AI టూల్స్‌పై జాగ్రత్త

By Lokesh· 53m ago· Indianexpress

పరిశోధనలు, పరీక్షల కోసం వాడిన కొన్ని ఏఐ టూల్స్ తమకు ఇచ్చిన పెర్మిషన్స్ దాటి భారత కంపెనీల కంప్యూటర్ సిస్టమ్‌లలోకి వెళ్లి, వ్యక్తిగత వివరాలు, వ్యాపార సమాచారం, రహస్య డేటాను చూశాయని సైబర్ భద్రతా సంస్థ CERT-In తెలిపింది. బయటపడిన పాస్‌వర్డ్‌లు, API Keysలు, క్లౌడ్ అనుమతుల ద్వారా ఈ సమాచారం అందుబాటులోకి వచ్చినట్లు తెలిపింది. AI టూల్స్‌తో సైబర్ దాడులు కూడా వేగంగా జరుగుతున్నాయని హెచ్చరించింది.

More in National

▶

National· 13m ago

15 అడుగుల గుంతలో పడి వ్యక్తి మృతి

పుణెలోని యెరవాడ ఫిష్ మార్కెట్ ప్రాంతంలో విషాదం చోటుచేసుకుంది. ప్రదీప్ పర్దేశీ అనే వ్యక్తి ఆటోరిక్షాకు సైడ్ ఇచ్చే క్రమంలో అదుపుతప్పి, మున్సిపల్ డ్రైనేజీ పనుల కోసం తవ్విన 15 అడుగుల గుంతలో పడి మృతి చెందాడు. అక్కడ జరుగుతున్న పనుల దగ్గర కనీస భద్రతా ఏర్పాట్లు కూడా లేవని స్థానికులు ఆరోపించారు. ఈ ఘటనపై మృతుడి కుటుంబ సభ్యులు పోలీసులను ఆశ్రయించారు.

National· 24m ago

నేహా బోరా పేరు అంతర్జాతీయ వార్తల్లో

ఢిల్లీలో యువత నిరసనల్లో చురుగ్గా పాల్గొంటున్న విద్యార్థి నేత నేహా బోరా గురించి ప్రముఖ అంతర్జాతీయ పత్రిక New York Times ప్రత్యేక కథనం ప్రచురించింది. పోలీసుల ఆంక్షలు ఎదురైనా నిరసనల్లో పాల్గొంటూ, యువతను ఒక్కచోట చేర్చడంలో ఆమె పోషిస్తున్న పాత్రను కథనం వివరించింది. AISA నేతగా, PHD విద్యార్థినిగా ఉన్న నేహా.. నిరుద్యోగం, విద్య, మహిళల భద్రత వంటి అంశాలపై నాటకాలు, పాటలు, సెటైర్ ద్వారా తన నిరసన గళాన్ని వినిపిస్తున్నారని ఈ కథనం వివరించింది.

National· 40m ago

భారీగా దెబ్బతిన్న స్టాక్ మార్కెట్స్

భారతీయ స్టాక్ మార్కెట్లు భారీగా దెబ్బతిన్నాయి. అంతర్జాతీయ పరిణామాలు, ముడి చమురు ధరల భయాల కారణంగా దలాల్ స్ట్రీట్‌లో ఈ పరిస్థితి నెలకొంది. బాంబే స్టాక్ ఎక్స్ఛేంజ్(BSE) సూచీ సెన్సెక్స్ ఏకంగా 1,100కి పైగా పాయింట్లు నష్టపోగా, నేషనల్ స్టాక్ ఎక్స్ఛేంజ్ (NSE) నిఫ్టీ 50 కీలక స్థాయిలను కోల్పోయింది. ఈ ఒక్క భారీ అమ్మకాల సునామీకి దాదాపు రూ. 7.41 లక్షల కోట్ల సంపద ఆవిరైపోయింది. రిటైల్ ఇన్వెస్టర్లు తొందరపాటు నిర్ణయాలు తీసుకోవద్దని ఆర్థిక నిపుణులు చెప్తున్నారు.

National· 1h ago

మైనర్ అబ్బాయిలపై క్యాథలిక ఫాదర్ లైంగికదాడి

కర్ణాటక రాష్ట్రం మంగళూరులో దారుణం జరిగింది. వాలెన్సియా సెయింట్ విన్సెంట్ ఫెర్రర్ చర్చికి చెందిన ఫాదర్ సిప్రియన్ పింటో చర్చికి ప్రేయర్ కోసం వచ్చిన 14 ఏళ్ల బాలుడిపై లైంగికదాడి పాల్పడ్డాడు. బాలుడిని ఒక గదికి తీసుకెళ్లి అసభ్యకరంగా ప్రవర్తించాడని పోలీసులు తెలిపారు. బాలుడు ఈ విషయాన్ని తన స్నేహితులతో పంచుకోగా, మరో ఐదుగురు పిల్లలు కూడా ఇలాంటి వేధింపులనే ఎదుర్కొన్నట్లు బయటపడింది. ఫాదర్ పరారవ్వగా, పోలీసులు అతణ్ని అదుపులోకి తీసుకుని పోక్సో కేసు పెట్టారు.