నీటి బిల్లు పేరుతో కొత్త మోసం!

By Mahesh· 29 Sept 2026· HMWSSB· హైదరాబాద్

TG: జలమండలి (HMWSSB) పేరుతో ఫేక్ SMS, WhatsApp మెసేజ్‌లు వస్తున్నాయి.. జాగ్రత్త! “నీటి బిల్లు పెండింగ్‌లో ఉంది.. వెంటనే చెల్లించకపోతే కనెక్షన్ కట్ చేస్తాం” అంటూ గుర్తుతెలియని నంబర్ల నుంచి మెసేజ్‌లు పంపుతున్నారు. వీటిలో ఇచ్చిన నంబర్లకు కాల్ చేయొద్దని, APK ఫైల్స్ లేదా అనుమానాస్పద యాప్‌లను డౌన్‌లోడ్/ఇన్‌స్టాల్ చేయొద్దని జలమండలి హెచ్చరించింది. OTP, UPI PIN, బ్యాంక్, కార్డు వివరాలు ఎవరికీ చెప్పొద్దని సూచించింది. సందేహాలుంటే ఆఫిషియల్ కస్టమర్ కేర్ 155313కు కాల్ చేయాలని HMWSSB తెలిపింది.

More in Infotainment

Infotainment· 12h ago

మంచి బాస్‌కి, చెడ్డ బాస్‌కి తేడా ఇదే!

మంచి బాస్ ఉద్యోగుల నుంచి మంచి ఫలితాలు ఆశిస్తూ, వాళ్లు మెరుగుపడేలా ప్రోత్సహిస్తారు. కానీ చెడ్డ బాస్ చిన్న తప్పులకే కోప్పడటం, పదేపదే విమర్శించడం, ఉద్యోగులపై ఒత్తిడి పెంచడం చేస్తుంటారు. విజయానికి టీమ్ క్రెడిట్‌ను తీసుకుని, తప్పులకు ఉద్యోగులనే బాధ్యుల్ని చేస్తుంటారు. దీంతో ఉద్యోగులు పని కంటే బాస్ ఎలా స్పందిస్తారోనని ఎక్కువగా ఆలోచిస్తారు. ఉద్యోగులను భయపెట్టడం కాదు.. వాళ్ల సామర్థ్యాన్ని పెంచడమే నిజమైన లీడర్ లక్షణం.

Infotainment· 15h ago

టాలెంట్ ఉంది..ఛాన్స్ ఉందా? : అనిరుధ్ కృష్ణ

కెన్యాలో ఛాంపియన్లు, ఎస్టోనియాలో యూనికార్న్ కంపెనీలు ఎందుకు ఎక్కువగా వస్తున్నాయి అని అనిరుధ్ కృష్ణ రాసిన పుస్తకం'Why Kenyans Win Marathons and Estonians Build Unicorns'లో వివరించారు. టాలెంట్ ఒక్కటే కాదు. అవకాశాలు, శిక్షణ క్యాంపులు, కోచ్‌లు, రోల్ మోడల్స్, స్పోర్ట్స్/టెక్ సంస్కృతి ఉంటేనే టాలెంట్ పైకి ఎదుగుతుందని తెలిపారు. టాప్‌కు రాలేని వాళ్లకు ఉపాధి ఇచ్చే ‘సాఫ్ట్ ల్యాండింగ్’ ఉండాలని చెప్పారు. భారత్‌లోనూ ఇలాంటివి ఎక్కువగా ఉండాలని సూచిస్తున్నారు.

Infotainment· 16h ago

9 రోజుల పాటు నిలబడే నవరాత్రి ఉపవాస దీక్షలు

మహారాష్ట్రలోని సతారా జిల్లా వాయ్ తాలూకా పరిధిలోని పాండే గ్రామంలో నవరాత్రి ఉత్సవాలు విచిత్రంగా జరుగుతాయి. ఇక్కడి కాళభైరవనాథ స్వామి దేవాలయంలో గ్రామస్తులు 350 సంవత్సరాల నాటి "ఉభ్యాచీ నవరాత్ర" అనే సాంప్రదాయాన్ని పాటిస్తున్నారు. ఘటస్థాపన నుండి దసరా వరకు 9 రోజుల పాటు భక్తులు కూర్చోవడం కానీ, నేలపై పడుకోవడం కానీ చేయకపోవడమే ఈ దీక్షలోని ప్రత్యేకత. ఈ దీక్షను స్వీకరించిన భక్తులను 'నవరత్కారీలు' అని పిలుస్తారు. వీరు 9 రోజుల పాటు నిరంతరం నిలబడే ఉంటారు.

Infotainment· 16h ago

విదేశీ విద్యకు ముందస్తు ప్రణాళికే కీలకం

ఫారెన్‌లో ఉన్నత చదువులు చదవాలనుకునే స్టూడెంట్స్ IB (International Baccalaureate)సిలబస్‌లో సబ్జెక్టుల ఎంపికపై ముందుగానే దృష్టి పెట్టాలని నిపుణులు సూచిస్తున్నారు. అమెరికా, బ్రిటన్‌తో పాటు యూరప్‌లోని దేశాల్లో యూనివర్సిటీలను బట్టి సబ్జెక్టులు, HL, SL స్థాయుల రూల్స్ మారుతున్నాయి. ఇంజినీరింగ్, మెడిసిన్ కోర్సులకు ఉన్నత స్థాయిలో చదవడం అవసరం . అందుకే స్టూడెంట్స్ ముందు నుంచే ఇంటరెస్ట్, ఫ్యూచర్ గోల్స్‌‌పై క్లారిటీ తెచ్చుకోవాలని నిపుణులు చెబుతున్నారు.