చిన్నతనంలో చక్కెర తగ్గిస్తే ఆరోగ్యానికి మేలా?

బ్రిటన్‌లో 1953లో చక్కెరపై ఆంక్షలు తొలగించడంతో దాని వినియోగం పెరిగింది. దీనిపై జరిగిన పరిశోధనలో, జీవితంలోని తొలి 1,000 రోజుల్లో చక్కెర తక్కువగా తీసుకున్నవారిలో తర్వాతి కాలంలో టైప్‌-2 మధుమేహం వచ్చే ప్రమాదం 35%, అధిక రక్తపోటు వచ్చే ప్రమాదం 20% తక్కువగా ఉన్నట్లు గుర్తించారు. అయితే, చక్కెర తగ్గించడం వల్లే ఈ ప్రయోజనాలు కలిగాయని పరిశోధన నిర్ధారించలేదు. పిల్లలకు అదనపు చక్కెరను పరిమితం చేయడం మంచిదని నిపుణులు సూచిస్తున్నారు.