చల్లని నీళ్లు తాగితే జలుబు వస్తుందా?

“చల్లని నీళ్లు తాగొద్దు.. జలుబు వస్తుంది!” చిన్నప్పటి నుంచి ఈ మాట ఎన్నిసార్లు విన్నాం! కానీ నిజంగా చల్లని నీళ్లు తాగితే జలుబు వస్తుందా? అసలు విషయం ఏంటంటే, జలుబుకు కారణం చల్లని నీళ్లు కాదు, వైరస్‌లు. చల్లని నీరు కొంతమందిలో గొంతు లేదా ముక్కులో తాత్కాలిక అసౌకర్యం కలిగించొచ్చు. దాంతో జలుబు వచ్చినట్టుగా అనిపించవచ్చు. పైగా, ఇప్పటికే శరీరంలో వైరస్ ఉంటే అదే సమయంలో లక్షణాలు మొదలవ్వొచ్చు. అందుకే చల్లని నీళ్లు తాగిన వెంటనే జలుబు వచ్చిందంటే.. నీళ్లే కారణమని అనుకోవడం సరైంది కాదు.