస్తారు.

Sports· 5 Jul 2026

పవర్ ఫుల్ లోయర్ బాడీకి గాబ్లెట్ స్క్వాట్స్

ఫిట్‌నెస్ ఫ్రీక్స్‌కు అత్యంత పరిచయమైన వర్కవుట్స్‌లో 'స్క్వాట్స్' (Squats) ఒకటి. అయితే, సాధారణ స్క్వాట్స్ కంటే 'గాబ్లెట్ స్క్వాట్స్' (Goblet Squats) చేయడం వల్ల అద్భుతమైన ఫలితాలు ఉంటాయని ఫిట్‌నెస్ నిపుణులు చెబుతున్నారు. ఒక డంబెల్ లేదా కెటిల్‌బెల్‌ను ఛాతీకి దగ్గరగా పట్టుకుని చేసే ఈ సింపుల్ ఎక్సర్‌సైజ్ వల్ల లోయర్ బాడీ స్ట్రాంగ్ అవుతుంది. బాడీకి సరైన పొశ్చర్ వస్తుంది.నడుము , పొత్తికడుపు కండరాలు యాక్టివేట్ అయి బలపడతాయి. జిమ్‌లో భారీ బరువులు ఎత్తలేక పోయినా.. ఇంట్లోనే ఒక చిన్న డంబెల్‌తో ఈ 'గాబ్లెట్ స్క్వాట్స్' చేస్తూ పర్ఫెక్ట్ ఫిట్‌నెస్ సొంతం చేసుకోవచ్చని నిపుణులు చెబుతున్నారు.

Sports· 29 Jun 2026

క్రికెట్ ఫ్యాన్స్‌కి గుడ్ న్యూస్!

దాదాపు వందేళ్ల తర్వాత 2028 లాస్ ఏంజెల్స్ ఒలింపిక్స్‌లోకి క్రికెట్ రీ-ఎంట్రీ ఇస్తోంది. మెన్, ఉమెన్ కేటగిరీల్లో కేవలం 6 జట్లు మాత్రమే ఆడతాయని ICC అనౌన్స్ చేసింది. వరల్డ్ కప్ సెమీస్ చేరడంతో భారత మహిళల టీమ్ ఆల్రెడీ ఒలింపిక్స్‌కి క్వాలిఫై అయిపోయింది. ఇక మెన్ టీమ్ ప్రస్తుత టాప్ ర్యాంకింగ్స్ చూస్తే, వాళ్ల ఎంట్రీ కూడా దాదాపు కన్ఫర్మ్ అయినట్లే. హోస్ట్ కంట్రీగా అమెరికా డైరెక్ట్‌గా ఆడుతుంది, మిగిలిన ఒక్క సీటు కోసం 2027లో క్వాలిఫైయర్ మ్యాచ్‌లు జరుగుతాయి.

Sports· 26 Jun 2026

మొదటి టీ -20లోనే భారత్ ఓటమి !

క్రికెట్ అభిమానులకు ఇదొక ఊహించని షాక్! నేడు (జూన్ 26, 2026) బెల్ఫాస్ట్‌లోని స్టార్మాంట్ క్రికెట్ గ్రౌండ్‌లో ఐర్లాండ్‌తో జరిగిన మొదటి టీ20 మ్యాచ్‌లో టీమిండియా 34 పరుగుల తేడాతో ఘోర పరాజయాన్ని చవిచూసింది. రెండు మ్యాచ్‌ల ఈ సిరీస్‌లో ఐర్లాండ్ ప్రస్తుతం 1-0 ఆధిక్యంలో నిలిచింది. టాస్ గెలిచి ఫీల్డింగ్ ఎంచుకోగా బ్యాటింగ్ కి దిగిన ఐర్లాండ్ 20ఓవర్లకు గాను 9 వికెట్లు కోల్పోయి 189 పరుగులు చేసింది. ఆ తర్వాత బ్యాటింగ్ కి దిగిన భారత్ 18 ఓవర్లకే 148 పరుగులకు ఆలౌట్ అయ్యింది. 20 బంతుల్లో 50 పరుగులు చేసి అభిషేక్ శర్మ ఒక్కరే లీడింగ్ లో నిలిచారు.