బతుకమ్మ విగ్రహానికి భూమి పూజ

By Bejjanki· 56m ago· Akkannapeta, Akkannapet, Siddipet

బతుకమ్మ వేడుకలకు సిద్దిపేట జిల్లా అక్కన్నపేట మండల కేంద్రంలో ఏర్పాట్లు మొదలయ్యాయి. చెరువు వద్ద బతుకమ్మ విగ్రహం ఏర్పాటు చేయనున్న ప్రదేశంలో సర్పంచ్ జన్నారపు సంపత్ ఆధ్వర్యంలో భూమిపూజ నిర్వహించారు. శాస్త్రోక్తంగా పూజా కార్యక్రమం పూర్తి చేసిన అనంతరం గ్రామంలో బతుకమ్మ వేడుకలను ఘనంగా నిర్వహించేందుకు చేపట్టాల్సిన ఏర్పాట్లపై చర్చించారు. ఈ సందర్భంగా ఉత్సవాలకు సంబంధించిన ఏర్పాట్లను సమన్వయంతో పూర్తి చేయాలని నిర్ణయించారు. కార్యక్రమంలో పాలకవర్గ సభ్యులు, కులసంఘాల ప్రతినిధులు, గ్రామ పెద్దలు, యువత పాల్గొన్నారు.

More in Local

Local· 2m ago

ములుగులో రోడ్డు ప్రమాదం

ములుగు జిల్లా తాడువాయి మండలం కొండపర్తి క్రాస్ వద్ద గుంటూరు వెళ్తున్న సూపర్ లగ్జరీ బస్సు, 26 మందితో వస్తున్న బొలెరో వాహనాన్ని ఢీకొట్టింది. ప్రమాదంలో గాయపడిన వారిని 108లో ములుగు గవర్నమెంట్ హాస్పిటల్‌కు తరలించారు. గాయపడినవారు మల్లంపల్లి మండలం ముద్దనూరు, సోమ్లా తండాకు చెందినవారు. ఘటనపై స్పందించిన మంత్రి సీతక్క ఆదేశాలతో జిల్లా గ్రంధాలయ చైర్మన్ బానోత్ రవిచందర్ హాస్పిటల్‌కు వెళ్లారు. మెరుగైన వైద్యం కోసం కొందరిని MGMకు తరలించగా, మిగతా వారికి ములుగులోనే ట్రీట్మెంట్ ఇస్తున్నారు.

Local· 4m ago

ప్లాస్టిక్ నిర్మూలనకు భారీ ర్యాలీ

ప్లాస్టిక్ వినియోగాన్ని తగ్గించి పర్యావరణాన్ని కాపాడాలనే సందేశంతో కర్నూలు జిల్లా దేవనకొండలో విద్యార్థులు, అధికారులు అవగాహన ర్యాలీ నిర్వహించారు. స్వచ్ఛతా హీ సేవా–2026లో భాగంగా చేపట్టిన ఈ కార్యక్రమంలో సింగిల్ యూజ్ ప్లాస్టిక్‌కు దూరంగా ఉండాలని ప్రజలకు సూచించారు. ప్లాస్టిక్ బ్యాగులకు బదులుగా జ్యూట్ బ్యాగులను ఉపయోగించాలని అవగాహన కల్పించారు. ర్యాలీలో దేవనకొండ MPDO జ్యోతి, PDO శంకరమ్మ, జూనియర్ కళాశాల, ZPHS విద్యార్థులు, తదితరులు పాల్గొన్నారు.

Local· 14m ago

శ్రీశైలం ఘాట్ రోడ్డుపై ఒక్కసారిగా కొండచరియలు

భారీ వర్షాలకు నంద్యాల జిల్లా శ్రీశైలం సమీపంలోని ఘాట్ రోడ్డుపై కొండచరియలు విరిగిపడ్డాయి. శ్రీశైలం జలాశయం సమీపంలో కొండపై నుంచి బండరాళ్లు ఒక్కసారిగా రోడ్డుపై పడటంతో ప్రయాణికులు ఉలిక్కిపడ్డారు. అయితే ఆ సమయంలో వాహనాలు లేకపోవడంతో పెను ప్రమాదం తప్పింది. గత రెండు రోజులుగా శ్రీశైలం మండలంలో భారీ వర్షాలు కురుస్తుండటంతో బండరాళ్లు జారిపడ్డాయి. కొండచరియలు విరిగిపడే ప్రాంతాల్లో అధికారులు ముందస్తు చర్యలు తీసుకోవాలని వాహనదారులు కోరుతున్నారు.

Local· 14m ago

ఇరువర్గాల ఘర్షణ.. పోలీసుల ఎంట్రీ

భద్రాద్రి కొత్తగూడెం జిల్లా కొత్తగూడెం త్రీటౌన్‌ పోలీస్‌స్టేషన్‌లో ఇరువర్గాల మధ్య ఘర్షణ జరిగింది. వివాహేతర సంబంధం విషయంలో మొదలైన వివాదం తొలుత మాటల మారి, ఆ తర్వాత పరస్పర దాడులకు దారితీసింది. ఒకరిపై ఒకరు దాడులు చేసుకుంటూ ఇరువర్గాలు స్టేషన్‌కు చేరుకోవడంతో కొద్దిసేపు ఉద్రిక్తత నెలకొంది. వినాయక నిమజ్జనలో పోలీసులు ఉండటంతో సిబ్బంది తక్కువగా ఉన్నట్లు సమాచారం. నైట్‌ డ్యూటీలో ఉన్న సిబ్బంది వెంటనే స్పందించి ఇరువర్గాలను చెదరగొట్టారు.