రూ.2.5 కోట్లతో గిరిజన హాస్టల్ నిర్మాణం మంత్రి శంకుస్థాపన

By Ramesh Kondru· 1h ago· Khammam

ఖమ్మం జిల్లా ఏదులాపురం మున్సిపాలిటీలోని TNGOs కాలనీలో గిరిజన బాలుర పోస్ట్‌మెట్రిక్ హాస్టల్ నిర్మాణానికి మంత్రి పొంగులేటి శ్రీనివాసరెడ్డి సోమవారం రాత్రి శంకుస్థాపన చేశారు. ఈ హాస్టల్‌ను 2.5 కోట్ల రూపాయలతో నిర్మించనున్నారు. త్వరలో బాలికల హాస్టల్ నిర్మాణానికి కూడా శంకుస్థాపన చేస్తామని మంత్రి చెప్పారు. అనంతరం ముత్తగూడెంలో దేవీ నవరాత్రుల సందర్భంగా అన్నదానాన్ని ప్రారంభించి, ప్రజలకు దసరా శుభాకాంక్షలు తెలిపారు.

More in Local

Local· 1m ago

సూరత్‌లో బతుకమ్మ సందడి!

గుజరాత్‌లోని సూరత్‌లో తెలంగాణ వైభవాన్ని చాటుతూ సద్దుల బతుకమ్మ సంబరాలు ఘనంగా జరిగాయి. బాలాజీ నగర్ (GHB) అసోసియేషన్, సిద్ధి వినాయక మందిర కమిటీ, పద్మశాలీ సమాజం, కల్పన ప్రియాంక టౌన్ కైలాస్ నగర్ ఆధ్వర్యంలో ఈ వేడుక నిర్వహించారు. స్థానిక తెలంగాణ మహిళలు రంగురంగుల పూలతో బతుకమ్మలు పేర్చారు. సూరత్‌లో తెలంగాణ సంస్కృతిని చాటుతున్న మహిళలను నిర్వాహకులు అభినందించారు. ఈ ఉత్సవంలో అంబటి పద్మ, వెంకటమ్మ, నిర్మల, సామల ఝాన్సీ, తుమ్మ పుష్పమ్మ పాల్గొన్నారు.

Local· 7m ago

ఆటో ఢీకొని వ్యక్తికి తీవ్ర గాయాలు

విజయనగరం జిల్లా కొత్తవలస సమీపంలో ఆటో ఢీకొని బొంతల అనిల్ కుమార్ తీవ్రంగా గాయపడ్డారు. రేగిడి మండలం లక్ష్మీపురం గ్రామానికి చెందిన అనిల్ కుమార్ పెయింటింగ్ పనులు ముగించుకుని తిరిగి వస్తుండగా ఈ ప్రమాదం జరిగింది. గాయపడిన అతడిని రాజాం ప్రభుత్వ ఆసుపత్రికి తరలించారు. తీవ్ర రక్తస్రావం కావడంతో మెరుగైన ట్రీట్‌మెంట్ కోసం శ్రీకాకుళం రిమ్స్‌కు రిఫర్ చేసినట్లు ఆసుపత్రి వర్గాలు తెలిపాయి.

Local· 8m ago

అరకులోయలో దసరా కళకళ!

అల్లూరి సీతారామరాజు జిల్లా ప్రముఖ పర్యాటక కేంద్రం అరకులోయలో దసరా పండుగ శోభ కళకళలాడుతోంది. దుర్గాపూజ కోసం ప్రజలు పూజా సామాగ్రి, వాహనాలకు కట్టే పూలదండలు, రంగురంగుల దారాల కోసం షాపుల్లో ఎగబడుతున్నారు. ప్రముఖ పర్యాటక కేంద్రం కావడంతో 450 ఆటోలు, 156 ట్యాక్సీలు, వందలాది ద్విచక్ర వాహనాలు ఉండడంతో దుర్గాపూజ ప్రాధాన్యత పెరిగింది. పండుగ సందడితో అరకులోయ రంగుల మయంగా మారింది.

Local· 10m ago

రేపు ఇల్లందులో ఘనంగా దసరా ఉత్సవాలు

భద్రాద్రి కొత్తగూడెం జిల్లా ఇల్లందులో రేపు సాయంత్రం దసరా సెలబ్రేషన్స్ జరగనున్నాయి. కోర్టు ఎదురుగా ఉన్న ఫారెస్ట్ గ్రౌండ్‌లో జరిగే ఈ వేడుకలకు మంత్రి పొంగులేటి శ్రీనివాస్ రెడ్డి ముఖ్య అతిథిగా రానున్నారు. ఎంపీ పోరిక బలరాం నాయక్, ప్రభుత్వ సలహాదారు వేం నరేందర్ రెడ్డి కూడా హాజరుకానున్నారు. జబర్దస్త్ టీమ్‌కు చెందిన వినోద్, అభి, రాజమౌళి కామెడీతో అలరించనున్నారు. పాడుతా తీయగా గాయకుల మ్యూజిక్ ప్రోగ్రామ్, మిమిక్రీ షోలు కూడా ఉండనున్నాయి.