AP

AP· 1 Oct 2026

విజయవాడ ఉత్సవ్‌ 2.0కి రెడీ

AP: అక్టోబర్‌ 8 నుంచి 12 వరకు విజయవాడలోని తుమ్మలపల్లి కళాక్షేత్రంలో 46 విభాగాల్లో 100కు పైగా పోటీలు, 7 ప్రత్యేక టైటిల్స్‌‌తో విజయవాడ ఉత్సవ్‌ 2.0ను ఘనంగా జరిపేందుకు ఏర్పాట్లు చేస్తున్నారు. స్టూడెంట్స్, ఆర్టిస్టులు, విమెన్, చిల్డ్రన్ ఇందులో పాల్గొనాలని నిర్వాహకులు పిలుపిచ్చారు. మిస్ విజయవాడ పోటీ కూడా ప్రత్యేక ఆకర్షణగా నిలువనుంది. విజయవాడ ఉత్సవ్, <a href="https://www.instagram.com/jignasa_artverse/">Jignasa Artverse </a>ఇన్‌స్టాగ్రామ్ పేజీ.. ద్వారా అక్టోబరు 7 లోపు రిజిస్ట్రేషన్ చేసుకోవాలని తెలిపారు.

AP· 1 Oct 2026

విజయవాడలో BC ఓటర్లే ఎక్కువ.. ఇదే లెక్క

AP: విజయవాడ సిటీలో మొత్తం 8,05,797 మంది ఓటర్లు ఉన్నారని ప్రభుత్వం తెలిపింది. వీరిలో BC ఓటర్లు 3,58,742 మందితో మొదటి స్థానంలో ఉన్నారు. OC ఓటర్లు 3,40,374, SC ఓటర్లు 91,933, ST ఓటర్లు 9,542 మంది ఉన్నారు. BC, OC ఓటర్ల మధ్య తేడా దాదాపు 18 వేలే. రానున్న కార్పొరేషన్‌ ఎన్నికల్లో డివిజన్‌ రిజర్వేషన్లు, మేయర్‌ పదవి రిజర్వేషన్‌కు ఈ లెక్కలు ఇంపార్టెంట్‌గా మారనున్నాయి.

AP· 1 Oct 2026

వారికి తల్లికి వందనం.. ఇంకెప్పుడు?

AP: ఈ ఏడాది తల్లికి వందనం రెండో విడత డబ్బుల కోసం సుమారు 3 లక్షల మంది విద్యార్థులు ఎదురుచూస్తున్నారు. ఇందులో కొత్తగా 1వ తరగతి, ఇంటర్‌ ఫస్టియర్‌లో చేరిన వారితో పాటు, రికార్డుల సవరణ వల్ల తొలి విడతలో లబ్ధి పొందని వారున్నారు. ఆగస్టు 30న డబ్బులు ఇవ్వాల్సి ఉన్నా.. ఇంకా డిపాజిట్ కాలేదు. రెండో విడత ఫైలుకు ఆర్థిక శాఖ గ్రీన్ సిగ్నల్ ఇచ్చినా, CM Office ఆమోదం తర్వాత ఒక్కో విద్యార్థికీ 13 వేల రూపాయలు తల్లుల ఖాతాల్లో డిపాజిట్ చేయనున్నారు.

AP· 30 Sept 2026

ఏపీ ఓటర్లకు అలర్ట్.. లిస్ట్‌లో తప్పులుంటే చెప్పండి

AP: ఏపీలో ఓటర్ల లిస్ట్‌పై ఎలక్షన్ కమిషన్ అప్‌డేట్ ఇచ్చింది. లిస్ట్‌లో మీ పేరు, అడ్రస్ లేదా ఇతర డీటెయిల్స్‌లో ఏదైనా తప్పు ఉంటే అక్టోబర్ 10లోపు కంప్లైంట్ చేయొచ్చు. మీ ఏరియాలోని పోలింగ్ బూత్‌లో ఉన్న BLOని కలవొచ్చు. ఓటర్ హెల్ప్‌లైన్‌లో కూడా డీటెయిల్స్ తెలుసుకోవచ్చు. ఆన్‌లైన్‌లోనూ చెక్ చేసుకోవచ్చు. ఫైనల్ లిస్ట్ అక్టోబర్ 16న వస్తుంది. లాస్ట్ మినిట్ వరకు వెయిట్ చేయకుండా ఇప్పుడే ఓసారి మీ ఓటర్ డీటెయిల్స్ చెక్ చేసుకోండి.

AP· 30 Sept 2026

మహిళలకు AC బస్సులు కొంటాం: CM చంద్రబాబు

AP: విజయవాడలో జరిగిన ‘పేదలకు పట్టాభిషేకం’ కార్యక్రమంలో CM చంద్రబాబు కీలక కామెంట్స్ చేశారు. ఎన్నికల్లో ఇచ్చిన హామీలను అమలు చేస్తున్నామని చెప్పారు. 26,401 మందికి ఇళ్ల పట్టాలు అందిస్తున్నామని, ఇప్పటివరకు మొత్తం 60 వేల మందికి పట్టాలు ఇచ్చామని తెలిపారు. ఇప్పటికే మహిళలకు ఫ్రీ బస్సు జర్నీ అందిస్తున్నామని చెప్పిన CM.. వారి కోసం భవిష్యత్తులో AC బస్సులు కొంటాం అని అన్నారు.

AP· 30 Sept 2026

Gen Zపై నారా లోకేష్ ఏమన్నారంటే..

ఇండియా టుడే కాన్‌క్లేవ్ సౌత్ 2026లో మంత్రి నారా లోకేశ్ Gen Z సవాలుపై స్పందించారు. "యూత్ ఏకైక డిమాండ్ ‘జాబ్స్, జాబ్స్, జాబ్స్’ అన్నారు. ప్రభుత్వాలకు ఐదేళ్ల కాలం ఉంటే, Gen Z మాత్రం స్పాట్ రిజల్ట్స్ కోరుకుంటోందని చెప్పారు. వేగం, కనిపించే మార్పులే ప్రభుత్వ హాల్‌మార్క్‌గా మారాలన్నారు. APలో 20 లక్షల ఉద్యోగాల సృష్టికి కృషి చేస్తున్నామనీ, DSC నియామకాలు, AI స్కిల్స్ ద్వారా యూత్‌ హోప్స్‌ని నెరవేర్చేందుకు పనిచేస్తున్నామని తెలిపారు.

AP· 30 Sept 2026

ఒంగోలు మున్సిపాలిటీకి 150 ఏళ్లు!

AP: ఒంగోలు మున్సిపాలిటీ 150 ఏళ్లు కంప్లీట్ చేసుకుంది. 1876 సెప్టెంబర్ 30న మున్సిపాలిటీగా ఏర్పడిన ఒంగోలు.. చిన్న టౌన్ నుంచి నేటి మోడ్రన్ సిటీగా ఎదిగింది. 2012లో మున్సిపల్ కార్పొరేషన్‌గా మారింది. ఈ 150 ఏళ్లలో ఎడ్యుకేషన్, హెల్త్, రోడ్లు, ఇండస్ట్రీస్, వ్యాపారం, ట్రాన్స్‌పోర్ట్ వంటి రంగాల్లో నగరం భారీగా డెవలప్ అయింది. 150 ఏళ్ల ఒంగోలు నగర ప్రస్థానంపై ‘మన ఊరు... మన సంబరం... మన జ్ఞాపకం’ పేరుతో ఉత్సవాలు నిర్వహిస్తున్నారు.

AP· 30 Sept 2026

"CM పోస్ట్".. నారా లోకేష్ రియాక్షన్

చంద్రబాబు తర్వాత నెక్ట్స్ CM.. నారా లోకేష్ అవ్వాలనేది TDP క్యాడర్ ఆలోచన. ఐతే.. ఇండియా టుడే కాంక్లేవ్‌లో.. సీఎం అవ్వాలని లేదా? అనే ప్రశ్నకు మంత్రి నారా లోకేష్ స్పష్టమైన ఆన్సర్ ఇవ్వలేదు. వచ్చే ఐదేళ్లలో రాష్ట్రాన్ని టెక్నాలజీ హబ్‌గా మార్చే లక్ష్యంతో స్పీడ్, సర్వీస్, స్టెబిలిటీ అనే 3S మంత్రాల్ని అనుసరిస్తున్నట్లు తెలిపారు. ప్రస్తుతం విద్యావ్యవస్థలో సంస్కరణలు, ఉపాధి కల్పన, AI క్వాంటం కోర్సులు, డేటా సెంటర్ల డెవలప్‌మెంట్ పైనే ఫోకస్ పెట్టినట్లు తెలిపారు.

▶

AP· 30 Sept 2026

8 ఏళ్ల పిల్లాడి దీనస్థితి.. వీడియో వైరల్

AP: ప్రకాశం జిల్లా.. రాచవారిపాలెం దగ్గర 8 ఏళ్ల రామయ్య.. గొర్రెలు మేపుతూ కనిపించాడు. నర్రవాడకు చెందిన ఈ బాలుడు వీడియోలో ఏడుస్తూ.. “అన్నా.. నన్ను ఇంటికి తీసుకెళ్లండి. నాకు అన్నం కూడా సరిగ్గా పెట్టడం లేదు. నేను సరిగ్గా నడవలేకపోతున్నాను” అని చెప్పాడు. చిన్నారిని పనిలో పెట్టారంటూ చైల్డ్ లేబర్ ఆరోపణలు వస్తున్నాయి. వీడియో సోషల్ మీడియాలో వైరల్ అవుతోంది. బాలుడిని రక్షించి, ఘటనపై విచారణ చేయాలని కోరుతున్నారు.

▶

AP· 30 Sept 2026

వంట మనిషిని నమ్మి వెళ్లిన విద్యార్థినులపై అసభ్య ప్రవర్తన

AP : ప్రకాశం జిల్లా జరుగుమల్లి KGVB హాస్టల్ వంట మనిషి విద్యార్థినులను మభ్యపెట్టి, ఒంగోలులోని రిటైర్డ్ DRDA ఉద్యోగి వెంకట్రావు ఇంటికి తీసుకెళ్లి అప్పగించింది. అతడు బాలికలతో అసభ్యంగా ప్రవర్తించడంతో, భయపడిన స్టూడెంట్స్ బయటకు వచ్చి స్థానికులకు విషయం చెప్పారు. స్థానికులు, తల్లిదండ్రులు నిందితుడి ఇంటిపై దాడి చేయగా, పోలీసులు అక్కడికి చేరుకుని వెంకట్రావును అదుపులోకి తీసుకున్నారు.

▶

AP· 30 Sept 2026

"వైజాగ్ రోడ్లు.. బాబోయ్!"

AP: ఆంధ్రప్రదేశ్‌లో స్టీల్ సిటీగా పేరున్న విశాఖపట్నంలో రోడ్లు దారుణంగా ఉన్నాయని నెటిజన్లు ఫైర్ అవుతున్నారు. గోతులు, గుంతలతో వాహనదారులు తీవ్ర ఇబ్బందులు పడుతున్నారనీ.. కొన్ని ప్రాంతాల్లో మట్టిని పోసి.. టెంపరరీ సొల్యూషన్ చూడటం వల్ల.. ఆ ప్రాంతాల్లో రోడ్లపై వాహనాలు మట్టిలో ఇరుక్కుపోతున్నాయని అంటున్నారు. దువ్వాడ నుంచి మధురవాడ వరకూ ఇదే పరిస్థితి ఉందనీ, రీసెంట్ సైక్లోన్ వల్ల సమస్యలు మరింత పెరిగాయని అంటున్నారు. GVMC అధికారులు వెంటనే రోడ్లను రిపేర్ చెయ్యాలని కోరుతున్నారు.

▶

AP· 30 Sept 2026

బాలికలను బంధించిన ఎంప్లాయ్!

ఒంగోలులో ఓ బాలికపై రిటైర్డ్ DRDA ఎంప్లాయ్ అత్యాచారయత్నానికి పాల్పడడం కలకలం రేపింది. హాస్టల్‌లో ఉండే ఇద్దరు బాలికలకు తండ్రి డెత్ సర్టిఫికెట్ ఇప్పిస్తానని నమ్మించి, అక్కడి వంటమనిషి వారిని నిందితుడి ఇంటికి తీసుకెళ్లి వదిలేసింది. అతను బాలికలను ఇంట్లో బంధించగా, ఒక అమ్మాయి చాకచక్యంగా బంధువులకు ఫోన్ చేసి ఇన్ఫర్మేషన్ ఇచ్చింది. దీంతో అలర్ట్ అయిన బంధువులు, లోకల్ పీపుల్ కలిసి వారిని కాపాడారు. సమాచారం అందుకున్న ఒంగోలు పోలీసులు నిందితుడిని కస్టడీలోకి తీసుకుని కేసు ఇన్వెస్టిగేషన్ చేస్తున్నారు.

AP· 30 Sept 2026

AP పింఛన్ల పంపిణీలో బిగ్ ఛేంజ్!

APలో అక్టోబర్ 1 నుండి NSAP పింఛన్ల పంపిణీలో మార్పులు రానున్నాయి. కేంద్ర వాటా 200 నుండి 500 రూపాయలు నేరుగా లబ్ధిదారుల ఆధార్ లింక్డ్ బ్యాంక్ ఖాతాల్లో జమ అవుతుంది. మిగిలిన రాష్ట్ర వాటా మొత్తాన్ని సచివాలయ సిబ్బంది ఎప్పటిలాగే ఇంటి వద్దే డబ్బుల రూపంలో అందిస్తారు. మొత్తం పింఛను 4,000 నుండి 6,000 రూపాయల్లో ఎలాంటి కటింగ్ ఉండదు, ఇచ్చే విధానం మాత్రమే మారింది. ఈ రూల్ కేవలం NSAP కింద ఉన్న 9.34 లక్షల మందికి మాత్రమే వర్తిస్తుంది.

AP· 30 Sept 2026

దసరా ఉత్సవాలకు భారీ బడ్జెట్

AP: విజయవాడ ఇంద్రకీలాద్రిపై అక్టోబర్ 11 నుంచి 20 వరకు జరిగే దసరా శరన్నవరాత్రి ఉత్సవాలకు అధికారులు దాదాపు 17 కోట్ల నుంచి 20 కోట్ల రూపాయల దాకా ఖర్చవుతుందని అంచనా వేశారు. ఇందులో ఇంజనీరింగ్ పనులకు 3 కోట్లు, టెంపరరీ ఎలక్ట్రిసిటీకి 1కోటి 85లక్షలు, శానిటేషన్‌కి 75 లక్షలు, పోలీస్ సెక్యూరిటీకి 96 లక్షలు కేటాయించారు. వాటర్ సప్లై కోసం విజయవాడ మున్సిపల్ కార్పొరేషన్‌కు 3కోట్ల 95లక్షలు ఇవ్వనున్నారు.

AP· 30 Sept 2026

గవర్నమెంట్ హాస్పిటల్లో ప్రసవిస్తే..!

AP: ఆంధ్రప్రదేశ్‌ ప్రభుత్వ ఆసుపత్రుల్లో ప్రసవించే తల్లులకు NTR Baby Kits అందించేందుకు ప్రభుత్వం చర్యలు చేపట్టింది. ఒక్కో కిట్‌ ధర 1,400 రూపాయల వరకు ఉంటుందనీ, ఇందులో దోమతెరతో బేబీ బెడ్‌, వాటర్‌ప్రూఫ్‌ షీట్‌, బేబీ క్లాత్స్, టవల్, న్యాపీలు, 100 గ్రాముల పౌడర్‌, 100ml షాంపూ, 200ml ఆయిల్‌, సబ్బు, రాటిల్‌ బొమ్మ, కిట్‌ బ్యాగ్‌ వంటి 14 రకాల ఐటమ్స్ ఉంటాయి. ఈ కిట్ల కోసం ప్రభుత్వం సంవత్సరానికి 51 కోట్ల 15 లక్షలు కేటాయించింది.

▶

AP· 30 Sept 2026

లాయర్లపై కేసులు.. బెజవాడలో ప్రొటెస్ట్

AP: విజయవాడలో లాయర్లపై పోలీసులు కేసులు పెట్టడంతో పాటు రౌడీషీట్లు ఓపెన్ చేసేందుకు ప్రయత్నిస్తున్నారని బెజవాడ బార్ అసోసియేషన్ తెలిపింది. దీనికి నిరసనగా లాయర్లు మంగళవారం డ్యూటీలు బాయ్‌కాట్ చేసి.. సిటీ సివిల్ కోర్టు నుంచి అంబేద్కర్ స్మృతివనం వరకు ర్యాలీ చేశారు. పోలీసులు ర్యాలీని అడ్డుకోవడంతో వారి మధ్య తోపులాట జరిగింది. లాయర్ల కోసం ప్రొటెక్షన్ యాక్ట్ తీసుకురావాలని డిమాండ్ చేశారు. బుధ, గురువారాల్లోనూ ప్రొటెస్ట్ కొనసాగిస్తామని తెలిపారు.

AP· 30 Sept 2026

35కే Kg ఉల్లి.. నేటి నుంచి సేల్స్!

AP: ఉల్లి ధరలు పెరగడంతో AP ప్రభుత్వం కీలక నిర్ణయం తీసుకుంది, ప్రస్తుతం తొలివిడతలో విజయవాడలోని అన్ని రైతుబజార్లలో Kg ఉల్లిని నేటి నుంచి 35 రూపాయలకే అమ్మాలని నిర్ణయించింది. ఆధార్, రేషన్ కార్డు ఆధారంగా ఒక్కో కుటుంబానికీ నెలకు 2 Kgల ఉల్లిని మాత్రమే అందిస్తారు. డిమాండ్‌ని బట్టి త్వరలో రాష్ట్రవ్యాప్తంగా విస్తరిస్తామని మంత్రులు కింజరాపు అచ్చెన్నాయుడు, నాదెండ్ల మనోహర్ తెలిపారు. ప్రజలపై ధరల భారం తగ్గించేందుకు ఈ నిర్ణయం తీసుకున్నట్లు చెప్పారు.

▶

AP· 30 Sept 2026

తప్పుడు కేసుపై లాఠీచార్జ్..!

AP: గుంటూరు జిల్లా.. తెనాలిలో ముగ్గురు దళిత యువకులపై పెట్టిన కేసును జిల్లా కోర్టు కొట్టివేసింది. 2025 ఏప్రిల్‌లో ఈ ఘటన జరిగింది. జాన్ విక్టర్, రాకేష్, కరీముల్లాలపై గంజాయి మత్తులో కానిస్టేబుల్‌పై దాడి చేశారని ఆరోపిస్తూ పోలీసులు.. వారిని చట్ట విరుద్ధంగా రోడ్డుపై కూర్చోబెట్టి అరికాళ్లపై లాఠీలతో కొట్టారు. అప్పట్లో ఆ వీడియో వైరల్ అయ్యింది. లంచం ఇవ్వలేదనే కారణంతోనే పోలీసులు తమను టార్గెట్ చేశారని యువకులు ఆరోపించారు. ఈ ఘటనపై మీరు ఏమనుకుంటున్నారు. మీ ఒపీనియన్ కామెంట్ చెయ్యండి.