TG

డిజిటల్ యుగంలో మళ్లీ పెన్ క్రేజ్!
TG· 6 Oct 2026

డిజిటల్ యుగంలో మళ్లీ పెన్ క్రేజ్!

హైదరాబాద్‌లో మళ్లీ Fountain Pen క్రేజ్ పెరుగుతోంది. ఒకప్పుడు అందరి చేతుల్లో కనిపించిన ఈ పెన్‌కు ఇప్పుడు యువత, చిన్నారుల్లోనూ ఆసక్తి పెరిగింది. నగరంలో జరిగిన Pen Showకు కలెక్టర్లు, పెన్ లవర్స్, మొదటిసారి కొనేవారు వచ్చారు. పాత పెన్నులను రిపేర్ చేయించుకోవడం, కొత్తవి కొనడం, పేర్లు రాయించుకోవడంపై ఆసక్తి చూపారు. Calligraphyపై ఆసక్తి ఉన్నవారినీ Fountain Pens ఆకట్టుకున్నాయి. డిజిటల్ యుగంలోనూ ఈ Old-School పెన్‌కు క్రేజ్ తగ్గలేదని షో నిరూపించింది.

"KBR ప్లాన్ రద్దు.. మరి చెట్లు?"▶
TG· 6 Oct 2026

"KBR ప్లాన్ రద్దు.. మరి చెట్లు?"

TG: సుమారు ₹1,000 కోట్ల విలువైన KBR పార్క్ ప్రాజెక్ట్ పనులను ప్రభుత్వం నిలిపివేసిందని BRS MLA వివేకానంద్ ఆరోపించారు. "ఈ పనులు మొదలై దాదాపు 6 నెలలు గడిచాయి. 1000 చెట్లను తొలగించారు. ₹100 నుంచి ₹200 కోట్ల విలువైన పనులు పూర్తయ్యాయి. ఇది CM రేవంత్ అసమర్థతకు నిదర్శనం" అని ఆయన విమర్శించారు. చెట్లను తొలగించవద్దని ఎన్విరాన్‌మెంట్ యాక్టివిస్టులు ఆందోళనలు చేసినా, ప్రభుత్వం వెనక్కి తగ్గలేదు. చెట్లను తొలగించడంపై విమర్శలు వస్తున్నాయి.

అప్పుల భారం భరించలేక.. రైతు ఆత్మహత్య
TG· 6 Oct 2026

అప్పుల భారం భరించలేక.. రైతు ఆత్మహత్య

TG:ఆదిలాబాద్ జిల్లా తలమడుగు మండలంలో 65 ఏళ్ల రైతు లస్మన్న అప్పుల భాద తో నిన్న ఆత్మహత్య చేసుకున్నారు. ఆయనకు ఉన్న రెండు ఎకరాల భూమిలో పత్తి సాగు చేస్తున్నారు. నీరు లేక, ఎల్ నినో ఎఫెక్ట్ తో వర్షాలు సరిగ్గా పడక పంట పూర్తిగా ఎండిపోయింది. పెట్టుబడి, కూతురు పెళ్లికి తీసుకున్న అప్పులు తీర్చలేక మనస్తాపంతో నిన్న తన పొలంలో ఊరి వేసుకొని చనిపోయాడు. దీంతో స్తానీకులు మనస్తాపం చెందారు.

ఆడుతూ కిందపడ్డ మంత్రి▶
TG· 6 Oct 2026

ఆడుతూ కిందపడ్డ మంత్రి

రాజన్న సిరిసిల్ల జిల్లా వేములవాడలో సోమవారం రాత్రి.. రాష్ట్ర స్థాయి కబడ్డీ పోటీల ముగింపు వేడుకలకు ముఖ్య అతిథిగా హాజరైన మంత్రి పొన్నం ప్రభాకర్ ప్లేయర్లను ఎంకరేజ్ చేయడానికి స్వయంగా కోర్టులోకి దిగి కబడ్డీ ఆడారు. అయితే రైడ్ చేస్తున్న టైంలో ఒక్కసారిగా కాలు జారి ఆయన కిందపడిపోయారు. అలర్ట్ అయిన ప్లేయర్స్ వెంటనే పైకి లేపగా, ఆయనకు ఎలాంటి గాయాలు అవ్వలేదు. అనంతరం ఆయన యథావిధిగా విన్నర్స్‌‌కు ప్రైజ్‌లు అందజేస్తూ ప్రోగ్రామ్‌లో పాల్గొన్నారు.

SIR నోటీసు వస్తే.. వివరణ ఇవ్వాల్సిందే!
TG· 6 Oct 2026

SIR నోటీసు వస్తే.. వివరణ ఇవ్వాల్సిందే!

SIR ప్రాసెస్‌లో ఓటర్‌కు నోటీసు వస్తే తప్పనిసరిగా వివరణ ఇవ్వాలని TG హైకోర్టు సూచించింది. వివరణ ఇచ్చిన తర్వాత కూడా ఓటు తొలగిస్తే కోర్టును ఆశ్రయించొచ్చని స్పష్టం చేసింది. తనకూ SIR నోటీసు వచ్చిందని జస్టిస్ శ్యాం కోషీ తెలిపారు. నోటీసు ఇవ్వకుండానే ఓటు తొలగించారన్న పిటిషన్‌పై EC వివరణ ఇవ్వాలని ఆదేశించింది. నోటీసు కారణం, తప్పు ఏమిటో ఓటర్‌కు స్పష్టంగా చెప్పాలని పిటిషనర్లు కోరారు. EC రాతపూర్వక వివరణ ఇవ్వాల్సి ఉండటంతో విచారణను ఈ నెల 13కు వాయిదా వేసింది.

నెల రోజుల బిడ్డను అమ్మిన దంపతుల్లో ఒకరి హత్య▶
TG· 5 Oct 2026

నెల రోజుల బిడ్డను అమ్మిన దంపతుల్లో ఒకరి హత్య

TG: నారాయణపేట జిల్లా మక్తల్ మండలం గుడిగండ్లలో దారుణం జరిగింది. నెల రోజుల శిశువును లక్ష రూపాయలకు అమ్మిన దంపతులకు 60 వేల రూపాయలు వచ్చాయి. మధ్యవర్తులు 40 వేల రూపాయలు తీసుకున్నారు. ఈ డబ్బుల కోసం భార్య యశోదతో గొడవపడిన లక్ష్మణ్.. ఆమెను బండరాయితో కొట్టి చంపాడు. జక్లేర్ శివారులో ఈ ఘటన జరిగింది. నిందితుడు లక్ష్మణ్‌ను అరెస్ట్ చేసిన పోలీసులు రిమాండ్‌కు తరలించారు. శిశువును ఎవరికి అమ్మారనే దానిపై పోలీసులు వివరాలు తెలుసుకుంటున్నారు.

రైతులకు కరెంట్ బిల్లుపై అదనపు భారం
TG· 5 Oct 2026

రైతులకు కరెంట్ బిల్లుపై అదనపు భారం

TG: తెలంగాణలో కరెంట్ వాడే వారికి అదనపు భారం పడనుంది. గత రెండు ఆర్థిక సంవత్సరాల్లో కరెంట్ కోసం అయిన ₹7,635 కోట్ల అదనపు ఖర్చును వసూలు చేసేందుకు విద్యుత్ నియంత్రణ కమిషన్ అనుమతిచ్చింది. ఇందులో వ్యవసాయానికి సంబంధించిన ₹2,215 కోట్లను ప్రభుత్వం చెల్లించనుంది. మిగిలిన ₹5,420 కోట్లను వినియోగదారుల నుంచి వసూలు చేస్తారు. నవంబర్ నుంచి మొదటి నెల యూనిట్‌కు 30 పైసలు, ఆ తర్వాత 50 పైసల చొప్పున ఛార్జ్ చేస్తారు.

బిల్లు చెల్లించాలంటూ పురుగుల మందుతో నిరసన▶
TG· 5 Oct 2026

బిల్లు చెల్లించాలంటూ పురుగుల మందుతో నిరసన

TG:రాజన్న సిరిసిల్ల జిల్లా గోన్యా నాయక్ తండాలో ఇందిరమ్మ ఇల్లు నిర్మించుకున్న దంపతులు ప్రజావాణిలో నిరసనకు దిగారు. ఇంటి స్లాబ్ నిర్మాణం పూర్తయినా బిల్లు చెల్లించకుండా అధికారులు ఆపేశారని తమకు రావాల్సిన బిల్లు వెంటనే చెల్లించాలని కోరుతూ పురుగుల మందు డబ్బాతో ప్రజావాణికి వచ్చారు. విషయం గమనించిన అధికారులు వారిని అడ్డుకుని పరిస్థితిని అదుపులోకి తీసుకువచ్చారు. బిల్లు సమస్యను పరిష్కరించాలని దంపతులు అధికారులను కోరారు.

భూమి రాలేదన్న బాధతో రైతు మృతి!
TG· 5 Oct 2026

భూమి రాలేదన్న బాధతో రైతు మృతి!

TG: రంగారెడ్డి జిల్లా షాబాద్‌ మండలం తిమ్మారెడ్డిగూడకు చెందిన రైతు వారణాసి యాదయ్య భూమి సమస్య పరిష్కారం కాకపోవడంతో తీవ్ర ఆందోళనకు గురయ్యారు. తాళ్లపల్లి రెవెన్యూ పరిధిలో సర్వే నంబర్‌ 483లో ఆయన కుటుంబానికి 4 ఎకరాల లావణి భూమి ఉంది. అభివృద్ధి పనుల కోసం భూమిని తీసుకున్న ప్రభుత్వం ఎకరాకు 800 గజాల చొప్పున ఇంటి స్థలం ఇవ్వాల్సి ఉంది. అయితే రికార్డుల్లో భూమి కనిపించకపోవడంతో పరిహారం అందలేదు. సమస్య పరిష్కరించాలని యాదయ్య పలుమార్లు అధికారులను కలిసినా ఫలితం లేకపోయింది. ఆ బాధ తట్టుకోలేక గుండెపోటుతో మృతి చెందారు.

కళ్లముందే వరిపంటకు నిప్పు.. రైతు ఆవేదన▶
TG· 5 Oct 2026

కళ్లముందే వరిపంటకు నిప్పు.. రైతు ఆవేదన

TG: చేతికొచ్చే సమయంలో వరిపంట ఎండిపోవడంతో ఓ రైతు కళ్లముందే పంటకు నిప్పంటించాడు. సంగారెడ్డి జిల్లా నిజాంపేట్ మండలంలో కరెంట్ సప్లై సరిగా లేక పొలాలకు నీరు అందడం లేదని రైతులు చెబుతున్నారు. లో-వోల్టేజీతో మోటార్లు పనిచేయడం లేదని, జనరేటర్లు పెట్టినా నీరు సరిగా రావడం లేదని ఆవేదన వ్యక్తం చేస్తున్నారు. సమస్యపై అధికారులకు చెప్పినా పట్టించుకోలేదని, అందుకే పంటను తగలబెట్టుకున్నానని రైతు తెలిపాడు. సమస్యను వెంటనే పరిష్కరించాలని రైతులు కోరుతున్నారు.

మహిళపై దాడి.. రాహుల్!▶
TG· 5 Oct 2026

మహిళపై దాడి.. రాహుల్!

TG: తెలంగాణ.. నల్గొండ జిల్లా.. దేవరకొండ నియోజకవర్గం.. PK మల్లేపల్లి గ్రామంలో కలకలం రేగింది. గ్రామసభలో కాంగ్రెస్ నేత అమర్నాథ్ గౌడ్.. దళిత మహిళ, మాజీ VOA మాధవితో గొడవ పడ్డారు. మహిళా పొదుపు సంఘ నిధుల వివాదంపై చర్చలో.. ఆమెను చెంపదెబ్బ కొట్టి, జుట్టు పట్టి ఈడ్చి, కింద పడేశారు. చింతపల్లి పోలీసులు SC-ST అట్రాసిటీ చట్టం కింద కేసు రాశారు. కాంగ్రెస్ పాలిత రాష్ట్రంలో ఈ పితృస్వామ్య పోకడలేంటని ఆమ్ ఆద్మీ పార్టీ ప్రశ్నించింది. రాహుల్ గాంధీ సమాధానం చెప్పాలని డిమాండ్ చేసింది.

స్టూడెంట్స్ పై ఎలుకల దాడి.. హాస్టల్‌లో కలకలం▶
TG· 5 Oct 2026

స్టూడెంట్స్ పై ఎలుకల దాడి.. హాస్టల్‌లో కలకలం

TG:మహబూబాబాద్ జిల్లా గూడూరు సంక్షేమ హాస్టల్‌లో ఎలుకలు స్టూడెంట్స్ ను కరిచిన ఘటన వెలుగులోకి వచ్చింది. విషయం తెలుసుకున్న తహసీల్దార్ నాగభవాని హాస్టల్‌ను తనికి చేసి, స్టాఫ్ నిర్లక్ష్యంపై ఆగ్రహం వ్యక్తం చేశారు. ఎలుకల దాడిలో గాయపడిన స్టూడెంట్స్ కు ట్రీట్మెంట్ అందించారు. హాస్టల్‌లో పరిశుభ్రత సరిగా లేకపోవడంపై తల్లిదండ్రులు ఆందోళన వ్యక్తం చేశారు. సిబ్బందిపై కఠిన చర్యలు తీసుకోవాలని, ఎలుకల నివారణకు వెంటనే చర్యలు చేపట్టాలని వారు డిమాండ్ చేశారు.

గుట్టుగా డ్రగ్స్ దందా!
TG· 5 Oct 2026

గుట్టుగా డ్రగ్స్ దందా!

TG: హైదరాబాద్‌లో గంజాయి, హషీష్‌ ఆయిల్‌, అల్ప్రాజోలం వంటి మత్తు పదార్థాల సరఫరాపై పోలీసులు నిఘా పెంచుతున్నారు. వరుస దాడుల్లో భారీగా డ్రగ్స్ పట్టుబడుతున్నా.. అక్రమ సరఫరా పూర్తిగా ఆగడం లేదు. ముఖ్యంగా యువత, విద్యార్థులను లక్ష్యంగా చేసుకుని కొందరు మత్తు పదార్థాలను చేరవేస్తున్నట్లు అధికారులు గుర్తించారు. గుట్కా, పాన్‌ మసాలా వంటి వాటిలోనూ మత్తు పదార్థాలు కలిపి విక్రయిస్తున్న ఘటనలు వెలుగులోకి వస్తున్నాయి. తల్లిదండ్రులు, విద్యాసంస్థలు అప్రమత్తంగా ఉండాలని అధికారులు సూచిస్తున్నారు.

ప్రభుత్వం మొద్దు నిద్రలో ఉండటం దారుణం: హరీశ్‌రావు
TG· 5 Oct 2026

ప్రభుత్వం మొద్దు నిద్రలో ఉండటం దారుణం: హరీశ్‌రావు

TG: నిత్యావసరాల ధరలు సామాన్యుడి నడ్డి విరుస్తుంటే, ధరలకు అడ్డుకట్ట వేయాల్సిన ప్రభుత్వం మొద్దు నిద్రలో ఉండటం దారుణమని మాజీ మంత్రి, BRS నేత హరీశ్‌రావు తన ఎక్స్ అకౌంట్‌లో పోస్ట్ చేశారు. సన్నబియ్యం ధరలు కేవలం నాలుగు నెలల్లోనే 25 శాతం పెరగడం ప్రభుత్వానికి కనిపించడం లేదా అని ప్రశ్నించారు. రికార్డు స్థాయిలో పంట ఉత్పత్తి సాధించామని ప్రభుత్వం గొప్పలు చెప్పుకుంటోందని, ఉత్పత్తి పెరిగినప్పుడు ధరలు తగ్గకుండా పెరగడమేంటని అన్నారు.

ఒకే ఆస్తి.. ఒకే బిల్లు
TG· 5 Oct 2026

ఒకే ఆస్తి.. ఒకే బిల్లు

TG: హైదరాబాద్‌లో ఆస్తుల వివరాలు, పన్నులు, నీటి బిల్లులు తదితర సేవలను సులభంగా పొందేలా కొత్త విధానం అమల్లోకి వచ్చింది. ఆస్తి రిజిస్ట్రేషన్ పూర్తైన తర్వాత మ్యుటేషన్ ఆటోమేటిక్‌గా జరుగుతుంది. ప్రతి ఆస్తికి గుర్తింపు కోడ్ ఇస్తారు. ఆస్తిపన్ను, నీటి బిల్లు, మురుగునీటి ఛార్జీలు, ఇతర బకాయిల వివరాలను ‘క్యూర్‌-1’ పేరుతో ఒకే బిల్లులో చూపిస్తారు. మున్సిపల్ సేవలు, అనుమతులు, లైసెన్సులను ఒకే ఆన్‌లైన్ పోర్టల్ ద్వారా పొందొచ్చు. దీంతో ప్రజలు వేర్వేరు కార్యాలయాలు, వెబ్‌సైట్ల చుట్టూ తిరగాల్సిన అవసరం తగ్గనుంది.

సచివాలయంలో నిలిచిన మంచినీటి సరఫరా
TG· 5 Oct 2026

సచివాలయంలో నిలిచిన మంచినీటి సరఫరా

TG:తెలంగాణ సచివాలయంలో మంచినీటి సమస్య ఏర్పడింది. నీటిని సరఫరా చేసే నాలుగు ప్రైవేట్ ఏజెన్సీలకు సుమారు రూ.50 లక్షల బకాయిలు చెల్లించాల్సి ఉండటంతో, ఏజెన్సీలు నీటి క్యాన్ల సరఫరాను నిలిపివేశాయి. బకాయిలు చెల్లిస్తేనే మళ్లీ నీరు సరఫరా చేస్తామని కాంట్రాక్టర్లు స్పష్టం చేసినట్లు సమాచారం. దీంతో సచివాలయ ఉద్యోగులు, సిబ్బంది, సందర్శకులు నీటి కోసం ఇబ్బందులు ఎదుర్కొంటున్నారు. అధికారులు ఉద్యోగులు తమ వాటర్ బాటిళ్లు తెచ్చుకోవాలని సూచించినట్లు సమాచారం.

గీత కార్మికులకు Safety Kits..
TG· 5 Oct 2026

గీత కార్మికులకు Safety Kits..

TG: రాష్టంలో గీత కార్మికుల భద్రత కోసం ప్రభుత్వం 'కాటమయ్య రక్షణ' కిట్లను పంపిణీ చేస్తోంది. మొదటి విడతలో 50 వేల కిట్లు ఇవ్వాలని లక్ష్యంగా పెట్టుకోగా.. ఇప్పటికే 40 వేల కిట్లు పంపిణీ చేశారు. మిగిలిన 10 వేల కిట్లను ఈ నెలాఖరులోగా అందించనున్నారు. గీత కార్మికులకు కిట్ వాడకంపై ప్రత్యేక శిక్షణ కూడా ఇస్తున్నారు. తొలి విడత పూర్తయ్యాక మరో 20 వేల కిట్ల పంపిణీకి ప్రభుత్వం పర్మిషన్ ఇచ్చింది.

UPI అద్దె చెల్లింపులకు బ్రేక్‌!
TG· 5 Oct 2026

UPI అద్దె చెల్లింపులకు బ్రేక్‌!

TG: హైదరాబాద్‌లో కొన్ని హాస్టళ్లు అద్దెను UPI ద్వారా తీసుకోవడం ఆపి నగదుగా చెల్లించాలని కోరుతున్నాయి. అక్టోబర్‌ 15 నుంచి 2 వేల రూపాయలు దాటిన వ్యాపార UPI చెల్లింపులపై 0.4 శాతం MDR అమల్లోకి రానుండటంతో ఈ నిర్ణయం తీసుకున్నట్లు నిర్వాహకులు చెబుతున్నారు. అయితే ఈ ఛార్జీ వినియోగదారులపై వేయరాదని కేంద్రం స్పష్టం చేసింది. దీని పై మీ కామెంట్ ఏమిటీ ?