AP

AP· 19 Aug 2026

మంగళగిరి ఏపీఐఐసీ భూముల సమస్యకు శాశ్వత పరిష్కారం

AP: మంగళగిరి ఏపీఐఐసీకి చెందిన 116.88 ఎకరాల భూములపై 25 ఏళ్లుగా ఉన్న సమస్యకు పరిష్కారం దొరికింది. చెరువు పోరంబోకు భూములను అసైన్డ్ వేస్ట్ డ్రై ల్యాండ్‌గా మార్చడంతోపాటు, భూముల బదలాయింపును చట్టబద్ధం చేస్తూ మంత్రివర్గం నిర్ణయం తీసుకుంది. 2003 నాటి ధరల ప్రకారం ఎకరాకు రూ.2,87,375 చొప్పున రూ.3.36 కోట్లు ఏపీఐఐసీ ప్రభుత్వం చెల్లించనుంది. ఈ భూముల్లో ఆటోనగర్, ఐటీ, పారిశ్రామిక పార్కులతో పాటు టిడ్కో, రాజీవ్ గృహకల్పలో సుమారు 2,500 కుటుంబాలు ఉన్నాయి.

AP· 19 Aug 2026

సైబర్ మోసాలపై అవగాహన!

AP : కోనసీమ జిల్లాలో ఉన్న రాజోలు బస్ స్టాండ్ వద్ద సైబర్ నేరాలపై ప్రజలకు పోలీసులు అవగాహన కల్పించారు. ఫోన్ కాల్స్, ఓటీపీలు, బ్యాంకు వివరాలు అడిగే కొత్త వ్యక్తుల పట్ల ప్రజలు అప్రమత్తంగా ఉండాలని సూచించారు. గుర్తుతెలియని లింక్‌లను క్లిక్ చేయవద్దని హెచ్చరించారు. ఏవైనా అనుమానాస్పద లావాదేవీలు జరిగితే వెంటనే పోలీసులకు సమాచారం ఇవ్వాలని తెలిపారు. ఈ కార్యక్రమంలో పోలీస్ సిబ్బంది, ప్రజలు పాల్గొన్నారు.

AP· 19 Aug 2026

డిగ్రీ కాలేజీలకు సొంత భవనాలు: లోకేష్

AP: రాష్ట్రంలోని 37 ప్రభుత్వ డిగ్రీ కళాశాలలకు సొంత భవనాలు కల్పించేందుకు ప్రభుత్వం చర్యలు తీసుకుంటోందని మంత్రి నారా లోకేష్ తెలిపారు. ఆళ్లగడ్డ డిగ్రీ కాలేజీకి భవన నిర్మాణంతోపాటు అవసరమైన వసతులు, సిబ్బంది కల్పిస్తామని చెప్పారు. రాష్ట్రం లోని 175 నియోజకవర్గాల్లో మోడల్‌ లైబ్రరీలు ఏర్పాటు చేస్తామని, కడప లైబ్రరీని తొమ్మిది నెలల్లో పూర్తి చేస్తామని వెల్లడించారు. అమరావతిలో సెంట్రల్‌ లైబ్రరీ, శిక్షణ కేంద్రం, తెలుగు సాంస్కృతిక కేంద్రాన్ని ఒకే ప్రాంగణంలో ఏర్పాటు చేస్తామని, త్వరలో డిజైన్‌ ఖరారు చేస్తామన్నారు.

AP· 19 Aug 2026

ప్రభుత్వ ప్రకటనపై జూడాల అసంతృప్తి

AP: ఇంటర్నీలకు 5 శాతం, పీజీ, సూపర్ స్పెషాలిటీ విద్యార్థులకు 3 శాతం పెంచుతామంటూ ఏపీ ప్రభుత్వం చేసిన ప్రకటనపై జూనియర్ డాకర్ట్‌లు అసంతృప్తి వ్యక్తం చేస్తున్నారు. 15 శాతం స్లైపెండ్ పెంచాలని కోరుతూ కొన్ని రోజులుగా రాష్ట్రంలో జూడాలు ఆందోళన చేస్తున్నారు. విధులకు వెళ్లకుండా సమ్మె చేస్తున్నారు. దీనిపై ప్రభుత్వం స్పందించి ఈ ప్రకటన ఇచ్చింది. కానీ దాని వాళ్లు అంగీకరించడం లేదు. పాత ప్రకటనే ప్రభుత్వం కొత్తగా చేసిందని, తమ సమ్మె కొనసాగుతుందని జూడాల జేఏసీ తెలిపింది.

AP· 19 Aug 2026

జూడాలకు 5 శాతం స్టైపెండ్ పెంచేందుకు ప్రభుత్వం నిర్ణయం

AP: ప్రభుత్వం 15 శాతం స్టైపెండ్ పెంచాలని కోరుతూ రాష్ట్రంలో జూనియర్ డాక్టర్లు ఆందోళన చేస్తున్నారు. విధులకు వెళ్లకుండా సమ్మె చేస్తున్నారు. దీనిపై ప్రభుత్వం స్పందించింది. ఇంటర్నీలకు 5 శాతం, పీజీ, సూపర్ స్పెషాలిటీ విద్యార్థులకు 3 శాతం పెంచేందుకు నిర్ణయించింది. తక్షణం విధుల్లో చేరాలని ప్రభుత్వం వారికి విజ్ఞప్తి చేసింది. జనవరి 1 నుంచి ఇంటర్నీలకు ఇది వర్తిస్తుందని, ఆ తర్వాత ఏటా 3 శాతం పెంచుతామని తెలిపింది.

AP· 19 Aug 2026

ఫొటోగ్రాఫర్‌గా మారిన సీఎం

AP: వరల్డ్ ఫొటోగ్రఫీ డే సందర్భంగా సీఎం చంద్రబాబు నాయుడు ఫొటో జర్నలిస్ట్‌గా మారారు. అసెంబ్లీ ప్రాంగణంలో బుధవారం ఫొటో జర్నలిస్టులు సీఎంను కలిశారు. వాళ్లను సీఎం గ్రూప్ ఫొటో తీశారు. ఫొటోగ్రాఫర్లను కలవడం ఎంతో గౌరవంగా భావిస్తున్నానని సీఎం పేర్కొన్నారు. చరిత్రను నమోదు చేస్తూ, జ్ఞాపకాలను పదిలపరుస్తున్న ఫొటోగ్రాఫర్లకు అభినందనలు తెలిపారు. మానవ అనుభవాలను అద్భుతమైన చిత్రాలుగా ఆవిష్కరిస్తున్న వారికి శుభాకాంక్షలు చెప్పారు.

▶

AP· 19 Aug 2026

సుగాలి ప్రీతి తల్లి వీల్‌చేర్ యాత్రలో ఉద్రిక్తత!

సుగాలి ప్రీతికి న్యాయం చేయాలని కోరుతూ ఆమె తల్లి పార్వతి చేపట్టిన వీల్‌చేర్ యాత్రను పోలీసులు అడ్డుకోవడంతో ఉద్రిక్తత నెలకొంది. తన కుమార్తె చనిపోయి తొమ్మిదేళ్లయినా ఇంతవరకు న్యాయం చేయలేదని, కూటమి ప్రభుత్వం నిందితులను కాపాడుతోందని ఆమె తీవ్రంగా విమర్శించారు. నిందితులను అరెస్ట్ చేస్తే తాము రోడ్డెక్కాల్సిన అవసరం ఏముందని ప్రశ్నించారు. న్యాయం కోసం ప్రశ్నిస్తుంటే వందలాది మంది పోలీసులతో తమ యాత్రను అడ్డుకోవడంపై ఆమె తీవ్ర ఆగ్రహం వ్యక్తం చేశారు.

AP· 19 Aug 2026

మండలి డిప్యూటీ చైర్మన్ పదవి వైఎస్సార్సీపీ కైవసం

AP: ఏపీ రాజకీయాల్లో ఆసక్తికరమైన ఘటన జరిగింది. మండలిలో టీడీపీ, బీజేపీ, జనసేన సభ్యుల కంటే వైసీపీ సభ్యులు మెజార్టీ సంఖ్యలో ఉండడంతో కూటమి తరుఫున ఎవరూ నామినేషన్‌ దాఖలు చేయలేదు. దీంతో వైఎస్సార్సీపీ నుండి తూమాటి మాధవరావు డిప్యూటీ చైర్మన్‌గా ఏకగ్రీవంగా ఎన్నికయ్యారు. ఈ విషయాన్ని మండలి చైర్మన్‌ మోషేన్‌ రాజు ప్రకటించారు. అనంతరం మాధవరావును చైర్మన్‌ స్థానంలో కూర్చోబెట్టి అభినందించారు.

AP· 19 Aug 2026

మంగళగిరి–తాడేపల్లి మున్సిపల్ ఎన్నికలపై టెన్షన్

AP: మంగళగిరి–తాడేపల్లి మున్సిపల్ కార్పొరేషన్ ఎన్నికలపై రాజకీయ వర్గాల్లో టెన్షన్ పెరుగుతోంది. రాష్ట్రంలో స్థానిక ఎన్నికల వేగం పుంజుకోవడంతో ఎంటీఎంసీపై ప్రధాన పార్టీల దృష్టి పడింది. వార్డుల పునర్విభజన, రిజర్వేషన్లు, ఓటర్ల జాబితాపై స్పష్టత కోసం ప్రజలు ఎదురుచూస్తున్నారు. తాగునీరు, డ్రైనేజీ, రహదారులు, ట్రాఫిక్, సానిటేషన్ వంటి సమస్యలు ఎన్నికల్లో కీలక అంశాలుగా మారే అవకాశం ఉంది. అధికారిక నోటిఫికేషన్ వెలువడిన తర్వాతే ఎన్నికల తేదీలు, వార్డులు, రిజర్వేషన్లపై పూర్తి స్పష్టత వస్తుంది.

AP· 19 Aug 2026

APలో మరో కొత్త పార్టీ.. విజయసాయిరెడ్డి సంచలన ప్రకటన!

AP: త్వరలో రాష్ట్రంలో మరో కొత్త రాజకీయ పార్టీ ఆవిర్భవించనుంది. సరికొత్త రాజకీయానికి శ్రీకారం చుట్టనున్నట్లు మాజీ MP విజయసాయిరెడ్డి ప్రకటించారు. ప్రజల తరఫున, ప్రజల కోసం, ప్రజల పక్షాన గొంతు వినిపించేందుకు కొత్త పార్టీ ఏర్పాటు చేస్తున్నట్లు తెలిపారు. ఈ నెలలో విజయవాడలో మీడియా సమావేశం పెట్టి, పార్టీ రాజకీయ ప్రణాళికను ప్రకటిస్తానన్నారు. పార్టీకి శ్రీవారి ఆశీస్సులు కోరినట్లు చెప్పారు. తిరుమల శ్రీవేంకటేశ్వర స్వామిని దర్శించుకున్న తరువాత విజయసాయిరెడ్డి ఈ ప్రకటన చేశారు.

AP· 19 Aug 2026

SC వర్గీకరణకు వ్యతిరేకంగా పోరాటం ఆగదు: రత్నాకర్

AP: SC వర్గీకరణ పేరుతో దళితుల ఐక్యతను దెబ్బతీసే రాజకీయ కుట్ర జరుగుతోందని మాల మహానాడు జాతీయ అధ్యక్షుడు డా. RS.రత్నాకర్ ఆరోపించారు. విజయనగరం జిల్లా బొబ్బిలిలో నిర్వహించిన విలేకరుల సమావేశంలో ఆయన మాట్లాడుతూ.. SC వర్గీకరణతో మాల సామాజిక వర్గం తీవ్రంగా నష్టపోయే పరిస్థితి ఏర్పడుతోందని ఆవేదన వ్యక్తం చేశారు. రిజర్వేషన్ ప్రయోజనాలను మరింత విభజించడం వల్ల దళితుల మధ్య ఐక్యత దెబ్బతింటుందని అన్నారు. దేశ సంపద, అధికార వ్యవస్థల్లోనూ సామాజిక న్యాయం అమలు చేయాలని డిమాండ్ చేశారు.

AP· 19 Aug 2026

యువతకు భారత్‌లో అపార అవకాశాలు: నితిన్ నబీన్

AP: యువశక్తితోనే నవభారత నిర్మాణం సాధ్యమని BJP జాతీయ అధ్యక్షుడు నితిన్ నబీన్ అన్నారు. విశాఖ బీచ్ రోడ్డులోని ఓ ప్రైవేటు హోటల్‌లో నిర్వహించిన ‘యువ సంవాద్’ కార్యక్రమంలో ఆయన మాట్లాడారు. యువత తమ శక్తి, ప్రతిభను సృజనాత్మక దిశలో వినియోగించాలని సూచించారు. వ్యవస్థను విమర్శించడం కంటే పరిష్కారాలను చూపాలని, నిరాశకు బదులు సానుకూల ఆలోచనలతో ముందుకు సాగాలని పిలుపునిచ్చారు. స్టార్టప్‌లు, సెమీకండక్టర్లు, కృత్రిమ మేధ, రక్షణ రంగాల్లో భారత్‌లో అపార అవకాశాలు ఉన్నాయని తెలిపారు.

AP· 19 Aug 2026

BCల రాజకీయ భవిష్యత్తుపై బిగ్ డెసిషన్: CM

AP: BCలకు రాజకీయ ప్రాతినిధ్యం పెంచే కీలక నిర్ణయాన్ని CM చంద్రబాబు శాసనసభ వేదికగా ప్రకటించారు. గ్రామీణ స్థానిక సంస్థల ఎన్నికల్లో బీసీలకు 34 శాతం, పట్టణ స్థానిక సంస్థల ఎన్నికల్లో 33.33 శాతం రిజర్వేషన్లు అమలు చేస్తామని వెల్లడించారు. రాష్ట్ర జనాభాలో 50.14 శాతం ఉన్న బీసీలకు సముచిత రాజకీయ ప్రాతినిధ్యం కల్పించడమే లక్ష్యమని CM తెలిపారు. మేయర్, మున్సిపల్ ఛైర్‌పర్సన్ పదవులకు ప్రత్యక్ష ఎన్నికలు నిర్వహించనున్నట్లు చెప్పారు. అలాగే ప్రస్తుతం ఉన్న 13 జిల్లా ప్రజాపరిషత్‌లను 28కి పెంచే నిర్ణయాన్ని వెల్లడించారు.

AP· 18 Aug 2026

బ్లడ్ క్యాన్సర్‌తో విద్యాకుసుమం..కదిలిన విద్యార్థిలోకం

AP: చిన్నతనంలోనే తండ్రిని కోల్పోయి, పేదరికంతో పోరాడుతూ ఇంటర్ ఫస్టియర్‌లో 446 మార్కులు సాధించాడు. ఇప్పుడు ఆ విద్యార్థి జీవితం బ్లడ్ క్యాన్సర్‌తో ఊగిసలాడుతోంది. శ్రీకాకుళం జిల్లా మందస మండలం బుడార్సింగి పంచాయితీ నరసింగపురం గ్రామానికి చెందిన సారక శివకుమార్ ప్రస్తుతం శ్రీకాకుళం రిమ్స్ ఆసుపత్రిలో చికిత్స పొందుతున్నాడు. అతనికోసం తోటి విద్యార్థులు గ్రామాలు తిరుగుతూ విరాళాలు సేకరిస్తున్నారు. విద్యార్థి వైద్య ఖర్చుల నిమిత్తం సహాయార్థం ఫోన్‌పే నెంబర్ 8074560021 కు సంప్రదించాలన్నారు.

AP· 18 Aug 2026

విద్యార్థిని చదువుకు ఎమ్మెల్యే ఆర్థిక సహాయం

AP: పల్నాడు జిల్లా మాచవరం మండలం గోవిందాపురం గ్రామానికి చెందిన నాగమల్లేశ్వరి ఇంజనీరింగ్ చదువుకు గురజాల ఎమ్మెల్యే యరపతినేని శ్రీనివాసరావు ఆర్థిక సహాయం అందించారు. కాలేజీ యాజమాన్యంతో మాట్లాడి రూ.3,65,500 ఉన్న ఫీజు, బకాయిలను రూ.2.50 లక్షలకు తగ్గించారు. ఇందులో రూ.1.25 లక్షలను ఇప్పటికే చెల్లించగా, మిగిలిన మొత్తాన్ని వచ్చే ఏడాది చెల్లించేలా ఏర్పాట్లు చేశారు. కుటుంబ ఖర్చుల కోసం రూ.50 వేలు, విద్యా ఫీజు కోసం రూ.2.50 లక్షలు కలిపి మొత్తం రూ.3 లక్షలను ఎమ్మెల్యే తన సొంత నిధుల నుంచి అందించారు.

AP· 18 Aug 2026

స్థానిక ఎన్నికల్లో బీసీలకు 34 శాతం రిజర్వేషన్లు

AP: రాష్ట్రంలో స్థానిక సంస్థల ఎన్నికలకు ప్రభుత్వం కసరత్తు వేగవంతం చేసింది. అక్టోబర్‌ నెలా ఖరులోగా స్థానిక ఎన్నికల ప్రక్రియను పూర్తి చేయాలని కేబినెట్‌ నిర్ణయించింది. ముందు మున్సిపల్‌ ఎన్నికలు నిర్వహించేందుకు ఏర్పాట్లు చేయనుంది. గతంలో ఇచ్చి న హామీ మేరకు స్థానిక సంస్థల్లో బీసీలకు రిజర్వేషన్లు పెంచేందుకు కేబినెట్‌ ఆమోదం తెలిపింది. గ్రామీణ ప్రాంతాల్లో బీసీలకు 34 శాతం రిజర్వేషన్లు కల్పించాలని నిర్ణయించగా, పట్టణ ప్రాంతాల్లో 33.1 శాతం రిజర్వే షన్లు అమలు చేయాలని నిర్ణయించింది.

AP· 18 Aug 2026

కర్నూలులో డ్రోన్ హబ్.. భారీగా ఉద్యోగాలు

AP: ఈరోజు కర్నూలు జిల్లా ఓర్వకల్లులో ఏవియేషన్ మినిస్టర్ రామ్మోహన్ నాయుడు పర్యటించారు. ఓర్వకల్లు డ్రోన్ సిటీని దేశంలోనే డ్రోన్ తయారీ, పరిశోధన, శిక్షణ కేంద్రంగా అభివృద్ధి చేస్తామన్నారు. రూ.5 వేల కోట్ల వరకు పెట్టుబడులు వచ్చే అవకాశముందన్నారు. పూర్తిస్థాయిలో అభివృద్ధి చెందితే 5 వేల మందికి డైరెక్ట్‌గా, 25 వేల మందికి ఇన్‌డైరెక్ట్‌గా ఉపాధి లభిస్తుందని చెప్పారు. రానున్న 2–3 ఏళ్లలో అన్ని ప్లాట్ల కేటాయింపులు పూర్తి చేసి తయారీ ప్రారంభిస్తామని వెల్లడించారు.

AP· 18 Aug 2026

రేపు సుగాలి ప్రీతి తల్లి వీల్‌చైర్ యాత్ర

AP: 10వ తరగతి స్టూడెంట్ సుగాలి ప్రీతి హత్యాచార ఉదంతం రెండు తెలుగు రాష్ట్రాల్లో సంచలనం సృష్టించింది. 2017లో కర్నూలులో జరిగిన ఈ అన్యాయంపై బాధితురాలి తల్లి పార్వతి నేటికీ పోరాటం చేస్తున్నారు. ఆగస్టు 19వ తేదీ ప్రీతి మరణించిన రోజు. ఈ సందర్భంగా ప్రీతి తల్లి పార్వాతి కర్నూలు నుంచి విజయవాడ వరకు వీల్‌చైర్ యాత్ర చేస్తున్నారు. నిందితులకు శిక్ష పడాలని, ఈ కేసుకు సంబంధించి పూర్తి నిజాలు వెలికితీసి న్యాయం చేయాలని కోరుతున్నారు.