రాయిమామిడి బ్రిడ్జికి ముప్పు.. రాకపోకలకు ప్రమాదం

By Korra Arun Kumar· 1h ago· Alluri Sitharama Raju

అల్లూరి సీతారామరాజు జిల్లా పెదబయలు మండలం గోమంగి పంచాయతీలో రాయిమామిడి నుంచి గుల్లెలు గ్రామానికి వెళ్లే ప్రధాన రహదారిపై ఉన్న మాత్యగడ్డ కాజ్‌వే బ్రిడ్జి ప్రమాదకరంగా మారింది. బ్రిడ్జి ఒకవైపు అంచు కోతకు గురై మట్టి, బండరాళ్లు కొట్టుకుపోయాయి. ఈ మార్గంలో జీపులు, ద్విచక్ర వాహనాలు, పాదచారులు నిత్యం రాకపోకలు సాగిస్తుండటంతో ప్రమాద భయం నెలకొంది. అధికారులు స్పందించి మరమ్మతులు చేపట్టాలని స్థానికులు కోరుతున్నారు.

More in Local

Local· 23m ago

పరకాలలో తాగునీటి కష్టాలు

హనుమకొండ జిల్లా పరకాలలో తాగునీటి కష్టాలు పరకాలలో సద్దుల బతుకమ్మ వేళ 13వ వార్డు ఎస్సీ కొత్తవాడలో మహిళలు తాగునీటి కోసం ఇబ్బందులు పడుతున్నారు. నెల రోజులుగా నల్లాల్లో నీరు రావడం లేదని, బోర్ల వద్దకు వెళ్లి నీరు తెచ్చుకుంటున్నామని వాపోతున్నారు. కౌన్సిలర్, మున్సిపల్ కమిషనర్కు పలుమార్లు ఫిర్యాదు చేసినా స్పందన లేదని ఆరోపిస్తున్నారు. వెంటనే నీటి సమస్యను పరిష్కరించాలని ప్రజలు కోరుతున్నారు.

Local· 25m ago

పూల కోసం వెళ్తే ప్రాణాలు తీసిన చెరువు!

హనుమకొండ జిల్లా కాజీపేట మండలం సోమిడి శివారులోని రేణుక ఎల్లమ్మ చెరువులో కొలిపాక కుమార్ (58) అనే వ్యక్తి నీటమునిగి మృతి చెందాడు. బతుకమ్మ పండుగ కోసం తామర పూలు తెంపేందుకు చెరువులోకి దిగగా, నీటిలోని మొక్కల్లో చిక్కుకుని బయటకు రాలేక ప్రాణాలు కోల్పోయాడు. ఇవాళ ఆయన మృతదేహం నీటిపై తేలడంతో గమనించిన పోలీసులు వెలికితీసి, కేసు నమోదు చేసి దర్యాప్తు చేస్తున్నారు.

Local· 30m ago

పండుగ వేళ గ్రామంలో ప్రత్యేక ఏర్పాట్లు

వికారాబాద్ జిల్లా బషీరాబాద్ మండలం ఇందర్‌చెడ్ గ్రామంలో బతుకమ్మ, దసరా పండుగలను పురస్కరించుకుని సర్పంచ్ కృష్ణ కుమార్ ఆధ్వర్యంలో పారిశుధ్య పనులు చేపట్టారు. గ్రామంలోని విద్యుత్ స్తంభాలకు వీధి దీపాలు ఏర్పాటు చేయడంతో పాటు, వీధుల్లో చెత్తను తొలగించి బ్లీచింగ్ పౌడర్ చల్లించారు. పండుగల వేళ గ్రామాన్ని పరిశుభ్రంగా ఉంచి, ప్రజల ఆరోగ్యానికి ప్రాధాన్యత ఇస్తున్నట్లు సర్పంచ్ తెలిపారు.

Local· 34m ago

బాధితులకు న్యాయం చేయడమే లక్ష్యం: ఎస్పీ

నల్గొండ జిల్లా పోలీస్ కార్యాలయంలో ఈరోజు నిర్వహించిన గ్రీవెన్స్ డేలో ఎస్పీ శరత్ చంద్ర పవార్ 15 మంది బాధితుల నుంచి ఫిర్యాదులు స్వీకరించారు.ఈ సందర్భంగా బాధితులతో మాట్లాడి వారి సమస్యలను అడిగి తెలుసుకున్నారు. ప్రతి ఫిర్యాదును క్షుణ్ణంగా పరిశీలించి, సంబంధిత అధికారులతో సమన్వయం చేసుకుంటూ చట్టపరిధిలో సమస్యలను పరిష్కరించాలని అధికారులకు సూచించారు.