దక్షిణాదికి దారుణమైన శిక్ష

మహిళలకు చట్టసభల్లో 33% రిజర్వేషన్ల అమలు, పార్లమెంటులో సీట్ల సంఖ్యను 850 వరకు పెంచడానికి వీలుగా కేంద్రం తీసుకువస్తున్న 131 రాజ్యాంగ సవరణ బిల్లు-2026 పొలిటికల్ గా హీట్ పెంచుతోంది. తెలంగాణ సీఎం రేవంత్ రెడ్డి ఇది దక్షిణాదిపై కేంద్రం పన్నిన కుట్రని మండిపడ్డారు. దక్షిణాది రాష్ట్రాలన్నీ ఏకమై ఈ బిల్లుని అడ్డుకోవాలని పిలుపునిచ్చారు. సీట్లు పెంచకుండా నియోజకవర్గాలు పెంచితే తమకు ఓకేనంటూ ప్రధాని మోదీకి లేఖ రాశారు. ఈ బిల్లుని అడ్డుకోవాలంటూ ఏపీ సీఎం చంద్రబాబునాయుడుతో పాటు తమిళనాడు, కర్ణాటక, కేరళ, పుదుచ్చేరి సీఎంలకు రేవంత్ లేఖలు రాశారు. ప్రోరేటా అంటే జనాభా ఆధారంగా సీట్లు పెంచడం వల్ల దక్షిణాది రాష్ట్రాలకు తీరని అన్యాయం జరుగుతుందని అన్నారు.