నూడుల్స్ Vs సేమియా- ఏది బెటర్?

By Krishna· 1d ago

నూడుల్స్ కంటే సేమియా బెటర్ ఆప్షన్. సాధారణ సేమియా గోధుమలు లేదా సెమోలినా ద్వారా తయారవుతుంది. నిపుణుల ప్రకారం 100 గ్రాముల డ్రై సేమియాలో 340 క్యాలరీలు, 1 గ్రాము కొవ్వు, మంచి కార్బోహైడ్రేట్స్ ఉంటాయి. ఎనర్జీ లభిస్తుంది. మిల్లెట్ లేదా హోల్‌వీట్ వేరియంట్లతో ఫైబర్, ప్రోటీన్ ఎక్కువగా పొందవచ్చు. ఇన్‌స్టంట్ నూడుల్స్‌లో అధిక ఫ్యాట్, సోడియం, ప్రిజర్వేటివ్స్ ఉంటాయి. హైబీపీ, బరువు పెరిగే ప్రమాదం ఎక్కువ. సేమియాని కూరగాయలతో కలిపి తరచూ తినవచ్చు. నూడుల్స్‌ అరుదుగానే తీసుకోవాలి. ఆరోగ్యానికి సెమియానే మంచిది.

More in Lifestyle

Lifestyle· 1d ago

నవరాత్రుల్లో బొమ్మల కొలువు..

నవరాత్రుల టైంలో ఇళ్లలో బొమ్మలను మెట్లపై అందంగా అలంకరించే ట్రెడిషన్‌నే ‘బొమ్మై కొలు’ అంటారు. తమిళనాడులో ఈ సంప్రదాయం ఎక్కువగా కనిపిస్తుంది. తెలుగు రాష్ట్రాల్లో దీన్నే ‘బొమ్మల కొలువు’ అని పిలుస్తారు. దుర్గాదేవి దర్బార్‌ను చూపించేలా బొమ్మలను వేర్వేరు మెట్లపై అమరుస్తారు. దేవుళ్ల బొమ్మలతో పాటు రామాయణం, మహాభారతం సీన్లు, మన రోజువారీ జీవితాన్ని చూపించే బొమ్మలను కూడా పెడతారు. ఈ టైంలో ఫ్యామిలీ మెంబర్స్, చుట్టుపక్కల వాళ్లను ఇంటికి పిలిచి పూజలు చేయడం ఈ ట్రెడిషన్‌లో స్పెషల్.

Lifestyle· 5d ago

జిమ్‌కు వెళ్లకుండానే ఫిట్‌నెస్.. కొత్త వర్కౌట్ ట్రెండ్!

జిమ్‌లో గంటల తరబడి కష్టపడకుండా వర్కౌట్ చేయొచ్చా? EMS వర్కౌట్‌తో అది సాధ్యమవుతుందని చెబుతున్నారు. ఇందులో స్పెషల్ సూట్ వేసుకుని ఎక్సర్‌సైజ్ చేస్తారు. ఆ సూట్ నుంచి వచ్చే ఎలక్ట్రికల్ సిగ్నల్స్ కండరాలు కదిలేలా చేస్తాయి. తక్కువ టైమ్‌లో వర్కౌట్ చేయాలనుకునేవాళ్లకు ఇది కొత్త ఆప్షన్‌గా మారుతోంది. ఇది ట్రెండ్ అవుతున్నా, EMS వర్కౌట్ అందరికీ సేఫ్ కాదు. ముఖ్యంగా కొన్ని ఆరోగ్య సమస్యలు ఉన్నవాళ్లు డాక్టర్ సలహా తీసుకున్నాకే ట్రై చేయడం మంచిది.

Lifestyle· 6d ago

కలెక్టరేట్ ఎదుట మధ్యాహ్న భోజన కార్మికుల నిరసన

మంచిర్యాల జిల్లా కలెక్టరేట్ ఎదుట CITU ఆధ్వర్యంలో మధ్యాహ్న భోజన కార్మికులు నిరసన చేపట్టారు. ఎన్నికల సమయంలో ఇచ్చిన హామీ మేరకు నెలకు ₹.10వేల వేతనం చెల్లించాలని, పెండింగ్ బిల్లులు, వేతనాలను వెంటనే విడుదల చేయాలని డిమాండ్ చేశారు. పెరుగుతున్న నిత్యావసర ధరలకు అనుగుణంగా మెనూ ఛార్జీలు పెంచాలని, ప్రతి పాఠశాలకు గ్యాస్ సిలిండర్లు అందించాలని కోరారు. మధ్యాహ్న భోజన పథకాన్ని స్వచ్ఛంద సంస్థలకు అప్పగించవద్దన్నారు.

Lifestyle· 6d ago

మార్కెట్ యార్డు ముందు రైతుల ధర్నా

నిర్మల్ జిల్లా భైంసా వ్యవసాయ మార్కెట్ యార్డులో e-NAM సర్వర్ సమస్య, సోయాబీన్‌కు తక్కువ ధరలు పలకడంపై రైతులు ఆగ్రహం వ్యక్తం చేశారు. పంట విక్రయానికి తీసుకొచ్చినా సర్వర్ సమస్యతో బీట్ నిర్వహణలో జాప్యం జరగడంతో అధికారులు ఓపెన్ ఆక్షన్ ద్వారా వేలం నిర్వహించారు. అయితే సోయాబీన్‌కు సరైన ధర రావడంలేదని ఆరోపిస్తూ రైతులు మార్కెట్ యార్డు ముందు రోడ్డుపై బైఠాయించి ధర్నా చేశారు. రోడ్డుకు ఇరువైపులా వాహనాలు నిలిచిపోయాయి. పోలీసులు అక్కడికి చేరుకుని సర్ది చెప్పారు.