జర్నలిస్టులపై దాడులు.. సుప్రీంకోర్టు ఆదేశం

By Krishna· 6d ago· Barandbench

S.I.R వ్యతిరేక ప్రొటెస్టులను కవర్ చేస్తున్న మహిళా జర్నలిస్టులపై ఢిల్లీ పోలీసులు దాడులు చేస్తున్నారనే అంశంపై CJI సూర్యకాంత్ నేతృత్వంలోని బెంచ్ కీలక ఆదేశం జారీచేసింది. మహిళా జర్నలిస్టులపై ఢిల్లీ పోలీసులు లైంగిక వేధింపులు, డిటైన్ చేశారని ఆరోపిస్తూ NWMI పిటిషన్ వేసింది. జర్నలిస్టుల రక్షణకు గైడ్‌లైన్స్, స్వతంత్ర విచారణ కోరింది. దీనిపై వివరణ ఇవ్వడానికి సీనియర్ పోలీసు ఆఫీసర్ హాజరుకావాలని బెంచ్ ఆదేశించింది. అక్టోబర్ 15న దీనిపై విచారించనుంది.

More in National

National· 7m ago

జీవిత ఖైదీల పెరోల్‌పై వివాదం

1998 కోయంబత్తూర్ వరుస బాంబు పేలుళ్ల కేసులో జీవిత ఖైదు అనుభవిస్తున్న ఐదుగురికి తమిళనాడు ప్రభుత్వం 60 రోజుల పెరోల్ ఇచ్చింది. వ్యక్తిగత, ఆరోగ్య సమస్యల కారణంగా ఈ నిర్ణయం తీసుకున్నట్లు అధికారులు తెలిపారు. ఈ పేలుళ్లలో 58 మంది చనిపోగా, 200 మందికి పైగా గాయపడ్డారు. ఐదుగురికి పెరోల్ ఇవ్వడంపై BJP అభ్యంతరం తెలిపింది. విజయ్ నేతృత్వంలోని TVK ప్రభుత్వం ఉగ్రవాదుల పట్ల సాఫ్ట్ సైడ్ చూపుతోందని విమర్శించింది.

National· 33m ago

RSSతో పోరాటమే నాకు ఇష్టం: రాహుల్

RSSపై కాంగ్రెస్ నేత రాహుల్ గాంధీ విమర్శలు చేశారు. RSSలో పురుషులకే ప్రాధాన్యం ఉంటుందని, మహిళలను పురుషుల ఆస్తిగా చూసే ఆలోచనా విధానం ఉందని ఆరోపించారు. తాను ‘శివశక్తి’ని నమ్ముతానని, అందుకే RSS సిద్ధాంతాలపై పోరాడటం తనకు సంతోషాన్నిస్తుందని చెప్పారు. RSSతో సంబంధం ఉన్న కొంత మంది మహిళలు కూడా తనకు మద్దతు ఇవ్వడం ఆనందంగా ఉందని తెలిపారు.

National· 54m ago

3,500 మీటర్ల ఎత్తులో హైకోర్టు

లడఖ్‌లోని లేహ్‌లో దేశంలోనే అత్యంత ఎత్తులో ఉన్న హైకోర్టు బెంచ్‌ను భారత ప్రధాన న్యాయమూర్తి జస్టిస్ సూర్యకాంత్ అక్టోబర్ 18న ప్రారంభించారు. జమ్మూ కశ్మీర్, లడఖ్ హైకోర్టులో భాగంగా ఈ బెంచ్‌ను ఏర్పాటు చేశారు. సముద్ర మట్టానికి సుమారు 3,500 మీటర్ల ఎత్తులో ఇది ఉంది. అక్టోబర్ 21 నుంచి విచారణలు ప్రారంభం కానున్నాయి. దీంతో లడఖ్ ప్రజలు కేసుల కోసం శ్రీనగర్ లేదా జమ్మూకు వెళ్లాల్సిన అవసరం తగ్గనుంది.

National· 1h ago

భారత్‌లో అరాచకం వద్దంటూ లేఖ

భారత్‌లో ప్రజాస్వామ్యంపై ఆందోళన వ్యక్తం చేస్తూ 27 దేశాలకు చెందిన 400 మందికి పైగా భారత సంతతి విద్యార్థులు, పరిశోధకులు, విద్యావేత్తలు ఓ ప్రకటన విడుదల చేశారు. ఎన్నికల ఫలితాలు, కోర్టు తీర్పులపై వివాదాలను ప్రస్తావిస్తూ రాజకీయ విభేదాలను నిరసనల ద్వారా కాకుండా చర్చలతో పరిష్కరించుకోవాలని కోరారు. డాక్టర్ బీఆర్ అంబేడ్కర్ చూపిన రాజ్యాంగ మార్గంలోనే ముందుకు వెళ్లాలని లేఖలో చెప్పుకొచ్చారు.