AP మున్సిపల్ ఎలక్షన్స్.. TDP మూడో లిస్ట్ రిలీజ్.

By Nani Eluri· 2d ago· Telugudesam

AP మున్సిపల్ ఎన్నికల కోసం టీడీపీ మూడో జాబితాను విడుదల చేసింది. గుంటూరు కార్పొరేషన్ నుంచి కోవెలమూడి లక్ష్మీ అపర్ణ, ఒంగోలు నుంచి నల్లమల్లి శ్రీ శిల్ప పేర్లను ఖరారు చేసింది. అలాగే కనిగిరి నుంచి అచ్చాల తిరుపతమ్మ, పార్వతీపురం నుంచి బెలగాం కరుణ, పుంగనూరు నుంచి నయీమా తాజ్ సహా పలువురికి అవకాశం కల్పించింది. ఈ జాబితాను పార్టీ జాతీయ అధ్యక్షుడు నారా చంద్రబాబు నాయుడు పేరుతో విడుదల చేశారు. మిగతా అభ్యర్థుల వివరాలు పైన ఇచ్చిన ఫొటోలో ఉన్నాయి.

More in AP

AP· 6h ago

పాడేరు ఘాట్ రోడ్డులో ప్రమాదం.. భవానీ మాలధారులు మృతి

AP: అల్లూరి సీతారామరాజు జిల్లా పాడేరు ఘాట్ రోడ్డులో ఘోర ప్రమాదం జరిగింది. బ్రేక్ ఫెయిల్ అయిన ఓ బొలెరో వాహనం నేరుగా కొండను ఢీకొట్టింది. ప్రమాద సమయంలో వాహనంలో 21 మంది ప్రయాణికులున్నారు. ఈ వాళ్లలో ఇద్దరు భవానీ మాలధారులు మృతిచెందారు. మిగిలినవారికి గాయాలయ్యాయి. అమ్మవారిని దర్శించుకుని తిరిగి వెళ్తుండగా ఈ ప్రమాదం జరిగింది. క్షతగాత్రులను మాడుగుల, అనకాపల్లి ఆసుపత్రులకు తరలించారు.

AP· 8h ago

మున్సిపల్ ఎన్నికలపై సుప్రీంకోర్టుకు YSRCP

AP: మున్సిపల్ ఎన్నికల నామినేషన్ల ప్రక్రియలో హింస జరిగిందని, తమ క్యాండిడేట్లను నామినేషన్లు వేయకుండా అడ్డుకున్నారని ఆరోపిస్తూ వైఎస్సార్ కాంగ్రెస్ పార్టీ(YSRCP) సుప్రీంకోర్టును ఆశ్రయించింది. అక్టోబర్ 18తో ముగిసిన నామినేషన్ల గడువును పొడిగించాలని, బెదిరింపులు, హింస కారణంగా నామినేషన్ వేయలేకపోయిన వాళ్లకు మళ్లీ ఛాన్స్ ఇవ్వాలని YSRCP కోరింది. నామినేషన్లు వేసే అభ్యర్థులకు తగిన పోలీస్ రక్షణ కల్పించేలా ఆదేశాలు ఇవ్వాలని విజ్ఞప్తి చేసింది.

AP· 11h ago

చిత్తూరులో టెన్షన్

AP: చిత్తూరు YCP కార్యాలయంపై దాడికి TDP నాయకులు యత్నించారు. కర్రలతో భారీ సంఖ్యలో తరలివచ్చారు. దాంతో అలర్టైన పోలీసులు.. TDP శ్రేణులను చెదరగొట్టారు. మార్నింగ్ నుంచి చిత్తూరులో ఉద్రిక్త పరిస్థితులు ఉన్నాయి. ఉదయం YCP అభ్యర్థిపై TDP వర్గీయులు దాడి చేశారు. ఇలా రాయలసీమలో టెన్షన్ వాతావరణం కంటిన్యూ అవుతోంది. నిన్న YCP అధ్యక్షుడు YS జగన్.. గవర్నర్‌నీ, SECని కలిసి కంప్లైంట్ చేసినా పరిస్థితిలో మార్పు రాలేదు.

AP· 12h ago

మైదుకూరు ఎన్నికలు వాయిదా

కడప జిల్లా మైదుకూరు మున్సిపల్ ఎన్నికలను రాష్ట్ర ఎన్నికల సంఘం వాయిదా వేసింది. నామినేషన్ల ప్రక్రియలో తీవ్ర ఉద్రిక్తతలు చెలరేగి, అభ్యర్థుల నామినేషన్ పత్రాలను ప్రత్యర్థులు చించివేయడంతో సరైన స్క్రూటినీ సాధ్యం కాదని జిల్లా కలెక్టర్ SEC రిపోర్ట్ ఇచ్చారు. దీని ఆధారంగా ఎన్నికల కమిషనర్ అనిల్ చంద్ర పునేఠా ఎన్నికను వాయిదా వేస్తున్నట్లు ప్రకటించారు. నామినేషన్ కేంద్రంలోకి గుంపు చొరబడి ధ్వంసం చేసిన ఘటన రాజకీయ వర్గాల్లో తీవ్ర చర్చగా మారింది. నెక్ట్స్ ఉత్తర్వులు వచ్చే వరకు ప్రక్రియకు బ్రేక్ పడినట్లే.