ప్రియురాలి హత్య.. ఆపై హీటర్‌తో శవాన్ని కాల్చేశాడు

By Vishi· 5d ago· Ndtv

పెళ్లి చేసుకోవాలని పట్టుబట్టిందనే కోపంతో ఓ వ్యక్తి తన ప్రియురాలను దారుణంగా హత్య చేశాడు. మహారాష్ట్రలోని నాగ్‌పూర్‌కు చెందిన జావేద్‌కు పెళ్లయ్యింది. మరో మహిళతో వివాహేతర సంబంధంలో ఉన్నాడు. భార్యను వదిలేసి తనను పెళ్లి చేసుకోవాలని ఆమె జావేద్‌పై తీవ్రంగా ఒత్తిడి తెచ్చింది. ఈ విషయమై వాళ్ల మధ్య గొడవలు జరుగుతున్నాయి. కోపంతో ఆమెను హత్య చేసిన జావేద్ రూమ్ హీటర్‌ను ఉపయోగించి ఆమె శరీరాన్ని దహనం చేశాడు. పోలీసులు అతణ్ని అదుపులోకి తీసుకున్నారు.

More in National

National· 8m ago

ఆలయ ఆస్తులు దేవుడివే, ప్రభుత్వానివి కావు: సుప్రీంకోర్టు

ఆలయ భూములను ప్రభుత్వ అవసరాల కోసం ఇష్టానుసారంగా తీసుకోలేరని సుప్రీంకోర్టు స్పష్టం చేసింది. తమిళనాడులోని ఈరోడ్ జిల్లాలో ఆలయ భూమికి సంబంధించిన కేసులో భూమిని ప్రభుత్వానికి ఉచితంగా బహుమతిగా బదిలీ చేయడం చట్టవిరుద్ధమని తెలిపింది. ఆలయ భూమిపై నిర్మించిన ప్రభుత్వ కార్యాలయానికి నెలకు ₹31,000 అద్దె చెల్లించాలని, ఆలయానికి ₹1 లక్ష పరిహార ఖర్చులు ఇవ్వాలని ఆదేశించింది. ఆలయ ఆస్తులను కాపాడటం ప్రభుత్వ బాధ్యతే తప్ప, వాటిని సొంతం చేసుకోవడం కాదని తేల్చి చెప్పింది.

National· 49m ago

డెలివరీ బైక్‌‌‌పై వచ్చి.. లాయర్‌ను కాల్చారు.

బెంగుళూరు యశ్వంతపురలోని పట్టందూరు అగ్రహారలో లాయర్ మంజునాథ్ (42) దారుణ హత్యకు గురయ్యారు. స్విగ్గీ డెలివరీ బైక్‌పై వచ్చిన ఇద్దరు వ్యక్తులు ఆయన ఇంటి తలుపు తట్టి, బయటకు వచ్చిన మంజునాథ్‌పై కాల్పులు జరిపారు. తర్వాత అక్కడి నుంచి పరారయ్యారు. తన భూమిలోని షెడ్‌కు మూడు నెలలుగా అద్దె చెల్లించని వ్యక్తితో ఆయనకు గొడవ జరిగినట్లు పోలీసులు తెలిపారు. ఈ గొడవే హత్యకు కారణమా అనే కోణంలో ఎంక్వయిరీ చేస్తున్నారు. నిందితుల కోసం నాలుగు ప్రత్యేక బృందాలు గాలిస్తున్నాయి.

National· 1h ago

యూసుఫ్ పఠాన్‌కు గుజరాత్ సర్కార్ నజరానా

మాజీ క్రికెటర్ యూసుఫ్ పఠాన్‌కు గుజరాత్ ప్రభుత్వం భారీ ఊరట ఇచ్చింది. గతంలో ఆక్రమణ నోటీసులు అందుకున్న 978 చదరపు మీటర్ల వివాదాస్పద స్థలాన్ని ఇప్పుడు ఆయనకు కేటాయించాలని గుజరాత్ ప్రభుత్వం నిర్ణయించింది. ఇందులో 500 చదరపు మీటర్లను ఉచితంగా, మిగిలిన 478 చదరపు మీటర్లను తక్కువ ధరకు ఇవ్వనుంది. TMC పార్టీని వీడిన రెండు నెలలకే ఈ నిర్ణయం వెలువడటం రాజకీయంగా ఆసక్తిగా మారింది.

National· 1h ago

ఆకలితో రెండేళ్ల బాలుడి మృతి

కేరళలోని అలప్పుజా జిల్లాలో విషాద ఘటన జరిగింది. రెండేళ్ల రాహుల్ ఆకలితో, పోషకాహారం లేక చనిపోయినట్లు పోస్టుమార్టం రిపోర్ట్ తెలిపింది. తన తల్లి ఏడో బిడ్డ డెలివరి కోసం హాస్పిటల్‌లో ఉన్న టైంలో రాహుల్ ఇంట్లో చనిపోయాడు. పోలీసులు అనుమానాస్పద మృతిగా కేసు నమోదు చేశారు. రాహుల్ నలుగురు తోబుట్టువులను శిశు సంక్షేమ అధికారులు తమ సంరక్షణలోకి తీసుకున్నారు.