EC వివరణపై చంద్రబాబు పోస్ట్

By Mahesh· 14h ago· X· AP

AP: ఎన్నికల సంఘం ఇచ్చిన <a href="https://www.theclearcutnews.com/n/64YJ6H6">ఏకగ్రీవ వివరణ</a>తో అన్ని అపోహలకు తెరపడిందని CM చంద్రబాబు <a href="https://x.com/ncbn/status/2103845933679325655">'X'లో పోస్ట్ చేశారు.</a> CEC జ్ఞానేశ్ కుమార్, ECలు సంధు, వివేక్ జోషిల నిర్ణయాలు ఇన్‌స్టిట్యూషనల్ రూల్స్ ప్రకారమే తీసుకున్నారని తెలిపారు. షార్ట్‌టర్మ్ పాలిటిక్స్ ప్రయోజనాల కోసం దేశ ప్రజాస్వామ్యంపై నమ్మకాన్ని దెబ్బతీయడం సరికాదన్నారు. ఎన్నికల ఫలితాలు ప్రజల తీర్పని, గెలుపోటములను నేతలు స్పోర్టివ్‌గా తీసుకోవాలని అన్నారు. ప్రజల్లో రాజ్యాంగ సంస్థలపై నమ్మకం నిలబెట్టడం అందరి బాధ్యతన్నారు.

More in AP

AP· 1h ago

APలో మరో భారీ సిమెంట్ ఫ్యాక్టరీ

AP: ఏపీలో భారీ పెట్టుబడికి మై హోం ఇండస్ట్రీస్‌ సిద్ధమైంది. పల్నాడు జిల్లా, దాచేపల్లి మండలం, గామలపాడుకి దగ్గర్లో 3000 కోట్ల రూపాయలతో గ్రీన్‌ఫీల్డ్‌ సిమెంట్‌ ఫ్యాక్టరీ ఏర్పాటు చేయనుంది. ఏడాదికి 35 లక్షల టన్నుల సిమెంట్‌ ఉత్పత్తి చేసేలా ప్లాంట్‌ను నిర్మిస్తారు. 2029 మార్చి నాటికి ఉత్పత్తి ప్రారంభించే ప్లాన్ ఉంది. ఈ ప్రాజెక్టుతో సుమారు 2 వేల మందికి ఉపాధి లభిస్తుందన్న ప్రభుత్వం... ప్రత్యేక రాయితీలు, ప్రోత్సాహకాలు ప్రకటించింది.

▶

AP· 1h ago

వైజాగ్‌లో రోడ్డుపైకి జింకలు.. వీడియో

AP: వైజాగ్ లోని జూ నుంచి అర్ధరాత్రి జింకల గుంపు రోడ్డుపైకి వచ్చింది. వాటిని చూసి వాహనదారులు, స్థానికులు ఆందోళన వ్యక్తం చేశారు. వన్య ప్రాణులు ఇలా రోడ్లపైకి రాకుండా జాగ్రత్తలు తీసుకోవాలని కోరుతున్నారు. ఇదివరకు ఇలాగే రాత్రివేళ సంచరించే కొన్ని వన్యప్రాణులు రోడ్డు ప్రమాదాల్లో మృతి చెందిన ఘటనలు ఉన్నాయని అంటున్నారు. ఈ జింకల వీడియో SMలో వైరల్ అవుతోంది.

▶

AP· 1h ago

సచివాలయ ఉద్యోగులు డిటైన్

AP: ఇవాళ ఆంధ్రప్రదేశ్‌లో గ్రామ, వార్డు సచివాలయ ఉద్యోగులు నిర్వహిస్తున్న 'ఛలో విజయవాడ' ఆందోళన తీవ్రమవుతోంది. ఐతే.. పోలీసులు ధర్నా చౌక్‌కి వెళ్తున్న ఉద్యోగులను ఎక్కడికక్కడ అడ్డుకుంటున్నారు. కొంతమందిని ముందుగానే అదుపులోకి తీసుకొని గవర్నర్ పేట పోలీస్ స్టేషన్‌కి తరలించారు. రెండేళ్లుగా ఉన్న తమ సమస్యలు పరిష్కరించాలని ఉద్యోగులు కోరుతున్నారు. నిరసన తెలిపే తమ హక్కును కాలరాయాలని చూస్తే, మరింత తీవ్రం చేస్తామని హెచ్చరిస్తున్నారు.

▶

AP· 2h ago

గ్రామ, వార్డ్ సచివాలయ ఉద్యోగుల డిటైన్

AP: ఆంధ్రప్రదేశ్‌లో ఇవాళ గ్రామ, వార్డ్ సచివాలయ ఉద్యోగులు 'ఛలో విజయవాడ'కు పిలుపిచ్చారు. దీనికి పర్మిషన్ ఇవ్వని పోలీసులు.. ఉద్యోగులను అదుపులోకి తీసుకుంటున్నారు. అర్ధరాత్రి నుంచే బస్సులు ట్రైన్స్ చెక్ చేసి, ఉద్యోగులను విజయవాడ వెళ్లకుండా ఆపేస్తున్నారు. పోలీసుల తీరుపై సచివాలయ ఉద్యోగులు ఫైర్ అవుతున్నారు. రెండేళ్లుగా AAS, నోషనల్ ఇంక్రిమెంట్లు, మృతుల కుటుంబాలకు ప్రయోజనాలు, ప్రమోషన్లు వంటి సమస్యలు పరిష్కరించకపోవడంతో వారు నిరసన తెలుపుతున్నారు.