Latest
నీట్ పేపర్ లీకేజీ కేసు.. సూత్రధారి పుణె ప్రొఫసర్ అరెస్ట్
NEET UG 2026 పేపర్ లీక్ కేసులో సీబీఐ (CBI) కీలక సూత్రధారిని అరెస్ట్ చేసింది. పుణెకు చెందిన కెమిస్ట్రీ లెక్చరర్ పి.వి. కుల్కర్ణిని ఈ స్కామ్ కింగ్‌పిన్‌గా తేల్చి అదుపులోకి తీసుకుంది.NTA తరపున ఎగ్జామ్ పేపర్ సెట్ చేసే టీమ్ లో కులకర్ణి మెంబర్ .మనీషా వాఘ్మారే అనే మహిళ సాయంతో విద్యార్థులను చేరదీసి, తన ఇంట్లోనే రహస్య కోచింగ్ ఇచ్చాడు. అక్కడ కుల్కర్ణి నోట్‌బుక్స్‌లో రాయించిన ప్రశ్నలు, సమాధానాలు.. మే 3న జరిగిన అసలు పరీక్షా పత్రంతో వంద శాతం సరిపోలడం సంచలనం రేపుతోంది. విద్యార్థుల నుండి ఇందుకోసం లక్షల రూపాయలు వసూలు చేసినట్లు సీబీఐ గుర్తించింది.
ఇక భగీరథ్ అరెస్టేనా ? మధ్యంత బెయిల్ కి హైకోర్టు నో
కేంద్ర మంత్రి బండి సంజయ్ కుమారుడు బండి భగీరథ్ అరెస్ట్ తప్పేలా లేదు. ముందస్తు బెయిల్ కోరుతూ ఆయన వేసిన పిటిషన్ పై హైకోర్టులో చుక్కెదురైంది. ఈ దశలో బెయిల్ పై మధ్యంతర ఉత్తర్వులు ఇవ్వలేమని స్పష్టం చేసింది. భగీరథ్ పిటిషన్ పై జస్టిస్ మాధవి దేవి అర్ధరాత్రి 12 గంటల వరకు విచారణ జరిపారు. బాధితురాలు డేట్ ఆఫ్ బర్త్ కి సంబంధించి వివిధ పత్రాలను పరిశీలించాక ఆమె 2008 ఆగస్టు 12న పుట్టినట్టు తేలింది. దీంతో ఆమె మైనరేనంటూ బాధితురాలి తరఫు న్యాయవాది తన వాదనలు వినిపించారు.
భార్య కోసం భర్త గ్రేట్ సాక్రిఫైస్.. రియల్ లవ్ అంటే ఇదే!
క్యాన్సర్ ట్రీట్‌మెంట్‌లో భాగంగా తన భార్యకు గుండు చేయాల్సి రావడంతో, ఒక భర్త స్వయంగా తన చేతులతోనే ఆమె జుట్టును కట్ చేశాడు. ఆ టైంలో ఆమెకు సపోర్ట్ గా ఉండటానికి, ఆమె బాధను షేర్ చేసుకోవడానికి వెంటనే ఆ భర్త కూడా తన తలని షేవ్ చేసుకున్నాడు. నువ్వు ఒంటరివి కాదు, నేను ఉన్నాను అని ఆయన ఇచ్చిన భరోసా నెటిజన్ల హార్ట్స్ గెలుచుకుంటోంది. ఈ హార్ట్ టచ్చింగ్ వీడియో ఇప్పుడు సోషల్ మీడియాలో ఫుల్ వైరల్ అవుతోంది.
NEET రీ-ఎగ్జామ్ డేట్ ఫిక్స్
NEET UG 2026 పేపర్ లీక్ వివాదంపై స్పందించిన కేంద్ర ప్రభుత్వం, ఎన్టీఏ (NTA) కీలక నిర్ణయం తీసుకున్నాయి. రద్దయిన పరీక్షను జూన్ 21న (ఆదివారం) మళ్లీ నిర్వహించనున్నారు. పాత రిజిస్ట్రేషన్లే చెల్లుతాయని, విద్యార్థులు కొత్తగా ఫీజు చెల్లించాల్సిన అవసరం లేదని స్పష్టం చేశారు. దాదాపు 22 లక్షల మంది విద్యార్థులు మళ్లీ ఈ పరీక్షకు హాజరుకానున్నారు. ప్రస్తుతం ఈ కేసును CBI విచారిస్తోంది.
వ్యక్తిగత వివరాలు ప్రచారం చేయొద్దు : మీడియాకి బాధితురాలి తల్లి లేఖ
కేంద్ర మంత్రి బండి సంజయ్ కుమారుడు బండి భగీరథ్ పై పోక్సో కేసు పెట్టిన బాధితురాలి తల్లి ఇవాళ మీడియాకి 4 పేజీల లేఖని విడుదల చేశారు. అందులో వారు మానసికంగా ఎంత క్షోభకి గురవుతున్నారో వివరించారు. బాధితురాలు మైనారా ? మేజరా ? అన్న అంశంపై అంతలా చర్చ జరగడం తమను తీవ్రమైన మనోవేదనకు గురి చేస్తోందన్నారు. వ్యక్తిగత వివరాలు బయటపెట్టందంటూ మీడియాకి ఆమె చేతులు జోడించి వేడుకుంటున్నట్టు చెప్పారు. తమ మైనర్ బిడ్డకు పట్టిన దుస్థితి మరే పిల్లకు రాకూడదని ఆమె కోరుకున్నారు.
ముంబైలోవాటర్ క్రైసిస్ : హౌసింగ్ సొసైటీల కఠిన ఆంక్షలు!
ముంబైలో నీటి సంక్షోభం పీక్స్ కి చేరుకుంది. ఇవాళ నుండి 10% నీటి కోత విధిస్తున్నట్లు BMC ప్రకటించింది. తీవ్రమైన ఎండలతో సరస్సుల్లో నీటి మట్టం పడిపోవడమే దీనికి కారణం. దీంతో హౌసింగ్ సొసైటీలు కార్ వాషింగ్, గార్డెనింగ్ కోసం నీటి వినియోగంపై నిషేధం విధించాయి. స్విమ్మింగ్ పూల్స్‌ను మూసివేయాలని, షవర్లకు బదులు బకెట్లు వాడాలని నిబంధనలు పెట్టారు. ముంబైకి నీరు అందించే ఏడు సరస్సుల్లో ప్రస్తుతం కేవలం 13-14% నీటి నిల్వలే మిగిలి ఉన్నాయని BMC డేటా చెబుతోంది. సాధారణంగా జూలైలో వర్షాల వరకూ ఈ నీటితోనే గడుపుకోవాలి. ఈ ఏడాది ఎల్ నినో ప్రభావంతో అసలు వర్షాలు కురుస్తాయా అన్న అనుమానాలు ఉన్నాయి.
ఒకప్పుడు సక్సెస్ స్టార్స్.. ఇప్పుడు లీకేజీ మాస్టర్స్
రాజస్థాన్‌లోని ఒక కుగ్రామానికి చెందిన బివాల్ కుటుంబం హెడ్ లైన్స్ కి ఎక్కింది. గత ఏడాది ఈ కుటుంబానికి చెందిన నలుగురు NEET క్లియర్ చేసి సక్సెస్ ఫ్యామిలీగా వార్తలకెక్కారు. కానీ ఇప్పుడు అదే కుటుంబం NEET-UG 2026 పేపర్ లీక్ కేసులో సెంటర్ గా మారింది. ఈ కేసులో మంగీలాల్, దినేష్ బివాల్ అనే ఇద్దరు బ్రదర్స్ దే కీ రోల్ అని పోలీసులు చెబుతున్నారు. దీంతో బివాల్ సొంతూరులో అందరూ షాక్ తిన్నారు. ఒకప్పుడు బెస్ట్ ర్యాంకర్లుగా మీడియా చుట్టుముడితే ఇప్పుడు లీకేజీ ముఠాగా మీడియా చుట్టుముడుతోంది.
అమెరికాలో అదానీపై కేసులు క్లోజ్ ..?
అదానీ గ్రూప్ చైర్మన్ Gautam Adaniకి అమెరికాలో పెద్ద రిలీఫ్ లభించే ఛాన్సెస్ ఉన్నాయి. అమెరికా జస్టిస్ డిపార్ట్‌మెంట్ ఆయనపై ఉన్న fraud, bribery కేసులను మూసివేసే దిశగా అడుగులు వేస్తోందని Bloomberg రిపోర్ట్ చేసింది. 2024లో అమెరికా అధికారులు అదానీ, ఆయన మేనల్లుడు సాగర్ అదానీపై $250 మిలియన్ లంచాల కేసు నమోదు చేశారు. ఇండియాలో సోలార్ ప్రాజెక్ట్ కాంట్రాక్టుల కోసం ప్రభుత్వ అధికారులకు లంచాలు ఇచ్చి… ఆ విషయాన్ని అమెరికన్ ఇన్వెస్టర్లకు దాచారని ఆరోపించారు.. ట్రంప్‌కు సన్నిహితుడైన లాయర్ Robert Giuffra అదానీ తరఫున వాదించడం, అమెరికాలో అదానీ కోట్లాది డాలర్లు ఇన్వెస్ట్ చేయడంతో ఈ కేసులు మూసే ఛాన్స్ ఉంది.
పెట్రో మంట.. పెట్రోల్, డీజిల్ ధర లీటర్ కి రూ.3 పెంపు
పశ్చిమాసియాలో సంక్షోభ పరిస్థితులతో మన దేశంలో పెట్రో ధరల మంట మండింది. దేశవ్యాప్తంగా పెట్రోల్ పై రూ.3, డీజిల్ పై రూ.3 పెంచుతూ ఆయిల్ కంపెనీలు నిర్ణయం తీసుకున్నాయి. కొత్త ధరలు ఇవాళ ఉదయం 6 గంటల నుంచే అమల్లోకి వచ్చాయి. దేశంలో ఇంధన ధరలు పెరుగుతాయంటూ ఇటీవల భారీగా ప్రచారం జరిగింది. RBI గవర్నర్ సంజయ్ మల్హోత్రా కూడా ధరలు పెరిగే ఛాన్స్ ఉందని ముందే హెచ్చరించారు. సీఎన్ జీ ధర కూడా కిలోకి 2 రూపాయలు పెరిగింది.
సనీటిజర్ తో మ్యాజిక్: టాలెంట్ కి ఏజ్ లిమిట్ లేదు బ్రో!
ఈ 4th క్లాస్ చిన్నారి చేసిన Invisible Fire ఎక్స్‌పెరిమెంట్ చూస్తే షాక్ అవ్వాల్సిందే బ్రో! శానిటైజర్‌తో మంట ఎలా వస్తుందో సైన్స్‌తో ప్రూవ్ చేసింది. టాలెంట్‌కి వయస్సుతో అస్సలు సంబంధం లేదు అని ఈ పిల్లే ఒక ఎగ్జామ్పుల్. సైన్స్ అంటే భయం కాకుండా ఇలాంటి క్రేజీ ఐడియాలతో అదరగొట్టేసింది. చిన్న వయసులోనే ఇంత క్రియేటివిటీ అంటే మామూలు విషయం కాదు!
కేరళ కొత్త సీఎం వి.డి. సతీశన్
కేరళలో కాంగ్రెస్‌ పార్టీ సస్పెన్స్‌కు తెరదించింది. కొత్త ముఖ్యమంత్రిగా V. D. Satheesan పేరు ప్రకటించింది. సీఎం రేసులో VD Satheesan, K. C. Venugopal, Ramesh Chennithala పేర్లు వినిపించాయి. దాదాపు 10 రోజుల చర్చల తర్వాత హైకమాండ్‌ ఈ నిర్ణయం తీసుకుంది.సతీశన్ ప్రస్తుతం కేరళ అసెంబ్లీలో ప్రతిపక్ష నేతగా ఉన్నారు. ప్రజల్లో మంచి ఇమేజ్‌, UDF మిత్రపక్షాల మద్దతు ఆయనకు కలిసొచ్చిన అంశాలుగా చెబుతున్నారు.
పండల్ తో పాటు మనిషి కూడా గాలి లో ఎగిరిపోయాడు!
యూపీ భదోహిలో జరిగిన ఈ సీన్ చూస్తే మైండ్ బ్లాక్ అవుతుంది బ్రో! సినిమాల్లో కూడా ఇలాంటి స్టంట్స్ చూడలేం. పెళ్లి పందిరి సెట్ చేస్తుంటే, గాలివానకి ఆ పందిరితో పాటే ఒక వ్యక్తి గాలిలో ఎగిరిపోయాడు. అది చూడ్డానికి చాలా షాకింగ్‌గా ఉంది. యూపీలో తుఫాను బీభత్సం వల్ల ఇప్పటికే 12 మంది ప్రాణాలు కోల్పోయారు. ప్లీజ్ అందరూ జాగ్రత్తగా ఉండండి!
అమెరికా చేరుకున్న హంటా వైరస్ రోగి .. భయం లేదంటున్న డాక్టర్లు
డచ్ కి చెందిన క్రూయిజ్ షిప్ లో హంటా వైరస్ సోకిన రోగి ఒకరు స్వదేశం అమెరికా చేరుకున్నారు. ఆ రోగిని ఐసలేషన్ లో ఉంచి వైద్యులు ఆరోగ్య పరిస్థితిని పర్యవేక్షిస్తున్నారు. అయితే ప్రజల్లో చాలా డౌట్స్ ఉన్నాయి. కరోనా మాదిరిగా ఇది కూడా సోకితే ఎలాగన్న సందేహాలున్నాయి. అయితే వైద్య నిపుణులు మాత్రం ప్రజారోగ్యానికి వచ్చిన ఇబ్బందేమీ లేదని చెబుతున్నారు. వారేమంటున్నారో మీరే ఈ వీడియోలో చూడండి.
ఎగిరే సైకిల్!
జపాన్ స్టూడెంట్ ఫుషా సకాయ్ ఇన్వెంట్ చేసిన ఈ Flying Bicycle చూస్తే మైండ్ బ్లాక్ అవుతుంది బ్రో! 🚲✈️ దీనికి 'సురూగి' అని పేరు పెట్టారు. జిమ్‌లో సైక్లింగ్ చేసినట్టు పెడల్ తొక్కితే చాలు, ఇది గాల్లోకి టేకాఫ్ అవుతుంది. పెద్ద రెక్కలు, భారీ ప్రొపెల్లర్‌తో ఇది చూడటానికి క్రేజీగా ఉంది. ఫిజిక్స్ అండ్ ఇంజనీరింగ్ ని నెక్స్ట్ లెవల్ కి తీసుకెళ్లారు. పెట్రోల్ అక్కర్లేదు, లెగ్ పవర్ ఉంటే బర్డ్ లా ఎగిరిపోవచ్చు!
లాయర్ అవతారంలో మమత
పశ్చిమ బెంగాల్ మాజీ సీఎం మమతా బెనర్జీ ఇవాళ లాయర్ గా కోర్టు ఆవరణలో కనిపించారు. బెంగాల్ లో ఎన్నికల అనంతరం చెలరేగిన హింసకు సంబంధించి దాఖలైన పిల్ విచారణలో ఆమె లాయర్ గా తన వాదనలు వినిపిస్తారు. ఈ పిల్ ను టీఎంసీ నాయకులే వేశారు. హింసకు సంబంధించి కోల్ కతా హైకోర్టులో మమత న్యాయమూర్తిపై పలు ప్రశ్నలు సంధించడానికి సిద్ధమయ్యారు.
సిరిసిల్ల లో ఘోరమైన రోడ్డు ఆక్సిడెంట్!
సిరిసిల్లలో జరిగిన ఈ రోడ్డు ప్రమాదం వీడియో చూస్తే షేక్ అవుతున్నాం బ్రో! గంభీరావుపేట మండలం గజసింగారం స్టేజీ దగ్గర బస్సు కోసం వేచి చూస్తున్న ప్రయాణికులు మీధకి ఓక కారు సడన్గా వచ్చింది. ఈ ఆక్సిడెంట్ లో లక్ష్మి (35) అనే మహిళ స్పాట్‌లో చనిపోయింది. ఇంకో మహిళ అండ్ ఒక చిన్నారికి గాయాలు అయ్యాయి. లోకల్స్ వెంటనే వాల్లని హాస్పిటల్ కి షిఫ్ట్ చేసారు. ఓవర్ స్పీడ్ వల్ల ఇంత దారుణం జరిగింది.
ప్రధాని మోదీ పిలుపుతో ఏపీలో పొదుపు చర్యలు..బాబు, పవన్ కాన్వాయ్ కుదింపు
పశ్చిమాసియా సంక్షోభం నేపథ్యంలో ఏపీ సీఎం చంద్రబాబు నాయుడు, డిప్యూటీ సీఎం పవన్ కళ్యాణ్ కూడా ప్రధాని మోదీ బాటలో పయనిస్తున్నారు. పొదుపు చర్యల్లో భాగంగా తమ కాన్వాయ్ ని సగానికి సగం తగ్గించారు. సీఎం చంద్రబాబు కాన్వాయ్ 12 వాహనాల నుంచి 4 వాహనాలకు తగ్గిపోయింది. పవన్ కళ్యాణ్ , మంత్రి లోకేశ్ వాహనాలు 4 నుంచి 2కి తగ్గాయి. ఏపీ మంత్రులు, ఇతర వీఐపీలు కూడా పొదుపు చర్యలు మొదలు పెట్టారు.
ఢిల్లీ బస్సులో మహిళ గ్యాంగ్ రేప్.. నిందితుల అరెస్ట్
దేశ రాజధాని ఢిల్లీలో దారుణం జరిగింది. ఫ్యాక్టరీ నుంచి ఇంటికి తిరిగి వస్తున్న 30 ఏళ్ల మహిళపై కదులుతున్న బస్సులో సామూహిక అత్యాచారం జరిగింది. బస్సులో డ్రైవర్, కండక్టర్ కలిసి ఆమెను బలవంతంగా బస్సులోకి లాక్కెళ్లి ఈ ఘాతుకానికి పాల్పడ్డారు. నంగ్లోయ్ దగ్గర ఆమెను బస్సు నుంచి దింపేసి పరారయ్యారు. ఇద్దరు నిందితులను పోలీసులు అరెస్ట్ చేశారు. ఈ ఘటనతో మరోసారి మహిళల భద్రతపై దేశవ్యాప్తంగా ఆగ్రహం వ్యక్తమవుతోంది.
పశ్చిమాసియా సంక్షోభం: పంచదార ఎగుమతులపై బ్యాన్
పశ్చిమాసియా సంక్షోభం నేపథ్యంలో కేంద్ర ప్రభుత్వం కీలక నిర్ణయం తీసుకుంది. దేశీయంగా చక్కెర ధరలు పెరగకుండా ఉండేందుకు సెప్టెంబర్ 30 వరకు ఎగుమతులపై నిషేధం విధించింది. పండగ సీజన్ వస్తున్నందున సామాన్యుడిపై భారం పడకూడదనే ఈ నిర్ణయం తీసుకున్నట్లు తెలుస్తోంది. మరోవైపు ఇండియా నిర్ణయంతో గ్లోబల్ గా షుగర్ ధరలకు రెక్కలొచ్చాయి.
ట్రంప్, జిన్‌పింగ్‌ కీలక భేటీ.. ఇరాన్ యుద్ధం సహా పలు అంశాలపై చర్చలు
పశ్చిమాసియాలో ఉద్రిక్తతల టైమ్ లో అమెరికా అధ్యక్షుడు డొనాల్డ్ ట్రంప్ చైనా టూర్ ప్రాధాన్యత దక్కించుకుంది. బీజింగ్‌లో చైనా అధినేత షి జిన్‌పింగ్‌తో ట్రంప్ భేటీ అయ్యారు. ఇరాన్ యుద్ధం వల్ల పాక్షికంగా మూతపడిన హార్ముజ్ జలసంధిని తెరిపించడం, తైవాన్ ఆయుధ ఒప్పందాలు మరియు వాణిజ్య సుంకాలపై ప్రధానంగా చర్చిస్తున్నారు. మస్క్, జెన్సన్ హువాంగ్ వంటి దిగ్గజాలు ట్రంప్ వెంట ఉన్నారు. ప్రపంచ శాంతి, ఆర్థిక స్థిరత్వం కోసం జరుగుతున్న ఈ చర్చలు ఇంకా కొనసాగుతున్నాయి.
పెట్రోల్ సెగ: సామాన్యుడికి ఆర్బీఐ గవర్నర్ హెచ్చరిక
అందరూ అనుకున్నట్టే అవుతోంది. పెట్రోల్ ధరలు భారీగా పెరిగే అవకాశాలున్నాయి. మిడిల్ ఈస్ట్ సంక్షోభం ముదిరితే దేశంలో ఇంధన ధరలు పెరిగే ఛాన్స్ ఉందని సాక్షాత్తూ RBI గవర్నర్ సంజయ్ మల్హోత్రా హెచ్చరించారు. అంతర్జాతీయ మార్కెట్‌లో క్రూడ్ ఆయిల్ రేట్లు పెరగడం వల్ల పెట్రోల్, డీజిల్ ధరలు పెంచక తప్పని పరిస్థితి రావచ్చని ఆయన చెప్పారు. దీనివల్ల ఇన్ఫ్లేషన్ పెరిగి సామాన్యుడి బడ్జెట్ తలకిందులయ్యే ప్రమాదం ఉంది.