AP

AP· 17 Jun 2026

చిన్నారి మిస్సింగ్ కేసులో బొమ్మలతో వినూత్న ప్రయోగం

AP: కాకినాడ జిల్లా తుని మండలం CH అగ్రహారంలో మిస్సైన రెండేళ్ల చిన్నారి సుంకర జ్ఞానేశ్వరి ఆచూకీ ఇంకా దొరకలేదు. పాప చివరిగా కనిపించకుండా పోయిన తోట, కొండ ప్రాంతంలో అడవి జంతువుల సంచారం ఉందేమోనన్న అనుమానంతో చిన్నారి ఆకారం పోలిన రెండు చిన్న బొమ్మలను ఇనుప కంచెకు అమర్చి, వాటిపై మాంసాహారాన్ని ఉంచారు. గత 11 రోజులుగా NDRF, SDRF, హనుమాన్ టీమ్, అటవీశాఖ, పోలీసు బృందాలు గాలింపు చర్యలు కొనసాగిస్తున్నాయి. గతంలో థర్మల్ డ్రోన్లు, నైట్ ట్రాప్ కెమెరాలతో జల్లెడ పట్టినప్పటికీ ఆచూకీ లభించకపోవడంతో బొమ్మల ప్రయోగాన్ని చేపట్టారు.

AP· 17 Jun 2026

విశాఖ టెకీ అనుమానాస్పద మృతి

AP: భర్తతో కలిసి ఉత్తరాఖండ్‌ టూర్‌కు వెళ్లిన విశాఖపట్నానికి చెందిన ఓ మహిళా సాఫ్ట్‌వేర్‌ ఇంజనీర్‌ అనుమానాస్పదంగా మరణించారు. భర్తతో కలిసి టూర్‌కు వెళ్లిన పి.రాధా గాయత్రి (27) ముస్సోరిలోని ఓ హోటల్ రూమ్‌లో మరణించినట్లు పోలీసులు గుర్తించారు. ముక్కు నుంచి రక్తం రావడంతో అనుమానాస్పద మృతిగా కేసు నమోదు చేసి దర్యాప్తు చేపట్టారు. విశాఖలోని చినముషిడివాడకు చెందిన గాయత్రికి శ్రీచరణ్‌తో గతేడాది నవంబర్ 8న మ్యారేజ్ జరిగింది. ఇద్దరూ గురుగ్రామ్‌లో సాఫ్ట్‌వేర్ ఇంజినీర్లుగా పనిచేస్తున్నారు.

AP· 17 Jun 2026

అమెరికాలో AP యువకుడు మృతి

AP: కర్నూలు జిల్లా కౌతాళం మండలం రాజానగర్ క్యాంప్‌కు చెందిన సాయికార్తీక్ వర్మ అమెరికాలోని 'యూనివర్సిటీ ఆఫ్ సెంట్రల్ మిస్సోరీ'లో గ్రాడ్యుయేషన్ పూర్తి చేశారు. ఇటీవలే అక్కడ ఒక మంచి ఉద్యోగంలో చేరాడు. వీకెండ్ కావడంతో స్నేహితులతో కలిసి సరదాగా స్కెడైవింగ్ చేయడానికి వెళ్లాడు. స్కెడైవర్లను తీసుకెళ్లే 'పసిఫిక్ ఏరోస్పేస్ P750' రకానికి చెందిన చిన్న విమానం టేకాఫ్ అయిన కొద్ది సేపటికే సాంకేతిక లోపంతో అదుపుతప్పి భూమిపైకి కుప్పకూలింది. విమానం వేగంగా వచ్చి భూమిని ఢీకొట్టడంతో మంటలు చెలరేగి లోపల ఉన్న 12 మంది అక్కడికక్కడే ప్రాణాలు కోల్పోయారు.

AP· 16 Jun 2026

పది రోజులైనా వీడని చిన్నారి మిస్టరీ

AP: కాకినాడ జిల్లా తుని మండలం సీహెచ్ అగ్రహారానికి చెందిన జ్ఞానేశ్వరి మిస్సై పదిరోజులైనా ఆచూకీ లేదు. పోలీసులకు సవాల్‌గా మారిన ఘటనపై ప్రభుత్వం దృష్టిసారించింది. చిన్నారి అదృశ్యమైన తోట, కొండ ప్రాంతాన్ని అటవీ, పోలీసు, NDRF, ఇతర బలగాలు జల్లెడ పడుతూనే ఉన్నాయి. ఇక్కడ జంతువులు తిరుగుతున్న ఆనవాళ్లు లేవు. మరోవైపు CC కెమెరాలు, ఫోన్ కాల్స్, ఇతర సాంకేతికత ద్వారా దర్యాప్తు ముమ్మరంగా జరుగుతోంది. దర్యాప్తుపై జిల్లా SP బిందుమాధవ్ సమీక్షించారు. తల్లిదండ్రులతో మాట్లాడి వివరాలు సేకరించి వారికి ధైర్యం చెప్పారు.

AP· 15 Jun 2026

'తల్లి బాధను అర్థం చేసుకోండి'

AP: కాకినాడ జిల్లా తుని మండలం CH అగ్రహారంలో మిస్సైన రెండేళ్ల చిన్నారి జ్ఞానేశ్వరి ఆచూకీ 10 రోజులైనా ఇంకా లభించలేదు. చిన్నారి కనిపించకుండా పోయి పదిరోజులు గడుస్తున్నప్పటికీ ఇప్పటివరకు ఎలాంటి ఆధారాలు లభించకపోవడంతో కుటుంబసభ్యులు తీవ్ర ఆందోళనకు గురవుతున్నారు. అయితే చిన్నారి అదృశ్యంపై కొంతమంది పెడుతున్న కామెంట్లు తమను ఎంతో బాధిస్తున్నాయని జ్ఞానేశ్వరి తల్లి భవాని ఆవేదన వ్యక్తంచేశారు. చిన్నారి క్షేమంగా తిరిగి వస్తుందని ఆశతో ఉన్నామని, ఆ ధైర్యాన్ని కూడా కోల్పోనివ్వద్దని ఆమె కోరారు. మరోవైపు చిన్నారి ఆచూకీ కోసం పోలీసులు దర్యాప్తు కొనసాగుతుంది.

AP· 13 Jun 2026

విశాఖ స్టీల్ ప్లాంట్ ప్రమాదం.. మరొకరు మృతి

AP: విశాఖ స్టీల్ ప్లాంట్ ప్రమాద ఘటనలో మృతుల సంఖ్య పదికి చేరింది. సెవెన్ హిల్స్ ఆస్పత్రిలో చికిత్స పొందుతూ సూరిబాబు అనే కాంట్రాక్ట్ కార్మికుడు శనివారం చనిపోయాడు. జూన్ 8వ తేదీన విశాఖ స్టీల్‌ప్లాంట్‌లో ఉక్కుద్రవం లీకై ప్రమాదం చోటుచేసుకుంది. ప్లాంట్‌లోని ద్రవఉక్కు ల్యాడిల్ పేలటంతో ఈ ప్రమాదం చోటుచేసుకుంది. ఈ ఘటనలో 8 మంది అక్కడికక్కడే ప్రాణాలు కోల్పోయారు. చికిత్స పొందుతూ ఒకరు మృతి చెందగా, శనివారం సూరిబాబు అనే ఉద్యోగి చనిపోవటంతో మృతుల సంఖ్య పదికి చేరింది. మృతదేహాన్ని కేజీహెచ్‌కు తరలించారు.

AP· 13 Jun 2026

ఆ ఫేక్ ప్రచారాన్ని నమ్మొద్దు: APPSC

AP: రాష్ట్రంలో భారీగా ఉద్యోగాలను భర్తీ చేసేందుకు APPSC నోటిఫికేషన్లు జారీ చేసిందంటూ ప్రచారం జరుగుతోంది. దీనిపై APPSC స్పందించింది. APPSC అధికారికంగా ఎలాంటి నోటిఫికేషన్లు జారీ చేయలేదని, తప్పుడు ప్రచారాన్ని నమ్మొద్దని సూచించారు. ఒకవేళ ఏదైనా సమాచారం ఉంటే కమిషన్‌ అధికారిక వెబ్‌సైట్‌లోనే అందుబాటులో ఉంచుతామని ప్రకటించారు. APPSC ద్వారా సోషల్ మీడియాలో వైరల్ అవుతున్న విధంగా షెడ్యూల్ ఏదీ జారీ చేయలేదని కమిషన్ తెలిపింది.

AP· 12 Jun 2026

SV యూనివర్సిటీలో చిరుతపులి కలకలం

AP: తిరుపతి SV యూనివర్సిటీలోని చొప్పల రత్నం బిల్డింగ్, ఐ బ్లాక్, జీ బ్లాక్ మధ్య చిరుతపులి తిరుగుతున్నట్టు సిబ్బంది గుర్తించారు. ఇటీవల కాలంలో యూనివర్సిటీ పరిసర ప్రాంతాలలో చిరుతల సంచారం కామన్ అయిపోయింది. వెటర్నరీ యూనివర్సిటీ, వేద విశ్వవిద్యాలయం పరిసరాలు, సిబ్బంది క్వార్టర్స్‌లో చిరుతపులులు తిరుగుతూ భయాందోళనకు గురిచేస్తున్నాయి. ఆహారం కోసం వచ్చే కుక్కలను అనుసరిస్తూ వస్తున్నాయని అధికారులు గుర్తించారు. అధికారులు ఎప్పటికప్పుడు వాటి కదలికలను పరిశీలిస్తూ బోన్లు ఏర్పాటు చేసి నిర్భందిస్తున్నారు.

AP· 12 Jun 2026

దొరకని పాప జాడ.. కుక్కకు GPS ట్రాకర్

AP: కాకినాడ జిల్లా తుని మండలం దొండవాక పంచాయతీ పరిధిలోని సీహెచ్ అగ్రహారానికి చెందిన రెండేళ్ల చిన్నారి జ్ఞానేశ్వరి ఆచూకీ ఇంకా దొరకలేదు. ఈ నెల 6న మిస్సైన చిన్నారి కోసం దాదాపు 500 మంది పోలీసులు అడవిని జల్లెడ పడుతున్నా ప్రయోజనం దక్కట్లేదు. ఈ కేసులో పెంపుడు కుక్క కీలకంగా మారడంతో పోలీసులు పలు విధాలుగా ప్రయత్నాలు చేస్తున్నారు. దానికి పోలీసులు GPS ట్రాకర్ అమర్చారు.

AP· 11 Jun 2026

స్టీల్ ప్లాంట్ లో ఆ పార్ట్ అంత వీక్ గా ఉందా?

విశాఖ స్టీల్ ప్లాంట్లో యాక్సిడెంట్ కి కారణం ల్యాడాల్ అనే ఒక పరికరం.. ల్యాడాల్ అంటే ద్రవ ఉక్కును తరలించడానికి వాడే ఒక ఇనుప పాత్ర లాంటిది. ఇది రెండు లేయర్స్ గా ఉంటుంది. బయటి పొర మొత్తం కంప్లీట్ ఉక్కుతో చేస్తే లోపలి రెండో పొర రిఫ్రాక్టరీ ఇటుకలతో తయారు చేస్తారు. ఇవి కొన్ని కెమికల్స్ తో తయారవుతాయి. ఇవి కొంత కాలం తర్వాత అరిగిపోతాయి. వాటికి మళ్లీ కొత్త లైనింగ్ వేయాల్సి ఉంటుంది. ఈ పాడైపోయిన వాటినే ఇంకా స్ట్రీల్ ప్లాంట్ వాడటం ప్రమాదానికి కారణం. బెయిలవుట్ ని ఎంప్లాయీస్ ని బలవంతంగా పంపేయడానికి వాడుతూ ఎక్విప్ మెంట్ పై శ్రద్ధ పెట్టకపోడమే అసలు రీజన్..

AP· 11 Jun 2026

AP లిక్కర్ స్కామ్.. మాజీ మంత్రి అరెస్ట్!

AP లిక్కర్ స్కామ్ కేసులో ED అధికారులు స్పీడ్ పెంచారు. ఈ స్కామ్‌లో మాజీ మంత్రి, YCP లీడర్ కారుమూరి నాగేశ్వరరావును హైదరాబాద్ ఫిలింనగర్‌లోని ఆయన ఇంట్లో ED అరెస్ట్ చేసింది. ఈరోజు మార్నింగ్ సిటీలో పది చోట్ల ఒకేసారి ED రైడ్స్ జరిగాయి. ఈ కేసులో మెయిన్ నిందితుడు రాజ్ కసిరెడ్డిని కూడా అరెస్ట్ చేసి ED ఆఫీస్‌కి తీసుకెళ్లారు. ఈ లిక్కర్ స్కామ్ విచారణ ఇప్పుడు AP, తెలంగాణ రాజకీయాల్లో హాట్ టాపిక్‌గా మారింది.

▶

AP· 10 Jun 2026

విశాఖ స్టీల్ ప్లాంట్‌ దగ్గరికి చేరుకున్న YS జగన్..

విశాఖ స్టీల్ ప్లాంట్‌లో రీసెంట్ గా జరిగిన ఘోర ప్రమాద బాధితులను ఓదార్చేందుకు వైఎస్ జగన్ మోహన్ రెడ్డి వైజాగ్ చేరుకున్నారు.

AP· 10 Jun 2026

ఉద్దేశపూర్వకంగానే అపోహలు సృష్టిస్తున్నారు: లోకేష్

AP: విశాఖ స్టీల్ ప్లాంట్ బాధిత కుటుంబాలకు రాష్ట్ర ప్రభుత్వం అన్ని విధాలా అండగా ఉంటుందని మంత్రి లోకేష్ భరోసా ఇచ్చారు. కొందరు కార్మిక సంఘాల నేతలు కావాలనే ఉద్దేశపూర్వకంగా అపోహలు సృష్టిస్తున్నారని ఆయన ఫైరయ్యారు. ప్రమాదంలో మరణించిన శాశ్వత, కాంట్రాక్ట్ ఉద్యోగుల కుటుంబాలకు ఒకే తరహా సాయాన్ని మంత్రి ప్రకటించారు. మృతుల కుటుంబంలో ఒకరికి శాశ్వత ఉద్యోగం, వారి పిల్లల చదువుకు ఆర్థిక సాయం అందిస్తామని చెప్పారు. బాధిత కుటుంబాలకు స్టీల్ ప్లాంట్లోనే క్వార్టర్స్ ఇప్పిస్తామని హామీ ఇచ్చారు.

AP· 9 Jun 2026

వెట్టిచాకిరి గుట్టురట్టు.. 10మంది కార్మికులకు విముక్తి

AP: ప్రకాశం జిల్లా అద్దంకి పట్టణంలోని రెండు ఇటుక బట్టీలలో అధికారులు తనిఖీలు నిర్వహించారు. జిల్లా కలెక్టర్ రాజాబాబు ఆదేశాలు మేరకు వెట్టిచాకిరిపై అధికారులు స్పెషల్ డ్రైవ్ నిర్వహించారు. కోనేటి శ్రీను ఇటుక బట్టీ వద్ద ఒరిస్సాకు చెందిన పది మంది కార్మికులను వెట్టి చాకిరి నుంచి విముక్తి కల్పించారు. వీరికి వైద్య పరీక్షలు చేయించి వారి స్వగ్రామానికి పంపిస్తున్నట్లు లేబర్ ఆఫీసర్ కోటేశ్వరరావు తెలిపారు.

▶

AP· 9 Jun 2026

రేపు విశాఖకు జగన్

AP: విశాఖ స్టీల్ ప్లాంట్ ప్రమాద బాధితులను పరామర్శించేందుకు వైసీపీ అధినేత వైఎస్ జగన్మోహన్ రెడ్డి రేపు విశాఖపట్నం వెళ్లనున్నారు. ఈ విషయాన్ని ఎమ్మెల్సీ బొత్స సత్యనారాయణ అధికారికంగా ప్రకటించారు. ప్రభుత్వ నిర్లక్ష్యం వల్లే ఈ ప్రమాదం జరిగిందని ఆయన ఆరోపించారు.

▶

AP· 9 Jun 2026

వైజాగ్ స్టీల్ ప్లాంట్‌కు పవన్ కళ్యాణ్..

డిప్యూటీ CM పవన్ కళ్యాణ్ వైజాగ్ స్టీల్ ప్లాంట్ యాక్సిడెంట్ జరిగిన స్పాట్‌కి స్వయంగా వెళ్లారు. అసలు ఈ ప్రమాదం ఎలా జరిగిందో అక్కడ ఉన్న అధికారులు, వర్కర్స్‌ని అడిగి డీటెయిల్స్ తెలుసుకున్నారు. అయితే మేనేజ్‌మెంట్ నెగ్లిజెన్స్, మెయింటెనెన్స్ సరిగ్గా లేకపోవడం, ఇంకా హ్యూమన్ ఎర్రర్స్ వల్లే ఈ ఘోర ప్రమాదం జరిగిందంటూ కార్మికులు పవన్ ముందు ఆవేదన చెందారు.

AP· 9 Jun 2026

రెండు లారీలు ఢీ.. ఒకరు సజీవదహనం

AP: అనంతపురం జిల్లాలో రోడ్ యాక్సిడెంట్ జరిగింది. రెండు లారీలు ఢీకొనడంతో ఒకరు సజీవ దహనమయ్యారు. డి.హీరేహల్ మండలం జాజరకల్ టోల్ ప్లాజా వద్ద రోడ్డు పక్కన ఆగి ఉన్న సిమెంట్ ట్యాంకర్‌ను వేగంగా వచ్చిన మరో లారీ ఢీకొట్టింది. ఈ ఘటనలో రెండు లారీల్లోనూ ఒక్కసారిగా మంటలు చెలరేగాయి. మంటల్లో ఒకరు చిక్కుకుని సజీవ దహనమయ్యారు. ఘటనా స్థలానికి చేరుకున్న ఫైర్ సిబ్బంది, స్థానికులు మంటలను అదుపులోకి తెచ్చారు.

AP· 9 Jun 2026

వైజాగ్ స్టీల్ ప్లాంట్ బాధితులను పరామర్శించిన లోకేష్..

వైజాగ్ స్టీల్ ప్లాంట్ ప్రమాదంలో తీవ్రంగా గాయపడి సెవెన్ హిల్స్ హాస్పిటల్‌లో ట్రీట్‌మెంట్ తీసుకుంటున్న కార్మికులని మినిస్టర్ నారా లోకేష్ విజిట్ చేశారు. బాధితులను, వాళ్ల ఫ్యామిలీస్ ని పరామర్శించి ధైర్యం చెప్పారు. బాధితులకు బెస్ట్ మెడికల్ కేర్ అందేలా చూస్తామని హామీ ఇచ్చారు. ఇలాంటి యాక్సిడెంట్స్ ఫ్యూచర్‌లో మళ్లీ జరగకుండా అన్ని జాగ్రత్తలు తీసుకుంటామని లోకేష్ స్పష్టం చేశారు.