కాలిపోతున్న యూరప్‌.!

By Krishna· 1d ago

యూరప్‌లో చాలా దేశాల ఆర్థిక పరిస్థితి బాలేదు. ధరలు, ఖర్చులు బాగా పెరిగాయి. ప్రజలు హింసకు పాల్పడుతున్నారు. ఫ్రాన్స్‌లో విద్యా సౌకర్యాల కొరత, అధిక ఖర్చులతో లక్షల మంది వీధుల్లోకి వచ్చి.. భవనాల్ని తగలబెడుతున్నారు. ఇటలీలో మిలన్, బొలోగ్నాలో ఖర్చులు పెరిగి.. హింసకు దిగారు. పోర్చుగల్‌, లిస్బన్‌లో ఇళ్ల అద్దెలు డబుల్ అయ్యి, వేతనాలు పెరగక ప్రొటెస్టులు చేస్తున్నారు. బెల్జియంలో బ్రస్సెల్స్, లీజ్‌లో విద్యా ఫీజులు పెరిగి ఘర్షణకు దిగారు. ఆల్బేనియా, స్పెయిన్, గ్రీస్, జర్మనీ, ఆస్ట్రియాలోనూ యువత భగ్గుమంటున్నారు.

More in International

International· 3m ago

నిరసనల్లో హింసకు చోటుండకూడదు: CJP

అల్బేనియాలో నిరసనల సమయంలో సుప్రీంకోర్టు భవనం తగలబడుతున్న దృశ్యాలపై CJP స్పందించింది. ఈ దృశ్యాలు ఎంతో బాధ కలిగిస్తున్నాయని తెలిపింది. నిరసనల పేరుతో హింసకు పాల్పడటం సరైంది కాదని, ఆందోళనలు శాంతియుతంగానే జరగాలని స్పష్టం చేసింది. మహాత్మా గాంధీ ప్రపంచానికి నేర్పిన అహింసా మార్గాన్ని అనుసరించాలని నిరసనలు శాంతియుతంగా జరగాలని గుర్తుచేస్తూ, ప్రజలు తమ నిరసనను తెలియజేసే హక్కును గౌరవిస్తూనే, హింసకు దూరంగా ఉండాలని CJP తన ఎక్స్ పోస్ట్‌లో చెప్పింది.

International· 38m ago

120 డేటా సెంటర్లకు బ్రేక్

"విశాఖలో AI డేటా సెంటర్‌ వద్దు" అని స్థానికులు చెబుతున్నా ప్రభుత్వం పట్టించుకోవట్లేదు. అమెరికాలో ఈ సంవత్సరం 120 డేటా సెంటర్లు ఆగిపోయాయని Data Center Watch తెలిపింది. వాటి మొత్తం విలువ ₹18,99,300. Heatmap Pro అంచనా ప్రకారం ₹24,69,100 విలువైన ప్రాజెక్టులు రద్దయ్యాయి. RegLayer (FT) ప్రకారం కనీసం 47 పెద్ద ప్రాజెక్టులు ఆలస్యం/రద్దు/బ్లాక్ అయ్యాయి. ప్రజలు డేటా సెంటర్లు వద్దంటున్నారు. నవంబర్ 3న జరిగే US మిడ్‌టర్మ్‌ ఎన్నికల్లో ఇది కీలక అంశంగా మారింది.

International· 50m ago

డేటా సెంటర్ కోసం 'లంచం'?

అమెరికా.. పెన్సిల్వేనియాలో ఈగిల్ రాక్ రిసార్ట్ నివాసులు తమకు ఇస్తున్న ₹9,49,655ను తిరస్కరిస్తున్నారు. "ఆ లంచం మాకొద్దు" అంటున్నారు. 2024 చివరలో 1,200 ఎకరాల అడవిని నరికి నార్త్‌పాయింట్ డెవలప్‌మెంట్ ప్రాజెక్ట్ ప్రారంభమైంది. భారీ డేటా సెంటర్ నిర్మిస్తున్నారు. ఈ ప్రాజెక్టు వల్ల సౌండ్, ఎయిర్ పొల్యూషన్, ఇతర నష్టాలు కలుగుతాయంటూ లోకల్స్ దీన్ని ఆపించగలిగారు. స్థానికులకు పరిహారంగా మనీ ఇచ్చేందుకు కంపెనీ ముందుకొచ్చింది. అయినా వారు గట్టిగా వ్యతిరేకిస్తున్నారు.

International· 16h ago

గ్లోబల్ టెర్రరిస్ట్ మృతి.. మసీదు మెట్లపై నుంచి జారిపడి!

పాకిస్థాన్‌లోని లాహోర్‌లో లష్కరే తోయిబా (LeT) ఫౌండింగ్ మెంబర్ చౌదరి మహమ్మద్ సర్వార్ అలియాస్ అబూ హషీమ్ చనిపోయాడు. మసీదు మెట్లు ఎక్కుతుండగా జారి పడటంతో తలకు గాయాలై చనిపోయినట్లు వార్తలు వచ్చాయి. ఆ సంస్థ ఫైనాన్స్ విభాగంలో కీలకంగా పనిచేసిన సర్వార్, భారత్‌పై దాడులకు పాల్పడే లష్కరే కార్యకలాపాలకు డబ్బులు సమకూర్చడంలో పాత్ర పోషించాడు. 2008లో వ్యాపారుల నుంచి విరాళాలు సేకరించే టీమ్‌లకు నాయకత్వం వహించినట్లు అమెరికా ట్రెజరీ శాఖ తెలిపింది.