పంటలు పోయే.. కరెంటు రాదాయే.!

By Krishna· 3h ago· X

తెలంగాణ ప్రభుత్వం రైతులకు నాణ్యమైన కరెంటు ఇస్తున్నామని చెబుతుంటే.. సీఎం సొంత గ్రామంలో రైతులు.. పంటలు ఎండిపోతున్నాయంటూ, తీవ్ర ఆవేదనతో పాటలు పాడుతూ, తమ గోడు చెబుతూ.. ధర్నా చేశారు. నాగర్‌కర్నూల్ జిల్లా.. కొండారెడ్డిపల్లి దగ్గర్లోని శ్రీశైలం-హైదరాబాద్ నేషనల్ హైవేపై రైతులు ఈ మెరుపు ధర్నా చేపట్టారు. తమకు రోజూ 6 నుంచి 8 గంటలు మాత్రమే కరెంటు వస్తోందని అన్నదాతలు ఆగ్రహం వ్యక్తం చేస్తున్నారు. 24 గంటల కరెంట్ ఇచ్చేవరకు ఆందోళన విరమించేది లేదని రైతులు హెచ్చరించారు.

More in TG

TG· 14m ago

15 గంటల కరంట్ ఇవ్వాల్సిందే: రైతులు

TG : సైదాపూర్ మండలం రాయికల్ గ్రామంలో విద్యుత్ కోతలను వ్యతిరేకిస్తూ రైతులు రోడ్డెక్కారు. సీఎం రేవంత్ రెడ్డి దిష్టిబొమ్మతో ఊరిలో ర్యాలీ తీసి, మెయిన్ సెంటర్‌లో నిప్పు పెట్టారు. డైలీ కరంట్ కోతల వల్ల పంట పొలాలు ఎండిపోతున్నాయని రైతులు తెలిపారు. వ్యవసాయానికి కనీసం 15 గంటల పాటు కరెంట్ ఇవ్వాలని డిమాండ్ చేశారు. తమ సమస్యలు పరిష్కరించాలని కోరుతూ సైదాపూర్ పవర్ ఏఈకి వినతిపత్రం ఇచ్చారు.

TG· 20m ago

కోదాడలో లారీ ప్రమాదం.. తప్పిన పెను ప్రమాదం

సూర్యాపేట జిల్లా కోదాడ పట్టణంలోని దుర్గాపురం స్టేజీ వద్ద ఇవాళ రెండు లారీలు ఢీకొన్నాయి. హైదరాబాద్‌ నుంచి విజయవాడ వెళ్తున్న లారీ.. ముందు వెళ్తున్న మరో లారీని ఢీకొట్టడంతో అదుపుతప్పి హైదరాబాద్‌ వైపు రోడ్డుపైకి దూసుకెళ్లింది. ఆ సమయంలో రహదారిపై వాహనాలు లేకపోవడంతో పెను ప్రమాదం తప్పింది. ఘటనతో జాతీయ రహదారిపై కొద్దిసేపు ట్రాఫిక్‌ స్తంభించింది. పోలీసులు చేరుకుని వాహనాల రాకపోకలను క్రమబద్ధీకరించారు.

TG· 29m ago

ఆటలతోనే మైండ్ రీఫ్రెష్

TG : స్పోర్ట్స్ వల్ల మైండ్ ఫ్రెష్‌గా ఉండి మానసిక వికాసం కలుగుతుందని బూర్గంపహాడ్ MPDO జమలారెడ్డి చెప్పారు. మోరంపల్లిబంజర్ ZPHS స్కూల్‌లో మండల స్థాయి క్రీడా పోటీలను MEO యదుసింహరాజు, సర్పంచ్ సుభద్రలతో కలిసి ఆయన ప్రారంభించారు. U-14, U-17 విభాగాల్లో వాలీబాల్, ఖోఖో, కబడ్డీ, రన్నింగ్, లాంగ్, హైజంప్ పోటీలు నిర్వహించారు. రెండు రోజుల పాటు జరిగే ఈ స్పోర్ట్స్ మీట్‌లో స్టూడెంట్స్ చాలా ఉత్సాహంగా పాల్గొన్నారు.

TG· 32m ago

చాకలి ఐలమ్మ పోరాట స్ఫూర్తి ఆదర్శనీయం

తెలంగాణ సాయుధ రైతాంగ పోరాటానికి స్ఫూర్తిగా నిలిచిన వీరనారి చాకలి ఐలమ్మ త్యాగాలు చిరస్మరణీయమని యాదాద్రి భువనగిరి జిల్లా కలెక్టర్ అనురాగ్ జయంతి అన్నారు. ఇవాళ ఐలమ్మ వర్ధంతిని పురస్కరించుకుని కలెక్టరేట్‌లో BC అభివృద్ధి శాఖ ఆధ్వర్యంలో ఆమె చిత్రపటానికి పూలమాలలు వేసి నివాళులర్పించారు. భూమి, భుక్తి, వెట్టి చాకిరి విముక్తి కోసం ఆమె చేసిన పోరాట స్ఫూర్తిదాయకమన్నారు. ఐలమ్మ ఆశయాలను ముందుకు తీసుకెళ్లాలని పిలుపునిచ్చారు.