TG

TG· 12 Jun 2026

HYDలో టెస్లా కారు తొలి షోరూం

TG: ఎలక్ట్రిక్ కార్ల తయారీ సంస్థ టెస్లా హైదరాబాద్‌లో తొలి షోరూం ఈ నెల 17న ప్రారంభం కానుంది. నగరంలోని ప్రముఖ వాణిజ్య ప్రాంతంలో ఏర్పాటు చేసే ఈ షోరూం ద్వారా టెస్లా తన అత్యాధునిక ఎలక్ట్రిక్ వాహనాలను వినియోగదారులకు అందుబాటులోకి తీసుకురానుంది. టెస్లా కార్లపై ఆసక్తి ఉన్న వినియోగదారులు ప్రత్యక్షంగా వాహనాలను పరిశీలించే అవకాశం పొందనున్నారు. ఈ షోరూం ప్రారంభంతో హైదరాబాద్ ఆటోమొబైల్ రంగంలో మరో కీలక మైలురాయిని చేరుకోనుంది. హైటెక్ సిటీలో ఈ షోరూం ప్రారంభం కానుంది.

TG· 11 Jun 2026

ఫ్యూచర్‌సిటీలో 37 గ్రామాలు విలీనం

TG: రంగారెడ్డి జిల్లా కందుకూరు మండలం మీర్‌ఖాన్‌పేటలో ఫ్యూచర్‌ సిటీ డెవలప్‌మెంట్‌ అథారిటీ (FCDA) భవనాన్ని CM రేవంత్ రెడ్డి ప్రారంభించారు. ఫ్యూచర్‌సిటీలో తమ గ్రామాలను కలపాలంటూ పలువురు ప్లకార్డులు ప్రదర్శించారు. రేవంత్‌రెడ్డి ప్రజల నుంచి వచ్చిన అభ్యర్థనపై సానుకూలంగా స్పందించారు. ప్రజలు రిక్వెస్ట్ చేస్తూ తీసుకొచ్చిన పత్రాలపై సంతకం చేసి 37 గ్రామాలను ఫ్యూచర్‌సిటీలో కలపాలని అధికారులను ఆదేశించారు. మహేశ్వరం మండలంలో 28 గ్రామాలు, కందుకూరులోని 9 గ్రామాలు కలిపి 37 గ్రామాలు ఫ్యూచర్‌సిటీలో భాగం కానున్నాయి.

▶

TG· 11 Jun 2026

20 ఏళ్లుగా ఫీవరే రాలేదు: బండి సంజయ్

కేంద్ర మంత్రి బండి సంజయ్ హైదరాబాద్‌లో జరిగిన ఒక ప్రోగ్రామ్‌లో ఇంట్రెస్టింగ్ కామెంట్స్ చేశారు. PM మోదీ గారిని ఇన్స్పిరేషన్‌గా తీసుకుని తాను లాస్ట్ 20 ఇయర్స్ నుండి అసలు ఫీవర్ లేకుండా హెల్తీగా ఉన్నానని చెప్పారు. కానీ, మొన్న హైదరాబాద్‌లో మిల్క్ తాగిన తర్వాత తనకు ఫీవర్ వచ్చి, మూడు రోజులు బెడ్ మీద ఉండిపోవాల్సి వచ్చిందని అన్నారు. ప్రస్తుతం మార్కెట్లో దొరుకుతున్న కల్తీ పాల గురించే ఆయన ఈ కామెంట్స్ చేసినట్లు సోషల్ మీడియాలో టాక్ నడుస్తోంది.

TG· 11 Jun 2026

మామిడిపండ్లు తిని అక్కాచెల్లెళ్లు మృతి

TG: మామిడిపండ్లు తిన్న తర్వాత అస్వస్థతకు గురై ఆస్పతిపాలైన అక్కాచెల్లెళ్లు చికిత్స పొందుతూ మరణించారు. కర్ణాటకలోని బీదర్‌కు చెందిన వైజినాథ్, ఇందుమతి దంపతులకు మొత్తం నలుగురు కుమార్తెలు. వీరు ఉపాధి కోసం బీదర్ నుంచి హైదరాబాద్‌కు వచ్చారు. నారాయణగూడలోని విఠల్‌‌వాడి ప్రాంతంలో నివాసం ఉంటున్నారు. ఇద్దరు కుమార్తెలు భువనేశ్వరి (17), సంధ్య (10) మామిడి పండ్లను తిని అస్వస్థతకు గురయ్యారు. చికిత్స పొందుతూ మృతి చెందారు.

TG· 11 Jun 2026

హైటెక్ సిటీలో 15ఏకరాల భూమికి కంచె

TG: హైటెక్ సిటీలోని ఖానామెట్ గ్రామంలో అరబిందో టవర్స్ పక్కనున్న 15ఎకరాల ప్రభుత్వ భూమికి హైడ్రా కంచె ఏర్పాటు చేసింది. రంగారెడ్డి జిల్లా శేరిలింగంపల్లి మండలం ఖానామెట్ విలేజ్‌లోని సర్వే నంబర్లు 41/12, 13, 14లో పదిహేను ఎకరాల ప్రభుత్వ భూమి ఉంది. హైకోర్టు ఆదేశాల మేరకు ప్రభుత్వ భూమి సంరక్షణకు చర్యలు చేపట్టినట్లు హైడ్రా కమిషనర్ ఏవీ రంగనాథ్ తెలిపారు. స్థలాన్ని ఖాళీ చేయాలంటూ 2016లో TGIIC ఇచ్చిన నోటీసులను సవాల్ చేస్తూ భూమి తమదేనంటూ ఇట్టినా ప్రాపర్టీస్ సంస్థ న్యాయస్థానాన్ని ఆశ్రయించింది. పిటిషనర్ సమర్పించిన పట్టా పత్రాలు నకిలీవి అని తేలింది.

TG· 10 Jun 2026

దేశంలోనే తెలంగాణ రికార్డు సృష్టించింది: మంత్రి ఉత్తమ్

TG: ధాన్యం సేకరణలో దేశంలోనే తెలంగాణ రికార్డు సృష్టించిందని మినిస్టర్ ఉత్తమ్‌ కుమార్‌ రెడ్డి స్పష్టం చేశారు. రైతులకు ఇబ్బంది లేకుండా 8,575 ధాన్యం కొనుగోలు కేంద్రాల ద్వారా ధాన్యం కొనుగోలు చేశామని తెలిపారు. 65.91 లక్షల ఎకరాల్లో 141 లక్షల మెట్రిక్ టన్నుల వరి పండిందని, 52 లక్షల మెట్రిక్ టన్నులు కొనుగోలు చేయాలని కేంద్రం చెప్పిందని అన్నారు. 75 లక్షల మెట్రిక్ టన్నుల ధాన్యం కొనుగోలు చేశామన్నారు. దేశంలో పండే వరిలో 61 శాతం తెలంగాణలోనే ఉందన్నారు.

▶

TG· 9 Jun 2026

జూన్ 13న స్కూళ్లు క్లీన్ చేయనున్న బీజేపీ నేతలు

TG: కరీంనగర్ పార్లమెంట్ పరిధిలోని ప్రభుత్వ పాఠశాలల బాగు కోసం కేంద్రమంత్రి బండి సంజయ్ కీలక పిలుపునిచ్చారు. 'స్వచ్ఛ పాఠశాల' పేరిట ఈ నెల 11న 'టిఫిన్ బైఠక్', 13న బీజేపీ నేతలు, ప్రజాప్రతినిధులు స్వయంగా క్లాస్ రూమ్‌లను శుభ్రం చేసే కార్యక్రమం చేపట్టనున్నారు. జూన్ 16న గ్రామాలు, పట్టణాల్లో బడిబాట నిర్వహించి, పిల్లలను బడికి పంపేలా తల్లిదండ్రుల్లో చైతన్యం తెస్తామని బండి సంజయ్ తెలిపారు.

TG· 9 Jun 2026

రైతుభరోసా వద్దని రెండునెలలు తిరిగాను: బీ.సుదర్శన్‌రెడ్డి

TG: CM రేవంత్ రెడ్డి కౌలు రైతులకు ఇచ్చిన హామీతో పాటు వరంగల్ డిక్లరేషన్‌ను ఇంప్లిమెంట్ చేయాలని సుప్రీంకోర్టు రిటైర్డ్ జడ్జీ జస్టిస్ బీ.సుదర్శన్ రెడ్డి అన్నారు. హైదరాబాద్‌లో కౌలు రైతుల సమస్యలపై నిర్వహించిన రౌండ్ టేబుల్ సమావేశంలో ఆయన మాట్లాడారు. నాకు సుప్రీంకోర్టు నుంచి పెన్షన్ వస్తుంది. ఇన్‌కమ్ ట్యాక్స్ చెల్లిస్తాను. ఉండటానికి ఇల్లు కూడా ఉంది. అయినా నాకు రైతుభరోసా ఇస్తుంటే దాన్ని వదిలించుకోవడానికి రెండునెలలు అధికారుల చుట్టూ తిరిగానన్నారు. మొత్తానికి రైతుభరోసాను వదిలించుకున్నట్లు చెప్పారు.

TG· 9 Jun 2026

ఎండిపోయిన చెరువులో 5K RUN

TG: చెరువుల పరిరక్షణ, భూగర్భ జలాల పెంపుపై అవేర్నేస్ కల్పించేందుకు ధాత్రి NGO సంస్థ వినూత్న కార్యక్రమం నిర్వహించింది. హైదరాబాద్‌లోని మన్సూరాబాద్‌లో ఎండిపోయిన పెద్దచెరువు అడుగున 5K Run Below The Lake పేరుతో రన్ నిర్వహించి ప్రజలను చైతన్యపరిచారు. చెరువు మధ్యలో నీటి బిందువు ఆకారంలో నిల్చొని "చెరువులను కాపాడుకుందాం-భూగర్భ జలాలను పెంచుకుందాం" అనే సందేశంతో అవగాహన కల్పించారు. ధాత్రి NGO వ్యవస్థాపకులు వెంకట్ మాట్లాడుతూ.. చెరువులు ఎండిపోతే బోర్లు ఎండిపోతాయని, బోర్లు ఎండిపోతే భవిష్యత్ తరాలకే కాదు ప్రస్తుత తరానికే ముప్పు తప్పదన్నారు.

TG· 9 Jun 2026

10 ఏళ్లుగా పెండింగ్ లో తెలంగాణ లిఫ్ట్స్ యాక్ట్ బిల్లు

తెలంగాణ ఏర్పడి పదేళ్లు గడుస్తున్నా ప్రతిపాదిత 'లిఫ్ట్స్ యాక్ట్' బిల్లు ఇంకా చట్టరూపం దాల్చలేదు. రాష్ట్రంలో వరుసగా జరుగుతున్న ప్రమాదాలు, మరణాలు ఈ చట్టం యొక్క అత్యవసర ప్రాధాన్యతను గుర్తు చేస్తు న్నాయి. ప్రస్తుతం ఎలాంటి పర్యవేక్షణ లేకపోవడంతో భద్రతా ప్రమాణాలు లోపించాయి. అపార్ట్‌మెంట్లు, కమర్షియల్ బిల్డింగులలోని లిఫ్టులకు తప్పనిసరి తనిఖీలు, కఠిన నిబంధనలు అమలు చేయాల్సిన అవసరం ఎంతైనా ఉంది. ప్రభుత్వం వచ్చే అసెంబ్లీ సమావేశాల్లోనైనా ఈ బిల్లును ఆమోదించాల్సి ఉంది.

TG· 9 Jun 2026

నిమ్మగడ్డ రమేష్ కుమార్ పై లైంగిక వేధింపుల ఆరోపణలు !

హైదరాబాద్‌లోని 'అడ్మినిస్ట్రేటివ్ స్టాఫ్ కాలేజ్ ఆఫ్ ఇండియా' (ASCI) డైరెక్టర్ జనరల్, రిటైర్డ్ ఐఏఎస్ అధికారి నిమ్మగడ్డ రమేష్ కుమార్ తనపై లైంగిక, వృత్తిపరమైన వేధింపులకు పాల్పడ్డారని ఒక మహిళా ప్రొఫెసర్ జాతీయ మహిళా కమిషన్ (NCW) కు ఫిర్యాదు చేశారు. అయితే, రమేష్ కుమార్ ఈ ఆరోపణలను తీవ్రంగా ఖండించారు. అంతర్గత ఫిర్యాదుల కమిటీ (ICC) విచారణ అనంతరం NCW ఈ కేసును ముగించగా, బాధితురాలు కోర్టు కు వెళ్లనున్నట్లు చెప్పింది.

▶

TG· 9 Jun 2026

‘మీ కాళ్లు మొక్కుతా..,భూముల జోలికి రాకండి’

TG: కొమురం భీమ్ ఆసిఫాబాద్ జిల్లాలో ఉద్రిక్తత నెలకొంది. చింతలమానేపల్లి మండలం దిందాలో రైతులు సాగు చేసుకుంటున్న పోడు భూములను చదును చేసేందుకు అటవీ శాఖ అధికారులు వచ్చారు. తమ భూమి లాక్కోవద్దని, సాగు నాశనం చేయొద్దని రైతులు అధికారులను అడ్డుకున్నారు. రైతులను అదుపులోకి తీసుకుని అటవీ శాఖ కార్యాలయానికి తరలించారు.

TG· 8 Jun 2026

లవ్‌మ్యారేజ్.. జరిమానా చెల్లించలేదని కుల బహిష్కరణ

TG : కామారెడ్డి జిల్లా భిక్కనూరు మండలం రామేశ్వర్‌పల్లికి చెందిన నవీన్ ఓ యువతిని గత ఏడాది లవ్ మ్యారేజ్ చేసుకున్నాడు. హైదరాబాద్‌లోని ECIL ఆర్యసమాజ్‌లో ప్రేమ వివాహం చేసుకున్నాడు. కులపెద్దల అనుమతి లేకుండా చేసుకున్నందుకు రూ.50వేల జరిమానా సంఘానికి చెల్లించాలని సంఘం పెద్దలు తెలిపారు. ఆ మొత్తాన్ని చెల్లించనందుకు తమను కుల బహిష్కరణ చేశారని నవీన్ తల్లిదండ్రులు డొంకెన్ మంజుల, నర్సింలు ప్రజావాణిలో కలెక్టర్‌కు ఫిర్యాదు చేశారు.

TG· 7 Jun 2026

AI వచ్చినా భయం లేదు- రేవంత్

ఏఐ వచ్చినా ఎవరూ భయపడాల్సిన పని లేదంటున్నారు తెలంగాణ సీఎం రేవంత్.. వైట్ కాలర్ జాబ్స్ కు ప్రత్యామ్నాయం బ్లూ కాలర్ జాబ్స్.. దీనికి ప్రత్యామ్నాయం సృష్టించడం ఏఐ తరం కాదు అన్నారు రేవంత్. ఏఐ ఎన్ని అద్భుతాలు చేసినా రాజకీయ నాయకుడిని సృష్టించలేదని కాబట్టి పొలిటీషియన్లకు భయం లేదు. నేటితరం ప్రత్యామ్నాయ టెక్నాలజీ పై దృష్టి పెట్టాలి అని హిందూ పత్రిక ఇండియా కాంక్లేవ్ ది హిందూ హడుల్ 2026 లో ఎడిటర్ ఎన్ . రామ్ కి ఇచ్చిన ఇంటర్వ్యూలో అన్నారు.

TG· 7 Jun 2026

ఏపీతో కాదు.. ప్రపంచంతోనే మా పోటీ- రేవంత్

తెలంగాణకు ప్రపంచంతోనే అసలైన పోటీ.. పొరుగు రాష్ట్రాలు లెక్క కాదు అన్నారు సీఎం రేవంత్ రెడ్డి. చైనా జపాన్.సౌత్ కొరియాలతోనే మాపోటీ అన్నారాయన. తాను 15 ఏళ్ల క్రితమే చైనా విజట్ చేసినట్లు అందుకే తన నినాదం చైనాప్లస్ వన్ అని అన్నారు.చైనా యూజ్ చేసే టెక్నాలజీ తనను బాగా అట్రాక్ట్ చేస్తుందని ఇండియా కాంక్లేవ్ ది హిందూ హడుల్-2026 లో ఆ పత్రిక ఎడిటర్ ఎన్. రామ్ కిచ్చిన ఇంటర్వ్యూలో చెప్పారు.

TG· 7 Jun 2026

రేపు రాత్రి నుంచి చేపమందు పంపిణీ కి సర్వం సిద్ధం

హైదరాబాద్ నాంపల్లి ఎగ్జిబిషన్ గ్రౌండ్స్ ల్ మృగశిర కార్తె సందర్భంగా ఆస్త్మా రోగులకు చేపమందు ప్రసాదం పంపిణీకి అంతా రెడీ అయింది. రేపు రాత్రి 9 గంటలనుంచి మరుసటి రోజు రాత్రి వరకూ ఈ సప్లయ్ కంటిన్యుయస్ గా జరుగుతుంది. 179 ఏళ్ల చరిత్ర కలిగిన ఈ చేపమందు ప్రసాదం కోసం దూధ్ బౌలిలోని సొంతింట్లో బత్తిన సోదరులు ఈ ప్రసాదాన్ని తయారు చేసి పంపిణీ చేస్తారు.

TG· 6 Jun 2026

సెకండ్ ఫ్లోర్ నుంచి కిందపడ్డ లిఫ్ట్.. లిఫ్ట్‌లోనే MLA

TG: మానకొండూరు MLA కవ్వంపల్లి సత్యనారాయణకు పెను ప్రమాదం తప్పింది. మాజీ ఎమ్మెల్యే ఆరెపల్లి మోహన్ బర్త్ డే సందర్భంగా ఆయనకు శుభాకాంక్షలు తెలిపేందుకు కవ్వంపల్లి సత్యనారాయణ వెళ్లారు. వేడుకలు ముగించుకుని భవనంలోని సెకండ్ ఫ్లోర్ నుంచి లిఫ్ట్‌లో కిందకు వస్తుండగా సాంకేతిక లోపం తలెత్తి లిఫ్ట్ ఒక్కసారిగా కిందికి పడిపోయింది. వెంటనే అప్రమత్తమైన సిబ్బంది, అనుచరులు లిఫ్ట్ తలుపులు తెరిచి లోపల ఉన్న ఎమ్మెల్యే కవ్వంపల్లి సత్యనారాయణ, మాజీ ఎమ్మెల్యే ఆరెపల్లి మోహన్‌లను సురక్షితంగా బయటకు తీశారు.

TG· 5 Jun 2026

పవన్ పై నో కామెంట్ అన్న రేవంత్

తెలంగాణ రాజకీయాలపై ఏపీ డిప్యూటీ సీఎం పవన్ కళ్యాణ్ చేసిన వ్యాఖ్యలపై స్పందించేందుకు సీఎం రేవంత్ రెడ్డి ఆసక్తి చూపలేదు. 'పవన్ ప్రశ్నించారు.. మంత్రి పొన్నం ప్రభాకర్ సమాధానం చెప్పారు, ఇక మనకెందుకు శ్రమ' అని దాటవేశారు. ఇదే సమయంలో, కేసీఆరే నీళ్లు అనేది అబద్ధమని.. కేసీఆర్ అంటే సారా, సోడా అంటూ బీఆర్ఎస్ అధినేతపై సీఎం రేవంత్ రెడ్డి తీవ్ర స్థాయిలో సెటైర్లు వేశారు.