Latest
కనిగిరిలో నామినేషన్లపై దౌర్జన్యం!
మార్కాపురం జిల్లా కనిగిరి మున్సిపాలిటీలో 32 వార్డుల ఎన్నికల నామినేషన్లపై వివాదం చెలరేగింది. YCP అభ్యర్థులను నామినేషన్ వేయకుండా అడ్డుకున్నారని ఆరోపణలు వస్తున్నాయి. పోలీసులను తప్పించి TDPకి చెందిన 150-200 మంది బయటి వ్యక్తులు నామినేషన్ కేంద్రంలోకి చొరబడి పత్రాలు చించారని, దాడులకు పాల్పడ్డారని బాధితులు చెబుతున్నారు. ఈ ఘటనపై SP, కలెక్టర్‌కు ఫిర్యాదు చేసినా స్పందన లేదన్నారు. నిష్పక్షపాతంగా ఎన్నికలు జరపాలని, రీనోటిఫికేషన్ ఇవ్వాలని ప్రజలు కోరుతున్నారు.
పోలీస్ ఆఫీసులో ఆయుధ పూజ
సూర్యాపేట జిల్లా పోలీస్ ఆఫీసులో దసరా సందర్భంగా ఆయుధ పూజ నిర్వహించారు. జిల్లా ఎస్పీ కె. నరసింహ ఈ కార్యక్రమంలో పాల్గొని పోలీస్ సిబ్బందికి దసరా శుభాకాంక్షలు తెలిపారు. చెడు పోయి మంచి గెలవాలని, సమాజంలో శాంతి, సంతోషాలు ఉండాలని అన్నారు. పోలీసుల విధుల్లో ఆయుధాలు, వాహనాలు కీలకమని తెలిపారు. వీటిని ఎప్పటికప్పుడు మెయింటైన్ చేస్తూ, విధుల్లో జాగ్రత్తగా ఉపయోగించాలని సూచించారు. ప్రజలకు మెరుగైన సేవలు అందించడంతో పాటు శాంతిభద్రతలను కాపాడటంలో ఇవి ముఖ్యమని చెప్పారు.
జుహూ బీచ్‌లో బతుకమ్మ సందడి!
మహారాష్ట్ర ముంబైలో అంధేరీ గంగపుత్ర సంఘం ఆధ్వర్యంలో బతుకమ్మ సంబరాలు ఘనంగా జరిగాయి. సంఘం అధ్యక్షులు మంగిలిపెల్లి శ్రీనివాస్ ఈ ఈవెంట్‌కు నేతృత్వం వహించారు. ఆదివారం సాయంత్రం పశ్చిమ అంధేరీ డొంగ్రి ఏరియా నుంచి మహిళలు బతుకమ్మలను నెత్తిపై పెట్టుకొని ప్రఖ్యాత జుహూ బీచ్ వరకు ఊరేగింపుగా వెళ్లి అక్కడ బతుకమ్మ ఆడారు. ఈ ఉత్సవంలో మంగిలిపెల్లి రేణుకదేవి, అంబటి నాగమ్మ, బాలగొని ఇందిరమ్మ, కదిరి కొమురమ్మ, ఇటుకల మహేశ్వరి, మైసా అనిత, సింగర్ కలమ, దేశబోయిన సువర్ణ, బెర్గల లక్ష్మి, పూస బాలమణి పాల్గొన్నారు.
నందిపేట్‌లో పంచాయతీ సిబ్బందికి దసరా కానుకలు
నిజామాబాద్ జిల్లా నందిపేట్‌లో గ్రామ పంచాయతీ ఆధ్వర్యంలో సోమవారం సిబ్బందికి దుస్తులు, నిత్యావసర వస్తువులు, చెప్పులు పంపిణీ చేశారు. ఈ కార్యక్రమంలో సర్పంచ్ ఎర్రం లింగం, ఉపసర్పంచ్ రామ్ చందర్, వార్డు సభ్యులు పాల్గొన్నారు. ఈ సందర్భంగా సర్పంచ్ మాట్లాడుతూ.. గ్రామంలో చెత్త పేరుకుపోకుండా చూడాలని, ప్రతి వార్డులో పరిశుభ్రత పాటించాలని సిబ్బందికి చెప్పారు. తాగునీరు వృథా కాకుండా చూడాలని, గ్రామ అభివృద్ధికి అందరూ కలిసి పనిచేయాలని కోరారు.
విజయదశమి.. మంచి గెలుపు సందేశం : MLA
నిజామాబాద్ జిల్లా బాల్కొండ ఎమ్మెల్యే, మాజీ మంత్రి వేముల ప్రశాంత్ రెడ్డి విజయదశమి శుభాకాంక్షలు తెలిపారు. చెడుపై మంచి, అధర్మంపై ధర్మం గెలిచిన విజయానికి ఈ పండుగ ప్రతీక అని అన్నారు. ప్రతి ఒక్కరూ చెడును విడనాడి మంచిని ఆచరించాలని పిలుపునిచ్చారు. ప్రజల మధ్య ప్రేమ, ఐక్యత, సోదరభావం బలపడాలని ఆకాంక్షించారు. జిల్లా ప్రజలకు అన్ని రంగాల్లో విజయం, కుటుంబాల్లో సుఖసంతోషాలు, ఆయురారోగ్యాలు కలగాలని కోరారు.
రూ.2.5 కోట్లతో గిరిజన హాస్టల్ నిర్మాణం మంత్రి శంకుస్థాపన
ఖమ్మం జిల్లా ఏదులాపురం మున్సిపాలిటీలోని TNGOs కాలనీలో గిరిజన బాలుర పోస్ట్‌మెట్రిక్ హాస్టల్ నిర్మాణానికి మంత్రి పొంగులేటి శ్రీనివాసరెడ్డి సోమవారం రాత్రి శంకుస్థాపన చేశారు. ఈ హాస్టల్‌ను 2.5 కోట్ల రూపాయలతో నిర్మించనున్నారు. త్వరలో బాలికల హాస్టల్ నిర్మాణానికి కూడా శంకుస్థాపన చేస్తామని మంత్రి చెప్పారు. అనంతరం ముత్తగూడెంలో దేవీ నవరాత్రుల సందర్భంగా అన్నదానాన్ని ప్రారంభించి, ప్రజలకు దసరా శుభాకాంక్షలు తెలిపారు.
సౌరవ్, అశుతోష్ కస్టడీ పొడిగింపుపై ధ్రువ్ రాఠీ రియాక్షన్
CJP నేతలు సౌరవ్, అశుతోష్‌ల జ్యుడీషియల్ కస్టడీని కోర్టు మరో రెండు రోజులు పొడిగించింది. దీనిపై ప్రముఖ యూట్యూబర్ ధ్రువ్ రాఠీ రియాక్ట్ అయ్యారు. దేశంలో రేపిస్టులు, హంతకులు స్వేచ్ఛగా తిరుగుతున్నారని, పోరాడేవాళ్లు మాత్రం జైల్లలో మగ్గిపోతున్నారని తన ఎక్స్ అకౌంట్‌లో పోస్ట్ చేశారు. సౌరవ్ దాస్, అశుతోష్ రాంకాలను త్వరగా విడుదల చేయాలని డిమాండ్ చేశారు.
అంబేద్కర్ భవనం, స్కిల్ సెంటర్‌కు MLA కూనంనేని శంకుస్థాపన
భద్రాద్రి కొత్తగూడెం జిల్లా పాల్వంచ మండలం లక్ష్మీదేవిపల్లి (ఎస్) గ్రామపంచాయతీలో అంబేద్కర్ భవనం, స్కిల్ డెవలప్‌మెంట్ సెంటర్ నిర్మాణానికి ఎమ్మెల్యే కూనంనేని సాంబశివరావు శంకుస్థాపన చేశారు. అంబేద్కర్ భవనం పాల్వంచ ప్రజల చిరకాల కోరిక అని ఆయన చెప్పారు. స్కిల్ సెంటర్ ద్వారా స్థానిక యువతకు నైపుణ్య శిక్షణ అందించి ఉద్యోగ, ఉపాధి అవకాశాలు పొందేందుకు ఉపయోగపడుతుందని తెలిపారు. యువత అభివృద్ధి, విద్య, సామాజిక సమానత్వానికి ఇలాంటి కేంద్రాలు ఉపయోగపడతాయని అన్నారు.
సౌరవ్, అశుతోష్ జ్యుడీషియల్ కస్టడీ.. రత్నాసింగ్ విమర్శలు
CJP నేతలు సౌరవ్, అశుతోష్‌ల జ్యుడీషియల్ కస్టడీని కోర్టు మరో రెండు రోజులు <a href="https://www.theclearcutnews.com/n/f2i5uEf">పొడిగించింది</a>. దీనిపై CJP లీగల్ హెడ్ రత్నా సింగ్ స్పందించారు. వ్యవస్థ పూర్తిగా నిర్వీర్యమైపోయిందని ఆరోపిస్తూ ఎగ్జిక్యూటివ్ మేజిస్ట్రేట్ వ్యవస్థపై తీవ్రస్థాయిలో మండిపడ్డారు. దేశంలో ప్రత్యేక ఎగ్జిక్యూటివ్ మేజిస్ట్రేట్ కోర్టులను రద్దు చేయాలని డిమాండ్ చేశారు. రూల్స్ ప్రకారం ఇచ్చిన ష్యూరిటీలను అధికారులు నిరాకరించారని తెలిపారు. కోర్టు , పౌరుల హక్కులను ఏమాత్రం లెక్కచేయడం లేదన్నారు.
పారిశుద్ధ్య కార్మికులకు నూతన వస్త్రాల పంపిణీ
రంగారెడ్డి జిల్లా షాద్‌నగర్‌లో దసరా సందర్భంగా పారిశుద్ధ్య కార్మికులకు కొత్త బట్టలు పంపిణీ చేసేందుకు యువనేత, కాంట్రాక్టర్ KK కృష్ణ సహకరించారు. షాద్‌నగర్ మున్సిపల్ కార్యాలయంలో జరిగిన ఈ కార్యక్రమంలో చైర్మన్ అగ్గనూర్ బసవేశ్వర్ కార్మికులకు దుస్తులు అందించి పండుగ శుభాకాంక్షలు తెలిపారు. ఎమ్మెల్యే వీర్లపల్లి శంకర్ ఆశయాలకు అనుగుణంగా కేకే కృష్ణ ఈ కార్యక్రమానికి సహకరించారు. పండుగ వేళ కొత్త బట్టలు అందుకోవడంతో కార్మికులు సంతోషం వ్యక్తం చేశారు.
అర్హులైన పేదలందరికీ ఇందిరమ్మ ఇళ్లు: మంత్రి
పార్టీలతో సంబంధం లేకుండా అర్హులైన పేదలందరికీ ఇందిరమ్మ ఇళ్లు మంజూరు చేస్తామని మంత్రి పొంగులేటి శ్రీనివాసరెడ్డి స్పష్టం చేశారు. కూసుమంచి ఎమ్మెల్యే కార్యాలయంలో ఇళ్ల మంజూరు పత్రాల పంపిణీ సందర్భంగా ఆయన మాట్లాడుతూ.. హైదరాబాద్‌లో నివసించే పేదలకు సైతం ఇళ్లు నిర్మించి ఇస్తామని తెలిపారు. సీఎం, ప్రతిపక్ష ఎమ్మెల్యేల నియోజకవర్గాల్లో సమానంగా ఇళ్లు మంజూరు చేస్తున్నామని, ప్రతి పేద కుటుంబానికి సొంతింటి కల నెరవేర్చడమే ప్రభుత్వ లక్ష్యమని పేర్కొన్నారు.
దసరా శుభాకాంక్షలు తెలియజేసిన ఎమ్మెల్యే
దసరా పండుగను పురస్కరించుకుని బాల్కొండ ఎమ్మెల్యే వేముల ప్రశాంత్ రెడ్డి నిజామాబాద్ జిల్లా, నియోజకవర్గ ప్రజలకు విజయదశమి శుభాకాంక్షలు తెలిపారు. ఈ పర్వదినం ప్రతి ఒక్కరి జీవితంలో విజయాలు, సుఖసంతోషాలు నింపాలని ఆకాంక్షించారు. ప్రజలందరికీ ఆయురారోగ్యాలు, అష్టైశ్వర్యాలు కలగాలని, ప్రతి కుటుంబం ఆనందంగా ఉండాలని కోరుకున్నారు. ప్రజలంతా భక్తిశ్రద్ధలతో, ఉత్సాహంగా విజయదశమి వేడుకలను జరుపుకోవాలని పిలుపునిచ్చారు.
సౌరవ్, అశుతోష్ బలంగా నిలబడతారు: CJP
జంతర్ మంతర్‌లోకి ప్రవేశించి నిరసన తెలిపిన కారణంగా CJP నేతలు సౌరవ్ దాస్, అశుతోష్ రంకాలను పోలీసులు అరెస్ట్ చేసి జ్యుడీషియల్ కస్టడీకి తరలించిన విషయం తెలిసిందే. వాళ్ల కస్టడీని కోర్టు మరో రెండు రోజులు <a href="https://www.theclearcutnews.com/n/f2i5uEf">పొడిగించింది</a>. దీనిపై సీజేపీ స్పందిస్తూ ప్రభుత్వం అక్రమ మార్గాల్లో తమను అణచివేయాలని చూసినా సౌరవ్ దాస్, అశుతోష్ బలంగా నిలబడతారని తన ఎక్స్ అకౌంట్‌లో రాసింది. ప్రజల హక్కుల కోసం వారు చేస్తున్న పోరాటాన్ని కొనసాగిస్తూనే ఉంటారని తెలిపింది.
ధర్నాను జయప్రదం చేయండి: CITU
జోగులాంబ గద్వాల జిల్లా కార్మికుల సమస్యల పరిష్కారం కోసం ఈ నెల 25, 26 తేదీల్లో HYDలోని ఇందిరాపార్కు వద్ద నిర్వహించనున్న మహాధర్నాకు కార్మికులు భారీగా తరలిరావాలని CITU జిల్లా అధ్యక్షుడు ఉప్పేర్ నరసింహ, కార్యదర్శి వి.వి. నరసింహ పిలుపునిచ్చారు. సోమవారం గద్వాలలో మహాధర్నా పోస్టర్ను ఆవిష్కరించారు. నాలుగు లేబర్ కోడ్లను రద్దు చేసి, పాత కార్మిక చట్టాలను పునరుద్ధరించాలన్నారు.
పాడేరు ఘాట్ రోడ్డులో ప్రమాదం.. భవానీ మాలధారులు మృతి
AP: అల్లూరి సీతారామరాజు జిల్లా పాడేరు ఘాట్ రోడ్డులో ఘోర ప్రమాదం జరిగింది. బ్రేక్ ఫెయిల్ అయిన ఓ బొలెరో వాహనం నేరుగా కొండను ఢీకొట్టింది. ప్రమాద సమయంలో వాహనంలో 21 మంది ప్రయాణికులున్నారు. ఈ వాళ్లలో ఇద్దరు భవానీ మాలధారులు మృతిచెందారు. మిగిలినవారికి గాయాలయ్యాయి. అమ్మవారిని దర్శించుకుని తిరిగి వెళ్తుండగా ఈ ప్రమాదం జరిగింది. క్షతగాత్రులను మాడుగుల, అనకాపల్లి ఆసుపత్రులకు తరలించారు.
దుగ్గిరాలలో జనసేన నేతల సమావేశం
గుంటూరు జిల్లా దుగ్గిరాల మండలంలో జనసేన పార్టీ స్థానిక ఎన్నికల సమన్వయకర్తల మీటింగ్ ఆదివారం జరిగింది. మండల పార్టీ అధ్యక్షుడు పసుపులేటి శ్రీనివాసరావు ఇంట్లో జరిగిన ఈ మీటింగ్ తర్వాత నాయకులు ఈమని, చింతలపూడి, పెదకొండూరు గ్రామాల్లో పర్యటించారు. ఈ కార్యక్రమంలో గంజి చిరంజీవి, మునగపాటి మారుతీరావు, సవ్వాకుల కోటేష్‌బాబు, మాజీ వైస్ ఎంపీపీ పసుపులేటి సాయి చైతన్య, మార్కెట్ యార్డు వైస్ చైర్మన్ కిషోర్‌తో పాటు గ్రామ నాయకులు, పార్టీ కార్యకర్తలు పాల్గొన్నారు.
జాబ్ కోసం AIని ఇలా వాడుకోండి!
జాబ్ కోసం వెతుకుతున్నవాళ్లు AIని సరిగ్గా వాడుకుంటే ఉద్యోగం సంపాదించే అవకాశాలను మెరుగుపరుచుకోవచ్చు. ChatGPT, క్లాడ్, జెమిని వంటి AI టూల్స్‌తో మన అనుభవానికి సరిపోయే ఉద్యోగాలను గుర్తించవచ్చు. జాబ్ డిస్క్రిప్షన్‌ను అర్థం చేసుకోవడం, ఇంటర్వ్యూ ప్రశ్నలకు ప్రాక్టీస్ చేయడం కూడా చేయొచ్చు. అయితే, సాధారణ ప్రశ్నలు అడగడం కంటే జీతం, లొకేషన్, కావాల్సిన స్కిల్స్ వంటి వివరాలతో స్పష్టమైన ప్రాంప్ట్‌లు ఇస్తే మెరుగైన ఫలితాలు వస్తాయి. మరి మీరు AI ని ఎలా వాడుతున్నారు? కామెంట్ చేయండి.
పోలీస్ కళాబృందంతో ప్రయాణికులకు అవగాహన
కామారెడ్డి జిల్లా ఎస్పీ రాజేష్ చంద్ర ఆదేశాల మేరకు సోమవారం జిల్లా బస్టాండ్‌లో పోలీస్ కళాబృందం అవగాహన కార్యక్రమం నిర్వహించింది. మాటలు, పాటల రూపంలో ప్రయాణికులకు పలు అంశాలపై చైతన్యం కల్పించారు. మాదకద్రవ్యాల వినియోగంతో కలిగే నష్టాలు, సైబర్ నేరాల పట్ల అప్రమత్తత, రోడ్డు ప్రమాదాల నివారణ, మహిళల భద్రతపై వివరించి ప్రజలు జాగ్రత్తలు పాటించాలని సూచించారు.
ప్రశాంత వాతావరణంలో పరీక్షలు: కలెక్టర్
మెదక్ జిల్లాలో ఈ నెల 24న నిర్వహించనున్న టీజీపీఎస్సీ పరీక్షలను ఎలాంటి అవకతవకలకు తావులేకుండా పారదర్శకంగా నిర్వహిస్తామని కలెక్టర్ ప్రతిమా సింగ్ తెలిపారు. నర్సాపూర్‌లోని బీవీఆర్‌ఐటీ పరీక్షా కేంద్రాన్ని ఆమె పరిశీలించారు. పరీక్ష ప్రారంభానికి గంట ముందే కేంద్రాల గేట్లు మూసివేస్తామని స్పష్టం చేశారు. అభ్యర్థులు నిబంధనలు తప్పనిసరిగా పాటించాలని, పరీక్ష హాల్లోకి ఎలక్ట్రానిక్ పరికరాలను అనుమతించబోమని వెల్లడించారు.
సూర్యాపేటలో రాంరెడ్డి దామోదర్ రెడ్డి విగ్రహావిష్కరణ
సూర్యాపేట జిల్లా కేంద్రంలోని పబ్లిక్ క్లబ్ ఫంక్షన్ హాల్‌లో మాజీ మంత్రి, మాజీ ఎమ్మెల్యే రాంరెడ్డి దామోదర్ రెడ్డి విగ్రహావిష్కరణ కార్యక్రమం ఘనంగా జరిగింది. ఈ కార్యక్రమానికి కాంగ్రెస్ నాయకులు, కార్యకర్తలు, ఆయన అభిమానులు పెద్ద సంఖ్యలో హాజరయ్యారు. ఆత్మీయ నేత విగ్రహం ముందు వ్యవసాయ మార్కెట్ కమిటీ చైర్మన్ కొప్పుల వేణారెడ్డి భావోద్వేగానికి గురయ్యారు. జిల్లా గ్రంథాలయ చైర్మన్ వంగవీటి రామారావు కూడా విగ్రహావిష్కరణలో పాల్గొన్నారు.
లిఫ్ట్ ఇరిగేషన్‌పై ఆరోపణలు.. కాంగ్రెస్ కౌంటర్
ఖమ్మం జిల్లా వేంసూరు మండలం మర్లపాడులో లిఫ్ట్-1, లిఫ్ట్-2 నిర్వహణపై BRS నాయకులు చేస్తున్న ఆరోపణలను కాంగ్రెస్ నాయకులు ఖండించారు. సోమవారం గ్రామంలో నిర్వహించిన మీడియా సమావేశంలో మండల కాంగ్రెస్ అధ్యక్షుడు కాసర చంద్రశేఖర్ రెడ్డి మాట్లాడుతూ.. గత 30 ఏళ్లుగా ఆనవాయితీ ప్రకారం రైతుల నుంచి నామమాత్రపు నిర్వహణ రుసుము వసూలు చేస్తున్నట్లు తెలిపారు.