జుహూ బీచ్‌లో బతుకమ్మ సందడి!

By M.Malaji· 1h ago· Nizamabad, Nizamabad South, Nizamabad

మహారాష్ట్ర ముంబైలో అంధేరీ గంగపుత్ర సంఘం ఆధ్వర్యంలో బతుకమ్మ సంబరాలు ఘనంగా జరిగాయి. సంఘం అధ్యక్షులు మంగిలిపెల్లి శ్రీనివాస్ ఈ ఈవెంట్‌కు నేతృత్వం వహించారు. ఆదివారం సాయంత్రం పశ్చిమ అంధేరీ డొంగ్రి ఏరియా నుంచి మహిళలు బతుకమ్మలను నెత్తిపై పెట్టుకొని ప్రఖ్యాత జుహూ బీచ్ వరకు ఊరేగింపుగా వెళ్లి అక్కడ బతుకమ్మ ఆడారు. ఈ ఉత్సవంలో మంగిలిపెల్లి రేణుకదేవి, అంబటి నాగమ్మ, బాలగొని ఇందిరమ్మ, కదిరి కొమురమ్మ, ఇటుకల మహేశ్వరి, మైసా అనిత, సింగర్ కలమ, దేశబోయిన సువర్ణ, బెర్గల లక్ష్మి, పూస బాలమణి పాల్గొన్నారు.

More in Local

Local· 4m ago

Dr.జయచంద్ర మోహన్ DMHO గారు ఉద్యోగస్తులకు సంఘీభావం

నారాయణపేటలో NHM ఉద్యోగుల రిలే దీక్షలు సోమవారంతో 7వ రోజుకు చేరాయి. ఉద్యోగులను రెగ్యులరైజ్ చేయాలని డిమాండ్ చేస్తూ దీక్షా స్థలం నుంచి గాంధీజీ, అంబేద్కర్ విగ్రహాల వరకు నిరసన ర్యాలీ నిర్వహించారు. అనంతరం ప్రభుత్వానికి తమ డిమాండ్లను తెలియజేస్తూ వినతిపత్రాలు సమర్పించారు. జిల్లా DMHO డాక్టర్ జయచంద్ర మోహన్ ఉద్యోగులకు సంఘీభావం తెలిపారు. ఈ కార్యక్రమంలో ఉద్యోగ సంఘాల నాయకులు, పలువురు NHM సిబ్బంది పాల్గొని తమ డిమాండ్‌ను ప్రభుత్వం పరిష్కరించాలని కోరారు.

Local· 5m ago

వణువులమ్మ ఆలయంలో దసరా మహోత్సవాలు!

WG జిల్లా ఆకివీడులోని శ్రీ వణువులమ్మ దేవస్థానంలో దసరా నవరాత్రి ఉత్సవాలు వైభవంగా జరిగాయి. భక్తులు పెద్ద సంఖ్యలో పాల్గొని అమ్మవారికి ప్రత్యేక పూజలు చేశారు. ఆనవాయితీ ప్రకారం ఈ ఏడాది కూడా అమ్మవారికి ప్రత్యేక చీర సమర్పించారు. చింత వేణు–చింత నాగ దుర్గ దంపతులు, జల్లా సురేష్–జల్లా నాగలక్ష్మి తదితర దంపతులు భక్తిశ్రద్ధలతో సారె పంపారు.

Local· 6m ago

విజయదశమి ప్రతి ఒక్కరికీ విజయాలను అందించాలి

సూర్యాపేట జిల్లా ప్రజలకు కలెక్టర్ తేజస్ నంద్ లాల్ పవార్ దసరా శుభాకాంక్షలు తెలిపారు. చెడుపై మంచి గెలిచిన విజయానికి గుర్తుగా జరుపుకునే ఈ పండుగ ప్రతి ఇంట్లో సంతోషం నింపాలని కోరుకున్నారు. దుర్గమ్మ ఆశీస్సులతో ప్రజలంతా ఆరోగ్యంగా, సంతోషంగా ఉండాలని, అందరికీ మంచి జరగాలని ఆకాంక్షించారు. ప్రజలు చేపట్టిన ప్రతి పనిలో విజయం సాధించాలని, అందరి జీవితాల్లో సిరిసంపదలు వెల్లివిరియాలని కోరారు. ఈ దసరా పండుగను కుటుంబ సభ్యులతో ఆనందంగా జరుపుకోవాలని కలెక్టర్ తెలిపారు.

Local· 8m ago

ప్రజావాణి దరఖాస్తులను పరిష్కరించాలి

సూర్యాపేట కలెక్టరేట్‌లో జరిగిన ప్రజావాణి కార్యక్రమానికి 25 దరఖాస్తులు వచ్చాయి. ప్రజల సమస్యలను త్వరగా పరిష్కరించడంపై అధికారులు ఫోకస్ పెట్టాలని జిల్లా అదనపు కలెక్టర్ B. హరిసింగ్ సూచించారు. పెండింగ్‌లో ఉన్న దరఖాస్తులపై ప్రత్యేక శ్రద్ధ పెట్టాలని చెప్పారు. వచ్చిన దరఖాస్తుల్లో భూ సమస్యలకు 12, రెవెన్యూకు 1, డీపీఓకు 2, డీఈఓకు 2 ఉండగా, మరో 8 దరఖాస్తులు ఇతర శాఖలకు సంబంధించినవి..