దళితుల జీవితాల బాధలను ‘మూక’ ఆవిష్కరిస్తుంది

By Lokesh· 1h ago· Hyderabad

ఛాయ ప్రచురణలో శరత్ కుమార్ లింగర్ రాసిన ‘మూక’ నవల పరిచయ కార్యక్రమం జరిగింది. ఈ సందర్భంగా కవయిత్రి మెర్సీ మార్గరెట్ మాట్లాడుతూ.. దళితుల జీవితాల్లోని కష్టాలు, బాధలను దళితులు మాత్రమే లోతుగా అనుభవించి రాయగలరన్నారు. కుల వ్యవస్థ వ్యక్తి జీవితాన్ని ఎలా ప్రభావితం చేస్తుందో ‘మూక’లో స్పష్టంగా చూపించారని తెలిపారు. ఆనంద్ ఉన్నత స్థాయికి ఎదిగిన తర్వాత కూడా కులం పేరుతో ఎదుర్కొన్న వేధింపులను నవల వివరిస్తుందన్నారు. వ్యక్తులు కలిసినప్పుడు జరిగే పరిణామాలను కూడా రచయిత ప్రస్తావించారని పేర్కొన్నారు.

More in Current Affairs

Current Affairs· 12m ago

ఊహాశక్తిని అడ్డుకోవడమే సెన్సార్‌షిప్‌

'నిషేధిత పుస్తకాల లైబ్రరీ' పుస్తక ఆవిష్కరణ సందర్భంగా సీనియర్ జర్నలిస్టుకె.శ్రీనివాస్ మాట్లాడుతూ పుస్తకాల ప్రాధాన్యతను వివరించారు. సోవియట్‌ యూనియన్‌ సమాజం, అక్కడి ఆంక్షలు, ప్రచార ప్రభావాన్ని నవల ఆసక్తికరంగా చూపిస్తుందని తెలిపారు. రాజ్యం ప్రజలు ఎలా ఉండాలో చెప్పడం, వారి ఆలోచనలను నియంత్రించడం వంటి అంశాలను ఇందులో చూపించారన్నారు. సెన్సార్‌షిప్‌ ద్వారా ఊహాశక్తిని అడ్డుకునే ప్రయత్నాలను కూడా నవల వివరిస్తుందని చెప్పారు. పాఠకులు, పుస్తకాలకు ప్రాధాన్యత ఇవ్వాలని, ఈ మంచి నవలను అందరూ చదవాలని సూచించారు.

Current Affairs· 14m ago

నిరపరాధులను శిక్షిస్తున్నారు: ప్రకాశ్ రాజ్

ఛాయ ప్రచురణలో జరిగిన పుస్తక విడుదల కార్యక్రమానికి నటుడు ప్రకాశ్ రాజ్ హాజరయ్యారు. ఈ సందర్భంగా ఆయన మాట్లాడుతూ.. తప్పు చేసిన వారిని శిక్షించాలి కానీ, సిస్టమ్‌ను వాడుకుని ఉమర్ ఖలీద్, ప్రశ్న రావణ్ వంటి నిరపరాధులను కూడా టార్గెట్ చేస్తున్నారని కామెంట్ చేశారు. SIR పేరుతో దేశంలో రక్తం చిందని ‘మరణహోమం’ జరుగుతోందని అన్నారు. ప్రపంచవ్యాప్తంగా యుద్ధాలు మనుషుల కోసం కాకుండా ఎకానమీ కోసం జరుగుతున్నాయని క్లారిటీ ఇచ్చారు.

Current Affairs· 5h ago

పిల్లల ఆన్‌లైన్ సేఫ్టీపై సుప్రీం కీలక కామెంట్స్

పిల్లలు సోషల్ మీడియా వాడకంపై సుప్రీంకోర్టు కీలక కామెంట్స్ చేసింది. పిల్లలు డిజిటల్ ప్లాట్‌ఫామ్‌లను ఈజీగా యాక్సెస్ చేస్తుండటంతో.. వారికి సేఫ్టీ గైడ్‌లైన్స్ తప్పనిసరిగా ఉండాలని తెలిపింది. ఆన్‌లైన్ వేధింపుల నుంచి మైనర్లను ఎలా కాపాడతారో చెప్పాలని కేంద్రానికి నోటీసులు ఇచ్చింది. జస్ట్ రైట్స్ ఫర్ చిల్డ్రన్ అలయన్స్ పిటిషన్‌పై విచారణలో ఈ కామెంట్స్ చేసింది. ఆటో కంటెంట్ ఫిల్టర్లు, ఏజ్ వెరిఫికేషన్ ఉండాలని పిటిషనర్లు కోరారు. అల్గారిథమ్స్ పిల్లలకు ఏజ్‌కు మించిన కంటెంట్ చూపిస్తున్నాయని ఆందోళన వ్యక్తం చేశారు.

Current Affairs· 10h ago

కులతత్వం అంతమైతే నో రిజర్వేషన్స్

దేశంలో కులతత్వాన్ని రద్దు చేస్తే తాము రిజర్వేషన్లు వదులుకుంటామని కేంద్రమంత్రి, RPI చీఫ్ రాందాస్ అఠావలె అన్నారు. రిజర్వేషన్లను వ్యతిరేకించడం రాజ్యాంగ విరుద్ధమని, వెనుకబడిన వర్గాల కోసమే వాటిని తెచ్చారని చెప్పారు. అంటరానితనం నిషేధించినా దళితులు, గిరిజనులపై దౌర్జన్యాలు జరుగుతున్నాయని ఆవేదన వ్యక్తం చేశారు. గార్భా నృత్యాల్లోకి ముస్లింలను అనుమతించవద్దన్న VHP పిలుపును తప్పుపట్టారు. రాజ్యాంగం ప్రకారం ఏ మతపరమైన ఈవెంట్స్‌లోనైనా భారతీయులందరూ పాల్గొనవచ్చని తేల్చిచెప్పారు.