అంబేద్కర్ భవనం, స్కిల్ సెంటర్‌కు MLA కూనంనేని శంకుస్థాపన

By SK RAFI· 55m ago· Bhadradri Kothagudem

భద్రాద్రి కొత్తగూడెం జిల్లా పాల్వంచ మండలం లక్ష్మీదేవిపల్లి (ఎస్) గ్రామపంచాయతీలో అంబేద్కర్ భవనం, స్కిల్ డెవలప్‌మెంట్ సెంటర్ నిర్మాణానికి ఎమ్మెల్యే కూనంనేని సాంబశివరావు శంకుస్థాపన చేశారు. అంబేద్కర్ భవనం పాల్వంచ ప్రజల చిరకాల కోరిక అని ఆయన చెప్పారు. స్కిల్ సెంటర్ ద్వారా స్థానిక యువతకు నైపుణ్య శిక్షణ అందించి ఉద్యోగ, ఉపాధి అవకాశాలు పొందేందుకు ఉపయోగపడుతుందని తెలిపారు. యువత అభివృద్ధి, విద్య, సామాజిక సమానత్వానికి ఇలాంటి కేంద్రాలు ఉపయోగపడతాయని అన్నారు.

More in Local

▶

Local· 2m ago

కేసీఆర్ పాటలతో నాట్యం.. దేవీ నిమజ్జనం

ఆదిలాబాద్ జిల్లా భీంపూర్ మండలం అంతర్గావ్ గ్రామంలో దేవీ నవరాత్రి ఉత్సవాలు జరిగాయి. నిమజ్జనం చివరి రోజు మహిళలు మాజీ సీఎం కేసీఆర్ను గుర్తు చేసుకున్నారు. కరోనా సమయంలోనూ రైతులకు అండగా నిలిచిన నేత మళ్లీ రావాలని దుర్గమ్మను వేడుకున్నారు. అంతర్గావ్ మహిళలు కేసీఆర్ పాటలతో నాట్యం చేస్తూ భక్తి శ్రద్ధలతో నిమజ్జనం చేశారు.

▶

Local· 5m ago

ఉద్దానం రైతుల పోరాటానికి ‘మట్టి స్వరం’

శ్రీకాకుళం జిల్లాలోని మందస, వజ్రపుకొత్తూరు మండలాల్లో కార్గో ఎయిర్‌పోర్ట్ ప్రతిపాదనపై రైతులు ఆందోళన వ్యక్తం చేస్తున్నారు. 20 గ్రామాల రైతులు రెండేళ్లుగా తమ భూములను కాపాడుకునేందుకు పోరాడుతున్నారు. తమకు మట్టితో ఉన్న అనుబంధాన్ని, పంట పొలాలపై ప్రేమను చూపిస్తూ సోమవారం ‘మట్టి స్వరం’ షార్ట్ ఫిల్మ్ ట్రైలర్ విడుదల చేశారు. ప్రభుత్వం స్పందించి తమ భూములను కాపాడాలని, కార్గో ఎయిర్‌పోర్ట్ ప్రతిపాదనను వెనక్కి తీసుకోవాలని రైతులు కోరుతున్నారు.

Local· 8m ago

అందరూ సుభిక్షంగా ఉండాలి.: గోవిందరావు

శ్రీకాకుళం జిల్లా బీజేపీ ఉపాధ్యక్షుడు వేల్పుల గోవిందరావు దసరా శుభాకాంక్షలు తెలిపారు. సోమవారం బీజేపీ మండల క్యాంపు కార్యాలయంలో మండలం, ఆమదాలవస నియోజకవర్గ ప్రజలకు ఆయన శుభాకాంక్షలు చెప్పారు. చెడుపై మంచి సాధించిన విజయానికి విజయదశమి ప్రతీక అని అన్నారు. ప్రజల జీవితాల్లో సుఖసంతోషాలు, ఆయురారోగ్యాలు నిండాలని ఆకాంక్షించారు. రాష్ట్రం అన్ని రంగాల్లో అభివృద్ధి పథంలో దూసుకుపోవాలని, రైతాంగం పాడిపంటలతో సుభిక్షంగా ఉండాలని కోరారు.

▶

Local· 13m ago

పలమనేరు వార్డు నామినేషన్లు: 104 ఆమోదం!

చిత్తూరు జిల్లా పలమనేరు పురపాలక ఎన్నికలకు సంబంధించి 36 వార్డుల నామినేషన్ల పరిశీలన సోమవారం ప్రశాంతంగా ముగిసింది. మొత్తం 150 నామినేషన్లలో 104 ఆమోదం పొందగా, 12 తిరస్కరణకు గురయ్యాయి. మున్సిపల్ కమిషనర్ కె. లోకేశ్వర వర్మ ఈ వివరాలు తెలిపారు. నామినేషన్ల ఉపసంహరణకు అక్టోబర్ 21 మధ్యాహ్నం 3 గంటల వరకు సమయం ఉంది. అందరూ ఎన్నికల నియమావళిని పాటించాలని ఆయన విజ్ఞప్తి చేశారు.