బిహార్ కొత్త సీఎంగా సామ్రాట్ చౌధరి ? కాసేపట్లో నితీశ్ రాజీనామా

By aravinda nyayapati· 14 Apr 2026· Telugu Report· Hyderabad

బిహార్ కొత్త సీఎం రేసులో ఆ రాష్ట్ర డిప్యూటీ చీఫ్ మినిస్టర్ సామ్రాట్ చౌధరి ముందున్నారు. ప్రస్తుత సీఎం నితీశ్ కుమార్ రాజ్యసభకు ఎంపిక కావడంతో ఆయన ఈ రోజు రాజీనామా చేస్తున్నారు. నితీశ్ రాజీనామాతో బిహార్ లో ఒక శకం ముగిసిపోనుంది. సాయంత్రం 4 గంటలకి ఎన్డీయే భేటీలో కొత్త సీఎం ఎవరన్న దానిని నిర్ణయిస్తారు. ఈ సమావేశానికి కేంద్ర మంత్రి శివరాజ్ సింగ్ సెంట్రల్ అబ్జర్వర్ గా బాధ్యతలు నిర్వహిస్తారు. సామ్రాట్ పేరు దాదాపుగా ఖరారైపోయింది. రాష్ట్రంలో పవర్ పుల్ ఒబిసికి చెందిన కొయిరీ కులానికి చెందిన వ్యక్తి. 2023లో రాష్ట్ర బీజేపీ అధ్యక్షుడయ్యాడు. గత ఏడాది డీప్యూటీ సీఎంగా బాధ్యతలు చేపట్టారు. రేపు ఉదయం 11 గంటలకు రాజ్ భవన్ లో కొత్త సీఎం, కేబినెట్ మంత్రులు ప్రమాణ స్వీకారం చేస్తారు.

More in Politics

Politics· 5h ago

ఇందిరమ్మ ఇళ్ల లబ్ధిదారులకు అలర్ట్

రంగారెడ్డి జిల్లాలో ఇందిరమ్మ ఇళ్ల నిర్మాణానికి సంబంధించి అధికారులు కొత్త మార్గదర్శకాలు జారీ చేశారు. 400 చదరపు అడుగుల ప్లింత్‌కు 500 చదరపు అడుగులు, 500–600 చదరపు అడుగుల ప్లింత్కు గరిష్ఠంగా 750 చదరపు అడుగుల వరకు స్లాబ్ వేయాలని సూచించారు. ఇంటి ముందు 3 అడుగులు, మిగిలిన మూడు వైపులా ఒక్కో అడుగు మాత్రమే స్లాబ్ను పొడిగించాలి అని పేర్కొన్నారు.

Politics· 11h ago

ఎన్నికల వేళ పోలీసుల పెట్రోలింగ్!

తూర్పు గోదావరి జిల్లా స్థానిక సంస్థల ఎన్నికలు ప్రశాంతంగా, నిష్పక్షపాతంగా జరిగేందుకు సీతానగరం పోలీస్ స్టేషన్ పరిధిలోని పలు గ్రామాల్లో సోమవారం పెట్రోలింగ్ నిర్వహించినట్లు ఎస్సై ఎల్. శ్రీనునాయక్ తెలిపారు. అనుమానాస్పద వ్యక్తులు, వాహనాలపై నిఘా ఉంచామన్నారు. సోషల్ మీడియాలో తప్పుడు ప్రచారం చేయవద్దని, గొడవలకు దూరంగా ఉండి పోలీసులకు సహకరించాలని ప్రజలను కోరారు.

Politics· 4d ago

NSUI కార్యకర్త అతిర విజయన్ కంప్లైంట్‌పై కేరళంలో Zero FIR

ఢిల్లీలో ఎన్నికల కమిషనర్ కార్యాలయం ముట్టడి టైంలో పోలీసుల దౌర్జన్యానికి, దాడికి గురైన మలయాళీ విద్యార్థిని, NSUI కార్యకర్త అతిర విజయన్ కంప్లైంట్‌తో కేరళంలోని తిరువల్లూర మ్యూజియం పోలీస్ స్టేషన్‌లో Zero FIR నమోదైంది. ఢిల్లీలోని కన్నాట్ ప్లేస్ ప్రాంతంలో ఈ ఘటన జరిగింది. నిరసనలో తనను, తోటి కార్యకర్తలను ఢిల్లీ పోలీసులు బస్సులోనూ, బయటా విచక్షణారహితంగా కొట్టారని ఆమె తన కంప్లైంట్‌లో రాశారు. తనపై లైంగిక వేధింపులకు పాల్పడ్డారని వివరించారు.

Politics· 4d ago

పోక్సో కేసు నమోదు.. నిందితుడు మృతి!

రంగారెడ్డి జిల్లా మీర్‌పేట్‌లో పోక్సో కేసు నమోదైన వ్యక్తి మృతి చెందాడు. అల్మాస్‌గూడకు చెందిన హర్షవర్ధన్ రెడ్డిపై ఈ నెల 12న మైనర్ బాలికను సెల్‌ఫోన్‌లో వీడియో తీసినట్లు ఆరోపణలతో పోలీసులు కేసు నమోదు చేశారు. అరెస్టు భయంతో తుర్కయంజాల్‌లోని రాఘవేంద్ర కాలనీలో బంధువుల ఇంట్లో అతడు ఆత్మహత్య చేసుకున్నట్లు సమాచారం. మృతదేహాన్ని ఉస్మానియా ఆసుపత్రికి తరలించారు. ఆదిభట్ల పోలీసులు కేసు నమోదు చేసి ఎంక్వైరీ చేస్తున్నారు.