అధైర్య పడొద్దు.. భవిష్యత్ మనదే: రవీందర్

By Dr.P.PENCHALAIAH· 1h ago· Kadapa Urban, Kadapa, Y.S.R. Kadapa

కడప పట్టణంలోని 66వ డివిజన్ కార్పొరేటర్ అభ్యర్థులతో వైసీపీ జిల్లా కార్యాలయంలో సమీక్ష నిర్వహించారు. నామినేషన్ల సందర్భంగా కూటమి నాయకుల దాడులు, అడ్డంకులపై సుప్రీంకోర్టును ఆశ్రయించామని కమలాపురం మాజీ ఎమ్మెల్యే P. రవీంద్రనాథ్ రెడ్డి తెలిపారు. కోర్టు తీర్పు ప్రకారం తదుపరి కార్యాచరణ ఉంటుందని, అభ్యర్థులు అధైర్యపడవద్దని సూచించారు. మేయర్ అభ్యర్థి గెలుపునకు కృషి చేయాలని, ప్రతి అభ్యర్థికి అండగా ఉంటామని హామీ ఇచ్చారు.

More in Local

▶

Local· 5m ago

BR షఫీ రాజకీయ అరంగేట్రం.. MLC పోటీ

ప్రముఖ మోటివేషనల్ స్పీకర్ BR షఫీ రాజకీయ జీవితం ప్రారంభించారు. వరంగల్, నల్గొండ, ఖమ్మం పట్టభద్రుల MLC ఎన్నికల్లో స్వతంత్ర అభ్యర్థిగా పోటీ చేస్తున్నట్లు 18 అక్టోబర్‌న హైదరాబాద్ ప్రెస్ క్లబ్‌లో ప్రకటించారు. నిరుద్యోగుల కోసం గళం విప్పుతాను, పోరాడతానని హామీ ఇచ్చారు. ప్రతి జనవరిలో ప్రభుత్వ శాఖల ఖాళీలను చట్టబద్ధంగా భర్తీ చేసేలా పోరాడతానని కోరారు. తెలంగాణకు విద్యా శాఖ మంత్రి ఎందుకు లేడు, ఐదు శాఖలు సీఎం ఒక్కడే నిర్వహిస్తాడా అని ప్రశ్నించారు.

▶

Local· 6m ago

మిన్నంటిన దసరా సంబరాలు

నిర్మల్ జిల్లా ముదోలు మండలం ఆష్ఠ గ్రామంలో దసరా సంబరాలు మిన్నంటాయి. సాయంత్రం దివ్య జ్యోతి వెలిగించి, డప్పుల సన్నిధిలో ఆచారం ప్రకారం కాగడా ఊరేగింపు నిర్వహించారు. అనంతరం జమ్మి చెట్టుకు పూజలు చేశారు. జమ్మి ఆకులను బంగారంగా భావించి తెంపుకొని అందరూ పంచుకున్నారు. కులమత బేధాలు లేకుండా ఊరివారంతా ఆలైబలై చేసుకోవడం గ్రామ విశిష్టత. ఈ కార్యక్రమంలో గ్రామ సర్పంచ్, వీడిసి పెద్దలు, గ్రామ పెద్దలు, యువకులు పాల్గొన్నారు.

Local· 7m ago

ఆదివాసీ హక్కుల కోసం ఎన్నికల బరిలో పరిషత్

ఆదివాసీ హక్కుల పరిరక్షణే లక్ష్యంగా ఆదివాసీ సంక్షేమ పరిషత్ స్థానిక సంస్థల ఎన్నికల్లో పోటీకి సిద్ధమైంది. ఓట్ల కోసం ఆదివాసీలను మభ్యపెట్టే రాజకీయ పార్టీలకు గుణపాఠం చెప్పాలని పరిషత్ నాయకులు చెబుతున్నారు. పెసా చట్టం, 1/70 భూ బదలాయింపు నియంత్రణ చట్టం, గిరిజనుల ప్రత్యేక ఉద్యోగ నియామక నిబంధనలను పార్టీలు నిర్లక్ష్యం చేస్తున్నాయని విమర్శించారు. ఎన్నికల సమయంలో హామీలు ఇచ్చి, అధికారంలోకి వచ్చాక హక్కుల పరిరక్షణలో విఫలమవుతున్నాయని ఆరోపించారు.

Local· 7m ago

ఎమ్మిగనూరులో ఆసక్తికర పరిణామం!

కర్నూలు జిల్లా ఎమ్మిగనూరులో మున్సిపల్ ఎన్నికల వేళ ఆసక్తికర ఘటన చోటుచేసుకుంది. వైసీపీలో కొనసాగుతున్న మురారి రాజశేఖర్ ఒక్కరోజులోనే టీడీపీలో చేరారు. శనివారం వైసీపీ నాయకులతో కలిసి నామినేషన్ ప్రక్రియలో పాల్గొన్న ఆయన, ఆదివారం టీడీపీ కూటమి తరఫున తన భార్య పద్మావతితో 31వ వార్డు కౌన్సిలర్‌గా నామినేషన్ వేయించారు. దీంతో నిన్న వైసీపీలో కనిపించిన నేత, మరుసటి రోజే టీడీపీలోకి మారడం స్థానికంగా చర్చనీయాంశమైంది.