'రజక యువతతోనే సమాజ అభివృద్ధి సాధ్యం'

By ప్రశాంత్· 1h ago· Siddipet

రజక సమాజాన్ని ఐక్యంగా ముందుకు నడిపిస్తూ, హక్కుల సాధనకు కృషి చేయడమే తెలంగాణ రజక రిజర్వేషన్ సమితి లక్ష్యమని రాష్ట్ర వర్కింగ్ ప్రెసిడెంట్ విజయ్ గణేష్ చిన్నరంగారి తెలిపారు. సిద్దిపేట జిల్లా మద్దూరు మండల యూత్ అధ్యక్షుడిగా పిడిచెట్టి గౌరీషను నియమించారు. జిల్లా అధ్యక్షుడు జంగపల్లి ఐలయ్య, వర్కింగ్ ప్రెసిడెంట్ దీటి రాజు కమిటీ వివరాలు వెల్లడించారు. యువత ఐక్యంగా రజకుల సమస్యల పరిష్కారానికి కృషి చేయాలని పిలుపునిచ్చారు.

More in Local

Local· 50m ago

ఘనంగా నల్లమల్ల మహా బతుకమ్మ వేడుకలు

నాగర్ కర్నూల్ జిల్లా అచ్చంపేటలో శ్రీశైలం – హైదరాబాద్ ప్రధాన రహదారిపై ఉన్న ఐ లవ్ అచ్చంపేట పార్క్ వద్ద ఆదివారం రాత్రి నల్లమల్ల మహా బతుకమ్మ వేడుకలను ఘనంగా నిర్వహించారు.ఈ వేడుకలకు ముఖ్య అతిథిగా అచ్చంపేట ఎమ్మెల్యే డాక్టర్ వంశీకృష్ణ దంపతులు హాజరై బతుకమ్మకు పూజలు చేసి ,నల్లమల్ల మహా బతుకమ్మ ఉత్సవాలను ప్రారంభించారు. ఈ బతుకమ్మ వేడుకల్లో మహిళలంతా పాల్గొని సంబరాలు ఘనంగా నిర్వహించారని ఎమ్మెల్యే తెలిపారు.

Local· 51m ago

ఎన్నికల వేళ.. వాహనాలపై పోలీసుల నిఘా

విజయనగరం జిల్లా రాజాం మండలంలో స్థానిక సంస్థల ఎన్నికల నేపథ్యంలో పోలీసులు ముమ్మర వాహన తనిఖీలు చేపట్టారు. అక్రమ మద్యం, నగదు రవాణాను అడ్డుకునేందుకు తనిఖీలు నిర్వహిస్తున్నట్లు పట్టణ ఇన్‌స్పెక్టర్ డి. నవీన్ కుమార్ తెలిపారు. ఎన్నికలు ముగిసే వరకు తనిఖీలు కొనసాగుతాయని, అక్రమ వస్తువులు పట్టుబడితే చట్టపరమైన చర్యలు తీసుకుంటామని హెచ్చరించారు. అవసరాల కోసం అధిక మొత్తంలో నగదు తీసుకెళ్లేవారు సంబంధిత ఆధారాలను వెంట ఉంచుకోవాలని సూచించారు.

Local· 55m ago

పోలవరంలో నీలిరంగులోకి గోదావరి

ఏలూరు జిల్లా పోలవరం ప్రాజెక్టు వద్ద గోదావరి నది నీటి రంగు రాగి వర్ణం నుంచి ప్రశాంతమైన నీలిరంగులోకి మారింది. ఎగువ ప్రాంతాల్లో వరద ప్రవాహం క్రమంగా తగ్గడం, వరద మట్టి, బురద మేటలు నిలిచిపోవడంతో పాటు సీలేరు ఉపనది నుంచి స్వచ్ఛమైన జలాలు వచ్చి కలవడంతో నీరు నీలిరంగులోకి మారినట్లు అధికారులు తెలిపారు. ఈ సహజ దృగ్విషయాన్ని వీక్షించేందుకు పర్యాటకులు ఆసక్తి చూపుతున్నారు.

Local· 58m ago

ఆత్మకూరు మున్సిపల్ ఆఫీస్ వద్ద ధర్నా

నంద్యాల జిల్లా ఆత్మకూరు మున్సిపల్ కార్యాలయం వద్ద సోమవారం తీవ్ర ఉద్రిక్తత నెలకొంది. వైసీపీ ఛైర్మన్ అభ్యర్థి కుల ధ్రువీకరణ పత్రాన్ని కొందరు చించివేశారని ఆరోపిస్తూ మాజీ ఎమ్మెల్యే శిల్పా చక్రపాణి రెడ్డి ధర్నాకు దిగారు. మున్సిపల్ అధికారుల తీరుపై నిరసన తెలుపుతూ రోడ్డుపై బైఠాయించారు. పోలీసులు అక్కడికి చేరుకుని బందోబస్తు పెంచి పరిస్థితిని అదుపులోకి తెచ్చారు.