AP

AP· 21 Jun 2026

అన్నదాతలను ఆదుకుంటా: చంద్రబాబు

AP: రైతు కష్టంలో తోడుంటానని, ప్రతి ఒక్కరినీ ఆదుకుంటానని CM చంద్రబాబు పేర్కొన్నారు. పల్నాడు జిల్లా చిలకలూరిపేట మండలం లింగంగుంట్లలో 'పీఎం కిసాన్- అన్నదాత సుఖీభవ' సాయం కింద 2026 ఖరీఫ్ సీజన్‌కు 46.86 లక్షల మంది రైతుల ఖాతాలకు ఒక్కొక్కరికి రూ.7 వేల చొప్పున రూ.3,125 కోట్ల ఆర్థికసాయం విడుదల చేశారు. రైతులు తల్లిలాంటి భూమిని.. రసాయన ఎరువులు, క్రిమిసంహారక మందులు విరివిగా వాడకుండా కాపాడుకోవాలని సూచించారు. ప్రకృతి సేద్యంతో సాగును మరింత పరిపుష్టం చేయాలన్నారు.

AP· 20 Jun 2026

కూతుళ్లే కొడుకులయ్యారు !

AP: బీఆర్ అంబేద్కర్ కోనసీమ జిల్లా అయినవిల్లి మండలం కే.జగన్నాథపురం గ్రామానికి చెందిన పిచ్చిక సత్యనారాయణ(52) తీవ్ర అనారోగ్యంతో మృతి చెందాడు. క్యాటరింగ్ పని చేస్తూ జీవనం సాగించే సత్యనారాయణకు మతిస్థిమితం లేని భార్య సత్యవతి ఉంది. మానసిక దివ్యాంగురాలైన సత్యవతికి సరైన వైద్యం అందక మతిస్తిమితం కోల్పోయింది. ఆయనకు ముగ్గురు కుమార్తెలు ప్రసన్న, జ్యోతిక, జ్యోత్స్నలు ఉన్నారు. అనారోగ్యంతో వాళ్ల నాన్న చనిపోవడంతో కుమార్తెలే అంత్యక్రియలు నిర్వహించారు.

AP· 20 Jun 2026

నిందితులకు శిక్ష పడేలా చేస్తాం: చంద్రబాబు

AP: విజయవాడకు చెందిన గాదె సాయికృష్ణ మిస్సింగ్ ఘటనలో నిందితులకు తప్పనిసరిగా శిక్ష పడేలా చేస్తామని సాయికృష్ణ తల్లి విజయలక్ష్మికి CM చంద్రబాబు భరోసా ఇచ్చారు. గుంటూరు జిల్లా ఉండవల్లిలోని క్యాంపు ఆఫీస్‌లో సాయికృష్ణ తల్లి, కుటుంబసభ్యులు చంద్రబాబును కలిసి తమకు న్యాయం చేయాలని కోరారు. ఈ కేసును నిష్పక్షపాతంగా దర్యాప్తు చేయించి బాధ్యులందరిపై కఠిన చర్యలు తీసుకుంటామని వారికి హామీ ఇచ్చారు. సాయికృష్ణ మిస్సింగ్ ఘటన, తర్వాత జరిగిన పరిణామాలను అడిగి తెలుసుకున్నారు. అన్నివిధాలా న్యాయం చేస్తామని హామీ ఇచ్చారు.

AP· 20 Jun 2026

గడ్డి మందు నిషేధంపై హైకోర్ట్‌లో పిటిషన్

AP: పారాక్వాట్‌ డైక్లోరైడ్‌ 24% SL అనే గడ్డి మందు చాలా డేంజర్ అంటూ ఫిర్యాదులు రావడంతో ఆంధ్రప్రదేశ్, తెలంగాణలో నిషేధించిన విషయం తెలిసిందే. ఇటీవల AP రాష్ట్ర వ్యవసాయశాఖ 60రోజులపాటు గడ్డిమందును నిషేధిస్తూ జారీ చేసిన GOను సవాల్‌ చేస్తూ ఫెర్టిలైజర్స్‌, సీడ్‌ డీలర్స్‌ అసోసియేషన్‌ రాష్ట్ర అధ్యక్షుడు వెంకట నాగిరెడ్డి హైకోర్టును ఆశ్రయించారు. పారాక్వాట్‌ తయారీ, పంపిణీ, విక్రయానికి అనుమతిచ్చేలా ఆదేశించాలని పిటిషన్‌లో నాగిరెడ్డి హైకోర్టును కోరారు. గవర్నమెంట్ ముందుగా తమకు ఎలాంటి నోటీసులు ఇవ్వకుండా నిషేధం విధించిందని ఆయన పిటిషన్‌లో పేర్కొన్నాడు.

▶

AP· 19 Jun 2026

యోగా డే ఏర్పాట్లపై బాబా రాం దేవ్ తో చంద్రబాబు భేటీ

సీఎం క్యాంప్ కార్యాలయంలో ముఖ్యమంత్రి చంద్రబాబు నాయుడుని యోగా గురువు బాబా రామ్‌దేవ్ , పతంజలి అధినేత ఆచార్య బాలకృష్ణన్ మర్యాదపూర్వకంగా కలిశారు. యోగా డేలో పాల్గొనేందుకు రాష్ట్రానికి వచ్చిన బాబా రామ్‌దేవ్, బాలకృష్ణన్ సీఎం ఆహ్వానం మేరకు వారి నివాసానికి వచ్చారు. ఈ సందర్భంగా వారితో యోగా డే కార్యక్రమం నిర్వహణపై ముఖ్యమంత్రి చర్చించారు.

AP· 19 Jun 2026

రాష్ట్రంలోని ప్రతి పంచాయతీలో ఒక నర్సరీ: పవన్‌ కల్యాణ్‌

AP: ‘రాష్ట్రంలోని ప్రతి గ్రామ పంచాయతీలో ఒక నర్సరీ ఉండేలా చర్యలు తీసుకోవాలని డిప్యూటీ CM పవన్‌ కల్యాణ్‌ అటవీశాఖ అధికారులను ఆదేశించారు. రాష్ట్ర సచివాలయంలో అటవీశాఖ ఉన్నతాధికారులతో ఆయన సమీక్ష నిర్వహించారు. రాష్ట్రంలో పచ్చదనాన్ని 50 శాతానికి పెంచడమే లక్ష్యంగా ‘గ్రీనింగ్‌ సొసైటీ’ ఏర్పాటు చేయాలని, జూలై 3వ తేదీ నాటికి సొసైటీ ఏర్పాటు ప్రక్రియ పూర్తి కావాలన్నారు. ఒకే పంచాయతీలో సాధ్యం కాకపోతే.. 3-4 పంచాయతీలను క్లస్టర్‌గా చేసి, ఉమ్మడిగా ఒక నర్సరీని ఏర్పాటు చేయాలని సూచించారు.

AP· 18 Jun 2026

రఘురామ టార్చర్ కేసుపై ఏపీ హై కోర్టు సీరియస్ కామెంట్స్..

ఏపీ అసెంబ్లీ స్పీకర్ రఘురామ కృష్ణం రాజు కస్టోడియల్ టార్చర్ కేసుపై ఏపీ హై కోర్టు కీలక కామెంట్స్ చేసింది. ఈ నేరానికి పాల్పడిన వారు, పార్లమెంటుపై దాడి చేసిన వారికి తేడా లేదని కామెంట్ చేసింది. అప్పటి ఎంపీని టార్చర్ చేయబోతున్నారని ముందే తెలిసినా అప్పటి ఐపీఎస్ అధికారి సునీల్ నాయక్ ఆ ఘటనలో పాల్గొనకుండా ఉండాల్సిందని అభిప్రాయపడింది. ఇక ఈ కేసులో ఆ అధికారి సరెండర్ అవుతారా? ముందస్తు బెయిల్ పై ప్రొసీడ్అవుతారా ఏదో ఒకటి తేల్చుకోవాలని కోరింది.

▶

AP· 18 Jun 2026

మినిస్టర్ ముందే సూసైడ్ అటెంప్ట్!

వైఎస్సార్ కడప జిల్లాలో మంత్రి సావిత్రి ఆధ్వర్యంలో జరిగిన కూటమి రివ్యూ మీటింగ్‌లో ఒక ఘోరమైన ఘటన జరిగింది. కూటమి ప్రభుత్వం వచ్చినప్పటికీ పార్టీ కోసం కష్టపడిన కార్యకర్తలకు న్యాయం జరగడం లేదంటూ. తీవ్ర మనస్తాపంతో ఒక TDP కార్యకర్త మీటింగ్‌లోనే పురుగుల మందు తాగి ఆత్మహత్యాయత్నం చేశాడు. అయితే, ఆ కార్యకర్త అంత పెద్ద ప్రాణాపాయ స్థితిలో ఉన్నా కూడా మంత్రి సావిత్రి మాత్రం దాన్ని పట్టించుకోకుండా తన స్పీచ్‌ను కంటిన్యూ చేయడం ఇప్పుడు తీవ్ర చర్చనీయాంశంగా మారింది.

AP· 18 Jun 2026

దయ్యాల పేరుతో కోట్లు నొక్కేసిన ట్రాన్స్ ఉమెన్!

అన్నమయ్య జిల్లాకు చెందిన మోహన్ కృష్ణ అనే అబ్బాయి, కొన్నేళ్ల క్రితం ఇల్లు వదిలి వెళ్లి అమ్మాయిగా మారాడు. తిరిగి వచ్చాక తన పేరును మధుశ్రీగా మార్చుకుని. అందంగా రెడీ అవుతూ రాంగ్ రూట్‌లో మనీ సంపాదించడం స్టార్ట్ చేశాడు. భూమిలో పాతకాలపు నిధులు ఉన్నాయని, ఇంట్లో దయ్యాలు ఉన్నాయని నమ్మిస్తూ.. పూజల పేరుతో చాలామందిని మోసం చేసి కోట్ల రూపాయలు నొక్కేసాడు. అంతేకాదు, ఒక గ్యాంగ్‌ని ఫామ్ చేసి మ్యారేజెస్ దగ్గర బెదిరించి డబ్బులు వసూలు చేసేవాడు. రీసెంట్‌గా బాధితులు మీడియా ముందుకు రావడంతో, దాదాపు 13 ఫ్యామిలీస్‌ని ముంచేసి కోట్లు నొక్కేసిన ఇతని గుట్టు రట్టయింది.

AP· 18 Jun 2026

మెరైన్ పోలీసుల దాడులు.. రెండు బోట్లు సీజ్

AP: నెల్లూరు జిల్లాలోని సముద్ర జలాల్లో ఇతర రాష్ట్రాలకు చెందిన మెకనైజ్డ్ పెద్ద బోట్లతో నిబంధనలకు విరుద్ధంగా అక్రమ చేపల వేట కార్యకలాపాలు నిర్వహిస్తున్నారు. వారిని గుర్తించి, అరికట్టేందుకు మత్స్యశాఖ, మెరైన్ పోలీస్, అటవీశాఖల ఆధ్వర్యంలో రెండు మెకనైజ్డ్ బోట్లతో నిరంతర సముద్ర గస్తీ నిర్వహిస్తున్నారు. ఇందుకూరుపేట మండల తీరానికి సుమారు 15కిలోమీటర్ల దూరంలో తమిళనాడు రాష్ట్రానికి చెందిన రెండు మెకనైజ్డ్ బోట్లు ఆంధ్రప్రదేశ్ ప్రాదేశిక జలాల్లోకి అక్రమంగా ప్రవేశించి చేపలవేట నిర్వహిస్తున్నట్లు గుర్తించారు. వెంటనే ఆ రెండు బోట్లను పట్టుకుని సీజ్ చేశారు.

▶

AP· 18 Jun 2026

చిన్నారి జ్ఞానేశ్వరి ఇంటి వద్ద జ్యోతిష్యుడు హల్‌చల్

AP: కాకినాడ జిల్లా తుని మండలం CH అగ్రహారంలో చిన్నారి జ్ఞానేశ్వరి మిస్సై 12రోజులు దాటినా ఆచూకీ దొరకలేదు. గురువారం తెలంగాణకు చెందిన ఓ జ్యోతిష్యుడు జ్ఞానేశ్వరి ఇంటి వద్ద హల్‌చల్ చేశాడు. తాను జ్ఞానిని అని చెప్పుకుంటూ, పాప భూదేవి వద్ద ఉందని, అర్ధరాత్రి పూజలు చేస్తే తిరిగి వస్తుందని హంగామా సృష్టించాడు. చిన్నారిది కారణజన్మ అని, ఏ అడవి జంతువులు ఎత్తుకుపోలేదని, రాత్రి ఒంటి గంటకు కచ్చితంగా తోటలో ప్రత్యక్షమవుతుందని చెప్పాడు. తాను చెప్పినట్లు పూజలు చేస్తేనే పాప వస్తుందంటూ ఇంటి చుట్టూ చక్కర్లు కొట్టాడు.

AP· 18 Jun 2026

కృష్ణలంక ఘటనపై ప్రభుత్వం సీరియస్

విజయవాడ కృష్ణలంక సాయికృష్ణ మిస్సింగ్ వ్యవహారం APలో ఇప్పుడు హాట్ టాపిక్‌గా మారింది. నెలరోజుల క్రితం సాయికృష్ణను పోలీసులు అదుపులోకి తీసుకున్నారు. ఆ తర్వాత నుంచి అతను కనిపించకుండా పోయారు. సాయికృష్ణ గురించి పోలీసులు ఇప్పటి వరకూ ఎలాంటి విషయాలు బయటకు చెప్పలేదు. జూన్ 29లోపు సాయికృష్ణను తమ ఎదుట హాజరుపరచాలన్న హైకోర్టు ఆదేశాలతో ఏం జరగనుందనేది ఆసక్తికరంగా మారింది. ఘటనపై ప్రభుత్వం సీరియస్ అయింది. సీఎం చంద్రబాబు ఉన్నత స్థాయి విచారణకు ఆదేశించారు. సాయికృష్ణ మిస్సింగ్ మిస్టరీని ఛేదించి నివేదిక ఇవ్వాలని ఆదేశాలు జారీ చేశారు.

AP· 18 Jun 2026

ప్రపంచ బ్యాంకుకు ఉండవల్లి రైతుల ఫిర్యాదు

AP: రాజధాని అమరావతి పరిధిలోని ఉండవల్లి రైతులు తమ భూముల విలువ నిర్ధారణలో జరుగుతున్న అన్యాయంపై గుంటూరు జిల్లా తాడేపల్లి మండలం ఉండవల్లి గ్రామ రైతులు ప్రపంచ బ్యాంక్‌కు ఫిర్యాదు చేశారు. భూముల విలువకు సంబంధించి పరిహారం ఇచ్చేటప్పుడు భూముల విలువను తక్కువగా చూపుతూ, అప్పులు తెచ్చుకునేటప్పుడు మాత్రం ఎకరాకు రూ. కోట్లలో చూపిస్తున్నారని రైతులు అందులో పేర్కొన్నారు. దీన్ని పరిశీలించిన వరల్డ్ బ్యాంకు అధికారి ఒలీవర్ CRDAకు లేఖ పంపారు. ఉండవల్లి గ్రామంలో భూముల విలువ నిర్ధారణ, రక్షణ నిబంధనల ఉల్లంఘనలపై కొత్త ఫిర్యాదు వచ్చిందని దీనిపై పరిశీలించాలని లేఖలో పేర్కొన్నారు.

AP· 18 Jun 2026

43 మంది డాక్టర్లు డిస్మిస్

AP: విధుల్లో నిర్లక్ష్యం వహించిన 43 మంది డాక్టర్లను ఉద్యోగాల నుంచి డిస్మిస్ చేస్తూ AP వైద్యారోగ్య శాఖ ఆదేశాలు జారీ చేసింది. నాలుగేళ్లుగా 118 మంది వైద్యులు విధులకు దూరంగా ఉంటున్నారని గుర్తించారు. ఈ మేరకు వైద్యారోగ్య శాఖ పలుమార్లు నోటీసులు జారీ చేసింది. ఆ నోటీసులకు సైతం రిప్లై ఇవ్వలేదు. అనధికారికంగా వైద్యులు దూరంగా ఉండటాన్ని వైద్యారోగ్య శాఖ సీరియస్ తీసుకుంది. ఇప్పటికే రాజీనామా చేసిన 34 మందిలో 15 మందికి ఆమోదం తెలిపింది. మరో 34 మంది వైద్యులు తమ పదవులకు రాజీనామా చేశారు.

AP· 18 Jun 2026

చిన్నారి కుటుంబానికి అండగా ఉంటాం: హోంమంత్రి

AP: కాకినాడ జిల్లా తుని మండలం CH అగ్రహారంలో మిస్సైన రెండేళ్ల చిన్నారి జ్ఞానేశ్వరి కుటుంబాన్ని AP హోంమంత్రి అనిత పరామర్శించారు. కుటుంబసభ్యులతో మాట్లాడి ధైర్యం చెప్పారు. చిన్నారి అదృశ్యం దర్యాప్తు పురోగతిని జిల్లా ఎస్పీ బిందుమాధవ్‌తో మాట్లాడి తెలుసుకున్నారు. 11 రోజులుగా చేపట్టిన గాలింపు చర్యలను మంత్రికి SP వివరించారు. అనంతరం బాలిక అదృశ్యమైన ప్రదేశానికి అనిత వెళ్లి పరిశీలించారు. అడవి జంతువులు వచ్చే అవకాశముందా? అని ఆరా తీశారు. అటవీశాఖ అధికారులు కెమెరాలు, డ్రోన్ల ద్వారా పరిశీలిస్తున్నారని పోలీసులు మంత్రికి వివరించారు.

AP· 17 Jun 2026

APలో భారీ వర్షాలు.. 5 జిల్లాలకు రెడ్ అలర్ట్!

APలోని పలు జిల్లాల్లో మరో మూడు గంటల్లో పిడుగులతో కూడిన భారీ వర్షాలు కురిసే ఛాన్స్ ఉందని విపత్తుల నిర్వహణ సంస్థ MD ప్రఖర్ జైన్ హెచ్చరించారు. విజయనగరం, విశాఖపట్నం, అల్లూరి, అనకాపల్లి, కాకినాడ జిల్లాలకు రెడ్ అలర్ట్ జారీ చేశారు. అలాగే ఈస్ట్ గోదావరి, ఏలూరు, కృష్ణా, బాపట్ల జిల్లాలకు ఎల్లో అలర్ట్ ఇచ్చారు. వర్షం పడేటప్పుడు ఎవరూ చెట్ల కింద, కరెంట్ స్తంభాల దగ్గర నిలబడొద్దని, ఉరుములు వచ్చేటప్పుడు బయట తిరగొద్దని అధికారులు సూచించారు.

AP· 17 Jun 2026

AP హెల్త్ డిపార్ట్‌మెంట్‌లో 529 జాబ్స్!

ఆంధ్రప్రదేశ్ వైద్య ఆరోగ్య శాఖ నిరుద్యోగులకు గుడ్ న్యూస్ చెప్పింది. నేషనల్ హెల్త్ మిషన్ (NHM) కింద కాంట్రాక్ట్ బేసిస్‌పై 529 పోస్టుల భర్తీకి నోటిఫికేషన్ రిలీజ్ అయింది. ఇందులో 419 స్టాఫ్ నర్స్, 24 ఫార్మసిస్ట్, 86 మల్టీ రీహాబిలిటేషన్ వర్కర్ పోస్టులు ఉన్నాయి. ఎలాంటి ఎగ్జామ్ లేకుండా కేవలం మెరిట్ బేసిస్‌పైనే సెలెక్షన్ ఉంటుంది. అర్హత గల అభ్యర్థులు జూన్ 30, 2026 లోపు ఆన్‌లైన్‌లో అప్లై చేసుకోవచ్చు. శాలరీ ₹23,393 నుండి ₹27,675 వరకు ఉంటుంది.

AP· 17 Jun 2026

ప్రాణం తీసిన కుర్ కురే ప్యాకెట్‌లోని బొమ్మ

AP: కుర్ కురే ప్యాకెట్లో వచ్చిన ప్లాస్టిక్ బొమ్మ ఓ చిన్నారి ప్రాణం తీసింది. అనంతపురం జిల్లా గుత్తి మున్సిపాలిటీలోని కోట గ్రామానికి చెందిన సాదియా, అల్తాఫ్ దంపతులకు ఫర్హాన్ అనే ఒక్కగానొక్క కుమారుడు ఉన్నాడు. ఐదేళ్ల ఫర్హాన్ కుర్ కురే ప్యాకెట్లో వచ్చిన ప్లాస్టిక్ బొమ్మలతో ఆడుకుంటున్నాడు. తెలిసీ తెలియక ఆ బొమ్మను మింగాడు. అది గొంతులో అడ్డంగా పడి ఊపిరాడక ఇబ్బందులు పడ్డాడు. కుటుంబసభ్యులు గుత్తి గవర్నమెంట్ హాస్పిటల్‌కు తరలించారు. అప్పటికే ఫర్హాన్ చనిపోయినట్లు వైద్యులు తెలిపారు. బాలుడి మృతితో తల్లిదండ్రులు కన్నీరుమున్నీరుగా విలపిస్తున్నారు.