NSUI నిరసనపై వివాదం.. పోలీసుల తీరుపై ఆరోపణలు

By Prashanth· 6d ago· X

‘Vote Chori’కి వ్యతిరేకంగా నిరసన తెలిపిన <a href="https://www.theclearcutnews.com/n/tXxzrr8">NSUI విద్యార్థినుల</a> పట్ల ఢిల్లీ పోలీసులు దురుసుగా ప్రవర్తించారని ఆరోపణలు వస్తున్నాయి. విద్యార్థినుల గొంతు నొక్కడం, ముఖంపై గోళ్లతో గీరడం, బూట్లతో తన్నడం వంటి చర్యలకు పాల్పడ్డారని కాంగ్రెస్ వర్గాలు ఆరోపించాయి. ప్రజాస్వామ్యబద్ధంగా నిరసన తెలిపే హక్కును ప్రశ్నిస్తూ.. మహిళల భద్రత, గౌరవంపై ఆందోళనలు రేకెత్తిస్తోందని పేర్కొంటూ, బాధ్యులను గుర్తించి జవాబుదారీగా వ్యవహరించేలా చర్యలు తీసుకోవాలని NSUI డిమాండ్ చేసింది.

More in National

National· 6m ago

జీవిత ఖైదీల పెరోల్‌పై వివాదం

1998 కోయంబత్తూర్ వరుస బాంబు పేలుళ్ల కేసులో జీవిత ఖైదు అనుభవిస్తున్న ఐదుగురికి తమిళనాడు ప్రభుత్వం 60 రోజుల పెరోల్ ఇచ్చింది. వ్యక్తిగత, ఆరోగ్య సమస్యల కారణంగా ఈ నిర్ణయం తీసుకున్నట్లు అధికారులు తెలిపారు. ఈ పేలుళ్లలో 58 మంది చనిపోగా, 200 మందికి పైగా గాయపడ్డారు. ఐదుగురికి పెరోల్ ఇవ్వడంపై BJP అభ్యంతరం తెలిపింది. విజయ్ నేతృత్వంలోని TVK ప్రభుత్వం ఉగ్రవాదుల పట్ల సాఫ్ట్ సైడ్ చూపుతోందని విమర్శించింది.

National· 33m ago

RSSతో పోరాటమే నాకు ఇష్టం: రాహుల్

RSSపై కాంగ్రెస్ నేత రాహుల్ గాంధీ విమర్శలు చేశారు. RSSలో పురుషులకే ప్రాధాన్యం ఉంటుందని, మహిళలను పురుషుల ఆస్తిగా చూసే ఆలోచనా విధానం ఉందని ఆరోపించారు. తాను ‘శివశక్తి’ని నమ్ముతానని, అందుకే RSS సిద్ధాంతాలపై పోరాడటం తనకు సంతోషాన్నిస్తుందని చెప్పారు. RSSతో సంబంధం ఉన్న కొంత మంది మహిళలు కూడా తనకు మద్దతు ఇవ్వడం ఆనందంగా ఉందని తెలిపారు.

National· 54m ago

3,500 మీటర్ల ఎత్తులో హైకోర్టు

లడఖ్‌లోని లేహ్‌లో దేశంలోనే అత్యంత ఎత్తులో ఉన్న హైకోర్టు బెంచ్‌ను భారత ప్రధాన న్యాయమూర్తి జస్టిస్ సూర్యకాంత్ అక్టోబర్ 18న ప్రారంభించారు. జమ్మూ కశ్మీర్, లడఖ్ హైకోర్టులో భాగంగా ఈ బెంచ్‌ను ఏర్పాటు చేశారు. సముద్ర మట్టానికి సుమారు 3,500 మీటర్ల ఎత్తులో ఇది ఉంది. అక్టోబర్ 21 నుంచి విచారణలు ప్రారంభం కానున్నాయి. దీంతో లడఖ్ ప్రజలు కేసుల కోసం శ్రీనగర్ లేదా జమ్మూకు వెళ్లాల్సిన అవసరం తగ్గనుంది.

National· 1h ago

భారత్‌లో అరాచకం వద్దంటూ లేఖ

భారత్‌లో ప్రజాస్వామ్యంపై ఆందోళన వ్యక్తం చేస్తూ 27 దేశాలకు చెందిన 400 మందికి పైగా భారత సంతతి విద్యార్థులు, పరిశోధకులు, విద్యావేత్తలు ఓ ప్రకటన విడుదల చేశారు. ఎన్నికల ఫలితాలు, కోర్టు తీర్పులపై వివాదాలను ప్రస్తావిస్తూ రాజకీయ విభేదాలను నిరసనల ద్వారా కాకుండా చర్చలతో పరిష్కరించుకోవాలని కోరారు. డాక్టర్ బీఆర్ అంబేడ్కర్ చూపిన రాజ్యాంగ మార్గంలోనే ముందుకు వెళ్లాలని లేఖలో చెప్పుకొచ్చారు.