విశాఖ స్టీల్ ప్లాంట్‌కు CISF గుడ్‌బై.. కేంద్రం సంచలన నిర్ణయం

By Mahesh· 22 Aug 2026· విశాఖపట్నం

AP: విశాఖపట్నం స్టీల్ ప్లాంట్ విషయంలో కేంద్రం కీలక నిర్ణయం తీసుకుంది. ప్లాంట్ నుంచి CISF సర్వీసుల రద్దుకు ఆదేశించినట్లు తెలుస్తోంది. మొత్తం 1,331 CISF పోస్టులు వెనక్కి తీసుకోనున్నారు. ఇందులో 1,033 సెక్యూరిటీ వింగ్, 298 ఫైర్ వింగ్ పోస్టులు ఉన్నాయి. మూడు నెలల నోటీస్ తర్వాత నవంబర్ 17న పూర్తిగా రద్దు కానుంది. RINL ఇవ్వాల్సిన పెండింగ్ డ్యూస్‌ను కూడా క్లియర్ చేయాలని కేంద్రం ఆదేశించింది. స్టీల్ ప్లాంట్‌కు రక్షణగా ఉన్న CISFను రద్దు చేస్తూ కేంద్రం ఇచ్చిన ఆర్డర్స్ ఇప్పుడు అనేక ప్రశ్నలకు దారితీస్తున్నాయి.

More in AP

AP· 1d ago

‘Gen Z’పై ఫోకస్ చేయండి.. మంత్రులతో చంద్రబాబు

AP: వెలిగొండ, పోలవరం లెఫ్ట్ కెనాల్‌కు నీరు ఇవ్వడంపై CM చంద్రబాబు ఆనందం వ్యక్తం చేశారు. మంత్రి నిమ్మల రామానాయుడు, ఇంజినీరింగ్ అధికారులను అభినందించారు. మంత్రులంతా ప్రజల్లోకి వెళ్లి ప్రభుత్వం చేస్తున్న పనులను వివరించాలని అన్నారు. Gen Z సోషల్ మీడియాలో యాక్టివ్‌గా ఉందని, వారికి మన పనులను రీచ్ చేయాలని చెప్పారు. YSRCP చేస్తున్న ఫేక్ ప్రచారాన్ని గట్టిగా తిప్పికొట్టాలని మంత్రులకు సూచించారు. రాష్ట్రంలో ప్రాజెక్టులు పూర్తిచేసిన క్రెడిట్ కూటమి ప్రభుత్వానిదేనని తెలిపారు.

AP· 1d ago

కొత్త పింఛన్లు, లోకల్ ఎన్నికలపై లోకేశ్ ఫోకస్!

AP: TDP మంత్రులతో మంత్రి నారా లోకేశ్ బ్రేక్‌ఫాస్ట్ మీటింగ్ నిర్వహించారు. కొత్త పింఛన్లు, లోకల్ ఎలక్షన్స్ పై మాట్లాడారు. అర్హులైన వారికి అక్టోబర్ నుంచి ఫేజ్‌ల వారీగా కొత్త పింఛన్లు ఇవ్వాలని మంత్రులతో అన్నారు. పెండింగ్ అప్లికేషన్లను ఫాస్ట్‌గా క్లియర్ చేయాలని చెప్పారు. అక్టోబర్‌లోగా ఎన్నికల ప్రాసెస్ పూర్తి చేస్తామని, వాయిదా ఛాన్స్ లేదని క్లారిటీ ఇచ్చారు. ముందుగా మున్సిపల్, MPTC, ZPTC, చివరగా పంచాయతీ ఎన్నికలు ప్లాన్ చేస్తున్నట్లు తెలిపారు.

AP· 1d ago

IIT, NIT తరహాలో మౌలిక వసతులు: లోకేశ్

AP: రాష్ట్రంలో ఉన్నత విద్యను మరింత బలోపేతం చేసి విద్యార్థులకు మెరుగైన అవకాశాలు కల్పించడమే ప్రభుత్వ లక్ష్యమని మంత్రి నారా లోకేశ్ అన్నారు. పల్నాడు జిల్లా నరసరావుపేట మండలం కాకానిలోని JNTU ఇంజినీరింగ్‌ కళాశాలలో నూతన హాస్టళ్లను ఆయన ప్రారంభించారు. విద్యార్థులతో ముఖాముఖి నిర్వహించి వారి సందేహాలకు సమాధానాలు ఇచ్చారు. IITలు, NITల తరహాలో ఆధునిక మౌలిక వసతులు, ప్రయోగశాలలు, నైపుణ్య కేంద్రాలను అభివృద్ధి చేస్తున్నామని చెప్పారు. పరిశ్రమల అవసరాలకు అనుగుణంగా కరిక్యులమ్‌లో మార్పులు తీసుకురావాల్సిన అవసరం ఉందన్నారు.

AP· 1d ago

ప్రతి ఎకరాకు సాగునీరు.. ఇదే లక్ష్యం: చంద్రబాబు

AP: గోదావరి, కృష్ణా నదులను రాష్ట్రంలోని అన్ని నదులతో అనుసంధానించి ప్రతి ఎకరాకు సాగునీరు అందించడమే తన ప్రధాన లక్ష్యమని CM చంద్రబాబు అన్నారు. అనకాపల్లి జిల్లా పాయకరావుపేట వద్ద పోలవరం ఎడమకాలువ నుంచి గోదావరి జలాలను ఉత్తరాంధ్రకు విడుదల చేశారు. గోదావరి జలాలకు ప్రత్యేక పూజలు నిర్వహించి జలహారతి ఇచ్చిన అనంతరం శిలాఫలకాన్ని ఆవిష్కరించారు. వచ్చే ఏడాది నాటికి గోదావరి జలాలను సింహాద్రి అప్పన్న పాదాల చెంతకు తీసుకువెళ్తామని CM తెలిపారు.