ఆరు తరాల ఉమ్మడి కుటుంబం.. 83 మందికి ఒకే వంటిల్లు!

By Mahesh· 16 Aug 2026· Youtube· అనంతపురం

AP: అనంతపురం జిల్లా కుర్లపల్లిలో ఆరు తరాలుగా కొనసాగుతున్న ఓ భారీ ఉమ్మడి కుటుంబం ఆసక్తికరంగా మారింది. ఈ కుటుంబంలో ఏకంగా 83 మంది ఉన్నారు. అందరికీ ఒకే వంటింట్లో కట్టెల పొయ్యిపైనే వంట చేస్తారు. రోజుకు 50 కిలోల బియ్యం అవసరం అవుతుంది. ఆదివారం నాన్‌వెజ్‌ వండితే ఒక పొట్టేలు, 10 కిలోల చికెన్‌ వండుతారు. సాయంత్రం బజ్జీలు చేయాలంటే 15 కిలోల పిండి అవసరమవుతుందని కుటుంబ సభ్యులు తెలిపారు. <a href="https://www.youtube.com/watch?v=Av8N3HDPrXw">83 మంది ఒకే కుటుంబంగా,</a> ఒకే ఇంట్లో కలిసి జీవించడం నిజంగా ఆశ్చర్యమే.

More in Parenting

Parenting· 1d ago

పిల్లల పెంపకంలో తల్లిదండ్రులు చేసే చిన్న తప్పులు

పిల్లలను పెంచడం అంటే వాళ్లకు మంచి స్కూల్‌, మంచి చదువు, మంచి సౌకర్యాలు ఇవ్వడం మాత్రమే కాదు.. రోజూ మనం మాట్లాడే మాటలు, చూపించే ప్రవర్తన కూడా వాళ్లపై బలమైన ముద్ర వేస్తాయి. “నీకు ఇది రాదు” అనడం, ఇతర పిల్లలతో పోల్చడం, వాళ్ల తప్పులను వెంటనే ఎత్తిచూపడం, ప్రతి సమస్యను మనమే పరిష్కరించడం లాంటి చిన్న విషయాలు పిల్లల్లో భయం, ఆత్మవిశ్వాసం తగ్గడం లేదా నిర్ణయాలు తీసుకోవడంలో ఇబ్బందులకు దారితీయొచ్చు. అందుకే పిల్లలు ఏం చేస్తున్నారు కంటే.. వాళ్లతో మనం ఎలా వ్యవహరిస్తున్నామో కూడా గమనించాలి.

Parenting· 3d ago

👶 Peek-a-boo ఎందుకు ఇంత ఇష్టం?

బేబీతో ఆడుతూ మనం “Peek-a-boo!” అంటూ ముఖం దాచుకుంటే మన ముఖం మళ్లీ కనిపించగానే బేబీ నవ్వుతుంది. ఇది సరదా కాదు. ముఖం కనిపించకపోయినా మనం అక్కడే ఉన్నామని బేబీ అర్థం చేసుకోవడం ఇక్కడే మొదలవుతుంది. మళ్లీ కనిపిస్తామని ఊహించడం కూడా నేర్చుకుంటుంది. అంతేకాదు, ఈ ఆటలో చూడటం, ఎదురుచూడటం, మనతో కలిసి ఆడటం లాంటి basic social skills కూడా develop అవుతాయి. అందుకే ప్రపంచంలోని దాదాపు ప్రతి బేబీకి Peek-a-boo అంత ఇష్టం. మనకి ఇది చిన్న ఆటే అయినా బేబీకి మాత్రం ఇది ఒక పెద్ద learning.

Parenting· 5d ago

తల్లిదండ్రులు “మా కాలంలో…” అని ఎందుకు మొదలుపెడతారు?

“మా కాలంలో ఇలా ఉండేది కాదు..” అని తల్లిదండ్రులు చెప్పడం మనలో చాలామంది వినే ఉంటాం. కానీ వాళ్లు ఇలా ఎందుకు మాట్లాడతారు? మనం పెరిగే సమయంలో మన ప్రపంచం వేగంగా మారిపోతుంది. కానీ తల్లిదండ్రులు తమ అనుభవాలనే మనకు సరైన మార్గంగా భావించడం సహజం. తాము ఎదుర్కొన్న కష్టాలు, చేసిన తప్పులు మనకు రాకూడదనే ఉద్దేశంతో సలహాలు ఇస్తుంటారు. అదే సమయంలో పిల్లల ప్రపంచం తమ కాలంతో పోలిస్తే చాలా మారిపోయిందని అర్థం చేసుకోవడం కష్టం అవుతుంది. అందుకే “మా కాలంలో…” అనేది కేవలం పోలిక కాదు.. వాళ్ల అనుభవం, భయం, ప్రేమ అన్నీ కలిసిన మాట.

Parenting· 6d ago

పిల్లలకు ఖరీదైన గిఫ్ట్స్ కంటే.. మీతో మాట్లాడటమే కావాలా?

పిల్లలకు ఏది కావాలంటే అది కొనిస్తే వాళ్లు హ్యాపీగా ఉంటారని అనుకుంటాం. కానీ పిల్లలతో మనం గడిపే సమయం కూడా వాళ్ల ఎదుగుదలలో చాలా ముఖ్యమట. వాళ్లు ఏదైనా చెప్పినప్పుడు కాసేపు శ్రద్ధగా వినడం, వాళ్లు అడిగే ప్రశ్నలకు సమాధానం చెప్పడం, రోజులో జరిగిన విషయాలు వాళ్లతో మాట్లాడటం.. ఇవన్నీ పిల్లల ఆలోచనలు, మాట్లాడే విధానం, ఇతరులతో కలిసిపోయే తీరు మెరుగుపడటానికి ఉపయోగపడతాయని రీసెర్చ్ చెబుతోంది. భోజనం చేసేటప్పుడు, బయటికి వెళ్లేటప్పుడు, పడుకునే ముందు కాసేపు మాట్లాడినా.. ఆ సమయం పిల్లలకు చాలా ఉపయోగపడొచ్చు.