Infotainment

Infotainment· 27 Sept 2026

నిద్ర లేపినందుకు 5 లక్షల ఫైన్..!

నార్వేకు చెందిన స్వాల్బార్డ్‌ ద్వీప సమూహంలో అరుదైన ధ్రువపు ఎలుగుబంట్లు ఉంటాయి. వాటి రక్షణ కోసం అక్కడి ప్రభుత్వం కఠిన రూల్స్ అమలు చేస్తోంది. ఎలుగుబంట్లను ఉద్దేశపూర్వకంగా నిద్ర లేపడం లేదా వాటి సహజ జీవనానికి అంతరాయం కలిగించడం నేరంగా పరిగణిస్తారు. రూల్స్ బ్రేక్ చేస్తే, 5 లక్షల రూపాయలకు పైగా ఫైన్‌తో పాటూ ఇతర చర్యలు కూడా తీసుకునే ఛాన్స్ ఉంది. ఈ ప్రాంతంలో ఎలుగుబంట్లను రక్షించేందుకు దశాబ్దాలుగా ప్రత్యేక చర్యలు తీసుకుంటున్నట్లు ప్రభుత్వం తెలిపింది.

Infotainment· 27 Sept 2026

ఫుడ్ డెలివరీలోకి Rapido ఎంట్రీ!

TG: హైదరాబాద్‌లో ఫుడ్ డెలివరీకి కొత్త ఆప్షన్ వచ్చేసింది. Rapidoకు చెందిన ‘Ownly’ ఫుడ్ డెలివరీ యాప్ హైదరాబాద్‌లో లాంచ్ అయింది. బెంగళూరు తర్వాత ఇది రెండో మార్కెట్. ముఖ్యంగా ‘జీరో కమిషన్’ మోడల్‌తో Ownly దూసుకొచ్చింది. అంటే రెస్టారెంట్ల నుంచి ఆర్డర్లపై ఎలాంటి కమిషన్ తీసుకోదు. కస్టమర్లు ఫుడ్ ధరతో పాటు డెలివరీ ఛార్జీ మాత్రమే చెల్లించాలి. డెలివరీలను Rapido Captains చేస్తారు. iOS, Androidలో Ownly అందుబాటులో ఉంది. Rapido యాప్ నుంచీ ఫుడ్ ఆర్డర్ చేయొచ్చు.

Infotainment· 27 Sept 2026

AI.. వెనకాల ఈ-వేస్ట్ సునామీ!

AI కోసం ప్రపంచవ్యాప్తంగా వేల డేటా సెంటర్లు నిర్మిస్తుండటంతో ‘ఈ-వేస్ట్ సునామీ’ ముంచుకొస్తోందని BAN రిపోర్ట్‌ హెచ్చరించింది. డేటా సెంటర్లలోని సర్వర్లు, స్విచ్‌లు, కేబుల్స్‌ను 2 నుంచి 5 ఏళ్లకోసారి మార్చాల్సి ఉంటుంది. దీంతో 2030 నాటికి AI వల్ల ఏటా 1.3 కోట్ల మెట్రిక్‌ టన్నుల ఈ-వేస్ట్‌ రావొచ్చని అంచనా. ఇందులో లెడ్, మెర్క్యురీ, కాడ్మియం వంటి విషపదార్థాలుంటాయి. ప్రస్తుతం ప్రపంచ ఈ-వేస్ట్‌లో 20 శాతాన్ని మాత్రమే రీసైకిల్ చేస్తున్నారు.

Infotainment· 27 Sept 2026

ఆ మూన్‌పై ఏలియన్స్?

Saturn మూన్ enceladusపై జీవం ఉండే ఛాన్సెస్‌ని బలపరిచే రెండు న్యూ స్టడీస్ వచ్చాయి. ఈ మూన్ ఐస్ షెల్ కింద ఉపరితల సముద్రం, హైడ్రోథర్మల్ వెంట్‌లు ఉన్నాయి. భూమి లాంటి మైక్రోబ్స్.. ఎన్సెలాడస్ ఆల్కలైన్ సముద్ర పరిస్థితుల్లో బాగా జీవించగలవని ఒక స్టడీలో నిరూపించారు. కాస్సిని శాటిలైట్ డేటా ద్వారా, ఎన్సెలాడస్ లోని సముద్రం నుంచి బయటకు వచ్చే ఐస్ గ్రెయిన్స్‌లో Life సిగ్నల్స్‌ని ఈజీగా గుర్తించొచ్చని మరో స్టడీలో తేలింది. అక్కడికి స్పేస్‌క్రాఫ్ట్‌ని పంపి జీవాన్ని వెతకాలని సైంటిస్టులు సూచిస్తున్నారు.

Infotainment· 27 Sept 2026

రీల్స్‌కు బ్రేక్.. మెదడుకు బూస్ట్!

మార్నింగ్ లేచినప్పటి నుంచి నైట్ పడుకునే వరకు రీల్స్, షార్ట్స్, నోటిఫికేషన్లతో బిజీగా ఉంటున్నారా? అయితే డైలీ మినిమం 20 మినిట్స్ బుక్ చదివే అలవాటు చేసుకోవాలని ఎక్స్‌పర్ట్స్ సూచిస్తున్నారు. రీడింగ్ బ్రెయిన్‌కి ఎక్స‌ర్‌సైజ్‌లా పనిచేసి కాన్సన్‌ట్రేషన్, మెమరీ పవర్, వొకాబులరీని మెరుగుపరుస్తుందట. ప్రెషర్‌ని తగ్గించడంతో పాటూ వయసు పెరిగే కొద్దీ వచ్చే మతిమరపు ముప్పును తగ్గించడంలోనూ ఇది ఉపయోగపడొచ్చని పరిశోధనలు చెబుతున్నాయి.

Infotainment· 26 Sept 2026

ఒక్క యాప్.. అన్ని డాక్యుమెంట్స్!

ఆదార్, డ్రైవింగ్ లైసెన్స్, ఎడ్యుకేషన్ సర్టిఫికెట్లు.. ఇవన్నీ ఒకప్పటిలా పర్సులో పెట్టుకుని తిరగాల్సిన అవసరం ఇక లేదు. <a href="https://www.digilocker.gov.in/web/dashboard">DigiLocker </a>ఉంటే ఇంపార్టెంట్ డాక్యుమెంట్లను డిజిటల్‌గా యాక్సెస్ చేసుకోవచ్చు. అవసరమైనప్పుడు ఫోన్‌లోనే చూసుకోవచ్చు. డాక్యుమెంట్స్ మిస్ అయినా, తీసుకెళ్లడం మర్చిపోయినా ఒక్కసారి మీ డాక్యుమెంట్ వివరాలను యాడ్ చేస్తే చాలు. అవసరమైనప్పుడు ఫోన్‌లోనే చూసుకోవచ్చు. మీరు DigiLocker వాడుతున్నారా? ఎప్పుడైనా ఉపయోగపడిందా? కామెంట్ చేయండి!

Infotainment· 25 Sept 2026

మీ పేరుపై క్లెయిమ్ చేయని బ్యాంక్ అకౌంట్ ఉందేమో చెక్ చేశారా?

మీరు లేదా మీ ఫ్యామిలీలో ఎవరైనా బ్యాంక్ అకౌంట్ ఓపెన్ చేసి.. తర్వాత మర్చిపోయారా? ఆ అకౌంట్‌లో ఎంత డబ్బు ఉందేమో తెలుసుకోవాలా? 10 ఏళ్లుగా ఎలాంటి లావాదేవీలు జరగకుండా, క్లెయిమ్ చేయని బ్యాంక్ డిపాజిట్లను ‘Unclaimed Deposits’ అంటారు. ఇలాంటి డబ్బు మీ పేరుపై ఉందో లేదో చెక్ చేసేందుకు <a href="https://udgam.rbi.org.in/unclaimed-deposits/#/login">RBI UDGAM</a> పోర్టల్ ఉంది. పేరు, బ్యాంక్ పేరు, అడ్రస్ లాంటి డీటైల్స్ తో సెర్చ్ చేయొచ్చు. మీ పేరు ఉన్నట్లు అయితే బ్యాంకుకు వెళ్ళి క్లెయిమ్ చేసుకోవచ్చు.

Infotainment· 25 Sept 2026

మన ఒంట్లోనూ ప్లాస్లిక్.. ఎలాగో తెలుసా?

మనకు తెలియకుండానే ప్లాస్టిక్ మన శరీరంలోకి చేరే అవకాశం ఉంది. ఎలాగో తెలుసా? ప్లాస్టిక్ బాటిళ్లలోని నీరు, ప్యాకెట్లలో ఆహారం ద్వారా మైక్రో ప్లాస్టిక్ శరీరంలోకి చేరుతుంది. గాలిలోని మైక్రో ప్లాస్టిక్ పార్టికల్స్‌ను పీల్చడం ద్వారా కూడా శరీరంలోకి చేరే అవకాశం ఉంది. ప్లాస్టిక్ వస్తువులను వేడి చేయడం వల్ల కూడా కలిసే అవకాశం ఉంటుంది. ప్లాస్టిక్ వాడకాన్ని తగ్గించి, ఆహారం, నీటిని ప్లాస్టిక్‌కు దూరంగా ఉంచడం మంచిదని నిపుణులు సూచిస్తున్నారు. దీనిపై కామెంట్ ఏంటి?

Infotainment· 25 Sept 2026

SBI కస్టమర్లకు ATM ఛార్జీల నుంచి రిలీఫ్

SBI కస్టమర్లకు బిగ్ రిలీఫ్. సెప్టెంబర్ 28 నుంచి 30 వరకు మూడు రోజుల బ్యాంకు సమ్మె కారణంగా ATM ఛార్జీలు వసూలు చేయబోమని SBI ప్రకటించింది. ఈ మూడు రోజుల్లో SBI కస్టమర్లు దేశంలోని ఏ బ్యాంకు ATMలోనైనా ఎన్నిసార్లైనా ఫ్రీగా క్యాష్ విత్‌డ్రా, బ్యాలెన్స్ చెక్ చేసుకోవచ్చు. రెగ్యులర్ ఫ్రీ ATM ట్రాన్సాక్షన్స్ లిమిట్ దాటినా ఛార్జీలు ఉండవు. ఎక్స్‌ట్రా GST కూడా వసూలు చేయబోమని బ్యాంకు తెలిపింది.

Infotainment· 25 Sept 2026

150 కోట్ల జనాభా.. మన YouTube ఎక్కడ?

ఇండియాలో 66 కోట్ల మందికి పైగా ఆన్‌లైన్‌ వీడియోలు చూస్తున్నారు. అయినా YouTubeకు దీటైన, మనదైన వీడియో ప్లాట్‌ఫారమ్‌ ఎందుకు ఎదగలేదు? కారణం యాప్‌ తయారుచేయడం మాత్రమే కాదు. క్రియేటర్లు, కంటెంట్‌, వ్యూయర్స్‌, యాడ్స్‌, మ్యూజిక్‌, న్యూస్‌, ఎడ్యుకేషన్‌, మానిటైజేషన్‌ కలిసిన భారీ ఎకోసిస్టమ్‌ అవసరం. చైనాలో YouTube అందుబాటులో లేకపోవడంతో Bilibili, iQIYI, Youku వంటి ప్లాట్‌ఫారమ్‌లు బలపడ్డాయి. మరి ఇండియాలో మన YouTube ఎప్పుడు?

Infotainment· 24 Sept 2026

సిటీ లైఫ్‌ వద్దు.. ప్రకృతితోనే జీవిస్తామన్న యువత!

ఇప్పుడు సిటీ లైఫ్‌ నుంచి దూరంగా ఉండాలని కొందరు కోరుకుంటున్నారు కదా.. 1960లో అమెరికాలో కొందరి యువతకు ఇలాంటి ఆలోచనే వచ్చింది. సిటీలను వదిలి గ్రామాలు, అడవుల వైపు వెళ్లి తమకు కావాల్సిన ఆహారాన్ని తామే పండించుకున్నారు. సొంతంగా ఇళ్లు కట్టుకుని కలిసి జీవించారు. ఆ యువత లైఫ్‌స్టైల్, వాళ్లు కట్టుకున్న ఇళ్లను ‘Handmade Utopia’ బుక్‌లో ఫొటోలతో చూపించారు. సిటీ లైఫ్‌ను వదిలి.. నేచర్‌కు దగ్గరగా ఇలా జీవించడం నిజంగా సాధ్యమేనా? మీరేమంటారో కామెంట్ చేయండి.

▶

Infotainment· 24 Sept 2026

మూడు బాక్సుల్లో ‘CM’.. ఎలా రాయాలి?

‘CM’ అనే ఇంగ్లీషు పదాన్ని మూడు బాక్సుల్లో రాయమని చిన్నారులకు పోటీ పెట్టారు. కొందరు రకరకాలుగా ట్రై చేశారు. కానీ ఎవరూ సరిగ్గా రాయలేదు. కొందరు మాత్రం ‘900’ అనే సంఖ్యను రాశారు. వాళ్లు సరిగ్గా రాసినట్టు డిక్లేర్ చేశారు. ఇదెలా సాధ్యం? ‘CM’ అంటే మనకు తెలిసిన అర్థం ‘Chief Minister’.. అంటే ముఖ్యమంత్రి. కానీ ‘CM’కి మరో అర్థం కూడా ఉంది. రోమన్ నెంబర్స్‌లో ‘CM’ అంటే 900. C అంటే 100, M అంటే 1,000. అలా ‘CM’ అంటే 300. పిల్లలు సరిగ్గానే రాశారుగా!

Infotainment· 24 Sept 2026

అణగారిన వర్గాలకు రిజర్వ్‌డ్‌ సీట్లు.. పూణే పాక్ట్‌

ఒకవైపు గాంధీ నిరాహార దీక్ష.. మరోవైపు అంబేద్కర్‌ డిమాండ్లు.. చివరికి చర్చలతో 1932 సెప్టెంబర్‌ 24న ‘పూణే పాక్ట్‌’ కుదిరింది. ఎస్సీ వర్గాలకు ప్రత్యేకంగా ఓటు వేసే అవకాశం(Separate Electorate) ఇవ్వాలని బ్రిటిష్‌ ప్రభుత్వం నిర్ణయించింది. గాంధీ దీన్ని ఒప్పుకోలేదు. ఆ తర్వాత జరిగిన చర్చల్లో ప్రత్యేక ఓటింగ్‌కు బదులుగా అసెంబ్లీల్లో కొన్ని సీట్లు రిజర్వ్‌ చేయాలని నిర్ణయించారు. అణగారిన వర్గాల వాటాకు ఇది కీలక మలుపు. రెండు రోజుల తర్వాత గాంధీ తన దీక్షను ఆపేశారు.

Infotainment· 24 Sept 2026

పక్షులు కనిపించకపోతే.. ప్రకృతికే ప్రమాదమా?

పక్షుల సంఖ్య తగ్గిపోవడం ప్రకృతి వినాశనానికి పెద్ద హెచ్చరిక అని ప్రముఖ పక్షి శాస్త్రవేత్త అసద్‌ రహ్మానీ తన కొత్త పుస్తకం ‘Where Have the Birds Gone’లో వివరించారు. భారత్‌లో స్కైలార్క్‌ల సంఖ్య దాదాపు 80 శాతం తగ్గగా, 12 ఏళ్లలో ఇండియన్‌ రోలర్ల సంఖ్య 30 శాతం తగ్గిందన్నారు. ప్రపంచవ్యాప్తంగా సుమారు 1,256 పక్షి జాతులు అంతరించే ప్రమాదంలో ఉన్నాయని తెలిపారు. అడవులు తగ్గడం, కరెంట్ తీగలు, పురుగుమందులు, వేట, వీధికుక్కల వల్ల పక్షులకు ముప్పు పెరుగుతోందన్నారు.

Infotainment· 23 Sept 2026

నిద్ర అంటే బాడీకి రీసెట్ టైమ్!

నిద్ర పోవడం కేవలం రెస్ట్ కోసం కాదు. రోజంతా పని చేసి అలసిన బాడీ, బ్రెయిన్‌కి రీసెట్ అవసరం. నిద్రలో బాడీ విశ్రాంతి తీసుకుంటుంది, బ్రెయిన్ మెమరీని స్టోర్ చేసుకుంటుంది. రోజుకు 7-8 గంటల నిద్ర ఉంటే ఫోకస్, ఎనర్జీ పెరుగుతాయి. మంచి నిద్ర ఉంటే మార్నింగ్ ఫ్రెష్‌గా ఉంటుంది. చదువు-పనిపై ఫోకస్ పెరుగుతుంది. నిద్ర సరిగ్గా లేకపోతే నీరసం, చిరాకు, ఫోకస్ తగ్గుతాయి.. పడుకునే ముందు ఫోన్ తగ్గించి, రోజూ ఒకే టైమ్‌కి నిద్రపోవడం మంచి అలవాటు!

Infotainment· 23 Sept 2026

టాలీవుడ్ డాన్సర్స్ అసోసియేషన్ కమిటీ రద్దు

టాలీవుడ్ డాన్సర్స్ అసోసియేషన్‌లో కీలక పరిణామం చోటుచేసుకుంది. ఫిల్మ్ ఫెడరేషన్ తెలుగు సినీ డాన్సర్స్ అసోసియేషన్ ప్రస్తుత కమిటీని రద్దు చేసింది. జానీ మాస్టర్ భార్య సుమలత అధ్యక్షురాలిగా ఉన్న కమిటీపై ఈ నిర్ణయం తీసుకుంది. ఫెడరేషన్ ఆధ్వర్యంలో జరిగిన సమావేశానికి సుమలత, రఘు మాస్టర్‌తో పాటు 225 మంది డాన్సర్లు హాజరయ్యారు. దీంతో అక్టోబర్ 11న కొత్త కమిటీకి ఎన్నికలు నిర్వహించనున్నట్లు ఫెడరేషన్ తెలిపింది.

Infotainment· 23 Sept 2026

ఎయిర్ పొల్యూషన్ అరికట్టాల్సిందే !

ఎయిర్ పొల్యూషన్ ప్రపంచవ్యాప్తంగా ప్రజారోగ్యంపై తీవ్ర ప్రభావం చూపుతోంది. PM2.5, ఓజోన్ వంటి పొల్యూషన్ కారకాల కారణంగా 2025లో వరల్డ్ వైడ్ గా 84 లక్షల మంది చనిపోయినట్లు UNEP నివేదిక తెలిపింది. భారత్‌లో 2022లో ఎయిర్ పొల్యూషన్ కారణంగా 17 లక్షల మందికిపైగా ప్రాణాలు కోల్పోయినట్లు లాన్సెట్ రిపోర్ట్స్ తెలిపింది. పొల్యూషన్ తగ్గించేందుకు స్వచ్ఛ ఇంధనాల వినియోగం, వ్యర్థాల దహనం నియంత్రణ, పరిశ్రమలపై కఠిన చర్యలు, పచ్చదనం పెంపు అవసరమని నిపుణులు చెప్తున్నారు.

Infotainment· 23 Sept 2026

మనం వాడే ప్రాడక్ట్‌ Veg/Non-Veg?

ఇప్పుడు మనం యూస్ చేస్తున్న టూత్‌పేస్ట్, సోప్, షాంపూ వంటి ప్రాడక్ట్స్ శాకాహార, మాంసాహార పదార్థాలతో తయారైనవా లేదా అని ఈజీగా తెలుసుకోవచ్చు. దీనికోసం కేంద్ర ప్రభుత్వం కొత్త రూల్స్ అమల్లోకి తెచ్చింది. శాకాహార పదార్థాలతో తయారైన ప్రాడక్ట్స్ ప్యాకేజీపై గ్రీన్ కలర్ డాట్ ఉండాలి. జంతు సంబంధిత పదార్థాలతో తయారైనవి అయితే రెడ్ కలర్ లేదా బ్రౌన్ కలర్ డాట్ ఉండాలి. ఈ గుర్తును ప్యాకేజీ పైభాగంలో స్పష్టంగా కనిపించేలా ప్రింట్ చేయడం తప్పనిసరి.