Latest
ఇరాన్ పై మళ్లీ అమెరికా దాడులు.. స్ట్రెయిట్ ఆఫ్ హార్మూజ్ లో ఉద్రిక్తత
అమెరికా, ఇరాన్ దేశాల మధ్య ఉద్రిక్తతలు మరోసారి పీక్స్ కి చేరాయి. స్ట్రెయిట్ ఆఫ్ హోర్ముజ్ లో తమ సైనిక బలగాలకు, అంతర్జాతీయ వాణిజ్య నౌకలకు ఇరాన్ వల్ల ముప్పు పొంచి ఉందనే నెపంతో యూఎస్ ఆర్మీ ఇరాన్‌లోని ఒక మిలిటరీ సైట్‌పై విరుచుకుపడింది. తమ వైపు దూసుకొచ్చిన ఇరాన్‌కు చెందిన పలు డ్రోన్లను కూడా అమెరికా దళాలు కూల్చివేసినట్టు యూఎస్ అధికారి ఒకరు వెల్లడించారు. శాంతి చర్చలు కొనసాగుతున్న టైమ్‌లో ఈ దాడులు జరగడం గ్లోబల్ టెన్షన్ పెంచుతోంది. ఆయిల్ ధరలపై కూడా దీని ఎఫెక్ట్ పడే అవకాశం ఉంది
అధికారం లేకపోవడంతో అరాచకం సృష్టిస్తున్నారు: మందుల సామేల్
TG: బీఆర్ఎస్ పార్టీ లీడర్, మాజీ ఎమ్మెల్యే బాల్క సుమన్ చేసిన వ్యాఖ్యలపై తుంగతుర్తి ఎమ్మెల్యే మందుల సామేల్ మండిపడ్డారు. సూర్యాపేట జిల్లా నూతనకల్‌లో నిర్వహించిన మీడియా సమావేశంలో ఆయన మాట్లాడారు. బాల్క సుమన్ నిన్న సింగరేణి సభలో మాట్లాడిన తీరును తెలంగాణ ప్రజలు క్షమించరన్నారు. ప్రజల పన్నులతో కట్టిన సింగరేణి ఆఫీసును తగలబెట్టాలి, రైల్వేలైను కోసి వేయాలి, మిలిటెంట్ ఉద్యమం చేయాలని అనడం సరికాదన్నారు. అధికారం లేకపోవడంతో బీఆర్ఎస్ నాయకులు అరాచకం సృష్టిస్తున్నారన్నారు.
ప్రజాసమస్యలను తక్షణమే పరిష్కరించాలి: సీతక్క
TG: ప్రజాసమస్యలను తక్షణమే పరిష్కరించాలని మంత్రి దనసరి సీతక్క అధికారులను ఆదేశించారు. మహబూబాబాద్ జిల్లా కొత్తగూడ మండలం ఓటాయిలో బుధవారం నిర్వహించిన 'ప్రజాదర్బార్'కు విశేష స్పందన లభించింది. ప్రజల సమస్యలను తెలుసుకునేందుకు మంత్రి సీతక్క స్వయంగా ఈ కార్యక్రమానికి హాజరయ్యారు. ఎండల తీవ్రత దృష్ట్యా ప్రజలకు ఎలాంటి ఇబ్బందులు కలుగకుండా అధికారులు ప్రత్యేక ఏర్పాట్లు చేశారు. ఈ దర్బార్‌లో ఇందిరమ్మ ఇళ్లు, పెన్షన్లు, ఇతర సమస్యలపై స్థానికులు పెద్దఎత్తున మంత్రికి దరఖాస్తులు అందజేశారు.
రైతులు పుకార్లు నమ్మొద్దు : కలెక్టర్ ప్రతిమాసింగ్
TG: అకాల వర్షాల వల్ల తడిసిన ధాన్యాన్ని కొనుగోలు చేస్తామని, రైతులు పుకార్లను నమ్మి మోసపోవద్దని మెదక్ జిల్లా కలెక్టర్ ప్రతిమా సింగ్ రైతులకు విజ్ఞప్తి చేశారు. బుధవారం నర్సాపూర్ మండలం తుల్జారంపేట్ గ్రామంలోని ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఆర్డీవో రామకృష్ణ, తహసీల్దార్ శ్రీనివాస్‌తో కలిసి పరిశీలించారు. అకాల వర్షాలకు తడిసిన ధాన్యాన్ని పరిశీలించారు. నిన్న కురిసిన వర్షానికి జిల్లా వ్యాప్తంగా 400 మెట్రిక్ టన్నుల ధాన్యం తడిసిందని రిపోర్ట్ ఉందని, ఆరబెట్టి తడిసిన ధాన్యాన్ని బాయిల్డ్ రైస్ మిల్లులకు పంపించి రైతులకు న్యాయం చేస్తామన్నారు.
తెలంగాణలో ఆంధ్ర నాయకుల పెత్తనం ఏంటి: మందుల సామెల్
TG: హైదరాబాద్‌లోని మాజీ ఎమ్మెల్సీ ప్రొఫెసర్ నాగేశ్వరరావు ఇంటిపై ఆంధ్ర పోలీసులు వెళ్లడంపై తుంగతుర్తి ఎమ్మెల్యే మందుల సామేల్ మండిపడ్డారు. సూర్యాపేట జిల్లా నూతనకల్ మండల కేంద్రంలో మీడియా సమావేశంలో ఆయన మాట్లాడుతూ.. తెలంగాణ రాష్ట్రంలో ఆంధ్ర పోలీసుల పెత్తనం ఏంటని, చంద్రబాబు, పవన్ కళ్యాణ్‌లను ఉద్దేశించి మాట్లాడారు. హైదరాబాదులో ఇంకా మీ అయ్య జాగీరు ఉందా, ఇక్కడ మీ పెత్తనం ఏంటని ధ్వజమెత్తారు. మీ అరాచకం తెలంగాణలో నడవదు అని అన్నారు. ఆంధ్ర వాళ్లకు తెలంగాణలో ఏం పని బతకడానికి వచ్చి పెత్తనం చేయడం సరికాదన్నారు.
నీటి గుంతలో పడి ముగ్గురు మృతి
AP: పొలంలో నల్లనేరేడు పండ్ల కోసం వెళ్లిన ముగ్గురు బాలురు నీటి గుంతలో పడి మృతి చెందిన ఘటన శ్రీసత్యసాయి జిల్లా రొద్దం మండలం నారనాగేపల్లిలో చోటు చేసుకుంది. సమాచారం అందుకున్న పోలీసులు సంఘటనా స్థలానికి చేరుకుని స్థానికుల సహాయంతో డెడ్‌బాడీలను బయటకు తీశారు. ముగ్గురు బాలురు మృతితో నారనాగేపల్లి గ్రామంలో విషాద ఛాయలు అలుముకున్నాయి.
గొంతు కోసి మహిళ దారుణ హత్య
TG: మహిళ దారుణ హత్యకు గురైన ఘటన రంగారెడ్డి జిల్లా చేవెళ్ల మండలం ఈర్లపల్లి గ్రామ పంచాయతీ పరిధిలోని గొల్లపల్లిలో చోటు చేసుకుంది. గొల్లపల్లి గ్రామానికి చెందిన ఎరుకలి మైసమ్మ(50)పై దుండగులు దాడి చేసి కాళ్లు, గొంతు కోసి హతమార్చారు. మహిళ మెడలో బంగారం, చెవులకు కమ్మలు, కాళ్లకు ఉన్న వెండి కడియాల కోసమే దుండగులు మహిళను చంపినట్లు సమాచారం. ఘటన స్థలానికి చేరుకున్న పోలీసులు కేసు నమోదు చేసుకుని దర్యాప్తు చేపట్టారు.
ఎవరెస్ట్ పై చనిపోయిన హైదరాబాదీ ! ఫ్యామిలీ ఏం చేసిందంటే..
ఎవరెస్ట్ శిఖరాన్ని అధిరోహించి తిరుగుప్రయాణంలో మరణించిన హైదరాబాద్ పర్వతారోహకుడు అరుణ్ కుమార్ తివారి (53) డెడ్ బాడీని అక్కడే వదిలేయాలని ఆయన కుటుంబం నిర్ణయించింది. ఎవరెస్ట్ పర్వతం శివుని నివాసమని, ఆయనను అక్కడే ప్రశాంతంగా విశ్రమించనివ్వడం సరైనదని కుటుంబసభ్యులు భావించారు. అంతేకాకుండా, తీవ్రమైన వాతావారణం, ఆక్సిజన్ లేకపోవడం వల్ల ఎవరెస్ట్ 'డెత్ జోన్' (హిల్లరీ స్టెప్) నుండి మృతదేహాన్ని తీసుకురావడం అత్యంత ప్రమాదకరమైన ,కష్టతరమైన ప్రక్రియ కావడంతో వారు ఈ డెసిషన్ తీసుకున్నారు.
ఆ రెండు అంశాల కోసమే మోడీతో విజయ్ భేటీ
తమిళనాడు ముఖ్యమంత్రిగా బాధ్యతలు స్వీకరించిన తర్వాత జోసెఫ్ విజయ్ తొలిసారిగా మోడీని కలసింది రెండు అంశాలపై విన్నవించడానికే నని తెలుస్తోంది. కర్ణాటక మేకేదాటు ప్రాజెక్టుకు అనుమతులు ఇవ్వద్దని ప్రధానిని కోరేందుకు, ప్రభుత్వ ఫంక్షన్స్ లో ప్రారంభంలో తమిళ రాష్ట్ర గీతాన్ని ఆలపించేందుకు అనుమతి ఇవ్వాలనీ విజయ్ విజ్ఞప్తి చేశారు. కర్ణాటక కాబోయే సీఎం డీకే శివకుమార్ ఈ మధ్యనే ఆ ప్రాజెక్టు డీపీఆర్ కేంద్రానికి సబ్ మిట్ చేశారు. దాంతో తమిళనాట నిరసనలు రేగాయి. అలాగే హాలండ్ నుండి పురాతన రాగి పలకలను తీసుకువచ్చినందుకు ప్రధానికి విజయ్ కృతజ్ఞతలు తెలిపారు.
సిద్దూనీ డీకే ఎలా దారికి తెచ్చారంటే !!- అసలు రీజన్ ఇదే !
కర్ణాటకలో డి.కె శివకుమార్ సిద్దరామయ్యకు (సిద్దు) పెద్ద ఝలకే ఇచ్చారు. ఇన్నాళ్లూ నెంబర్ గేమ్ పై నమ్మకం పెట్టుకున్న సిద్దరామయ్య తన పక్కన ఎమ్మెల్యేలు ఉన్నంత కాలం తననెవరూ ఏం చేయలేరని అనుకుంటూ వారిని కాపాడుకుంటూ వచ్చారు. కానీ డీకె మాత్రం కాంగ్రెస్ టాప్ బ్యాండ్ ని నమ్ముకున్నారు. హై కమాండ్ తో రెగ్యులర్ టచ్ లో ఉంటూ రెండున్నరేళ్లు కంప్లీట్ కాగానే హైకమాండ్ తలుపు తట్టారు. రాజస్థాన్ తరహా క్రైసిస్ రాకూడదని, ఎన్నికల ముందు గొడవలు ఇష్టం లేని రాహుల్ సిద్దరామయ్యకు ఏకాంత భేటీలో కుర్చీ దిగక తప్పదని తేల్చేశారు. ఓబీసీ లీడర్ గా మంచి ఫ్యూచర్ చూపిస్తామని ఆశపెట్టడంతో కథ సుఖాంతం అయ్యింది.
ఎల్ నినో డేంజర్ తప్పదు !! ముందస్తు ఏర్పాట్లలో కేంద్రం
ఆస్ట్రేలియా వాతావరణ సంస్థ (BOM) తీవ్రమైన 'ఎల్ నినో' రాకపై స్పష్టమైన అంచనాలను ప్రకటించింది. పసిఫిక్ మహాసముద్ర ఉపరితల జలాలు వేడెక్కడం వల్ల ఏర్పడే ఈ మార్పు, గాలులు , వర్షపాత వ్యవస్థను ప్రభావితం చేస్తుంది. ఇప్పటికే రుతుపవనాల ఆలస్యంతో తీవ్ర ఎండలను ఎదుర్కొంటున్న మనదేశానికి ఇది ఆందోళనకరమైన విషయం. దీని తీవ్రత , వ్యవసాయంపై పడే ప్రభావంపై కేంద్ర మంత్రి శివరాజ్ సింగ్ చౌహాన్ సమీక్షా సమావేశం నిర్వహించనున్నారు.
విజయ్- మోడీ 25 నిమిషాల ఏకాంత భేటీ !
తమిళనాడు ముఖ్యమంత్రి సి. జోసెఫ్ విజయ్ న్యూఢిల్లీలోని సేవా తీర్థ్‌లో ప్రధానమంత్రి నరేంద్ర మోదీతో సమావేశమయ్యారు. దాదాపు 25 నిమిషాల పాటు సాగిన ఈ వన్-ఆన్-వన్ భేటీ, విజయ్ ముఖ్యమంత్రిగా బాధ్యతలు స్వీకరించిన తర్వాత జరిగిన ఫస్ట్ అఫీషియల్ ఢిల్లీ ట్రిప్. దాదాపు 12 ఏళ్ల తర్వాత వీరిద్దరి మధ్య జరిగిన ఈ మొదటి సమావేశం, కేంద్ర ప్రభుత్వం,తమిళనాడు కొత్త నాయకత్వం మధ్య మారబోయే రాజకీయ సమీకరణాలపై దేశవ్యాప్తంగా తీవ్ర చర్చలకు దారితీసింది. పర్యటనలో భాగంగా విజయ్‌కి తమిళనాడు హౌస్‌లో గౌరవ వందనం సమర్పించారు.
స్వదేశీ స్టెల్త్ ఫైటర్ జెట్ 'AMCA' తయారీ రేసులో 3 ప్రైవేట్ సంస్థలు:
ప్రభుత్వ రంగ సంస్థ అయిన HAL (Hindustan Aeronautics Ltd) చేతుల్లోనే ఉండే యుద్ధ విమానాల తయారీ బాధ్యతను, మొదటిసారిగా ఒక ప్రధాన ప్రాజెక్ట్ కోసం ప్రైవేట్ రంగానికి అప్పగించాలని రక్షణ మంత్రిత్వ శాఖ నిర్ణయించింది. ఆంధ్రప్రదేశ్‌కు దక్కిన అరుదైన అవకాశం: ఈ ₹15,000 కోట్ల భారీ ప్రాజెక్టులో గెలిచిన ప్రైవేట్ భాగస్వామి, పుట్టపర్తిలో ఏర్పాటు చేయబోయే సరికొత్త గ్రీన్‌ఫీల్డ్ ఫెసిలిటీలో 5 AMCA ప్రోటోటైప్‌లను (నమూనాలను) నిర్మిస్తారు. టాటా అడ్వాన్స్‌డ్ సిస్టమ్స్, L&T-BEL-డైనమాటిక్ కన్సార్టియం, భారత్ ఫోర్జ్-BEML-డేటా ప్యాటర్న్స్ కన్సార్టియం లాంటి దేశీయ ప్రైవేట్ కూటములు ఈ రేసులో ఉన్నాయి.
ఎనిమిది గంటలు గాల్లో తిరిగి తిరిగి ల్యాండ్ అయిన ఎయిర్ఇండియా ఫ్లైట్
ఢిల్లీ నుండి శాన్ ఫ్రాన్సిస్కో వెళ్లాల్సిన ఎయిర్ ఇండియా విమానం (AI173) సాంకేతిక లోపం కారణంగా తిరిగి ఢిల్లీకి చేరుకుంది. చైనా వైమానిక రంగంలో ఉండగా లోపాన్ని గుర్తించిన పైలట్, విమానాన్ని వెనక్కి మళ్లించారు. దాదాపు 8 గంటల పాటు గాల్లోనే ప్రయాణించిన ఈ విమానం 230 మంది ప్రయాణికులతో సురక్షితంగా ల్యాండ్ అయింది. ప్రయాణికులకు ఎలాంటి ఇబ్బంది కలగకుండా ground సిబ్బంది ఆహారం, హోటల్ వసతి మరియు ప్రత్యామ్నాయ ప్రయాణ ఏర్పాట్లు చేస్తున్నారు. కాగా, కేవలం వారం రోజుల క్రితమే (మే 21న) బెంగళూరు నుండి ఢిల్లీ వచ్చిన మరో ఎయిర్ ఇండియా విమానం ఇంజన్‌లో మంటలు చెలరేగడం గమనార్హం.
గవర్నమెంట్‌కు ప్రొఫెసర్ నాగేశ్వరరావు ఓపెన్ ఛాలెంజ్!
ప్రొఫెసర్ నాగేశ్వరరావు అరెస్ట్ వార్తలపై గవర్నమెంట్‌కు ఓపెన్ ఛాలెంజ్ చేశారు. మీరు అరెస్ట్ చేస్తారో, కేసులు విత్ డ్రా చేసుకుంటారో మీ ఇష్టం. నేను మాత్రం మాట్లాడుతూనే ఉంటా. చావనైనా చస్తా కానీ నా వాయిస్ ఆపలేరు. కావాలంటే మీరే టైమ్, ప్లేస్ చెప్పండి. నేనే డైరెక్ట్‌గా వస్తా, అరెస్ట్ చేసుకోండి అంటూ గవర్నమెంట్ కి సవాల్ విసిరాడు.
ఎండల దెబ్బకు పారిస్ లో తిరగని రైళ్లు... బెంబేలెత్తుతున్న జనం
ఫ్రాన్స్ రాజధాని పారిస్‌లో ఎండలు మండిపోతున్నాయి. రికార్డు స్థాయి ఉష్ణోగ్రతల వల్ల రైల్వే ఇనుప పట్టాలు విపరీతంగా వేడెక్కి సాగిపోతున్నాయి (వ్యాకోచిస్తున్నాయి). దీనివల్ల రైళ్లు పట్టాలు తప్పే ప్రమాదం ఉండటంతో అధికారులు అలర్ట్ అయ్యారు. ప్రయాణికుల భద్రత దృష్ట్యా పలు రూట్లలో రైళ్ల వేగాన్ని తగ్గించడమే కాకుండా, మరికొన్ని రైళ్లను తాత్కాలికంగా రద్దు చేశారు. పాత రైళ్లలో ఏసీలు కూడా పనిచేయకపోవడంతో ప్రయాణికులు తీవ్ర ఇబ్బందులు పడుతున్నారు. ఏసీలేని రైళ్లలో ఉండలేక మధ్యలోనే రైళ్లు దిగిపోయి పొలాల్లోకి జనం పరుగులు తీస్తున్నారు.
చంద్రబాబు ఇంత చిల్లర పని చేస్తారా?
ప్రొఫెసర్ నాగేశ్వరరావు ఇష్యూపై పృథ్వీ మరోసారి చంద్రబాబు గవర్నమెంట్‌పై ఫుల్ ఫైర్ అయ్యారు. నాగేశ్వర్ సార్ లాంటి వ్యక్తికి జగన్ పార్టీ జెండాను అంటగడతారా అని క్వశ్చన్ చేశారు. "చంద్రబాబు ఇంత చిల్లర పనులు చేస్తారా? మేము ఓపెన్‌గా చెప్తున్నాం.. సార్ చెప్పింది 100% కరెక్ట్" అంటూ పృథ్వీ నాగేశ్వరరావుకు ఫుల్ సపోర్ట్ ఇచ్చారు. సార్‌ను టార్గెట్ చేస్తూ పాలిటిక్స్ చేయడం కరెక్ట్ కాదంటూ ఆయన తీవ్రంగా తప్పుపట్టారు.
తెలంగాణ లో ఎన్టీఆర్ విగ్రహాలు దిష్టిబొమ్మల్లా కనిపిస్తున్నాయి!
తెలంగాణ భాష, ఎన్టీఆర్ విగ్రహాల వివాదంపై పృధ్వీ shocking కామెంట్స్ చేశారు. సినిమాల్లో గుండాలు, విలన్లు, రేపిస్టులకు తెలంగాణ భాషను పెట్టడం వల్లే ఇప్పుడు ఈ పంచాయితీ వచ్చిందని ఆయన ఫైర్ అయ్యారు. మైత్రివనం దగ్గర ఎన్టీఆర్ విగ్రహాన్ని పెట్టాల్సిన అవసరం లేదని, ఇలాగే చేసుకుంటూ పోతే అవి దిష్టిబొమ్మల్లా కనిపిస్తాయని కామెంట్ చేశారు. ఎన్టీఆర్ కంటే ఎక్కువ సినిమాలు చేసిన వాళ్లు ఉన్నారని. పైడి జైరాజ్, ప్రభాకర్ రెడ్డి, సినారే లాంటి తెలంగాణ కళాకారుల విగ్రహాలు పెట్టాలని డిమాండ్ చేశారు.
లైఫ్‌లో అన్నీ చూశా.. జైలు ఒక్కటే మిగిలింది!
అరెస్టుల ఇష్యూపై ప్రొఫెసర్ నాగేశ్వరరావు మరోసారి ఫుల్ పవర్‌ఫుల్ కామెంట్స్ చేశారు. తను అరెస్టులకు భయపడేవాడైతే ఇంతదూరం వచ్చేవాడే కాదని, ముందస్తు బెయిల్ పిటిషన్ కూడా అస్సలు ఫైల్ చేయనని క్లియర్ చేశారు. నేను నా లైఫ్‌లో అన్నీ చూశాను.. ఒక్క జైలు ఎక్స్ పీరియన్స్ తప్ప. అక్కడికి కూడా వెళ్లి వస్తే నా ఆత్మకథ కంప్లీట్ అవుతుంది అంటూ నాగేశ్వరరావు గవర్నమెంట్‌కు స్ట్రాంగ్ కౌంటర్ ఇచ్చారు.
ధాన్యం బస్తాలు దహనం చేసి నిరసన
TG: మెదక్ జిల్లా వెల్దుర్తి మండలం ఉప్పు లింగాపూర్ వద్ద రైతులు ఆందోళన చేపట్టారు. ధాన్యం కొనుగోలు చేయాలని డిమాండ్ చేస్తూ మెదక్ - వెల్దుర్తి ప్రధాన రహదారిపై ధాన్యం బస్తాలు దహనం చేసి నిరసన తెలిపారు. గత నెల రోజులుగా కొనుగోలు కేంద్రాల వద్ద ఇబ్బంది పడుతున్నామని, అధికారులు పట్టించుకోవడం లేదంటూ ఆగ్రహం వ్యక్తం చేశారు. అధికారులు వచ్చి ధాన్యం కొనుగోలు చేసే వరకు తాము వెళ్ళమంటూ రోడ్డుపై గ్యాస్ పొయ్యి పెట్టి నిరసన కార్యక్రమాన్ని చేపట్టారు. జిల్లా కలెక్టర్ రావాలంటూ నినాదాలు చేశారు. పోలీసులను సైతం అక్కడి నుండి వెళ్లకుండా అడ్డుకున్నారు.
ఒకవైపు TDP లీడర్స్ స్పీచ్‌లు.. ఇంకోవైపు రికార్డింగ్ డాన్సులు!
కడప జిల్లా బద్వేల్‌లో జరిగిన టీడీపీ మహానాడు ప్రోగ్రామ్‌లో ఒక వింత సీన్ కనిపించింది. ఒకవైపు స్టేజ్ మీద లీడర్స్ సీరియస్‌గా స్పీచ్‌లు ఇస్తుంటే.. దానికి కరెక్ట్‌గా ఆపోజిట్ లో స్క్రీన్ ముందు మాత్రం రికార్డింగ్ డాన్సులు పెట్టేశారు. లీడర్స్ మాటలు వినడం పక్కన పెట్టి, జనాలు ఆ డాన్సులు చూడటంలో బిజీ అయిపోయారు. మహానాడు లాంటి అఫీషియల్ ప్రోగ్రామ్‌లో ఇలా రికార్డింగ్ డాన్సులు పెట్టడం ఇప్పుడు సోషల్ మీడియాలో ఫుల్ వైరల్ అవుతోంది.