Latest
ఫైనల్ గా మేమే గెలుస్తాం : దీదీ ధీమా
బెంగాల్ ఫలితాలపై సీఎం మమతా బెనర్జీ కీలక వ్యాఖ్యలు చేశారు. ఇప్పటివరకు 3 రౌండ్లు మాత్రమే లెక్కించారని, తుది ఫలితాలొస్తే తామే గెలుస్తామని ధీమాగా చెప్పారు. ఇంకా 70 నియోజకవర్గాల్లో ఓట్ల లెక్కింపుని ఈసీ వెల్లడించలేదన్నారు. కౌంటింగ్ కేంద్రాల నుంచి ఎవరూ వెళ్లవద్దని కార్యకర్తలకు సూచించారు.
విజయ్ ఇంట సంబరాలు.. షురూ !
ఇప్పటికే విజయ్ ఇంట సంబరాలు మొదలయ్యాయి. తండ్రి చంద్రశేఖర్ ఇంట కేరింతలు, హడావుడి మొదలైంది. అటు వైపు కౌంటింగ్ సెంటర్ల నుంచి డీఎంకే కార్యకర్తలు వెనుదిరుగుతున్నారు. డిఎంకె ఫ్లెక్సీలను, జెండాలను పీకేస్తున్నారు. కొందరు డీఎంకే కార్యకర్తలు ఓటమిని జీర్ణించుకోలేక రోదిస్తున్నారు.
బెంగాల్ లో బీజేపీ బూత్ మేనేజ్ మెంట్ ఇలా..
బెంగాల్ ఎన్నికల్లో BJP, RSS బూత్ లెవల్లో అలుపెరగకుండా పని చేశారు. 80 వేలకు పైగా పోలింగ్ కేంద్రాలుంటే ప్రతీ బూత్ కి 'సప్తర్షి' పేరుతో ఏడుగురు సభ్యులతో కమిటీలు వేశారు. ఓటర్ల జాబితాలో ప్రతీ పేజీకి ఒక పన్నా ప్రముఖ్ నియమించారు. వీరు 10-15 కుటుంబాల బాధ్యత తీసుకున్నారు. 2011లో బెంగాల్‌లో సుమారు 500 ఉన్న ఆరెస్సెస్ శాఖలు, 2026 నాటికి 2,500 కి పెరిగాయి. వనవాసి కళ్యాణ్ ఆశ్రమం ద్వారా జంగల్ మహల్ లో , సరస్వతి శిశు మందిరాల ద్వారా గ్రామీణ ప్రాంతాల్లో ఆరెస్సెస్ బలమైన పునాది వేసింది. ప్రతి బూత్‌కు ఒక వాట్సాప్ గ్రూపును క్రియేట్ చేసి, స్థానిక సమస్యలను నేరుగా ప్రజల్లోకి తీసుకెళ్లారు.
సీఎం పీఠం పై విజయ్ పట్టు బిగిస్తారా?
తమిళనాడులో సీఎం సీటు విజయ్ నే వరించే ఛాన్స్ కనిపిస్తోంది. ట్రెండ్స్ లో కనిపించిన లీడ్ తర్వాత తగ్గుతూ వస్తున్నా అవసరమైతే కాంగ్రెస్, సీపీఐ, పీఎంకే పార్టీల మద్దతు కోరే అవకాశముంది. తమిళనాట ఇప్పటి వరకూ పీఎంకే6, కాంగ్రెస్ 5, సీపీఐ 2 సీట్లలో లీడింగ్ లో ఉన్నాయి. విజయ్ ఇప్పటికే కాంగ్రెస్ ను కాంటాక్ట్ చేసింది. అన్నా డీఎంకేతో పవర్ షేరింగ్ కి విజయ్ ఇష్టపడటం లేదని తెలుస్తోంది. చెన్నై సిటీలో తప్ప అని్న చోట్లా టీవీకే ప్రభంజనం సృష్టిస్తోంది.
త్రిష బర్త్ డే రోజే ‘విజయ్’ విజయం!
తమిళనాడు పాలిటిక్స్‌లో నటుడు విజయ్ చరిత్ర సృష్టించారు. సరిగ్గా నటి త్రిష బర్త్ డే (May 4) రోజే వస్తున్న ఎలక్షన్ రిజల్ట్స్‌లో ఆయన పార్టీ TVK 100కు పైగా సీట్లతో Leadingలో ఉంది. అయితే అందరినీ షాక్ కి గురిచేస్తున్న విషయం ఏంటంటే, విజయ్ వయసు ఇప్పుడు 52 Years! ఈ ఏజ్ లో కూడా పాలిటిక్స్‌లోకి ఎంట్రీ ఇచ్చి, తన Massive Crazeతో ద్రావిడ పార్టీల కోటలను బద్దలు కొట్టారు. త్రిష బర్త్ డే వేళ విజయ్ గెలుపుతో అభిమానుల Celebrations డబుల్ అయ్యాయి.
స్టాలిన్ కు ఈ స్థాయి ఓటమి ఎందుకు ?
తమిళనాడులో DMK ఓడిపోవడానికి గత పదేళ్లుగా అధికారంలో ఉండడం ఒక కారణమైతే వారసత్వ రాజకీయాలపై ప్రజల్లో వచ్చిన వ్యతిరేకత మరో ఇంపార్టెంట్ రీజన్. కుమారుడు ఉదయ నిధి స్టాలిన్ ను డిప్యూటీ సీఎం ను చేయడంతో ఆ పార్టీపై వారసత్వ ముద్ర పడింది. తమిళనాడు ఒక డ్రగ్స్ స్టేట్ అని, యువత భవిష్యత్ ని డ్రగ్స్ దెబ్బ తీస్తున్నాయన్న ప్రచారంతో మిడిల్ క్లాస్ స్టాలిన్ కు దూరమైంది. పోక్సో కేసులు రెట్టింపు కావడం వల్ల శాంతి భద్రతలు గాల్లో కలిసాయన్న విపక్షాల ప్రచారం డీఎంకేని దెబ్బ కొట్టింది. పార్టీని క్షేత్ర స్థాయిలో బలోపేతం చేయడంలో పళనిస్వామి చేసిన కృషి, విజయ్ పార్టీ రావడంతో యువత దూరమవడం డీఎంకేని దెబ్బ తీశాయి.
విజయ్ కి కలిసొచ్చిన అంశాలివే !
తమిళనాట విజయ్ పార్టీ సంచలన ఫలితాలు సాధిస్తోంది. రాష్ట్రంలో ఉన్న పొలిటికల్ వాక్యూమ్ ను విజయ్ టార్గెట్ చేయగలిగారు. తలపతికి ఉన్న విపరీతమైన ఫ్యాన్ బేస్, క్రేజ్ కూడా బాగా కలిసొచ్చింది. ఎన్నికల ముగింపు సభల్లో విజయ్ స్పీచ్ లు కదిలించేలా సాగాయి. ఓటర్లకు అపీల్ కూడా ప్రతీ ఒక్కరిని కదిలించేలా చేసింది. ఇతర పార్టీలు విజయ్ ను పదే పదే టార్గెట్ చేయడం, వేధింపులకు గురి చేయడంతో ప్రజల్లో సానుభూతి పెరిగింది. డీఎంకె కి ఫెయిల్యూర్స్ ఒక వైపు యాంటీ హిందూ స్టేట్ మెంట్స్ నెగటివ్ అయ్యాయి. తలపతి లో మరో ఎంజీఆర్ ను, జయలలితను ప్రజలు చూసుకున్నారు.
బెంగాల్ ఎన్నికల ఫలితాల్ని మార్చేసిన “సర్”
బెంగాల్ ఎన్నికల్లో ఓటర్ల జాబితా సవరణ SIR ఫలితాల్ని మార్చేసింది. మొత్తం ఓట్లలో ఏకంగా 12% అంటే 90.66 లక్షల ఓట్లను తొలగించారు. 2025 అక్టోబర్‌లో 7.66 కోట్లుగా ఉన్న ఓటర్ల సంఖ్య, ఈ ప్రక్రియ ముగిసేసరికి 6.75 కోట్లకు పడిపోయింది. 2021 ఎన్నికల్లో TMC, BJP మధ్య ఉన్న ఓట్ల తేడా సుమారు 10%. దాని కంటే ఎక్కువ శాతం ఓట్లే జాబితా నుంచి తొలగించారు. దీని ఎఫెక్ట్ 140 నియోజకవర్గాల్లో పడింది. ఈ ఓట్లన్నీ దొంగ ఓట్లు అని బంగ్లాదేశ్ చొరబాటుదారుల ఓట్లు తొలగించామని బీజేపీ చేసిన ప్రచారం బాగా పని చేసింది.
విజయ్ ఇంటి దగ్గర భారీ భద్రత... విజయం దిశగా టీవీకే
తమిళనాడులో భారీ ఆధిక్యత దిశగా టీవీకే పార్టీ దూసుకుపోతోంది. విజయ్ ఇంటి దగ్గర భారీ భద్రతను మోహరించారు. నిఘా పెరిగింది. పార్టీ స్థాపించిన రెండేళ్లలోనే సంచలన ఫలితాలను టీవీకే పార్టీ సాధించింది. యూత్, దళిత్ బ్యాంకులు విజయ్ కు బాగా కలిసొచ్చాయనే చెప్పాలి. డీఎంకే పై పెరిగిన ప్రభుత్వ వ్యతిరేకత స్టాలిన్, కొడుకును కూడా దెబ్బతీసింది. యాంటీ హిందూత్వ ముద్ర డీఎంకేను బాగానే దెబ్బ తీసింది.
బెంగాల్ లో మమతని దెబ్బ తీసిన మహిళా ఓటర్లు
WBలో మమత బెనర్జీ 15 ఏళ్లుగా అధికారంలో ఉన్నారు. దీంతో అధికార వ్యతిరేత బాగా పని చేసింది. మమతా బెనర్జీకి ఉన్న అతిపెద్ద బలం మహిళా ఓటర్లు. దీన్ని దెబ్బతీయడానికి బీజేపీ భారీ హామీలను ఇచ్చింది. ప్రస్తుతం టీఎంసీ మహిళలకి నెలకి 1500 సాయం అందిస్తూ ఉంటే బీజేపీ ప్రతీ నెల 3 వేలు డైరెక్ట్ ట్రాన్సఫర్ చేస్తామని హామీ ఇచ్చింది. గర్భిణీ స్త్రీలకు ₹21,000 ఆర్థిక సాయం, ప్రభుత్వ ఉద్యోగాల్లో 33% రిజర్వేషన్ , మండలానికో పోలీసు స్టేషన్, ఉచిత బస్సు ప్రయాణం, ఉచిత కేన్సర్ స్క్రీనింగ్ పరీక్షలు, 75 లక్షల మంది మహిళల్ని ఆర్థికంగా బలోపేతం చేస్తూ లక్ష్మీపతి దీదీలుగా తీర్చిదిద్దుతామన్న హామీలు మహిళలంతా బీజేపీ వైపు నడిచేలా చేశాయి.
సెంచురి కొట్టిన TVK!
తమిళనాడు రాజకీయాల్లో నటుడు విజయ్ సంచలనం సృష్టిస్తున్నారు. ప్రస్తుత Election Trends ప్రకారం, ఆయన పార్టీ TVK 100కు పైగా స్థానాల్లో ఆధిక్యంలో ఉంటూ Top Positionలో నిలుస్తోంది. దశాబ్దాల ద్రావిడ రాజకీయాలను వెనక్కి నెట్టి విజయ్ విజయం ఖాయమని స్పష్టమవుతోంది. ఈ Landslide Victoryతో రాష్ట్ర రాజకీయాల్లో కొత్త శకం మొదలైంది. అభిమానులు ఇప్పుడే Celebrations మొదలుపెట్టారు. విజయ్ పొలిటికల్ ఎంట్రీ ఇప్పడు దేశవ్యాప్తంగా ఒక Sensation!
తమిళనాడు కింగ్ విజయ్.. పార్టీ పెట్టిన రెండేళ్లలో అధికారం దిశగా
తమిళనాడు రాజకీయాల్లో విజయ్ తన 'తమిళగ వెట్రి కళగం' (TVK) పార్టీతో పెను సంచలనం సృష్టిస్తున్నారు. ఫిబ్రవరి 2, 2024న పార్టీ స్థాపించిన విజయ్, కేవలం రెండేళ్లలోనే తన పార్టీని అధికారానికి చేరువగా తీసుకెళ్లారు. 104 స్థానాల్లో టీవీకే అభ్యర్థులు లీడ్స్ లో ఉన్నారు. ఎంజీఆర్, జయలలిత తర్వాత అంతటి మాస్ ఫాలోయింగ్‌తో రాజకీయాల్లో రాణిస్తున్నది విజయే. యూత్, ఫస్ట్ టైమ్, ఓటర్లు, మహిళలు విజయ్ పార్టీ వైపే ఉన్నారు. పార్టీలకతీతంగా ఫ్యాన్స్ బేస్ ని తన వైపు తిప్పుకోవడంలో విజయ్ సక్సెస్ కొట్టారు.
మూడు రాష్ట్రాల్లో అధికార వ్యతిరేకత
తమిళనాడు, పశ్చిమ బెంగాల్, కేరళ రాష్ట్రాల్లో అధికార వ్యతిరేకత స్పష్టంగా కనిపిస్తోంది. ఎగ్జిట్ పోల్స్ అంచనాలకు ఏ మాత్రం అందకుండా తమిళనాడులో విజయ్ పార్టీ టీవీకే దూసుకుపోతోంది. 100కి పైగా స్థానాల్లో లీడ్ లో ఉంది. ఇక అధికార డీఎంకే ఏకంగా మూడో స్థానానికి పడిపోయింది. పశ్చిమ బెంగాల్ లో కూడా 15 ఏళ్లుగా అధికారంలో ఉన్న మమతా బెనర్జీపై వ్యతిరేకత స్పష్టంగా కనిపిస్తోంది. మెజార్టీ స్థానాల దిశగా బీజేపీ దూసుకుపోతోంది. కేరళలో పినరయి విజయన్ కి గట్టి షాక్ తగిలింది. కాంగ్రెస్ నేతృత్వంలోని యూడీఎఫ్ విజయం దిశగా దూసుకుపోతోంది.
మూడో స్థానానికి పడిపోయిన డీఎంకే
తమిళనాడులో ఎవరి అంచనాలకు అందని విధంగా విజయ్ పార్టీ ఆధిక్యంలో దూసుకుపోతోంది. అధికార డీఎంకే ఏకంగా మూడో స్థానానికి పడిపోయింది. ఈ పరిస్థితి ఎవరూ ఊహించలేదు. డీఎంకేకి కనీసం ప్రతిపక్ష హోదా కూడా దక్కే ఛాన్స్ కనిపించడం లేదు. విజయ్ పార్టీ 89 స్థానాల్లో లీడింగ్ లో ఉంటే, ఏఐఏడీఎంకే 65 స్థానాల్లో, డీఎంకే 55 స్థానాల్లో లీడింగ్ లో ఉంది. తమిళనాడులో మొత్తం 234 స్థానాలు, మ్యాజిక్ ఫిగర్ 118
పశ్చిమ బెంగాల్ లో బీజేపీ ముందంజ
పశ్చిమ బెంగాల్ లో మమత కోటకు బీటలు పడుతున్నట్టుగానే అనిపిస్తోంది. మొత్తం 294 స్థానాలకు గాను బీజేపీ 134 స్థానాల్లో లీడింగ్ లో ఉంది. టీఎంసీ 105 స్థానాలు, కాంగ్రెస్ 2, లెఫ్ట్ పార్టీలు 1, ఇతరులు 3 స్థానాల్లో ఆధిక్యంలో ఉన్నారు. మొత్తం 294 అసెంబ్లీ స్థానాలున్న బెంగాల్ లో అధికారంలోకి రావాలంటే ఏ పార్టీకైనా 148 స్థానాలు రావాలి.
అధికారంలోకి రావాలంటే …
అయిదు రాష్ట్రాల అసెంబ్లీ ఎన్నికల కౌంటింగ్ ప్రారంభమైంది. పశ్చిమ బెంగాల్ మొత్తం 294 అసెంబ్లీ స్థానాలుంటే ఆ రాష్ట్రంలో అధికారంలోకి రావాలంటే ఏ పార్టీకైనా 148 స్థానాలు రావాలి. తమిళనాడు 234 స్థానాలు, మ్యాజిక్ ఫిగర్ 118, కేరళలో 140 స్థానాలు, మ్యాజిక్ ఫిగర్ 71 అసోంలో 126 స్థానాలు, మ్యాజిక్ ఫిగర్ 64 పుదుచ్చేరిలో 30 స్థానాలు, మ్యాజిక్ ఫిగర్ 16
పోస్టల్ బ్యాలెట్ లో విజయ్ పార్టీకి ఆధిక్యం
అయిదు రాష్ట్రాల ఎన్నికలు పశ్చిమ బెంగాల్, తమిళనాడు, కేరళ, అసోం, పుదుచ్చేరిలో పోస్టల్ బ్యాలెంట్ కౌంటింగ్ దాదాపుగా పూర్తయింది. పోస్టల్ బ్యాలెట్ లో పశ్చిమ బెంగాల్ లో టీఎంసీ, బీజేపీ మధ్య టఫ్ ఫైట్ ఉంటే, తమిళనాడులో విజయ్ టీఎంకే ఆధిక్యంలో ఉంది. కేరళలో యూడీఎఫ్, ఎల్ డీఎఫ్ నువ్వా నేనా అన్నట్టుగా పోరు సాగుతూ ఉంటే, అసోంలో బీజేపీ స్పష్టమైన ఆధిక్యంలో ఉంది. కాంగ్రెస్ పార్టీ దరిదాపుల్లోకి కూడా రాలేకపోయింది.
జులై నుంచి ఇక రాలేది నిప్పు కణికలే !.. 2026 హాటెస్ట్ ఇయర్ !
2026 చరిత్రలోనే మోస్ట్ హాటెస్ట్ ఇయర్ గా రికార్డులకెక్కనుంది. ఈ ఏడాది జులై నుంచి మొదలయ్యే ఎల్ నినో కారణంగా ఈ ఏడాది రికార్డు స్థాయిలో హీట్ వేవ్ నమోదవుతుంది. ప్రపంచ వ్యాప్తంగా వేడి పెరిగిపోతుందని సైంటిస్టులు వార్న్ చేస్తున్నారు. ఇప్పటి వరకూ 2024 మోస్ట్ హాటెస్ట్ ఇయర్ గా రికార్డయింది. ఈసారి ఎల్ నినో కారణంగా దారుణమైన టెంపరేచర్లు రికార్డు కానున్నాయని శాస్త్రవేత్తలు భయపడుతున్నారు. ఇప్పటి వరకూపారిశ్రామిక విప్లవం తర్వాత 2024లో నే భూగోళం టెంపరేచర్ 1.5 డిగ్రీలు పెరిగింది.
సంతానం పేరుతో నైజీరియాలో అనాగరిక ఫెస్టివల్ !!
నైజీరియాలో సంతానం కోసం నిర్వహించే ఒక అనాగరిక ఉత్సవం తెరపైకి వచ్చింది. ఆలూ దో ఫెస్టివల్ అనే ఈ వేడుకలో మహిళలను రోడ్లపై పరుగులు తీయించి వారి దుస్తులు చించి, రోడ్లపైనే బహిరంగంగా రేప్ చేయడం.. దీనిని రేప్ ఫెస్టివల్ అని కూడా అంటారు. డెల్టా అనే స్టేట్ లో కొందరు మగవారు ఆడవారిని రోడ్లపై పరుగులు పెట్టించి, దుస్తులు చింపి బాహాటంగా రేప్ చేశారు. అటుగా వెహికల్ పై వెడుతున్న లేడీస్ ని కూడా లాగి న్యూడ్ గా చేసి వారిని రేప్ చేశారు. పోలీసులు కేసు నమోదు చేశారు. నిందితులంతా నడివయసు మగవారేనని, కొందరు యువకులు కూడా ఉన్నారని తెలుస్తోంది.
కరీంనగర్‌లో పీఎంజే జ్యుయెలరీ షాప్ లో భారీ దోపిడీ !
కరీంనగర్ లోని పట్టణంలోని పీ ఎం జే జ్యువెలరీ షాపులో పట్టపగలే భారీ దోపిడీ జరిగింది. ఐదుగురు దుండగులు తుపాకులతో లోపలికి చొరబడి సిబ్బందిపై కాల్పులు జరిపారు. ఆ తర్వాత భారీ ఎత్తున బంగారు ఆభరణాలను దోచుకుని పారిపోయారు. పట్టపగలే జనసంచారం ఉన్న ప్రాంతంలో ఈ ఘటన జరగడం స్థానికంగా కలకలం రేపింది...పోలీసులు ఘటనా స్థలానికి చేరుకుని విచారణ చేపట్టారు..! నిందితులను పట్టుకునేందుకు ప్రత్యేక బృందాలతో పోలీసులు గాలింపు చర్యలు ముమ్మరం చేశారు. ఘటనపై డీజీపీ సివి ఆనంద్ ఆరా తీశారు.నగరాన్ని అష్ట దిగ్బంధనం చేసి గాలిస్తున్నారు.
యుద్ధ విరమణకు ఇరాన్ కౌంటర్ ప్రపోజల్ !
అమెరికా-ఇరాన్ మధ్య శాంతి చర్చలకు ప్రయత్నాలు జరుగుతున్న వేళ ఇరాన్ కీలక ప్రకటన చేసింది. యుద్ధాన్ని ముగించేందుకు అమెరికా ఇంతకుముందు చేసిన ప్రతిపాదనకు 14 పాయింట్లతో కౌంటర్ ప్రతిపాదన చేసింది. పాకిస్థాన్ ద్వారా అమెరికాకు ఈ ప్రతిపాదనను ఇరాన్ పంపింది. ఇందులో 30 రోజుల్లోగా అన్ని సమస్యలను పరిష్కరించుకుని యుద్ధాన్ని శాశ్వతంగా ముగించాలని ఇరాన్ పిలుపునిచ్చింది. అయితే ఇరాన్ మళ్లీ తప్పుగా ప్రవర్తిస్తే సైనిక దాడులు తిరిగి ప్రారంభమవుతాయని ట్రంప్ హెచ్చరించారు..