Infotainment

Infotainment· 25 Jul 2026

నేడు ప్రపంచ ఐవీఎఫ్(IVF) దినోత్సవం

ప్రతి సంవత్సరం జూలై 25న ప్రపంచ ఐవీఎఫ్ (In Vitro Fertilization) దినోత్సవాన్ని నిర్వహిస్తారు. 1978 జూలై 25న ప్రపంచంలోనే తొలి ఐవీఎఫ్ శిశువు లూయిస్ బ్రౌన్ జన్మించిన సందర్భంగా ఈ రోజును ప్రపంచ ఐవీఎఫ్ దినోత్సవంగా గుర్తిస్తున్నారు. ఒక్కో సెంటర్కు ప్రతిరోజూ 50 నుండి 100 మందికి పైగా వస్తున్నారు. మనదేశంలో దాదాపు 2.8 కోట్ల మంది సంతానంలేక బాధపడుతున్నారు. సంతానలేమితో బాధపడుతున్న దంపతుల్లో అవగాహన పెంచడం, ఐవీఎఫ్ చికిత్స ప్రాధాన్యాన్ని చెప్పడం ఈరోజు ముఖ్య ఉద్దేశం.

Infotainment· 25 Jul 2026

GOOGLE Vs AI

ఒకప్పుడు చిన్న సందేహం వచ్చినా గూగుల్ చేసేవాళ్ళం. ఇప్పుడు ఏఐ సెర్చ్ టూల్స్ దాన్ని మార్చేస్తున్నాయి. వందల లింకులతో టైం వేస్ట్ కాకుండా ఏఐ డైరెక్ట్ సమాధానం ఇస్తుంది. కొత్త వాటిని వెతకడానికి, కష్టమైన విషయాలను అర్థం చేసుకోవడానికి, కోడింగ్ తప్పులు దిద్దడానికి ఏఐ సహాయపడుతుంది. అధికారిక రీసెర్చ్ పేపర్లు, స్థానిక సమాచారం, షాపింగ్, ధరల పోలిక, మూవీ రివ్యూల కోసం గూగుల్ సెర్చ్ నమ్మదగినదిగా ఉన్నా, ఐడియాలు వెంటనే రావాలంటే ఏఐని వాడాల్సిందే.

Infotainment· 24 Jul 2026

రాత్రి భోజనం తర్వాత పండ్లు తింటున్నారా?

రాత్రి భోజనం చేసిన వెంటనే పండ్లు తింటే జీర్ణక్రియ మందగించి కడుపు ఉబ్బరం, గ్యాస్, అజీర్తి వంటి సమస్యలు తలెత్తుతాయని న్యూట్రిషియన్లు అంటున్నారు. కడుపులో ఆమ్లత్వం వల్ల పండ్లు పులియకపోయినా, ఆలస్యంగా జీర్ణమవ్వడం వల్ల అసౌకర్యం కలుగుతుంది. ఇరిటబుల్ బవెల్ సిండ్రోమ్(IBS), ఎసిడిటీ, అలసట, బలహీనమైన జీర్ణవ్యవస్థ ఉన్నవారు రాత్రి భోజనం తర్వాత పండ్లకు దూరంగా ఉండటమే మంచిదంటున్నారు. పండ్లను ఉదయం పూట ఖాళీ కడుపుతో లేదా భోజనానికి మధ్య సమయంలో తీసుకోవడం మంచిదని చెబుతున్నారు.

Infotainment· 24 Jul 2026

వాట్సాప్ అకౌంట్ భద్రతకు ఈ జాగ్రత్తలు తప్పనిసరి

సైబర్ మోసాల నేపథ్యంలో వాట్సాప్ వినియోగదారులు అప్రమత్తంగా ఉండాలని నిపుణులు సూచిస్తున్నారు. అకౌంట్‌ను భద్రంగా ఉంచేందుకు టూ-స్టెప్ వెరిఫికేషన్‌ను తప్పనిసరిగా ప్రారంభించాలి. తెలియని లింకులు, OTPలు, వెరిఫికేషన్ కోడ్‌లను ఎవరికీ పంచుకోకూడదు. అనుమానాస్పద సందేశాలు, కాల్స్ పట్ల అప్రమత్తంగా ఉండడంతో పాటు యాప్‌ను ఎప్పటికప్పుడు అప్‌డేట్ చేసుకోవాలని సూచిస్తున్నారు.

Infotainment· 24 Jul 2026

వామ్మో దయ్యం పక్షి

ప్రకృతి సృష్టిలో వింత జీవుల్లో ‘పొటూ’ పక్షి ఒకటి. దీన్నే ఘోస్ట్ బర్డ్ అంటే ‘దయ్యం పక్షి’ అని పిలుస్తారు. పెద్ద పసుపు రంగు కళ్ళు, విచిత్రమైన ఆకారంతో ఉండే ఈ పక్షి రాత్రివేళల్లో చేసే ఏడుపులాంటి అరుపులు వింటే ఎవరికైనా వెన్నులో వణుకు పుడుతుంది. ఇది కనీసం గూడు కూడా కట్టుకోదు. రక్షణ కోసం చెట్టు కొమ్మపై వాలి, కళ్ళు మూసుకుని ఎండిపోయిన కర్ర ముక్కలా మారిపోతుంది. ఎంత వెతికినా కంటికి దొరకనంతగా చెట్టులో లీనమైపోయే ఈ పక్షి ఎక్కువగా సెంట్రల్, సౌత్ అమెరికా అడవుల్లో కనిపిస్తుంది.

Infotainment· 24 Jul 2026

రేషన్ కార్డు e-KYCకి ఈనెల 31 లాస్ట్ డేట్!

TG : తెలంగాణలో రేషన్ కార్డుదారులకు ఈ-కేవైసీ చేసుకోవడానికి ఈనెల 31ని ప్రభుత్వం లాస్ట్ డేట్‌గా నిర్ణయించింది. వేలిముద్రలు పడక, సాంకేతిక సమస్యలతో కేవైసీ అవ్వక, ఒక్కో మండలంలో ఇంకా 1,000 నుంచి 2,000 వరకు రేషన్ కార్డులకు ఈ-కేవైసీ కాలేదు. ప్రభుత్వం రూల్స్ పేరుతో రేషన్ కార్డులను తొలగించే కుట్ర చేస్తోందని ప్రజలు ఆరోపిస్తున్నారు. గడువులోగా పూర్తి చేయకపోతే రేషన్ సరుకులు నిలిపివేసే అవకాశం ఉండటంతో కార్డుదారులు ఆందోళన చెందుతున్నారు.

Infotainment· 24 Jul 2026

సన్‌స్క్రీన్‌ స్ప్రే వాడుతున్నారా?

ప్రస్తుతం చర్మాన్ని ట్యాన్‌, పిగ్మెంటేషన్‌ నుంచి కాపాడుకునేందుకు సన్‌స్క్రీన్‌ స్ప్రేలను ఎక్కువగా ఉపయోగిస్తున్నారు. క్రీమ్‌లతో పోలిస్తే ఇవి పల్చగా ఉంటాయి. అయితే స్ప్రే చేసుకుంటే సరిపోదని, చర్మంపై తేలికపాటి పొరలా మెరిసేంత వరకు స్ప్రే చేసి మర్దనా చేయాలని నిపుణులు అంటున్నారు. ముఖంపై నేరుగా స్ప్రే చేయకుండా అరచేతిలో వేసుకుని రాసుకోవడం వల్ల కళ్లు, ముక్కులోకి వెళ్లకుండా ఉంటుందంటున్నారు.

Infotainment· 23 Jul 2026

పులసకు ‘గో’దారేది?

AP: గోదావరి జిల్లాలో లభించే అరుదైన, రుచికరమైన 'పులస' చేపల సందడి ఈసారి లేదు. హిందూ మహాసముద్రం నుంచి బంగాళాఖాతం ద్వారా గోదావరిలోకి ఎదురీదే ఈ చేపలు ఎర్రటి మట్టి నీటిలోని పోషకాల కారణంగా ఒమేగా-3 కొవ్వుతో, అద్భుతమైన రుచితో ఉంటాయి. వర్షాలు లేకపోవడం, నదిలో ప్రవాహం తగ్గడం వల్ల చేపలు గోదావరిలోకి రాలేకపోతున్నాయి. జూలై మూడో వారమొచ్చినా ఒక్క చేప కూడా దొరకలేదని మత్స్యకారులు చెబుతున్నారు.

Infotainment· 22 Jul 2026

ప్లాస్టిక్ వస్తువుల వాడకంతో ప్రమాదం!

రోజూ ఇంట్లో వాడే ప్లాస్టిక్ వస్తువులు, ప్యాకేజింగ్ మెటీరియల్స్ వల్ల ఊబకాయం వచ్చే అవకాశం ఉందని సైంటిస్టులు అంటున్నారు. ప్లాస్టిక్‌లో ఉండే 'బిస్‌ఫెనాల్-ఎ'(BPA), థాలేట్స్ రసాయనాలు శరీరంలోని హార్మోన్లను దెబ్బతీస్తాయంటున్నారు. ప్లాస్టిక్ బాక్సు మైక్రోవేవ్‌లో వేడి చేసి తినడం, ప్లాస్టిక్ డబ్బాల్లో నిల్వ చేయడం ద్వారా కెమికల్స్ ఆహారంతో కలిసి శరీరంలోకి వెళ్తాయంటున్నారు. అందుకే ప్లాస్టిక్ వాడకం తగ్గించి గాజు లేదా సిరామిక్ పాత్రలు వాడటం మంచిదని సైంటిస్టులు చెప్తున్నారు.

Infotainment· 22 Jul 2026

పెంపుడు జంతువులకు రిజిస్ట్రేషన్..రూ.5,000 జరిమానా

జైపూర్ మున్సిపల్ కార్పొరేషన్ పెంపుడు జంతువుల రిజిస్ట్రేషన్‌ను సెప్టెంబర్ 30 నాటికి నమోదు చేసుకోకపోతే రూ.5,000 జరిమానా విధిస్తామని హెచ్చరించింది. రేబిస్ వ్యాధి లేకుండా చేయడం, జంతువుల హెల్త్ డీటెయిల్స్ తెలుసుకోవడాని ఇది అవసరమని చెప్పింది. రిజిస్ట్రేషన్ ఫీజు రూ.1,000, రెన్యూవల్ ఫీజు రూ.500గా అధికారులు నిర్ణయించారు. 3 నెలల వయసులోనే మొదటి యాంటీ రేబిస్ వ్యాక్సిన్ వేయించి వివరాలు నమోదు చేయాలన్నారు.

Infotainment· 22 Jul 2026

నేడు దాశరథి కృష్ణమాచార్య జయంతి

'నా తెలంగాణ కోటి రతనాల వీణ' అని చాటిచెప్పిన విప్లవ కవి, రచయిత దాశరథి కృష్ణమాచార్య జయంతి నేడు. ప్రజల స్వేచ్ఛను అణచివేసే నిజాం పాలనకు వ్యతిరేకంగా తన 'కవితల'తో ప్రజల్లో చైతన్యాన్ని రగిలించిన ఉద్యమసారథి మన దాశరథి. జైలు గోడలపైన బొగ్గుతో పద్యాలు రాసి, అన్యాయాలకు ఎదురు నిలిచిన వ్యక్తి. విప్లవ సాహిత్యమే కాకుండా తెలుగు సినిమాలకి కూడా ఎన్నో మరపురాని మధురమైన పాటలను అందించారు.

Infotainment· 22 Jul 2026

తెలుగు గజల్ రచనకు ఆద్యుడు దాశరథి

తెలుగు సాహిత్యంలో గజల్ రచనకు ఆద్యుడిగా నిలిచివారు దాశరథి కృష్ణమాచార్యులు. ‘వలపునై నీ హృదయసీమల నిలువవలెనని ఉన్నది..పిలుపునై నీ అధర వీధుల పలుకవలెనని ఉన్నది’’ అంటూ 1965లో తొలిసారి తెలుగు గజల్‌ రాశారాయన. 14 ఏప్రిల్ 1965లో ఆంధ్రప్రభ వారపత్రికలో ‘ఉగాది గజల్’ అన్న శీర్షికతో అచ్చయింది. 'గజల్' అంటే “ఇంతులతో మంతనాలు" అన్నారు దాశరథి. తెలుగులో గజల్‌కు దాశరథి ‘మంజరి’ ‌అని పేరు పెట్టారు.

Infotainment· 21 Jul 2026

మళ్లీ పెరిగిన బంగారం, వెండి ధరలు

గ్లోబల్ మార్కెట్‌లో మార్పులు, డాలర్ రేటు, బులియన్ మార్కెట్ ఎఫెక్ట్ వల్ల హైదరాబాద్, విజయవాడ, విశాఖపట్నం సిటీల్లో బంగారం ధరలు కాస్త పెరిగాయి. హైదరాబాద్‌లో 24 క్యారెట్ల స్వచ్ఛమైన బంగారం 10 గ్రాముల రేటు రూ.1,42,848కి చేరింది. 22 క్యారెట్ల బంగారం 10 గ్రాముల రేటు రూ.1,42,386గా ఉంది. ఇంకోవైపు కిలో వెండి రేటు రూ.2,19,200 దగ్గర ఉంది. పెళ్లిళ్ల సీజన్ వస్తుండటం, దేశాల మధ్య గొడవల వల్ల బంగారం ధరలు పెరుగుతూ ఉన్నాయని ఎక్స్‌పర్ట్స్ చెప్తున్నారు.

Infotainment· 21 Jul 2026

మీ PFను ఇలా క్లెయిమ్ చేసుకోవచ్చు

దేశవ్యాప్తంగా ఉద్యోగుల పీఎఫ్ అకౌంట్లలో వేల కోట్ల రూపాయలు క్లెయిమ్ చేయకుండా ఉన్నాయి. ఇందులో రూ.9,330 కోట్లు ఇన్ ఆపరేటివ్‌గా పీఎఫ్ అకౌంట్లలోనే ఉందని తేలింది. ఆన్‌లైన్ ద్వారా ఇన్ ఆపరేటివ్ పీఎఫ్ ఖాతాలో డబ్బును పొందేందుకు ముందుగా మెంబర్ ఐడీ, పీఎఫ్ అకౌంట్ నంబర్ UAN వివరాలు అందించాలి. తరువాత EPFO పోర్టల్ లోకి వెళ్లి ఫామ్-19, ఫామ్-10Cను సమర్పించాలి. ఒకవేళ అకౌంట్ ఏడు సంవత్సరాలు ఇన్ ఆపరేటివ్‌గా ఉంటే మరిన్ని డాక్యుమెంట్స్ ఇవ్వాలి. UAN లాగిన్ ద్వారా అప్లికేషన్ పూర్తి చేసి, తరువాత క్లెయిమ్‌ను డిజిటల్‌గా సబ్మిట్ చేయాలి.

Infotainment· 21 Jul 2026

మానసిక ఒత్తిడికి చెక్: సెన్సరీ బేస్‌లైన్ రీసెట్

రోజంతా ఫోన్ స్క్రీన్ చూడటం, వర్క్ స్ట్రెస్ వల్ల వచ్చే మెంటల్ స్ట్రెస్‌ని తగ్గించడానికి 'సెన్సరీ బేస్‌లైన్ రీసెట్' హెల్ప్ అవుతుందని డాక్టర్లు చెప్తున్నారు. అంటే కళ్లు, చెవులకు బయట ప్రపంచం నుంచి విశ్రాంతి , మైండ్‌ను ప్రశాంతంగా ఉంచడం. గట్టి శబ్దాలు, రోజంతా ఫోన్లు, ల్యాప్‌టాప్‌లు వాడటం వల్ల వచ్చే స్ట్రెస్‌ను తగ్గించి, బ్రెయిన్‌ను ప్రశాంతంగా ఉంచుతుంది. రోజుకి 15 నుండి 20 నిమిషాలు ఫోన్, టీవీ దూరంగా పెట్టాలి. తక్కువ లైటింగ్‌లో కళ్లు మూసుకుని సైలెంట్‌గా కూర్చోవడం, పచ్చటి గడ్డిపై నడవడం, లాంగ్ బ్రీత్ తీసుకోవడం చేస్తే మైండ్ రీసెట్ అవుతుంది.

Infotainment· 21 Jul 2026

ఇంటర్నెట్ లేకున్నా UPI పేమెంట్స్: NPCI

ఇంటర్నెట్ లేకున్నా యూపీఐ పేమెంట్స్ చేసేలా 'నేషనల్ పేమెంట్స్ కార్పొరేషన్ ఆఫ్ ఇండియా'(NPCI) కొత్త ఫీచర్‌ని తీసుకొస్తోంది. ఇకపై స్మార్ట్‌ఫోన్ లేదా వ్యాపారుల వద్ద ఉన్న PoS (పాయింట్ ఆఫ్ సేల్) మెషిన్లకు ఇంటర్నెట్ కనెక్షన్, సిగ్నల్ లేకపోయినా యూపీఐ ద్వారా ఈజీగా ప్రెమెంట్స్ చేయొచ్చు. ఈ విధానంలో నియర్ ఫీల్డ్ కమ్యూనికేషన్(NFC) టెక్నాలజీ ఆధారంగా కస్టమర్లు తమ ఫోన్‌ను PoS మెషిన్‌పై ట్యాప్ చేసి రూ.2,000 వరకు పేమెంట్ చేయవచ్చు. దీనికి PIN ఎంటర్ చేయాల్సిన అవసరం లేదు.

Infotainment· 21 Jul 2026

వర్షాకాలంలో బండి ఇన్సూరెన్స్ కంపల్సరీ

వర్షాలు, వరదలు, చెట్లు పడటం వంటి ఘటనలతో ఈ వర్షాకాలంలో వాహనాలకు నష్టం కలుగుతుంది. ఈ టైంలో కాంప్రహెన్సివ్ మోటార్ బీమా ఉంటేనే కాంపన్సేషన్ వస్తుందని నిపుణులు అంటున్నారు. నీటిలో ఆగిపోయిన వాహనాన్ని మళ్లీ స్టార్ట్ చేయొద్దని హెచ్చరిస్తున్నారు. ఇంజిన్‌లోకి నీరు చేరిన తర్వాత స్టార్ట్ చేయడం వల్ల కలిగే నష్టానికి 'ఇంజిన్ ప్రొటెక్షన్' యాడ్-ఆన్ ఉండాలంటున్నారు. ఈ ప్రొటెక్షన్ లేకపోతే ఇన్సూరెన్స్ క్లెయిమ్ రిజెక్ట్ చేసే అవకాశముందని అంటున్నారు.

Infotainment· 18 Jul 2026

ప్రజాకవి అందెశ్రీ జయంతి

తెలంగాణ రాష్ట్ర గీతం ‘జయ జయహే తెలంగాణ జననీ జయకేతనం’ రచయిత, ప్రజాకవి అందెశ్రీ జయంతి నేడు. తెలంగాణ చరిత్ర, సంస్కృతి, ఆత్మగౌరవాన్ని తన పాటలు, కవితల ద్వారా ప్రజలకు చేరువ చేసిన గొప్ప కవి ఆయన. ప్రకృతి, మానవత్వం, సామాజిక విలువలను తన రచనల్లో ప్రతిబింబించారు. తెలంగాణ ఉద్యమంలో ఆయన రచనలు ప్రజల్లో చైతన్యాన్ని నింపాయి. అందెశ్రీ సాహిత్యం నేటికీ అనేక మందికి స్ఫూర్తిగా నిలుస్తోంది.