జెడ్పీటీసీ, ఎంపీటీసీ ఎన్నికలకు సర్వం సిద్ధం

By B V Appalanaidu· 1h ago· Alluri Sitharama Raju

అల్లూరి జిల్లాలో ZPTC,MPTC ఎన్నికల నిర్వహణకు ఏర్పాట్లు పూర్తి చేసినట్లు కలెక్టర్ టి. నిషాంతి తెలిపారు. ఈ నెల 21 నుంచి 23 వరకు నామినేషన్లు స్వీకరించనుండగా, 27న ఉపసంహరణకు గడువు ముగుస్తుంది. నవంబర్ 3న పోలింగ్, 5న ఓట్ల లెక్కింపు చేపట్టనున్నారు. జిల్లాలో 11 జెడ్పీటీసీ, 172 ఎంపీటీసీ స్థానాలకు 616 పోలింగ్ కేంద్రాల్లో ఎన్నికలు నిర్వహించనున్నట్లు తెలిపారు.

More in Local

Local· 8m ago

ప్రయాణికులకు అలర్ట్.. పలు రైళ్లు రద్దు

అనకాపల్లి జిల్లా రాయగడ రైల్వే డివిజన్లో కొండచరియలు విరిగిపడటంతో పలు రైళ్ల రాకపోకలకు అంతరాయం ఏర్పడింది. దీంతో రేపటి నుంచి 28 వరకు కొన్ని రైళ్లను రద్దు చేయగా, మరికొన్నింటిని కొరాపుట్ వరకే నడపనున్నారు. విశాఖపట్నం-కిరండూల్ (18515/16) ఎక్స్ప్రెస్ను రద్దు చేశారు. కిరండూల్ – విశాఖపట్నం (58502) ప్యాసింజర్ రైలును కొరాపుట్ వరకే నడపనున్నారు.

Local· 1h ago

వైసీపీ విత్తనమే కాయలు.. టీడీపీ నేత ఫైర్

కడప జిల్లా పులివెందులలో నామినేషన్ల వివాదంపై TDP ఇన్‌చార్జ్ మారెడ్డి రవీంద్రనాథ్ రెడ్డి స్పందించారు. నిన్న TDP కార్యాలయంలో మాట్లాడుతూ.. తమ అభ్యర్థులను నామినేషన్లు వేయకుండా అడ్డుకుంటున్నారని ఎంపీ అవినాష్ రెడ్డి ఆరోపించడంపై విమర్శలు చేశారు. గత వైసీపీ ప్రభుత్వ హయాంలో మున్సిపల్, MPTC,ZPTC, సర్పంచ్ ఎన్నికల్లో టీడీపీ అభ్యర్థుల నామినేషన్ పత్రాలు చింపి, దాడులు చేసిన ఘటనలు గుర్తులేవా? అని ప్రశ్నించారు.

Local· 1h ago

ఆలూరులో టిడిపికి షాక్.. 20 కుటుంబాలు

కర్నూలు జిల్లా దేవనకొండ మండలం గుడిమి రాళ్ళ గ్రామానికి చెందిన పలువురు TDP నాయకులు వైసిపిలో చేరారు. కౌలుంట్ల రంగస్వామి ఆధ్వర్యంలో శేఖర్, దస్తగిరి, మల్లికార్జున టిీడీపీ విడిచి వైసీపీ తీర్థం పుచ్చుకున్నారు. వీరితోపాటు సుమారు 20 కుటుంబాలు వైసిపిలో చేరినట్లు రంగస్వామి తెలిపారు. ఆలూరు ఎమ్మెల్యే విరుపాక్షి వారికి పార్టీకండువాలు కప్పి ఆహ్వానించారు. స్థానిక సంస్థ ఎన్నికల్లో సముచిత స్థానం కల్పిస్తామని ఆయన హామీ ఇచ్చారు.

Local· 1h ago

భవానీ మాలలతో చిన్నారుల భక్తి సందడి

తూర్పు గోదావరి జిల్లా గోకవరం మండలంలో దేవీ నవరాత్రి ఉత్సవాలు భక్తిశ్రద్ధలతో కొనసాగుతున్నాయి. చిన్నారులు భవానీ మాలలు ధరించి అమ్మవారి నామస్మరణతో సందడి చేస్తున్నారు. ‘జై దుర్గ’ అంటూ భక్తి గీతాలు ఆలపిస్తూ ప్రత్యేక పూజల్లో పాల్గొంటున్నారు. చిన్నతనం నుంచే పిల్లల్లో భక్తిభావం పెంపొందించేందుకు ఈ వేడుకలు దోహదపడుతున్నాయని స్థానికులు పేర్కొంటున్నారు.