AP

▶

AP· 28 Jul 2026

గిరి ప్రదక్షిణ ఎఫెక్ట్-విశాఖలో గంటల తరబడి ట్రాఫిక్ జామ్ !

విశాఖలో గిరి ప్రదక్షిణ ట్రాఫిక్ కష్టాలను పెంచింది. సరైన ఇన్ఫర్మేషన్ లేకపోవడం తో వాహనదారులు తీవ్ర ఇబ్బందులు పడ్డారు. మూడున్నర గంటల పాటు వాహనాలను అనుమతించక పోవడం తో ఏం జరిగిందో తెలీక వాహన దారులు చాలా ఇబ్బందులు పడ్డారు. మరోవైపు ట్రాఫిక్ లో చిక్కుకున్న భక్తులు గిరిప్రదక్షిన కొనసాగించడానికి బాగా ఇబ్బంది పడ్డారు. సత్యం జంక్షన్ నుంచి మద్దిల పాలెం వరకూ గంటల తరబడి వాహనాలు నిలిచిపోయాయి. గిరిప్రదక్షిణకు భక్తులు పోటెత్తడంతో విశాఖ నగరం ట్రాఫిక్ వలయంలో చిక్కుకుంది.

AP· 28 Jul 2026

సాయికృష్ణ కేసులో బిగ్ అప్‌డేట్!

సాయికృష్ణ బాడీ ఇంకా దొరకలేదని, CI నాగరాజును విజయవాడ సిట్ ఆఫీస్‌లోనే విచారించాలని సుప్రీంకోర్టు క్లియర్‌గా చెప్పింది. రాజమండ్రి జైలులోనే విచారించాలనడం కుదరదని, ఇన్వెస్టిగేషన్ ఆఫీసర్‌కి ఫుల్ ఫ్రీడమ్ ఉండాలని తెలిపింది. విచారణను CCTV, వీడియోగ్రఫీ మానిటరింగ్‌లోనే చేయాలని ఆదేశించింది. సుప్రీంకోర్టు ఆర్డర్స్‌తో CI నాగరాజును 7 రోజుల పోలీస్ కస్టడీకి తీసుకుని సిట్ అధికారులు విచారించనున్నారు. దీంతో ఈ కేసు ఆసక్తికరంగా మారింది.

AP· 27 Jul 2026

సాయికృష్ణ కేసులో సుప్రీంకోర్టు కీలక ఆదేశాలు

విజయవాడ సిట్ ఆఫీసులో సీఐ నాగరాజు 7 రోజుల విచారణకు సుప్రీంకోర్టు అనుమతించింది. మిగిలిన కండిషన్లు యధావిధిగా కొనసాగుతాయని కోర్టు తెలిపింది. రేపటినుంచి సీఐ నాగరాజును కస్టడీలోకి తీసుకుని సిట్ ప్రశ్నించనుంది. హై కోర్టు గతంలో వద్దని ఇచ్చిన ఆదేశాలపై సిట్ సుప్రీం కోర్టును కోరగా కోర్టు విచారణకు అనమతించింది

AP· 27 Jul 2026

ఆకివీడులో రామాలయ నిర్మాణానికి సుప్రీంకోర్టు గ్రీన్ సిగ్నల్

AP: పశ్చిమ గోదావరి జిల్లా ఆకివీడులో రామాలయ నిర్మాణానికి సుప్రీంకోర్టు గ్రీన్ సిగ్నల్ ఇచ్చింది. ఆలయ నిర్మాణాన్ని సవాలు చేస్తూ వేసిన పిటిషన్‌ను కొట్టేస్తూ తీర్పు ఇచ్చింది. ఈ వివాదానికి సంబంధించి గతంలో జిల్లా కలెక్టర్ జారీ చేసిన NOC(No Objection Certificate) చట్టబద్ధమైనదేనని చెప్పింది. ప్రభుత్వ స్థలంలో రూల్స్ కి తగ్గట్టుగా ఆలయ నిర్మాణం చేపట్టడంలో తప్పులేదని స్పష్టం చేసింది.

AP· 25 Jul 2026

చిత్తూరు జిల్లాలో భారీగా బంగారం నిక్షేపాలు !

చిత్తూరు జిల్లా గుడిపల్లి మండల పరిధిలోని చిగురు గుంట, బి. సానత్తం ప్రాంతాల్లోని మైనింగ్ బ్లాక్ లలో సుమారు 22 లక్షల టన్నుల బంగరం ముడి ఖనిజం ఉన్నట్లు ప్రాధమిక సర్వేల్లో తేలింది. ఇక్కడి ముడిఖనిజాన్ని శుద్ధి చేస్తే సగటున 5.64 గ్రాముల మేలిమి బంగారం దొరికే వీలుంది.ఇది ప్రభుత్వానికి ఆదాయ వనరుగా మారడేమ కాక, స్థానికులకు ఉపాధి కూడా కల్పిస్తుందని అధికారులు అంటున్నారు.దీనిని ఏపీ ఎండీసీకే దక్కేలా చూడాలని చంద్రబాబు ఆదేశించారు.

AP· 25 Jul 2026

అగరబత్తి ఫ్యాక్టరీలో అగ్ని ప్రమాదం

AP: కర్నూలు నగరంలోని కల్లూరు ఎస్టేట్‌ దేవా అగరబత్తి ఫ్యాక్టరీలో భారీ అగ్నిప్రమాదం సంభవించింది. అకస్మాత్తుగా మంటలు చెలరేగి, పక్కనే ఉన్న శ్రీ లక్ష్మీ బాలాజీ ఆయిల్ మిల్లుకు కూడా వ్యాపించడంతో పరిస్థితి తీవ్రరూపం దాల్చింది. సమాచారం అందుకున్న అగ్నిమాపక సిబ్బంది వెంటనే ఘటనాస్థలానికి చేరుకుని మంటలను అదుపులోకి తెచ్చారు. ఈ ప్రమాదంలో సుమారు రూ.15 లక్షల మేర ఆస్తి నష్టం జరిగినట్లు యజమానులు తెలిపారు. కళ్లముందే ఫ్యాక్టరీ అగ్నికి ఆహుతి కావడంతో యజమాని కన్నీరుమున్నీరుగా విలపించారు.

AP· 25 Jul 2026

పేదరికాన్ని జయించి స్పేస్ మిషన్‌లో చోటు

AP: తూర్పుగోదావరి జిల్లా ధవళేశ్వరానికి చెందిన ప్రభుత్వ పాఠశాల విద్యార్థిని కందుల జెస్సీ పేదరికాన్ని జయించి అంతర్జాతీయ స్థాయిలో అరుదైన గుర్తింపు పొందింది. సైన్స్‌పై ఆసక్తితో పాఠశాలలోని అటల్ టింకరింగ్ ల్యాబ్‌లో పలు వినూత్న ప్రాజెక్టులు రూపొందించిన ఆమె, 'శక్తిశాట్-ఇంటర్నేషనల్ స్పేస్ మిషన్' కోసం జరిగిన ఎంపికల్లో 108 దేశాల నుంచి నమోదైన 12 వేల మందిలో భారత్ తరఫున ఎంపికైన 21 మందిలో చోటు దక్కించుకుంది. ఆంధ్రప్రదేశ్ నుంచి ఎంపికైన ఏకైక విద్యార్థినిగా ఆమె నిలిచింది.

AP· 25 Jul 2026

వివేకా హత్య కేసులో సునీతకు ఎదురు దెబ్బ

వైఎస్ వివేకానంద రెడ్డి హత్య కేసులో ఆయన కుమార్తె సునీతకు గట్టి ఎదురు దెబ్బ తగిలింద. సీబీఐ చార్జి షీటును తిరస్కరించాలని సునీత వేసిన పిటిషన్ ను నాంపల్లి సీబీఐ కోర్టు కొట్టేసింది. కేసు దర్యాప్తు సమగ్రంగా లేదని మరికొందరిని విచారించాలని సునీత వాదించారు. అయితే అన్ని కోణాల్లో దర్యాప్తు పూర్తి చేశామని సీబీఐ కోర్టుకు తెలిపింది.

AP· 25 Jul 2026

పిల్లలు భారం కాదు.. భవిష్యత్తుకు ఆస్తి

AP: పిల్లలు భారం కాదని, భవిష్యత్తుకు వారే అసలైన ఆస్తి అని CM చంద్రబాబు నాయుడు అన్నారు. పోలవరం జిల్లా రంపచోడవరంలో జరిగిన మెగా పేరెంట్ టీచర్ సమావేశంలో ఆయన మాట్లాడుతూ, ‘తల్లికి వందనం’ పథకాన్ని డబ్బు కోసం కాదు, మనసుతో అమలు చేస్తున్నామని చెప్పారు. ప్రభుత్వ పాఠశాలలకు త్వరలో ఉచితంగా సోలార్ ప్యానెల్స్ అందిస్తామని ప్రకటించారు. హైస్కూల్ నుంచే ఆర్టిఫిషియల్ ఇంటెలిజెన్స్ (AI) బోధిస్తామని, మూడు నెలలల్లోపు ప్రతి ఇంటికీ ఫోన్‌, వైఫై ఉండాలని జిల్లా కలెక్టర్‌ను ఆదేశించారు.

AP· 24 Jul 2026

విశాఖ స్టీల్‌ప్లాంట్‌లో మరొకరి బలి!

విశాఖ స్టీల్‌ప్లాంట్‌లో మళ్లీ ఊహించని యాక్సిడెంట్ జరిగింది. కోక్ ఓవెన్ బ్యాటరీ వద్ద రెండేళ్లుగా పనిచేయని ఎలక్ట్రికల్ బస్ బార్ మీద పడటంతో అనంత బార్వే (52) అనే కార్మికుడు సీరియస్‌గా ఇంజ్యూర్ అయ్యాడు. వెంటనే ప్రైవేట్ హాస్పిటల్‌కి షిఫ్ట్ చేసినా, ట్రీట్‌మెంట్ పొందుతూ చనిపోయాడు. రీసెంట్‌గా లాడర్ పేలి తొమ్మిది మంది చనిపోయిన ఇన్సిడెంట్ మరువకముందే ఈ ఘోరం జరిగింది. ప్రాపర్ మెయింటెనెన్స్ లేకపోవడమే కారణమని, కార్మికుల సేఫ్టీపై ప్లాంట్ మేనేజ్‌మెంట్ దృష్టి పెట్టాలని యూనియన్ లీడర్స్ డిమాండ్ చేస్తున్నారు.

AP· 24 Jul 2026

మెగా పేరెంట్-టీచర్ మీటింగ్ లో చంద్రబాబు

AP: పోలవరం జిల్లా రంపచోడవరం ప్రభుత్వ హైస్కూల్లో ఈరోజు మెగా పేరెంట్-టీచర్ మీటింగ్ కార్యక్రమం నిర్వహించారు. సీఎం చంద్రబాబు తరగతి గదిలో విద్యార్ధులు, వారి తల్లితండ్రులు, టీచర్లతో మాట్లాడారు. విద్యార్థుల చదువు పురోగతి, ప్రోగ్రెస్ రిపోర్టు కార్డును స్వయంగా పరిశీలించారు. మెగా పేరెంట్ టీచర్ మీటింగ్ 4.0 ఫొటోఫ్రేమ్ వద్ద విద్యార్థులు, వారి తల్లితండ్రులతో ఫోటోలు దిగారు. కార్యక్రమంలో మంత్రి లోకేష్ పాల్గొన్నారు.

AP· 24 Jul 2026

కడప బాలికల కళాశాల వద్ద హైటెన్షన్

AP: నీట్ ప్రశ్నాపత్రం లీకేజీ ఘటనకు నిరసనగా కడప ప్రభుత్వ బాలికల జూనియర్ కళాశాల వద్ద విద్యార్థి సంఘాలు ఆందోళన చేపట్టాయి. కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ RSF నాయకులు నిరసన వ్యక్తం చేశారు. దేశవ్యాప్త విద్యాసంస్థల బంద్‌లో భాగంగా నరేంద్ర మోదీ డౌన్ డౌన్ అంటూ నినాదాలు చేశారు. అనంతరం కళాశాలలోకి ప్రవేశించేందుకు యత్నించగా, వన్‌టౌన్ SI ప్రదీప్ ఆధ్వర్యంలోని పోలీసులు వారిని అడ్డుకున్నారు. దీంతో కళాశాల వద్ద టెన్షన వాతావరణం నెలకుంది.

▶

AP· 24 Jul 2026

అడవి ఏనుగులను అదుపు చేసేందుకు కుంకీ ఏనుగులు

AP: విజయనగరం, మన్యం జిల్లాల్లో పంటలను నాశనం చేస్తున్న అడవి ఏనుగులను అదుపు చేసేందుకు కుంకీ ఏనుగులను పంపుతున్నట్లు డిప్యూటి సీఎం పవన్ కల్యాణ్ తెలిపారు. మంగళగిరి వద్ద కుంకీ ఏనుగులను ఆయన పరిశీలించారు. వీటిని పార్వతీపురం మన్యం జిల్లాలోని గుచ్చిమి క్యాంపుకు తరలిస్తున్నారు. ఒడిశాతో చర్చలు జరిపి మరికొన్ని కుంకీలను రప్పించాలని అధికారులను పవన్ ఆదేశించారు.

AP· 24 Jul 2026

మంగళగిరిలో పురాతన గణేశ విగ్రహాలు లభ్యం

AP: గుంటూరు జిల్లా కాజ గ్రామంలో 1,600 ఏళ్ల నాటి రెండు చిన్న గణేశ విగ్రహాలు లభ్యమయ్యాయి. రైతు వెంకట్రామరెడ్డి పొలంలో దున్నుతుండగా నాగలికి తగిలి బయటపడ్డాయి. ఎర్ర ఇసుక రాతితో చేసిన ఈ విగ్రహాలు 3 సెంటీమీటర్లు, మరొకటి 5 సెంటీమీటర్ల ఎత్తు వున్నాయి. వీటితోపాటు 1-4వ శతాబ్దానికి చెందిన రంగుల మట్టిపాత్రల పెంకులు దొరికాయి. పల్నాడు జిల్లా చేజర్ల ఆలయంలోని విగ్రహంలా ఉండే ఈ చిన్న విగ్రహాలకు ఎంతో చారిత్రక ప్రాధాన్యం ఉందని పురావస్తు పరిశోధకుడు శివనాగిరెడ్డి చెప్పారు.

AP· 24 Jul 2026

ఎల్‌నినో ముప్పు.. అన్ని శాఖలు సిద్ధంగా ఉండాలి

AP: దేశవ్యాప్తంగా ఎల్‌నినో ప్రభావంతో ఈసారి క్లిష్ట పరిస్థితులు ఎదురయ్యే అవకాశం ఉందని CM చంద్రబాబు హెచ్చరించారు. తాగునీటి కొరతతో పాటు పశుగ్రాస సమస్యలు తలెత్తే ప్రమాదం ఉందని పేర్కొన్నారు. సచివాలయంలో జరిగిన మంత్రివర్గ సమావేశంలో ఎల్‌నినో పరిస్థితులపై సమీక్ష నిర్వహించిన ఆయన, తాగునీటి సరఫరాకు తొలి ప్రాధాన్యం ఇవ్వాలని అధికారులను ఆదేశించారు. పశుగ్రాస కొరత లేకుండా ముందస్తు చర్యలు తీసుకోవాలని, అన్ని శాఖలు సమన్వయంతో పనిచేసి సంక్షోభాన్ని ఎదుర్కోవాలని సూచించారు.

AP· 23 Jul 2026

మోదీ నిర్ణయంపై నారా లోకేష్ పోస్ట్

AP: 'నీట్' పేపర్ లీక్ కేసుల కోసం 'ఫాస్ట్ ట్రాక్ కోర్టులు' పెట్టాలని ప్రధాని నరేంద్ర మోదీ తీసుకున్న నిర్ణయాన్ని మంత్రి నారా లోకేష్ మెచ్చుకున్నారు. ఈ నిర్ణయం యువత భవిష్యత్తుకు ఎంతో రక్షణ ఇస్తుందని చెప్పారు. విద్యార్థుల జీవితాలతో ఆడుకునే వారికి ఇది గట్టి హెచ్చరిక అన్నారు. స్టూడెంట్స్ భయపడకుండా ధైర్యంగా ముందుకు సాగాలని లోకేష్ తెలిపారు.

AP· 23 Jul 2026

‘మిషన్ శక్తిశాట్'కు ఎంపికైన బాలిక: అభినందించిన పవన్ కళ్యాణ్

AP: ప్రపంచంలోనే తొలి బాలికల లూనార్ క్యూబ్‌శాట్ మిషన్ 'మిషన్ శక్తిశాట్' కోసం భారతదేశ టాప్-20లో ఆంధ్రప్రదేశ్ నుంచి కందుల జెస్సీ ఎంపికైంది. డిప్యూటీ సీఎం పవన్ కళ్యాణ్ తనను అభినందించారు. ప్రభుత్వ పాఠశాల నుంచి చంద్ర మిషన్ వరకు ఆమె చేసిన ప్రయాణం రాష్ట్రంలోని ప్రతి విద్యార్థికి స్ఫూర్తిదాయకమని అన్నారు. ఇస్రో ద్వారా దేశానికి సేవ చేయాలనే ఆమె కల సాకారం కావాలని ఆకాంక్షిస్తున్నానని ‘ఎక్స్‌’లో పోస్ట్ చేశారు.

▶

▶▶

AP· 23 Jul 2026

విజయవాడలో విద్యార్థుల భారీ ఆందోళన

AP: విజయవాడలో విద్యార్థి, యువజన సంఘాల 'చలో రాజ్‌భవన్' పిలుపుతో ఉద్రిక్తత నెలకొంది. సెంట్రల్ మినిస్టర్ ధర్మేంద్ర ప్రధాన్ వెంటనే రాజీనామా చేయాలని నేతలు పట్టుబట్టారు. గవర్నర్‌ను కలిపిస్తామని చెప్పి పోలీసులు మోసం చేశారని నిరసనకారులు మండిపడ్డారు. విద్యార్థులపై పోలీసులు దాడి చేయడంతో కొందరికి గాయాలయ్యాయి. సివిల్ డ్రెస్‌లో ఉన్న కొంతమంది పోలీసులు తమను ఈడ్చిపారేశారని విద్యార్థులు అన్నారు.