40 ఏళ్ల అనుభవం.. 55 నిమిషాల ఫీలింగ్

By Krishna· 1h ago· X

TG: ఇండియన్ ఎయిర్ ఫోర్స్ ప్రధాన ఎయిర్ చీఫ్ మార్షల్ AP సింగ్.. తన సర్వీస్‌లో చివరి సార్టీని మంగళవారం తెలంగాణలోని దుండిగల్ ఎయిర్ ఫోర్స్ అకాడమీలో కిరణ్ ఫ్లైట్‌లో పూర్తి చేశారు. 40 ఏళ్ల కిందట 1984 జనవరి 28న ఇక్కడే తన ఫస్ట్ ఫ్లైట్ నడిపారు. ఇప్పుడు ఇన్‌స్ట్రక్టర్, రిటైర్డ్ వింగ్ కమాండర్ VS కోచ్చర్‌తో కలిసి ఈ 55 నిమిషాల ప్రయాణాన్ని పూర్తిచేశారు. “ఇది కలలా ఉంది. నేను మొదలుపెట్టిన అదే విమానంతో ముగించాను” అని సింగ్ అన్నారు.

More in TG

ఓవర్‌స్పీడ్‌తో యువకుడు మృతి.. పైప్‌లైన్‌కు భారీ డ్యామేజ్!

▶

TG· 2h ago

ఓవర్‌స్పీడ్‌తో యువకుడు మృతి.. పైప్‌లైన్‌కు భారీ డ్యామేజ్!

TG: హైదరాబాద్‌లోని నాగోల్ మెట్రో స్టేషన్ దగ్గరలో ఈరోజు తెల్లవారుజామున ఘోర ప్రమాదం జరిగింది. స్పీడ్‌గా వెళ్తున్న కారు కృష్ణా వాటర్ పైప్‌లైన్ ఎయిర్ వాల్వ్‌ను ఢీకొట్టడంతో హయత్‌నగర్‌కు చెందిన 24 ఏళ్ల వినీత్ మృతి చెందాడు. పైప్‌లైన్ డ్యామేజ్ కావడంతో 30 అడుగులకు పైగా నీరు ఎగసిపడి, వేల లీటర్ల నీరు వృథాగా రోడ్డుపైకి చేరింది. దీంతో ట్రాఫిక్ జామ్‌తో పాటు సిటీలోని కొన్ని ప్రాంతాల్లో వాటర్ సప్లై ఆగిపోయింది. అధికారులు వెంటనే రిపేర్ వర్క్ స్టార్ట్ చేశారు.

TG· 2h ago

BRS కార్యకర్తలు, కాంగ్రెస్ నేత మధ్య వాగ్వాదం

TG: హైదరాబాద్‌లోని ఓల్డ్ సిటీ పరిధిలో కాంగ్రెస్, BRS నేతల మధ్య ఉద్రిక్తత నెలకొంది. దసరా సందర్భంగా తెలంగాణ సీఎం రేవంత్ రెడ్డి రూపంలో ఉన్న 'రావణ' థీమ్ దిష్టిబొమ్మను బీఆర్‌ఎస్ కార్యకర్తలు, విద్యార్థి విభాగం (BRSV) నాయకులు తరలిస్తుండగా ఈ వివాదం తలెత్తింది. కాంగ్రెస్, BRS నేతల మధ్య వాగ్వాదం జరిగింది. సాయికుమార్, ఆయన వర్గీయులు కర్రలతో బీఆర్‌ఎస్ కార్యకర్తలపై దాడికి పాల్పడినట్లు ఆరోపణలు వచ్చాయి.

TG· 2h ago

జింకల వేట కేసులో ముగ్గురు అరెస్ట్

TG:హైదరాబాద్‌లోని మలక్‌పేట్‌లో వాహన తనిఖీల సందర్భంగా జింక మాంసంతో వెళ్తున్న ముగ్గురిని పోలీసులు అరెస్ట్ చేశారు. నిందితులు సయ్యద్ హుస్సేన్, సయ్యద్ ఒమర్, మహ్మద్ హమీద్‌గా గుర్తించారు. కర్ణాటకలోని కలబురగి అటవీలో జింకలను వేటాడినట్లు గుర్తించారు. వారి కారు నుంచి రైఫిల్, 8 బుల్లెట్లు, 12 ఖాళీ కార్ట్రిడ్జ్‌లు, రెండు నైట్ విజన్ టెలిస్కోప్‌లు, బ్యాటరీ, నాలుగు మొబైల్ ఫోన్లను స్వాధీనం చేసుకున్నారు. ముగ్గురూ కలిసి 12 రౌండ్లు కాల్పులు జరిపినట్లు నిర్ధారించారు.

TG· 2h ago

కొండారెడ్డి పల్లెకి సీఎం రేవంత్.. ఆలయంలో పూజలు

నాగర్ కర్నూల్ జిల్లాలో పర్యటిస్తున్న సీఎం రేవంత్ రెడ్డి.. కొండారెడ్డి పల్లెకి వెళ్లారు. అక్కడి ఆంజనేయ స్వామి ఆలయంలో కుటుంబ సమేతంగా పూజలు చేశారు. దసరా పండుగ రోజున సొంత ఊరైన కొండారెడ్డిపల్లిలో ఉండేలా CM ప్లాన్ చేసుకున్నారు. కాసేపట్లో ఆయన గ్రామస్తులు, స్థానిక ప్రజాప్రతినిధులు, జిల్లా స్థాయి ఉన్నతాధికారులతో భేటీ అవుతారు. సాయంత్రం కొండారెడ్డిపల్లి గ్రామంలో జరిగే దసరా జమ్మి ఉత్సవంలో ముఖ్య అతిథిగా పాల్గొంటారు.