ఓటర్లకు బిగ్ పవర్

By Sahani· 16h ago· Livelaw

ఎన్నికల అఫిడవిట్‌లో అభ్యర్థులు తప్పుడు సమాచారం ఇస్తే, ఓటర్లు నేరుగా క్రిమినల్ కేసులు పెట్టవచ్చని సుప్రీంకోర్టు సంచలన జడ్జిమెంట్ ఇచ్చింది. ప్రజా ప్రాతినిధ్య చట్టం సెక్షన్ 125A కింద ప్రైవేట్ వ్యక్తులు కంప్లైంట్ చేయకుండా CRPC సెక్షన్ 195(1) అడ్డుకోలేదని, పబ్లిక్ సర్వెంట్స్ మాత్రమే కాకుండా సాధారణ సిటిజన్స్ కూడా ఎలక్షన్ కమీషన్ గైడ్‌లైన్స్‌తో సంబంధం లేకుండా కోర్టును ఆశ్రయించవచ్చని స్పష్టం చేసింది. అయితే కర్ణాటక MLA శైలేంద్ర బెల్దాలేపై వేసిన కేసు ఆధారాలు లేకపోవడంతో కొట్టేసింది.

More in National

National· 5h ago

సంయుక్త కిసాన్ మోర్చా నిర్ణయాన్ని స్వాగతించిన ప్రకాశ్ రాజ్

SIRకు వ్యతిరేకంగా అక్టోబర్ 23న తలపెట్టిన దేశవ్యాప్త ఆందోళనల్లో సంయుక్త కిసాన్ మోర్చా(SKM) భాగస్వామ్యం కావడంపై నటుడు, సామాజిక కార్యకర్త ప్రకాశ్ రాజ్ హర్షం వ్యక్తం చేశారు. దేశంలోని రైతులు, దళిత సంఘాలు, కార్మిక సంఘాలు అన్నీ ఒక్కతాటిపైకి రావడం మంచి విషయం అన్నారు. ఈ పరిణామం ప్రభుత్వానికి ప్రజల్లో పెరుగుతున్న వ్యతిరేకతను చూపిస్తోందని వివరించారు. ఇది రాజకీయ సమస్య కాదని, పౌరుడి ఓటు హక్కుకు, ఆత్మగౌరవానికి సంబంధించిన పోరాటమని ప్రకాశ్ రాజ్ స్పష్టం చేశారు.

National· 8h ago

అదానీ ప్రాజెక్టుపై గిరిజనుల ఫేక్‌ వేలిముద్రలు ?

ఒడిశాలో అదానీ గ్రూప్‌ మైనింగ్ ప్రాజెక్టు కోసం తమ భూములకు సంబంధించిన పర్మిషన్ పత్రాల్లో సంతకాలు, వేలిముద్రలను ఫేక్‌గా ఉపయోగించారని గిరిజనులు ఆరోపించారు. చనిపోయిన వారి పేర్లు కూడా పత్రాల్లో ఉన్నాయని తెలిపారు. గ్రామసభలు సక్రమంగా నిర్వహించకుండా తమ భూములను తీసుకునేందుకు ప్రయత్నిస్తున్నారని ఆందోళన వ్యక్తం చేశారు. గనుల ప్రాజెక్టుతో అటవీ హక్కులు, పర్యావరణం, జీవనోపాధి దెబ్బతింటాయని పేర్కొన్నారు. ఈ ఆరోపణలపై సంబంధిత సంస్థ అధికారికంగా స్పందించలేదు.

National· 8h ago

ఐదేళ్లలో అంతరిక్షంలో యుద్ధం!

మరో ఐదేళ్లలో అంతరిక్షంలో యుద్ధం జరిగే ప్రమాదం ఉందని నిపుణులు హెచ్చరిస్తున్నట్లు సారా నాప్టన్ రాసిన AOL TODAY కథనం తెలిపింది అమెరికా, రష్యా, చైనా అంతరిక్షంలో తమ సామర్థ్యాలను పెంచుకుంటున్నాయి. అంతరిక్షంలో శాటిలైట్లపై దాడులు జరిగితే ఇంటర్నెట్, GPS, కమ్యూనికేషన్లు, విమానాల రాకపోకలు, ఆర్థిక వ్యవస్థలకు అంతరాయం కలగవచ్చు. అందుకే అంతరిక్ష భద్రతపై దేశాలు మరింత దృష్టి పెట్టాలని నిపుణులు సూచిస్తున్నారు.

స్టార్‌బక్స్‌లో వాలెట్ చోరీ.. వైరల్‌గా CCTV వీడియో

▶

National· 8h ago

స్టార్‌బక్స్‌లో వాలెట్ చోరీ.. వైరల్‌గా CCTV వీడియో

బెంగళూరులోని కమర్షియల్ స్ట్రీట్‌లో ఉన్న స్టార్‌బక్స్‌లో ఓ మహిళ.. కస్టమర్ బ్యాగ్‌లో నుంచి వాలెట్ దొంగిలించినట్లు CCTV కెమెరాలో రికార్డైంది. బాధితుడి వైఫ్ దిశా భాటియా ఈ వీడియోను సోషల్ మీడియాలో షేర్ చేసి బెంగళూరు పోలీసులను కంప్లయింట్ చేస్తూ, HDFC బ్యాంకును సాయం కోరారు. బహిరంగ ప్రదేశాల్లో తమ వస్తువుల విషయంలో జాగ్రత్తగా ఉండాలని ఆమె హెచ్చరించారు.