పోలీస్ కళాబృందంతో ప్రయాణికులకు అవగాహన

By Bala· 56m ago

కామారెడ్డి జిల్లా ఎస్పీ రాజేష్ చంద్ర ఆదేశాల మేరకు సోమవారం జిల్లా బస్టాండ్‌లో పోలీస్ కళాబృందం అవగాహన కార్యక్రమం నిర్వహించింది. మాటలు, పాటల రూపంలో ప్రయాణికులకు పలు అంశాలపై చైతన్యం కల్పించారు. మాదకద్రవ్యాల వినియోగంతో కలిగే నష్టాలు, సైబర్ నేరాల పట్ల అప్రమత్తత, రోడ్డు ప్రమాదాల నివారణ, మహిళల భద్రతపై వివరించి ప్రజలు జాగ్రత్తలు పాటించాలని సూచించారు.

More in Local

Local· 18m ago

అర్హులైన పేదలందరికీ ఇందిరమ్మ ఇళ్లు: మంత్రి

పార్టీలతో సంబంధం లేకుండా అర్హులైన పేదలందరికీ ఇందిరమ్మ ఇళ్లు మంజూరు చేస్తామని మంత్రి పొంగులేటి శ్రీనివాసరెడ్డి స్పష్టం చేశారు. కూసుమంచి ఎమ్మెల్యే కార్యాలయంలో ఇళ్ల మంజూరు పత్రాల పంపిణీ సందర్భంగా ఆయన మాట్లాడుతూ.. హైదరాబాద్‌లో నివసించే పేదలకు సైతం ఇళ్లు నిర్మించి ఇస్తామని తెలిపారు. సీఎం, ప్రతిపక్ష ఎమ్మెల్యేల నియోజకవర్గాల్లో సమానంగా ఇళ్లు మంజూరు చేస్తున్నామని, ప్రతి పేద కుటుంబానికి సొంతింటి కల నెరవేర్చడమే ప్రభుత్వ లక్ష్యమని పేర్కొన్నారు.

Local· 41m ago

దసరా శుభాకాంక్షలు తెలియజేసిన ఎమ్మెల్యే

దసరా పండుగను పురస్కరించుకుని బాల్కొండ ఎమ్మెల్యే వేముల ప్రశాంత్ రెడ్డి నిజామాబాద్ జిల్లా, నియోజకవర్గ ప్రజలకు విజయదశమి శుభాకాంక్షలు తెలిపారు. ఈ పర్వదినం ప్రతి ఒక్కరి జీవితంలో విజయాలు, సుఖసంతోషాలు నింపాలని ఆకాంక్షించారు. ప్రజలందరికీ ఆయురారోగ్యాలు, అష్టైశ్వర్యాలు కలగాలని, ప్రతి కుటుంబం ఆనందంగా ఉండాలని కోరుకున్నారు. ప్రజలంతా భక్తిశ్రద్ధలతో, ఉత్సాహంగా విజయదశమి వేడుకలను జరుపుకోవాలని పిలుపునిచ్చారు.

Local· 45m ago

ధర్నాను జయప్రదం చేయండి: CITU

జోగులాంబ గద్వాల జిల్లా కార్మికుల సమస్యల పరిష్కారం కోసం ఈ నెల 25, 26 తేదీల్లో HYDలోని ఇందిరాపార్కు వద్ద నిర్వహించనున్న మహాధర్నాకు కార్మికులు భారీగా తరలిరావాలని CITU జిల్లా అధ్యక్షుడు ఉప్పేర్ నరసింహ, కార్యదర్శి వి.వి. నరసింహ పిలుపునిచ్చారు. సోమవారం గద్వాలలో మహాధర్నా పోస్టర్ను ఆవిష్కరించారు. నాలుగు లేబర్ కోడ్లను రద్దు చేసి, పాత కార్మిక చట్టాలను పునరుద్ధరించాలన్నారు.

Local· 54m ago

దుగ్గిరాలలో జనసేన నేతల సమావేశం

గుంటూరు జిల్లా దుగ్గిరాల మండలంలో జనసేన పార్టీ స్థానిక ఎన్నికల సమన్వయకర్తల మీటింగ్ ఆదివారం జరిగింది. మండల పార్టీ అధ్యక్షుడు పసుపులేటి శ్రీనివాసరావు ఇంట్లో జరిగిన ఈ మీటింగ్ తర్వాత నాయకులు ఈమని, చింతలపూడి, పెదకొండూరు గ్రామాల్లో పర్యటించారు. ఈ కార్యక్రమంలో గంజి చిరంజీవి, మునగపాటి మారుతీరావు, సవ్వాకుల కోటేష్‌బాబు, మాజీ వైస్ ఎంపీపీ పసుపులేటి సాయి చైతన్య, మార్కెట్ యార్డు వైస్ చైర్మన్ కిషోర్‌తో పాటు గ్రామ నాయకులు, పార్టీ కార్యకర్తలు పాల్గొన్నారు.